وحدت نیوز(اسلام آباد) شہر میں سٹریٹ کرائم میں اضافہ اسلام آباد کو لٹیروں کے رحم وکرم پر چھوڑ دیا گیا۔سیف سٹی کہلانے والے وفاقی دارلحکومت میں دن دھاڑے گن پوائنٹ پر وارداتیں ہو رہی ہیں ہے اور پولیس انتظامیہ کو فوٹو سیشن سے فرصت نہیں، ان خیالات کا اظہار ایم ڈبلیو ایم ضلعی سیکرٹری جنرل انجینئر سید ظہیر عباس نقوی نے میڈیاسیل سے جاری بیان میں کیا ۔

انہوں نے کہا کہ گزشتہ کچھ دنوں سے شہر میں ڈکیٹی اور گاڑی چوری کی وارداتوں میں اضافے نے عوام کو خوف میں مبتلا کردیا ہے شہر کے چوراہوں پر گن پوائنٹ پر وارداتیں ہو رہی ہیں۔قانون نافذ کرنے والے ادارے کہاں ہیں۔ پولیس فورس ان وارداتوں پر قابو پانے میں ناکام نظر آتی ہے۔حال ہی میں یواین نے اسلام آباد کو فیملی سٹیشن کا درجہ دوبار سے دیا ہے اور اسی دوران شہر میں لوگ پیچ بازار چوراہوں میں لٹنے لگے ہیں۔

انہوںنے مزیدکہاکہ وفاقی وزیر داخلہ اورآئی جی اسلام آباد فوری طور پر اس مسئلے کا نوٹس لیں اور شہر میں پولیس کے گشت میں اضافہ سمیت اسنییپ چیکنگ کا سلسلہ تیز کروایا جائے۔ شہرمیں موجود ڈکیٹ اور چوروںکا تعاقب کیا جائے انہیں قانون کے کٹہرے میں لاکر قرار واقعی سزا دلوائی جائے ۔

وحدت نیوز (اسلام آباد) فوکل پرسن برائے مذہبی ہم آہنگی حکومت پنجاب و مرکزی سیکرٹری سیاسیات مجلس وحدت مسلمین پاکستان سید اسد عباس نقوی کا عراقی سفیر کے نام مراسلہ، جس میں انہوں نے پاکستان میں تعینات عراقی سفیر سے یہ استدعا کی ہے کہ وہ حکومت عراق کو یہ گذارش کرے کہ وہ زائرین امام حسین علیہ السلام کے لئے ویزہ پالیسی میں نرمی لائیں۔

انہوں نے مزید کہاکہ جس طرح سے گذشتہ سالوں میں پاکستانی زائرین کے لئے ویزہ پالیسی جس طرح سے پوری دنیا کی جاتی تھی اسی طرح سے امسال بھی یہی طریقہ کار کو اپنایا جائے، ابھی جو نئی ویزا پالیسی آئی ہے، اس کے نتیجے میں ہزاروں زائرین اس مقدس فریضے سے محروم رہیں گے،جہاں پر بہت بڑا مالی نقصان اپنی جگہ پر ہے،لیکن لوگوں کے مذہبی و عقیدتی جذبات مجروح ہونگے،لھذا سفیر محترم سے گذارش ہے کہ وہ اپنی حکومت سے درخواست کرکے ان مسائل کی حل میں اپنا کردار ادا کریں۔

وحدت نیوز(اسلام آباد) مجلس وحدت مسلمین راولپنڈی کے سیکرٹری جنرل علامہ سید اکبر کاظمی نے بابوسر بس حادثے میں حکومت کے ناکافی انتظامات کے خلاف پاکستان انقلاب موومنٹ کے زیر اہتمام احتجاجی مظاہرے میں شرکت کی۔

 انہوں نے خطاب کرتے ہوئے کہا کہ بس حادثے میں قیمتی جانوں کا ضیاع ہوا۔ اس حادثے میں علمائے کرام، فوجی جوانوں اور دیگر زائرین اور مسافر لقمہ اجل بن گئے۔ ایسے نقصانات کا ازالہ کھبی نہیں کیا جاسکتا۔

 انہوں نے خطاب کرتے ہوئے کہا کہ روڈ کی خستہ حالی اور کئی دیگر ناکافی انتظامات ایسے حادثات کا سبب بن رہے ہیں۔ لہذا ضروت اس امر کی ہے کہ بسوں کی باقاعدہ رول کے مطابق چیکنگ، ڈرائیونگ لائنس اور عمر کا خیال رکھنا چاہیئے۔ ایسے علاقے جہاں مشکل اور کھٹن راستوں سے مسافر سفر کرتے ہیں وہاں حکومت کی ذمہ داری ڈبل ہو جاتی ہے کہ وہ بسوں کے باقاعدہ جانچ پڑتال کرائے، مگر افسوس ایسے اقدامات کہیں نظر نہیں آتے جسکی وجہ سے قیمتی جانوں اور مالی نقصانات کا خمیازہ بھگتنا پڑتا ہے۔

