وحدت نیوز(گلگت)معاون خصوصی وزیر اعظم پاکستان برائے فوڈ سکیورٹی جمشید اقبال چیمہ کی گلگت بلتستان آمد کے موقع پر صوبائی وزیر زراعت و رہنما مجلس وحدت مسلمین گلگت بلتستان کاظم میثم نے خیر مقدم کیا۔اس موقع پر صوبائی وزیر زراعت نے معاون خصوصی وزیر اعظم پاکستان برائے فوڈ سکیورٹی شفقت چیمہ کا اپنی مصروفیات میں سے وقت نکال کر گلگت بلتستان آمد پر شکریہ ادا کیا اور وزیر اعظم پاکستان کی زراعت کے حوالے سے خاص دلچسپی بلخصوص گلگت بلتستان میں زراعت و سیاحت پر خصوصی توجہ دینے اور جامع منصوبے پر کام کرنے کے عزم پر انکا شکریہ ادا کیا۔
انہوں نے گلگت بلتستان میں زرعی شعبے میں موجود مسائل یہاں کے پوٹینشلز کے حوالے سے معاون خصوصی وزیر اعظم پاکستان کو تفصیلی بریفننگ دی۔اس موقع پر معاون خصوصی وزیر اعظم پاکستان برائے فوڈ سکیورٹی شفقت چیمہ نے کہا کہ گلگت بلتستان میں زراعت کے حوالے سے بہت سارے مواقع ہے اور انکو بروئے کار لاتے ہوئے نہ صرف گلگت بلتستان بلکہ پورے پاکستان کے زرعی شعبے میں انقلاب لا سکتے ہیں۔انہوں نے مزید کہا کہ وزیر اعظم پاکستان کا زراعت اور سیاحت پر خصوصی توجہ ہے جو کہ ان شعبوں میں بہتری کا سبب بنے گا۔
