وحدت نیوز(اسلام آباد) مجلس وحدت مسلمین پاکستان کے ذیلی شعبے خیر العمل ورکنگ اینڈڈیولپمنٹ ٹرسٹ(رجسٹرڈ)کے بورڈ آف گورنرز کا اجلاس علامہ ناصر عباس جعفری کی زیر صدارت اسلام آباد میں منعقد ہوا جس میں اہم فیصلہ جات ہوئے ، جن کے مطابق مرکزی ڈپٹی سیکریٹری جنرل و ترجمان مجلس وحدت مسلمین پاکستان علامہ سید حسن ظفر نقوی کو خیر العمل ورکنگ اینڈڈیولپمنٹ ٹرسٹ کے بورڈ آف گورنرز کا سربراہ مقرر کیا گیا ہے، خیر العمل ورکنگ اینڈڈیولپمنٹ ٹرسٹ کے چیئرمین نثار علی فیضی نے شرکائے اجلاس کو ٹرسٹ کی جانب سے ملک بھر میں جاری فلاحی منصوبوں پر بریفنگ دی، ان کا کہنا تھا کہ سندھ کے ریگزاروں سے لیکر گلگت بلتستان کے پہاڑی دروں تک ٹرسٹ کے مفاد عامہ کے منصوبے جاری ہیں ، جن میں مساجد ، امام بارگاہوں ، مدارس، ڈسپنسریز، ہسپتال اور اسکول شامل ہیں ، اندرون سندھ میں شکارپور، بدین ، ماتلی ، جیکب آباد، پنجاب میں لیہ ، ڈیرہ اسماعیل خان، ڈیرہ غازی خان، چکوال ، سرگودھا، ٹیکسلاسمیت ایبٹ آباد، مانسہرہ اور گلگت بلتستان میں رفاحی منصوبوں پر دن رات کام جاری ہے، جس سے عوام میں مجلس وحدت مسلمین کے لئے اچھے جذبات میں اضافہ ہو رہا ہے، اجلاس سے خطاب کرتے ہوئے مجلس وحدت مسلمین پاکستان کے سربراہ علامہ راجہ ناصر عباس جعفری نے کہا کہ خیر العمل ٹرسٹ کی فعالیت قابل ستائش ہے ، ٹرسٹ کے کاموں اور مخیر حضرات سے روابط کو مذید وسعت دینے کی ضرورت ہے،ٹرسٹ کے جاری منصوبوں میں امدگی اور پختگی کے ذریعے عوام کے مسائل حل کرنے کی ہر ممکن کوشش کرے ،انشاء اللہ بہت جلد ملک بھر میں پینے کے میٹھے اور صاف پانی کے منصوبوں پر کا م کا جلد آغاز کیا جائے گا، واٹر ٹربائن ، ہینڈپمپس، آر او پلانٹس کے ذریعے شہریوں کو پینے کا صاف پانی فراہم کیا جائے گا۔ گلگت بلتستان میں دو کروڑ روپئے کی لاگت سے میٹھے پانی کے میگا پروجیکٹ پر جلد کام شروع کیا جائے گا۔اجلاس میں بورڈآف گورنرز کے رکن علامہ مبارک موسوی، علامہ اعجاز بہشتی، سید مہدی عابدی ودیگر بھی شریک تھے۔

وحدت نیوز(اسلام آباد) مجلس وحدت مسلمین پاکستان کے مرکزی سیکریٹری اطلاعات مہدی عابدی نے کہا ہے کہ حب الوطنی کا پرچار کرنے والی ویب سائٹس اور فیس بک پیجز کی بندش کی مذمت کرتے ہوئے، آزادی اظہار ائے کا احترام کرتے ہوئے انہیں فوری بحال کیا جائے۔ ان خیالات کا اظہار انہوں نے نواز حکومت کی جانب سے ملی وحدت کے علمبردار اور انتہاء پسندی کے خلاف آواز بلند کرنے والے فیس بک پیجز اور ویب سائٹس کی بندش کے خلاف وحدت ہاؤس سے جاری ایک مذمتی بیان میں کیا۔ مہدی عابدی کا کہنا تھا کہ نواز حکومت نے سعودی ایماء پر وطن عزیز کو انتہاء پسندوں کے آگے فروخت کردیا ہے، ملک میں پاک فوج کے جوانوں کے سروں سے فٹ بال کھیلنے والوں کو کھلی چھوٹ حاصل ہے جبکہ وطن دوستی کا پیغام عام کرنے والے فیس بک پیجز what tha sach, taliban are zaliman, laal, roshni, shiitenewstv سمیت شیعہ حقوق کی آواز بلند کرنے والی ویب سائٹ shiitenews.com کو بند کیا جارہا ہے۔