انہوں نے پی ائی اے کی جانب سے کرایوں میں بے تحاشہ اضافہ کو بھی تنقید کا نشانہ بناتے ہوئے کہا کہ پسماندہ اور دور دراز علاقے سے اگر مریض اسلام آباد یا راولپنڈی لانا ہو تو کیسے وہ ہوائی سفر کریں۔ انہوں نے حکومت سے مطالبہ کیا کہ بس حادثے محرکات کا تعین کرنے کے لئے انکوئری کی جائے تاکہ ایسے نقصانات کا سدباب ہوسکے۔

وحدت نیوز(کراچی) مجلس وحدت مسلمین کراچی ڈویژن اور خانوادہ شہید کے زیر اہتمام ایم ڈبلیو ایم کراچی ڈویژن کے ڈپٹی سیکریٹری جنرل شہید علامہ دیدار علی جلبانی (رح) اور ان کے جانثار محافظ شہید سرفراز بنگش کی ساتویں برسی کے موقع پر جامع مسجد حسینی (ع) سچل گوٹھ میں مجلس ترحیم منعقد ہوئی، جس میں ایم ڈبلیو ایم کے مرکزی ڈپٹی سیکریٹری جنرل علامہ سید احمد اقبال رضوی، علامہ مختار احمد امامی، صوبائی سیکریٹری جنرل علامہ سید باقر عباس زیدی، ڈویژنل سیکریٹری جنرل علامہ محمد صادق جعفری، علامہ مبشر حسن، علامہ حیات عباس نجفی اور علامہ رجب علی بنگش نے خطاب کیا، مجلس ترحیم میں بڑی تعداد میں مومنین نے شرکت کی اور شہداء کو خراج تحسین پیش کیا۔

 اپنے خطاب میں مقررین نے کہا کہ شہید علامہ دیدار علی جلبانی ایک نڈر اور شجاع عالم دین تھے، استعماری طاقتوں کے ایجنٹوں نے ایک ایسی آواز کو ہم سے چھینا ہے کہ جو امریکہ مخالف اور دنیا بھر کے مظلوموں کی حامی آواز تھی، انشاءاللہ ہم ان کا مشن جاری و ساری رکھیں گے اور ہمیشہ ہر مظلوم کی حمایت کیلئے میدان میں حاضر رہیں گے، شہید علامہ دیدار جلبانی نے اپنی پوری زندگی میں استعماری قوتوں کو انتہائی شجاعت کے ساتھ للکارا اور ان کی سازشوں کو ناکام کرتے ہوئے ہمیشہ اتحاد کا پرچم بلند کیا، شہید جلبانی نے اپنے خون کے ذریعے امت مسلمہ کے اتحاد کی ایک ایسی امید روشن کی ہے کہ جو ہمیشہ ہمارے لئے مشعل راہ ہے۔

وحدت نیوز(پشاور) مجلس وحدت مسلمین خیبر پختونخوا کے سیکرٹری جنرل علامہ سید وحید کاظمی نے صوبائی کابینہ کا اعلان کر دیا اور اراکین کابینہ سے حلف بھی لیا۔ علامہ ارشاد علی اور علامہ جہانزیب جعفری کو ڈپٹی سیکرٹری جنرل کے لئے نامزد کیا گیا، جبکہ علامہ مزمل حسین کو سیکرٹری تبلیغات، حاجی علی داد خان کو سیکرٹری سیاسیات، علی رضا طوری کو سیکرٹری ایمپلائیز ونگ، مولانا مرتضیٰ عابدی کو سیکرٹری تربیت، سید اسرار حسین شاہ کو سیکرٹری تعلیم، جلال حسین طوری کو سیکرٹری یوتھ ونگ، نیئر عباس جعفری کو سیکرٹری عزاداری کی ذمہ داری تفویض کی گئی۔

اس موقع پر صوبائی سیکرٹری علامہ وحید کاظمی نے نو منتحب اراکین کابینہ سے حلف لیا۔ جس کے بعد صوبائی کابینہ کا باقاعدہ اجلاس منعقد ہوا۔ اجلاس میں صوبہ بھر کیلئے تنظیمی لائحہ عمل طے کیا گیا۔ اس موقع پر بلدیاتی الیکشن میں بھرپور کردار ادا کرنے کا بھی فیصلہ کیا گیا۔

وحدت نیوز(اسلام آباد) سربراہ مجلس وحدت مسلمین علامہ راجہ ناصر عباس کے اعلان کے مطابق گٹی داس بابو سرٹاپ بس حادثے کے زخمیوں میں فی کس 50 ہزاروپے تقسیم کر دیئے گئے۔ اس موقع پر علامہ اقبال بہشتی رکن شوری عالی ، مرکزی سیکرٹری تعلیم ایم ڈبلیو ایم نثارفیضی اورمرکزی ڈپٹی میڈیا سیکریٹری مظاہر حسین شگری نے زخمیوں میں رقوم تقسیم کیں ۔

گزشتہ دنوں گٹی داس بابو سرٹاپ بس حادثے میں شدید زخمی ہونے والوں کو سی ایم ایچ راولپنڈی لایا گیا تھا جن کی عیادت کے موقع پر علامہ راجہ ناصر عباس جعفری نے مجلس وحدت مسلمین گلگت بلتستان کے سیکرٹری جنرل علامہ سید علی رضوی کی جانب سے زخمیوں کے لئے فی کس 50 ہزار روپے امداد کا اعلان کیا تھا ۔