وحدت نیوز(شگر) مجلس وحدت مسلمین ضلع شگر کا تحریک انصاف ضلع شگر کے نامزد امیدوارجی بی ایل اے 12 شگر 6 راجہ اعظم خان کی مکمل حمایت کا اعلان۔مجلس وحدت مسلمین کی مرکزی ، صوبائی اور ضلعی قیادت کی باہمی مشاورت کے بعد راجہ اعظم خان کی رہائش گاہ پرپرہجوم پریس کانفر نس میں ایم ڈبلیوایم کے مرکزی پولیٹکل سیکریٹری اسدعباس نقوی نے ایم ڈبلیوایم کی جانب سے پی ٹی آئی امیدوار راجہ اعظم خان کی حمایت کا اعلان کیا۔

اس موقع پر ڈپٹی سیکریٹری جنرل مجلس وحدت مسلمین گلگت بلتستان شیخ احمد علی نوری،مرکزی رہنما ایم ڈبلیو ایم شیخ اعجاز بہشتی سمیت مجلس وحدت مسلمین ضلع شگر کابینہ کے ممبران سیکریٹری جنرل مجلس وحدت مسلمین ضلع شگر شیخ اشرف،اخون ظہیر اور شیخ اسماعیل بھی موجود تھے۔

پریس کانفرنس میں ایم ڈبلیوایم کے رہنماؤں نے کہاکہ مرکزی قیادت کی ہدایت کی روشنی میں راجہ اعظم خان سمیت پی ٹی آئی کے تمام نامزد امیدواروں کی کامیابی کیلئے انتخابی مہم میں بھر پور حصہ لینگے۔

 پاکستان تحریک انصاف ضلع شگر کے نامزد امیدوارجی بی ایل اے 12 شگر 6 راجہ اعظم خان نے ایم ڈبلیوایم کی جانب سے مکمل حمایت پر شکریہ ادا کیا اور کہاکہ اس اتحاد سے میری پوزیشن مزید مظبوط ہوئی ہے، کامیابی کی صورت میں ایم ڈبلیوایم کے ساتھ مل کر علاقے کی تعمیر وترقی میں اپنا کردار ادا کروں گا۔