وحدت نیوز(سکردو) گلگت بلتستان قانون ساز اسمبلی کے انتخابات 2020 کے غیر حتمی غیر سرکاری نتائج کے اعلان کے مطابق مجلس وحدت مسلمین پاکستان کے نامزدامیدوار برائے حلقہ جی بی ایل اے 8 سکردو 2 محمد کاظم میثم کامیاب قرار پاگئے ہیں۔
ایم ڈبلیوایم کے امیدوار محمد کاظم میثم 7988 ووٹ لے کر پہلے نمبر پر آئے۔ پی پی پی کے سید محمد علی شاہ 7012 ووٹ لے کر دوسرے نمبر پر رہے ۔
سربراہ ایم ڈبلیوایم علامہ راجہ ناصرعباس جعفری، ناصرشیرازی، علامہ احمد اقبال رضوی، اسدعباس نقوی، تمام صوبائی سیکریٹری جنرل صاحبان سمیت ملک بھر سے کارکنان اور عہدیداران کی مبارک باد، حلقہ میں کارکنان ، ووٹرز اور سپورٹرز کا شاندار جشن ، صوبائی سیکریٹری جنرل آغا علی رضوی اور محمد کاظم میثم کا شرکاء سے خطاب اور بھرپور اعتماد پر اظہار تشکر۔