 

مہدی عابدی کا مزید کہنا تھا کہ نواز حکومت نے ڈیڑھ ارب ڈالر سعودی امداد کے نتیجے میں ملک کو تکفیری قوتوں کے حوالے کردیا ہے، وطن عزیز میں پاک فوج کے جوانوں ،رینجرز اور پولیس اہلکاروں سمیت عام افراد کی دہشت گردانہ کاروائیوں میں شہادتیں معمول کی بات ہوگئی ہے، ضرورت اس بات کی ہے کہ تمام وطن دوست قوتوں کو نواز حکومت کی ظالمانہ پالیسیوں کے خلاف اپنے قدم اٹھانے ہونگے تاکہ وطن عزیز کو دہشت گردوں اور ان کے سرپرست شریف برادران سے نجات دلائی جاسکے۔ مہدی عابدی نے مطالبہ کیا کہ وزارت اطلاعات اور PTA فی الفور محب وطن عوام کی ترجمانی کرنے والے فیس بک پیجز اور ویب سائٹس کو بحال کرے۔

وحدت نیوز(اسلام آباد) امام امت بانی انقلاب اسلامی بت شکن زمان حضرت امام خمینی قدس سرہ کی پچیسویں برسی کے موقع پر وحدت ہاوس اسلام آباد سے جاری اپنے پیغام میں مجلس وحدت مسلمین پاکستان کے مرکزی سیکریٹری جنرل علامہ ناصرعباس جعفری نےکہاہے کہ امام خمینی آزادی خواہوں کی امیدوں کا مرکزتھے، دنیا بھر مستضعفین ومحرومین امام خمینی کو اپنے دردوں کا مداوا سمجھتے تھے، انقلاب اسلامی کی کامیابی امام خمینی کی غدیر و عاشورا پر کامل ایمان کا نتیجہ تھا ، ان کا مذید کہنا تھا کہ عالم غربت میں پر وان چڑھنے والا ایک فقیہ دنیا بھر کے مظلوموں کی آواز بن گیا، گذرتے وقت کے ساتھ ساتھ تمام استکباری قوتوں کے مکروہ چہروں سے نقابیں نوچنا امام خمینی کا عظیم کارنامہ تھا، وحدت اسلامی کے فلسفے کو موجودہ معاشرے میں عملی شکل دینے میں امام خمینی نے کلیدی کردار ادا کیا،قبلہ اول پر غاصب صیہونی قبضے کے خلاف امام خمینی کا نقطہ نظر آج پورا عالم بشریت تسلیم کرتا ہے، امام خمینی نے اسلامی تعلیمات کی روشنی میں کامل اسلامی نظام سیاست و حکومت دنیا کے سامنے پیش کیا جو آج بھی دنیائے اسلام کے لئے نمونہ عمل ہے اور امام سید علی خامنہ ای امام خمینی کے افکار و نظریات کی روشنی میں دنیا بھر کے مظلوموں اور محروموں کو مکمل رہنمائی فراہم کررہے ہیں ۔

وحدت نیوز(ملتان) مجلس وحدت مسلمین پاکستان کےذیلی شعبے وحدت یوتھ پاکستان کے زیراہتمام یوم عشق امام حسین علیہ السلام مرکزی سیکرٹریٹ وحدت یوتھ ملتان میں منایا گیا۔ تقریب کی صدارت مرکزی چیئرمین وحدت یوتھ سید فضل عباس نقوی نے کی جبکہ تقریب کے مہمان خصوصی مجلس وحدت مسلمین پاکستان کے مرکزی رہنما علامہ اعجاز حسین بہشتی تھے۔ اس موقع پر یوتھ کی ایک بڑی تعداد موجود تھی۔ تقریب سے شعرائے کرام اور منقبت خواں حضرات نے بارگاہ سید الشہداء میں نذرانہ عقیدت پیش کیا۔ یوم عشق حسین (ع)سے مرکزی خطاب کرتے ہوئے علامہ اعجاز حسین بہشتی کا کہنا تھا کہ آج اپنے امام کے ساتھ حقیقی عشق کی ضرورت ہے۔ اگر ہم اپنے آپ کو کربلائی کہتے ہیں تو کربلا والوں کے نقش قدم پر چلنا ہوگا۔ کربلائی بننے کے لیے کربلا والوں کی سیرت پر عمل پیرا ہونا پڑے گا۔ آج ہمیں کربلا میں موجود جانثاروں کے عشق سے اپنے آپ کو سرشار کرنا ہوگا تا کہ ہم بھی اپنے امام علیہ السلام کے سامنے سرخرو ہوسکیں۔

