وحدت نیوز(کنب) مجلس وحدت مسلمین پاکستان کے مرکزی ترجمان علامہ مقصود علی ڈومکی نے ضلع خیرپور کے گوٹھ راجپر پہنچ کر مرحوم عطا محمد راجپر کی وفات پر ان کے لواحقین سے تعزیت اور فاتحہ خوانی کی۔جبکہ انہوں نے گوٹھ بنگل خان چانڈیو پہنچ کر یوسی بافو کے چیئرمین رئیس نثار علی چانڈیو کے فرزند کی شادی کی مبارک باد پیش کی۔

اس موقع پر اصغریہ اسٹوڈنٹس آرگنائزیشن کے کارکنوں سے گفتگو کرتے ہوئے علامہ مقصود علی ڈومکی نے کہا ہے کہ حضرت امام مہدی ع کے عالمی اسلامی انقلاب کی زمینہ سازی کے لئے عالمی انقلابی تحریک وجود میں آچکی ہے جو عالم انسانیت کے لئے حسین مسقبل کی نوید ہے۔ نائب امام کی قیادت میں جو نور کی تجلی انقلاب اسلامی کی صورت میں روشن ہوئی وہ اب عالم کفر و استکبار کے لئے خوف کی علامت بن چکی ہے۔

 انہوں نےکہا کہ امریکہ اور عالمی سامراجی طاقتوں کے بم دھماکے قتل و غارت اور فتنہ انگیزی اھل حق کو جھکانے میں ناکام رہی ہے۔ اب ظالم استکباری طاقتوں کے زوال کا وقت قریب ہے اور مستقبل دنیا کے مظلوموں اور مستضعفین کی عالمی حکومت کی نوید سنا رہا ہے۔انہوں نےکہا کہ ابراہیم زکزاکی صبر و استقامت اور ایثار و قربانی کی علامت بن چکے ہیں۔ وہ حریت پسندوں کے عالمی سطح پر محبوب رہنما ہیں جن سے دنیا بھر میں کروڑوں انسان عشق کی حد تک محبت کرتے ہیں۔ علامہ ابراہیم زکزاکی کی جیل میں صحت کے حوالے سے ہمیں شدید تشویش ہے۔ نائیجیرین حکومت انہیں جلد رہا کرے اور انہیں علاج کی مکمل سہولیات فراہم کرے۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کرونا وائرس سے بچاؤ کے لیے آگہی مہم میں تیزی لانے کی ضرورت پر زور دیتے ہوئے کہا ہے کہ ناگہانی آفات یا کسی بھی سنگین صورتحال سے نمٹنے کے لیے زندہ قومیں بہترین لائحہ عمل طے کرتی ہیں۔خوف و ہراس کی فضا پیدا کرکے عوام کو نفسیاتی عوارض کا شکار کرنا دانشمندانہ عمل نہیں۔

انہوں نے کہا کہ کورنا وائرس صرف پاکستان کا مسئلہ نہیں بلکہ پوری دنیا اس سے متاثر ہے۔تاہم وطن عزیز میں جس خوفناک انداز سے کرونا کی تشہیر کی جا رہی ہے یہ نہ صرف پاکستان کے عوام کی تشویش میں غیر معمولی اضافے کا باعث بن رہی ہے بلکہ دیگر ممالک کو بھی پاکستان سے دور کر دے گی۔انہوں نے کہا معاشی استحکام پائیدار عالمی تعلقات سے مشروط ہے۔ کرونا وائرس پر غیر ضروری آہ بکا ہمیں دنیا بھر میں تنہا کر سکتی ہے۔اس سنگین مسئلے کو سنجیدہ طریقے سے حل کرنا ہو گا۔

انہوں نے کہا کرونا کے پھیلاؤ کی رپورٹس کے بعد نہ صرف طبی اشیاءکی مصنوعی قلت پیدا کی جا رہی ہے بلکہ روزمرہ ضرورت کی عام اشیاءکی عدم دستیابی کی شکایات بھی سننے میں آرہی ہیں۔حکومت کی چاہیے کہ وہ کرونا وائرس سے نمٹنے کے ساتھ ساتھ انتظامی معاملات پر بھی اپنی گرفت ڈھیلی نہ ہونے دے۔ اشیا خورد ونوش کا خود ساختہ بحران حکومت کی بقا کو سنگین خطرات لاحق کر دے گا۔انہوں نے کہا کہ ایران سے تفتان پہنچنے والے زائرین کے حوالے سے حکومتی اقدامات غیراطمینان بخش ہیں۔ تفتان انتظامیہ کا زائرین کے ساتھ مجرموں جیسا سلوک ناقابل برداشت ہے۔قرنطینہ کے باوجود زائرین کو تفتان زبردستی روکا جانا سمجھ سے بالاتر ہے۔

انہوں نے کہا کہ کرونا کا تعلق کسی مذہب یا مسلک سے نہیں۔میڈیا پر کرونا وائرس کو شیعہ زائرین کے ساتھ جوڑ کر یہ تاثر دیا جانا کہ جیسے اس کے پھیلاؤ کا سبب زائرین ہیں ایک نامناسب عمل ہی نہیںقابل مذمت بھی ہے۔پاکستان میں یہ وائرس مختلف ممالک سے آنے والے افراد کے ذریعے آیاہے اور حکومت کے غیر معیاری انتظامات نے اسے پھیلنے کے لیے مواقع فراہم کیے ہیں۔میڈیا پر ایسی خبروں پر پابندی ہونی چاہیے جس کا مقصد عصبیت کا فروغ ہو۔انہوں نے کہا کہ کرونا وائرس پوری قوم کا مسئلہ ہے جس کا پوری قوم نے تدبر و بصیرت کے ساتھ مقابلہ کرنا ہے۔

وحدت نیوز(بہاولپور) مجلس وحدت مسلمین پاکستان کے مرکزی ڈپٹی سیکرٹری جنرل علامہ سید احمد اقبال رضوی نے کہا ہے کہ مشرق وسطیٰ میں ڈکٹیٹروں کی حکومت ہے اور عرب ممالک پر بادشاہ حکومت کر رہے ہیں۔ امام خمینی (رح) نے فرمایا تھا کہ حق مانگنے سے نہیں بلکہ حق چھیننے سے ملتا ہے۔ ان خیالات کا اظہار انہوں نے آئی ایس او بہاولپور ڈویژن کے تنظیمی کنونشن سے خطاب کرتے ہوئے کیا۔

 ان کا کہنا تھا کہ اگر آپ پاکستان میں کامیابی چاہتے ہیں تو رہبر معظم سید علی خامنہ ای کے فرمان پر عمل کرتے ہوئے قیام کریں اور میدان میں حاضر رہنا ہوگا۔ ہمیں خانقاہیت کو ترک کرکے میدان میں نکلنا ہوگا۔ امام خمینی (رح) کے انقلاب کی کامیابی قوم کو میدان میں حاضر رکھنا ہے، حالانکہ امام کے پاس کوئی اسلحہ نہیں تھا۔ لیکن قوم کی آمادگی اُن کی کامیابی کا سبب بنی۔

 اُنہوں نے کہا کہ ہمارا افتخار ہے کہ ہمارے لیڈر سید علی خامنہ ای ہیں۔ پوری دنیا میں ایسا کوئی لیڈر نہیں جو ہمارے عظیم رہنما کے مدمقابل ہو۔ آئی ایس او پاکستان رہبر کبیر امام خمینی، شہید قائد علام عارف حسین الحسینی، ڈاکٹر محمد علی نقوی اور دیگر شہداء کی امانت ہے۔

وحدت نیوز(بھکر) مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی نے وفد کے ہمراہ ضلع بھکر کا دورہ کیا، جہاں پر اُنہوں نے تنظیمی شخصیات سے ملاقات کے علاوہ خصوصی طور پر حال ہی میں رہا ہونے والے امامیہ اسیران سے اُن گھروں پر ملاقات کی، اس موقع پر ایم ڈبلیوایم جنوبی پنجاب کے رہنما علامہ قاضی نادر حسین علوی، صوبائی ترجمان ثقلین نقوی، قائمقام سیکرٹری جنرل بھکر مزمل حسین، ملازم حسین خان اور مصور عباس بھی ہمراہ تھے۔

علامہ اقتدار حسین نقوی نے بستی جھمٹ میں ذوالفقار شہانی سے ملاقات کی جسے 13جولائی 2017ء کو اسلام آباد سے جبری طور پر لاپتہ کیا گیا تھا، اس موقع پر علامہ اقتدار حسین نقوی نے ذوالفقار علی شہانی کو پھولوں کا گلدستہ پیش کیا اور رہائی پر مبارکباد دی، بعدازاں اُنہوں نے تین سال کی اسارت کاٹنے والے مرید عباس یزدانی جنہیں بھکر سے لاپتہ کیا گیا تھا اُن کے گھر پر ملاقات کی اور اُنہیں پھولوں کے دستے کے ساتھ مبارکباد بھی دی۔

علامہ اقتدار حسین نقوی نے کہا کہ بے گناہی کی اسیری کاٹنا آئمہ کی زندگی کا حصہ ہے، ہم کل بھی اس ملک کے وفادار تھے اور آج بھی اس ملک کے وفادار ہیں۔ علامہ اقتدار حسین نقوی نے آخر میں بھکر شہر میں ڈاکٹر احسن سے ملاقات کی جنہیں حال ہی میں طویل جبری گمشدگی کے بعد رہا کیا گیا تھا ان سے ملاقات کی۔ علامہ اقتدار نقوی نے اُنہیں پھولوں کا گلدستہ دیا اور رہائی پر مبارکباد بھی پیش کی۔ واضح رہے کہ بھکر سے لاپتہ ہونے والے ان تینوں افراد کو لگ بھگ تین سال کی جبری گمشدگی کے بعد حال ہی میں رہا کیا گیا۔ 

وحدت نیوز(سکردو) مجلس وحدت مسلمین پا کستان گلگت بلتستان کے سیکرٹری جنرل آغا علی رضوی نے راولپنڈی میں پھنسے ہوئے طلباء کو سکردو پہنچانے کے لیے فوری اقدامات اٹھانے اور ان کی مشکلات کے حل کے لیے کمشنر بلتستان اور ڈپٹی کمشنر سکردو سے ٹیلی فون پہ رابطہ کیا۔

 کمشنر بلتستان اور ڈپٹی کمشنر سکردو نے یقین دہانی کرائی کہ راولپنڈی میں پھنسے ہوئے طلباء اور مسافرین کو سکردو پہنچانے کے فوری اقدامات اٹھائے جائیں گے۔ آغا علی رضوی نے کہا کہ طلباء کو مشکل پیش آنے سے قبل ہی انتظامیہ کو اقدامات اٹھانا چاہیے تھا۔

 انہوں نے کہا کہ طلباء سے مسلسل رابطے میں ہے اور فوری ریلیف ملنی چاہیے۔ کمشنر بلتستان اور ڈپٹی کمشنر کی یقین دہانی پر آغا علی رضوی نے اس امید کا اظہار کیا کہ فوری مسائل کا حل بلتستان انتظامیہ نکالے گی۔

وحدت نیوز(اسلام آباد)مجلس وحدت مسلمین پاکستان کا سالانہ مرکزی تنظیمی اجلاس شوریٰ عمومی ملکی حالات اور کورونا وائرس کے خطرے کے پیش نظر ملتوی کردیا گیا ہے۔

 ایم ڈبلیوایم کے مرکزی سیکریٹریٹ سے جاری اعلامیہ میں مرکزی سیکریٹری امور تنظیم سازی علامہ سید غلام شبیر بخاری نے کہا کہ ایم ڈبلیوایم کا سالانہ مرکزی تنظیمی اجلاس شوریٰ عمومی جوکہ 3یا 5اپریل 2020تک اسلام آباد میں ہونا قرار پایا تھا تاہم ملکی موجودہ صورتحال کے پیش نظر غیر معینہ مدت تک کیلئے ملتوی کردیا گیا ہے ۔

انہوں نے مزید کہا کہ اس اجلاس کی نئی تاریخ کا اعلان جلد کردیا جائے گا، ایم ڈبلیوایم کے تمام صوبائی اور ضلعی عہدیداران اس کو نوٹ کرلیں اور دیگر تنظیمی عہدیداران کو بھی اس حوالے سے آگاہ کردیں ۔

 علامہ شبیر بخاری نے مزید کہاکہ ایم ڈبلیوایم کے سالانہ مرکزی تنظیمی اجلاس شوریٰ عمومی کی منسوخی کا فیصلہ عالمی وباءکورونا وائرس کے خطرات کے پیش نظر قومی مفادمیں کیا گیا ہے کہ تاکہ اس موذی مرض کا مقابلہ باہمی اتحاد ویکجہتی کے ساتھ کیا جاسکے۔خدا وند متعال تمام عالم انسانیت کو اس وبائی مرض سے محفوظ رکھے اور جلد اس کادنیا بھر سے خاتمہ فرمائے ۔

Page 7 of 1480

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree