وحدت نیوز(ملتان) مجلس وحدت مسلمین ضلع ملتان کی تنظیم سازی کا عمل جاری ہے، نیو ملتان میں نئے یونٹ کی بنیاد رکھ دی گئی، ثمر عباس جعفری متفقہ طور پر یونٹ صدر نامزد کر دیئے گئے، تفصیل کے مطابق نیو ملتان کے عمائدین کا اجلاس النور اسلامک سنٹر میں منعقد ہوا، اجلاس کی میزبانی مولانا وسیم عباس معصومی نے کی۔

اجلاس میں صوبائی سیکرٹری تربیت علامہ قاضی نادر حسین علوی، صوبائی ڈپٹی سیکرٹری جنرل سلیم عباس صدیقی۔ممبر ضلعی آرگنائزنگ کمیٹی سید وسیم عباس زیدی، ثمر عباس جعفری، عاشق حسین، ڈاکٹر رضوان گردیزی، سید ذیشان حیدر گیلانی، فخر عباس کھوکھر، جہانزیب حیدر، اسد حسین جعفری، ناصر عباس جعفری، سید قیصر عباس، اسد علی، قاضی قیصر محمود، رانا خاور حسین، نسیم عباس اعوان سمیت سید ناصر عباس گردیزی اور دیگر نے شرکت کی۔مولانا وسیم عباس معصومی نے حدیث کساء کی تلاوت کے بعد فضائل و مصائب جناب سیدہ صدیقۃ الکبریٰ بیان کیے۔

علامہ قاضی نادر حسین علوی نے بھی اپنی گفتگو میں جناب سیدہ کے تحفظ نبوت، امامت و ولایت کے حوالے سے کردار کو بیان کیا۔ اجلاس کے اختتام پر متفقہ طور پر ثمر عباس جعفری کو نیو ملتان یونٹ کا نیا سیکرٹری جنرل نامزد کیا گیا، اس موقع پر عاشق حسین کو ڈپٹی سیکرٹری جنرل اور سید ذیشان حیدر گیلانی کو سیکرٹری سیاسیات نامزد کیا گیا جبکہ اجلاس میں چودہ رکنی کابینہ کا بھی اعلان کیا گیا، اس موقع پر علامہ قاضی نادر حسین علوی نے نامزد یونٹ کابینہ سے حلف لیا۔