وحدت نیوز(اسلام آباد) جشن ولادت باسعادت سید الشہداء امام حسین علیہ السلام اورعلمدار کربلا حضرت ابوالفضل العباس علیہ السلام کے پرمسرت موقع پر عالم اسلام کے نام اپنے پیغام میں مجلس وحدت مسلمین پاکستان کے سربراہ علامہ راجہ ناصرعباس جعفری نے کہا کہ ماہ شعبان ماہ نزول ِ نعمات الہٰی ہے، خدا کی محبوب اور دلربا ہستیاں اسی ماہ میں عالم بشریت کی ہدایت کے لئے بھیجی گئیں ،ہدایت اور رہنمائی کے تمام چراغ خداوند معتال نے انہیں مقدس ایام میں روشن کیئے، امام حسین ع نہ فقط کسی خاص مسلک میں محترم ہیں بلکہ دنیا بھر کے آزادی خواہوں کے امام و پیشوا ہیں، عالم انسانیت حق وباطل میں تمیز کاپیمانہ حسین ابن علی ع کی ذات اقدس کو قرار دیتے ہیں، شیعہ ہوں یا سنی عیسائی ہوں یا ہندواما م حسین ع کی بارگاہ سے سب فیضِ الہٰی حاصل کرتے ہیں ، چودہ سو برس بعد بھی روضہ حسین ع عالم بشریت کی صراط مستقیم کی جانب رہنمائی فرمارہا ہے۔

 

انہوں نے علمدار با وفا سقائے سکینہ حضرت ابولفضل العباس علیہ السلام کو پیکر عزم ووفا قرار دیتے ہوئے کہا کہ تاریخ اسلام و انسانیت میں ولایت کی پیروی اوراتبا ع میں اگر کوئی فقیہ کامل نظر آتا ہے تو وہ عباس ابن علی ع ہے، ایک ایسا جری جس کا اٹھنا بیٹھنا کھانا پینا غرض سو نا اور جاگنافقط اور فقط مرضی الہٰی اور خوشنودی امامت کے لئے ہو ایسا پیرو ولایت تاریخ اسلام میں نہیں گزرا، آج ہماری ملت کے جوانوں ، بزرگوں ، علماءغرض تمام طبقات سے تعلق رکھنے والے افراد کو سیرت ابوالفضل ع کا عکاس بننا ہو گا۔

وحدت نیوز(کراچی) مجلس وحدت مسلمین پاکستان کے مرکزی رہنما علامہ احمد اقبال رضوی نے کہا ہے کہ سندھ حکومت کالعدم تنظیموں کے خلاف کریک ڈاؤن کرے، نواز لیگی حکومت ملک گیر فوجی آپریشن کا حکم دے۔ ان خیالات کا اظہار انہوں نے کراچی کے کیتھولک گراؤنڈ میں علامہ اعجاز بہشتی، علامہ علی انور جعفری، علی حسین نقوی اور علامہ مبشر حسن کے ہمراہ مشترکہ پریس کانفرنس سے خطاب کرتے ہوئے کیا۔ انہوں نے کہا کہ ملک بھر اور خاص طور پر کراچی میں جاری اہل تشیع کی نسل کشی نے غمزدہ کر دیا ہے، شہداء کے ورثاء ہماری جانب امید افزا نظروں سے دیکھتے ہیں, اس لئے مجلس وحدت مسلمین کے مرکزی سیکرٹری جنرل علامہ ناصر عباس جعفری کے اعلان کے مطابق شیعہ نسل کشی کے خلاف اتوار یکم جون کو سندھ کے وزیراعلٰی قائم علی شاہ کی سندھ حکومت کے خلاف احتجاج کیا جائے گا، اس احتجاج کا آغاز نمائش چورنگی سے ریلی کی شکل میں کیا جائے گا، جہاں سے ریلی سی ایم ہاؤس تک جائے گی اور وزیراعلٰی ہاؤس کے سامنے دھرنا دیا جائیگا، عوام ریلی اور دھرنے میں بھرپور شرکت کریں گے۔

