وحدت نیوز(گلگت) مجلس وحدت مسلمین پاکستان کےسربراہ علامہ راجہ ناصرعباس جعفری، ناصر شیرازی، اسدعباس نقوی، آغا سید علی رضوی اور سیاسی شعبےکی بھرپور فعالیت اور کامیاب حکمت عملی کی بدولت مسلسل کامیابیوں کا سلسلہ جاری ہے ، الحمد اللہ نومنتخب وزیر اعلیٰ گلگت بلتستان بیرسٹر خالد خورشید خان کےحلف اٹھانے کے بعد مجلس وحدت مسلمین گلگت بلتستان کے صوبائی ترجمان الیاس صدیقی کی بحیثیت معاون خصوصی وزیر اعلیٰ تقرری کا باقائدہ نوٹیفکیشن جاری ہوگیا ہے ۔
تفصیلات کے مطابق ایم ڈبلیوایم اور پی ٹی آئی کے درمیان انتخابی اتحاد اور صوبائی حکومت کی تشکیل کے ساتھ ساتھ حسب وعدہ پہلے ٹیکنوکریٹ اور خواتین کی ایک ایک مخصوص نشست کی فراہمی کے بعد تحریک انصاف کی حکومت نے ایم ڈبلیوایم کے سینئررہنما،صوبائی ترجمان اور سابق چیئرمین بلدیہ گلگت الیاس صدیقی کی بحیثیت معاون خصوصی وزیراعلیٰ گلگت بلتستان تقرری کا نوٹیفکیشن جاری کردیاہے ۔
واضح رہے کہ پاکستان تحریک انصاف مجلس وحدت مسلمین کے ساتھ گلگت بلتستان میں صوبائی حکومت کی تشکیل میں کامیاب ہوگئی ہے ، اس حوالے سے انتخابات سےقبل ایم ڈبلیوایم اور پی ٹی آئی کے درمیان مرکز کی سطح پر طے شدہ فارمولے کے تحت مخصوص نشستوں کے بعد وزیراعلیٰ کے معاون خصوصی کی تقرری عمل میں آئی ہے ۔
