وحدت نیوز(سکردو) رہنما مجلس وحدت مسلمین اور صوبائی وزیر زراعت محمد کاظم میثم کا میڈیا کے نمائندوں کے سوال کا جواب دیتے ہوئے کہنا تھا کہ آل پارٹیز کانفرنس میں انکی شرکت حادثاتی تھی اور راہ چلتے منسٹر ورکس کی دعوت پر سٹی ہوٹل پہنچے تو معلوم ہوا حکومت کے خلاف احتجاج کرنے کے لیے انجمن تاجران اور سول سوسائٹی اور دیگر سٹیک ہولڈرز جمع تھے۔ ذرائع کے مطابق صحافیوں نے کاظم میثم پر سوالات کی بوچھاڑ کردئیے۔
انہوں نے ایک ایک سوال کا نہ صرف تسلی بخش جواب دیا بلکہ احتجاج کی کال دینے والوں سے منطقی ردعمل نہ دینے پر افسوس کا اظہار کیا۔ انہوں نے کہا کہ حکومت نے آٹھ مہینے کی مدت پوری کر دی اس مدت میں کارکردگی اگر بہتر نہ ہوتی تو جی بی کی تاریخ میں تین سو پچہتر ارب کا پیکیج نہ آتا۔ کیا اس بات پر احتجاج کریں گے کہ تاریخ ساز پی ایس ڈی پی بنی ہے۔
انہوں نے کہا کہ یہ کہاں کا انصاف ہے کہ بلتستان ریجن میں ہر حلقے میں تاریخی اے ڈے میں سکیمیں ایک ایک ارب سے زائد شامل ہونے پر سکردو میں اے ڈے پی کی عدم مساوات پر احتجاج کیا گیا۔ ہر جماعت کو یہ حق حاصل ہے کہ سیاسی پوائنٹ سکورینگ کے لیے جدوجہد کرکے لیکن پورے گلگت بلتستان کی تعمیر و ترقی کے جاری اقدامات کو سراہیں نہ تو منفی کنٹریبیوشن نہ دیں۔ کسی میں یہ ہمت جرات اور جگر ہے ہی نہیں کہ وہ موجودہ حکومت کا اس بات کا شکریہ ادا کرے کہ جس نے تاریخی روڈ شغرتھنگ جسکی اہمیت کا اندازہ ہر کسی کو ہے پی ایس ڈی پی میں شامل کرایا، پے جو روڈ پانچ ارب کا شامل ہے، پانچ سو بیڈ ہسپتال شامل ہے ہمیں جو ہسپتال ملا ہے اسکی شکل بھی سب کے سامنے ہے اور ہم جو ہسپتال بنانے جا رہے ہیں کسی توفیق نہیں ہوئی ہوگئی اسکی وزٹ کریں اور سراہیں۔ اسی طرح سکردو شہر کا مسئلہ سیوریج کا مسئلہ ہے اسکی کنسٹلٹی کے لیے اسی حکومت نے فرم ہائیر کی ہے۔ غواڑی پاور ہاوس کا ایڈمن اپرول، ہرپو کے پی ڈی کی تعیناتی اور شغرتھنگ پاور ہاوس کے فنڈ مختص ساتھ میں شاتونگ کی پی سی ٹی اسی حکومت کا کارنامہ ہے لوڈشیڈنگ پہ شور شرابہ کرنا آسان ہے لیکن گزشتہ سترہ سالوں میں ایک میگاواٹ بجلی سسٹم میں شامل نہیں ہوسکا۔ ہم سو میگاواٹ سے زیادہ بلتستان میں پاور جنریشن پر کام کر رہے ہیں۔
ان کا کہنا تھا کہ ہم نے بڑے پیمانے پر اور چھوٹے پیمانے پر پاور ہاوسسز کے لیے سکیمیں نہ رکھی ہوں تو ہم مجرم ہے۔ لیکن یہ کہاں کی منطق ہے کہ راتوں رات ہم ہاوس بناکے دینے کا تقاضا کرے۔ ہمیں اجتماعی بلوغت کا مظاہرہ کرنا ہوگا اور ان جاری سکیموں کے جو وقت مختص ہے اسی میں تکمیل کی ڈیمانڈ کرے تو ہم سمجھیں گے کہ درست مطالبہ ہے۔ اور یہ کہ احتجاج کی بار بار بات کی جا رہی تو اس بات پر احتجاج کریں گی تاریخ میں پہلی بار ہسپتال میں ایم آر آئی مشین کیوں لے کے آ رہی ہے، اس بات پہ بھی احتجاج کریں گے کہ درجنوں فلائیٹس کے ساتھ سیاحوں کی بھر مار کیوں کی اور انٹرنیشنل فلائٹس کیوں چلائی جا رہی ہے، کیا اس بات پہ بھی احتجاج کریں گے کہ ڈرنکنگ واٹر سپلائی سکیم کے لیے کروڑوں کی سکمیں کیوں رکھیں۔ کیا اس بات پہ بھی احتجاج کریں گے کہ سکردو کی سڑکیں پیور مشین کے ساتھ معیاری انداز میں کیوں بننے جا رہا ہے۔ پی ایس ڈی پی اور اے ڈی پی میں وزیر اعلیٰ گلگت بلتستان کی خصوصی کاوشوں کے نتیجے میں جو سکمیں شامل ہوگئی ہیں اگر تاریخ میں کسی اور حکومت میں ہوئی ہے تو ہم سیاست چھوڑ کر آئیں گے اور احتجاج کریں گے۔
انہوں نے مزید کہا کہ ہمیں فخر ہے کہ ہم اس حکومت کا حصہ ہے جو تمام شعبوں میں ریفامز لے کے آ رہی جو پرانے نظام کو بھی قانون سازی کے ذریعے بہتر بنا رہی ہے اور ریکارڈ ساز ترقیاقی کام جس تیزی سے کر رہی ہے اسکی گواہ عوام ہے۔ سکردو شہر کی سڑکوں کی تعمیر بروقت تکمیل اور معیاری کام کسی کے پریشر کی وجہ سے نہیں بلکہ ذمہ داری کے ساتھ ہورہی سمجھ کر ہو رہی ہے۔ اگر اپوزیشن پازیٹیو کنٹریبیوشن کرتی ہے تو ہم ویلکم کرتے ہیں اچھی کارکردگی پر وایلا مچانا انصاف نہیں۔ وہ لوگ اپنی ڈیمانڈ کو کیسے منطقی قرار دیں گے جو تین چار ماہ کی حکومت کے وزرا کے خلاف نامناسب نعرے لگائے ۔ ہم عوامی نوعیت کے مسائل حل نہ کرے اور ان پہ اقدامات نہ اٹھائیں تو ہم بھی پانچ سال بعد عوام کے مجرم ہوں گے جس طرح سابقہ حکومتیں ہیں۔