 

علامہ احمد اقبال رضوی نے کہا ہے کہ نام نہاد ٹارگٹڈ آپریشن کے 9 مہینوں میں بھی کراچی میں ناامنی کا راج رہا، دہشت گرد، ٹارگٹ کلرز، جرائم پیشہ افراد اور خاص طور پر کالعدم یزیدی تکفیری دہشت گرد ٹولے بے جرم و خطا پاکستانی شہریوں کا قتل عام کرتے رہے، آپریشن تو ان کو ٹارگٹ کرنے میں مکمل ناکام رہا لیکن وہ چن چن کر شیعہ مسلمانوں کو ٹارگٹ کرتے رہے اور تاحال کر رہے ہیں۔ آپریشن کو تقریباً 9 ماہ ہونے کو آئے ہیں، آج تک 120 سے زائد شیعہ مسلمان ہدف بنا کر شہید کئے جاچکے ہیں۔ ان شہداء میں شیعہ علماء و ذاکرین، ڈاکٹرز، انجینیئرز، وکلاء، سرکاری افسران، معلمین اور دکانداروں سمیت تاجر بھی شامل ہیں، خاص طور سے کاروباری حضرات اب کالعدم یزیدی تکفیری دہشت گرد ٹولوں کا نیا ہدف ہیں، یہ رجحان پاکستان کی اقتصادی شہہ رگ کراچی کے کئی خاندانوں کی اقتصادی نسل کشی کے بھی مترادف ہے۔

 

انہوں نے مزید کہا کہ مجلس وحدت مسلمین کی قیادت یہ سمجھتی ہے کہ ذاتی مفادات کی خاطر ملک اور انسانیت دشمنوں کی سرپرستی کرنے کی جو مذموم پالیسی حکمرانوں نے اختیار کر رکھی ہے، اس سے ملکی سالمیت اور سلامتی داؤ پر لگ چکی ہے، سندھ حکومت کا سربراہ ایک نااہل شخص ہے اور بدقسمتی سے وہی نااہل شخص ہی وزیر داخلہ بھی ہے، ہمارا مطالبہ یہ ہے کہ وفاقی اور صوبائی حکومتیں اپنی اس روش کو ترک کریں، جس کے تحت دہشت گردوں کو قوت اور طاقت مل رہی ہے، وہ کالعدم یزیدی تکفیری دہشت گرد گروہوں کے خلاف کارروائی کریں اور انہیں کسی بھی بہانے سے اجتماع کرنے کی اجازت نہ دیں۔

 

ان کا کہنا تھا کہ پی پی پی کے قائدین آصف زرداری اور بلاول بھٹو زرداری سن لیں کہ اگر شیعہ نسل کشی نہ رکی اور ٹارگٹ کلنگ کا سلسلہ یونہی جاری رہا تو یہ احتجاج نوابشاہ کے زرداری ہاؤس، لاڑکانہ میں نوڈیرو ہاؤس اور کراچی میں بلاول ہاؤس کے سامنے ہوگا، دہشت گردی کے خلاف پارٹی منشور میں لکھ دینا کافی نہیں ہوتا بلکہ منشور پر عمل کرنا ہی ایک واقعی عوامی پارٹی کا کارنامہ ہوتا ہے، جھوٹے وعدوں سے عوام کو بہلانے والے سن لیں کہ عوام کے پاس متبادل آپشنز موجود ہیں اور وہ آپ کی حکومت کا دھڑن تختہ کرنے کی اہلیت رکھتے ہیں، بہتر ہوگا کہ آئینی ذمہ داریاں انجام دیتے ہوئے عوام کا تحفظ کریں، ورنہ ناکامی قبول کرتے ہوئے حکومت سے دستبرداہوجائیں ۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree