وحدت نیوز (کوئٹہ) مجلس وحدت مسلمین پاکستان کے مرکزی ڈپٹی سکرٹری جنرل اور ترجمان علامہ سید حسن ظفر نقوی، مجلس وحدت مسلمین بلوچستان کے رہنماء علامہ سید ہاشم موسوی اور ضلعی سیکرٹری محمد یونس جعفری نے کوئٹہ میں ہزارہ قبائل کے عمائدین سے ملاقات کی۔ اس موقع پر کوئٹہ کے حالات اور ہزارہ اہل تشیع کے مسائل کے حوالے سے تفصیلی گفتگو ہوئی۔
علامہ حسن ظفر نقوی نے کوئٹہ میں گزشتہ دونوں طالبات کی بس اور اسپتال میں ہونے والے دہشتگردی کے واقعات کی شدید الفاظ میں مذمت کی۔ علامہ حسن ظفر نقوی نے اپنے دورے کے دوسرے روز مجلس عزاء سے بھی خطاب کیا۔ جس میں بڑی تعداد میں لوگوں نے شرکت کی۔
