وحدت نیوز(کراچی) مختلف مکاتب فکر کے علمائے کرام و عمائدین کے اعلیٰ سطحی وفد نے کیبل آپریٹر ایسوسی ایشن (رجسٹرڈ) کے چیئرمین اور مرکزی صدر سے ملاقات کی ہے ، ملاقات میں مختلف مکاتب فکرکے علمائے کرام اور عمائدین میں مجلس وحدت مسلمین پاکستان صوبہ سندھ کے سیکرٹری جنرل مولانا مختار امامی، سید علی حسین نقوی، عالم کربلائی،آصف صفوی ، مولانا نشان حیدر،جعفریہ الائنس پاکستان کے مرکزی سینئر نائب صدر مولانا محمد حسین مسعودی ، سنی تحریک کے مرکزی رہنما مطلوب اعوان، مرکزی تنظیم عزاء کے صدر سلمان مجتبیٰ نقوی ، پاکستان عوامی تحریک کے رہنما قیصر اقبال قادری، ذاکرین امامیہ کے صدر علامہ نثار قلندری،آئی ایس او کے رہنما قاسم نقوی، امامیہ آرگنائزیشن کے رہنما رضا جعفری، مرکزی جماعت اہلسنت کے صدر مولا عبد الغفار سومرو سمیت افتخار مہدی، اور دیگر شریک تھے جبکہ کیبل آپریٹر ز ایسوسی ایشن (رجسٹرڈ) کی جانب سے چیئرمین غفران مجتبیٰ، مرکزی صدر کیپٹن (ر) جبار احمد خان سمیت ملک عارف اور دیگر بھی موجود تھے۔

 

اجلاس میں مختلف مسالک سے تعلق رکھنے والے مکاتب فکر کے علمائے کرام اور عمائدین نے مشترکہ طور پر کیبل آپریٹر ایسوسی ایشن (رجسٹرڈ) کے مرکزی صدر اور چیئرمین سے مطالبہ کیا کہ جیو اور جنگ گروپ کی جانب سے کی جانے والی توہین اہلبیت علیہم السلام پر جیو کو فی الفو ملک بھر میں بند کر دیا جائے، ان کاکہنا تھا کہ جیو ٹی وی کی جانب سے آل رسول اکرم (ص) کی شان میں کی جانے والی گستاخی نا قابل معافی ہے اور پوری قوم سمیت دنیا بھر میں بسنے والے ڈیڑھ ارب مسلمانوں کے جذبات کو مجروح کیا گیا ہے تاہم قوم جیو ٹی وی کو کبھی معاف نہیں کرے گی۔

 

مختلف مکاتب فکر کے علمائے کرام اور عمائدین کاکہنا تھا کہ پیمرا کو چاہئیے کہ جیو ٹی وی کے خلاف سخت کاروائی عمل میں لائی جائے ، انہوں نے مزید کہا کہ وزارات نشریات و اطلاعات سمیت وزارت مذہبی امور نیاس معاملے پر کسی قسم کا کردار ادا نہیں کیا جو حکومت کی بے حسی کا منہ بولتا ثبوت ہے انہوں نے حکومت سے مطالبہ کیا کہ پیمرا کے ذریعے فی الفور توہین اہلبیت علیہم السلام کے خلاف سخت نوٹس لیا جائے اور عوام کی امنگوں کی ترجمانی کرتے ہوئے جیو ٹی وی کی نشریات کو فی الفور بند کر دیا جائے۔تنظیموں کے وفد کاکہنا تھا کہ ایک ایسا ضابطہ اخلاق متعارف کروایا جانا چاہئیے کہ کس بھی ٹی وی چینل کو ایسی غلطیوں پر سخت سے سخت سزا دی جانی چاہئیے انہوں نے واضح کیاکہ ہم کسی سے زاتی دشمنی نہیں رکھتے تاہم کوئی بھی شعائر اللہ کی توہین کرے گا تو ہم خاموش نہی رہین گے اور جرم کے مرتکب ٹی وی چینلز کو سزا دی جانی چاہئیے، انہوں نے مطالبہ کیا کہ جیو ٹی وی کو عبرت ناک سزا دی جائے تا کہ دوسروں کو بھی نصیحت حاصل ہو سکے۔

 

مختلف مکاتب فکر کے علماء کرام اور عمائدین سے گفتگو کرتے ہوئے کیبل آپریٹر ایسوسی ایشن کے مرکزی صدر کیپٹن (ر) جبار احمد خان نے کہا کہ کیبل آپریٹر پوری قوم کی طرح اس دکھ میں برابر کے شریک ہیں اور ہم یہ اعلان کرتے ہیں کہ اگر پیمرا نے جیو ٹی وی کی توہین اہل بیت علیہم السلا والے مسئلے پر سنجیدہ کاروائی انجام نہ دی تو کیبل آپریٹر ملک بھر میں جیو ٹی وی کا بلیک آؤٹ کرنے کا حق رکھتے ہیں، انہوں نے علمائے کرام اور عمائدین کو وفد کو یقین دہانی دلواتے ہوئے کہا کہ کیبل آپریٹر پوری قوم کے ساتھ ہیں اور کسی قسم کی نا انصافی کو برداشت نہیں کریں گے،انہوں نے پیمرا کو وارننگ جاری کرتے ہوئے کہا کہ پیمرا نے فی الفور کاروائی انجام نہ دی تو کیبل آپریٹر جیو ٹی وی کی نشریات کو فی الفور ملک بھر میں بند کر دیں گے۔

 

پریس کانفرنس میں جیو ٹی وی کے رپوٹر کے جواب میں علامہ مختار امامی کہنا تھا کے اگر غلطی انفرادی ہوتی تو معاف کردی جاتی لیکن اس معاملے سے دنیا بھر کے مسلمانوں کی جو دل آذاری ہوئی ہے وہ ناقابل معافی ہے اور ہم ہر اُس پرنٹ و الیکٹرونک میڈیا کی مذمت کرتے ہیں جن سے یہ کام ہوا ۔

 

ایک سوال کے جواب میں مجلس و حدت مسلمین کے رہنماء علی حسین نقوی نے کہا کے بات غلطی کی نہیں ہے امت مسلمہ کی نظر میں یہ غلطی نہیں گناہ کبیرہ ہے کیوں کے اس پروگرام میں آل رسول ﷺ اور اصحابہ کرام کی شان میں گستاخی کی گئی ہے اور گزشتہ کئی سالوں سے جنگ اور جیو ٹی وی اس قسم کی حرکات متاواتر کر تے رہے ہیں ، بلخوص محرم الحرام کے ایام میں مذہبی اشو زپر فرقہ واریت پھلائی جاتی رہی ہی اور روزنامہ جنگ میں اشتہارات میں علیہ السلام لگانے کی پابندی بھی لگی ہوئی ہے جس سے ملت اسلامیہ کے جذبات مجروع ہوتے ہیں ۔

وحدت نیوز(اسکردو) مجلس وحدت مسلمین پاکستان کے زیر اہتمام استحکام پاکستان وبیداری امت کانفرنس آج بروز اتوارسکردو میں ہوگی۔ جس سے مجلس وحدت مسلمین کے سیکریٹری جنرل علامہ راجہ ناصرعباس، سنی اتحاد کونسل کے سربراہ صاحبزادہ حامد رضا،سید فرحت حسین شاہ مرکزی رہنما منہاج القرآن ،فیصل رضا عابدی، علامہ امین شہیدی، علامہ حسن ظفرنقوی مرکزی ترجمان مجلس وحدت مسلمین،ناصر عباس شیرازی سیکریٹری سیاسیات، آغا راحت حسین الحسینی، عوامی ایکشن کمیٹی کے قائدین اور سیاسی شخصیات خطا ب کرینگی۔کانفرنس میں شرکت کرنے کے لئے ملک بھر اور خصوصا گلگت بلتستان سے قافلے پہنچناشروع ہوگئے ہیں۔ استحکام پاکستان کانفرنس کے حوالے سے گزشتہ روزسکردو میں موٹرسائیکل ریلی بھی نکالی گئی۔ ریلی مرکزی بازار سے یادگارچوک تک نکالی گئی جس میں وحدت یوتھ کے کارکنوں نے بڑی تعداد میں شرکت کی۔مجلس وحدت مسلمین بلتستان کے سیکریٹری جنرل علامہ آغا علی رضوی نے خطاب کرتے ہوئے کہا کہ وحدت مسلمین کی کانفرنس ملک سے دہشتگردی کے خاتمے اورانتخابات میں دھاندلی کے خلاف عوامی ریفرنڈم ثابت ہوگی۔ اجتماع کے انعقاد کی تمام تر تیاریاں مکمل کر لی گئیں ہیں ۔

وحدت نیوز(اسکردو) مجلس وحدت مسلمین پاکستان کے ڈپٹی سیکرٹری جنرل علامہ محمد امین شہیدی اور مرکزی سیکرٹری سیاسیات ناصر عباس شیرازی اسکردو میں  منعقد ہونے والی "بیداری ملت و استحکام پاکستان کانفرنس" میں  شرکت کے اسکردو پہنچ گئے ہیں۔ تفصیلات کے مطابق دونوں مرکزی رہنما ایم ڈبلیوایم پاکستان بلتستان ڈویژن کے زیراہتمام 18 مئی کو یادگار شہداء اسکردو پر  منعقد ہونے والی عظیم الشان کانفرنس بعنوان "بیداری ملت و استحکام پاکستان کانفرنس" میں  شرکت کے لیے اسکردو پہنچ گئے ہیں۔ علامہ محمد امین شہیدی اور ناصر شیرازی کا استقبال مجلس وحدت مسلمین بلتستان ڈویژن کے رہنما شیخ زاہد حسین اور شیخ احمد کریمی نے کیا، جبکہ گمبہ اسکردو اور امامیہ چوک اسکردو پر لگائے گئے استقبالی کیمپ کے باہر بھی کارکنان نے مہمانوں کا پرتپاک استقبال کیا۔ اس موقع پر امامیہ چوک اسکردو پر جوانوں نے مہمانوں کو روایتی تخفے بھی پیش کئے۔

وحدت نیوز(اسلام آباد) جنگ گروپ اور جیو ٹی وی کے اسلام دشمن رویہ نیا نہیں ،شعائر اسلامی اور محب وطن اداروں کے خلاف سازشیں ۱۹۷۰ء ؁کی دہائی سے میر خلیل الرحمٰن اور اس کے کارندوں کا وتیرا رہا ہے، جیوٹی وی کی جانب سے مولائے کائنات حضرت علی ابن ابی طالب علیہ السلام اور جناب سیدہ فاطمہ زہرا سلام اللہ علیہا کی شان مبارک میں گستاخی کی پر روز مذمت کرتے ہیں ، وزارت داخلہ اور پیمرا اس واقعے کو غیر سنجیدگی سے دیکھ رہے ہیں، سنی اتحاد وکونسل کے مفتیان کرام کے فتویٰ کی مکمل تائید کر تے ہیں ، ان خیالات کا اظہار مجلس وحدت مسلمین پاکستان کے مرکزی ترجمان علامہ سید حسن ظفر نقوی نے مرکزی سیکریٹریٹ سے جاری اپنے بیان میں کیا ۔

 


ان کا کہنا تھا کہ بیرونی ایجنسیوں اور ملک دشمن طاقتوں کی ایماء پر میڈیا انڈسٹری پر قابض فرعونی جنگ گروپ ہمیشہ شعائر اسلامی اور قومی سلامتی کے اداروں کے خلاف ہر زہ سرائی کی مضموم کوششیں کر تا رہا ہے،ملک دشمن قوتوں اور دہشت گرد عناصر کو جیو ٹی وی کے ہوتے ہو ئے اپنی پبلسٹی کی کبھی فکر لاحق نہیں ہو ئی ،جیوٹی وی نے دہشت گردوں کی ہمیشہ کھل کران کی ترجمانی کی اور ابھی کچھ روز قبل ہی پاکستان کی مسلح افواج اور اس کے خاص قومی اداروں کے خلاف اسی چینل نے بھر پور پروپگنڈہ مہم چلائی،کبھی اس چینل پر دہشت گردوں کو شہید قرار دیا جا تا رہا ، خصوصاً مکتب تشیع کے حوالے سے جنگ گروپ کا متعصبانہ رویہ تاریخی ہے،ستر کی دھائی میں اسی جنگ گروپ نے شہزادی سکینہ سلام اللہ علیہا کی شان اقدس میں بھی جسارت کی تھی جس پر پوری شیعہ قوم نے اس اخبار کا مکمل بائیکاٹ کیا تھا ، نہ ہی کوئی اہل تشیع اشتہار دیتا اور نہ ہی اخبار خریدتا، معافی تلافی کے بعد معاملہ رفع دفع ہوا،لیکن یہ سلسلہ رکا نہیں اور آج ایک مرتبہ پھر جنگ گروپ کا جیوٹی وی توہین اہل بیت علیہم السلام کا مرتکب ہو ا ہے، آج امت مسلمہ کو تہیہ کر نا ہو گا کہ اس یہودی ایجنٹ چینل سے وطن عزیز کو نجات دلائی جائے ۔ اہل بیت اطہار علیہم السلام کی محبت سے سرشار تمام اہل سنت اور اہل تشیع عوام کو جنگ گروپ اور جیو ٹی وی کا مکمل بائیکاٹ کرنا ہو گا۔


انہوں نے سنی اتحاد کونسل پاکستان کے مفتیان کرام کی جانب سے اہل بیت اطہار علیہم السلام کی شان میں گستاخی کے خلاف جیوٹی وی سے متعلق تمام فتووں کی مکمل حمایت کا اعلان کیا ہے اور تمام مکاتب فکر کے علمائے کرام اور عوا م سے اپیل کی ہے کہ وہ سب اکھٹا ہو کرجیواور جنگ کا مکمل بائیکاٹ کریں ، پوری مسلم امہ اس ادارے کو اشتہار نہ دینے ا ،اخبار نہ خریدنے اور چینل نہ دیکھنے کا تہیہ کرلے، تمام امت مسلمہ اتحاد وحدت کا مظاہرہ کر تے ہوئے اس خارجی ایجنٹ ٹولے کونشان عبرت بنائے اور اس ناصور سے مملکت خداداد پاکستان کو نجات دلائے۔

وحدت نیوز(اسکردو) مجلس وحدت مسلمین پاکستان کے سربراہ علامہ ناصرعباس جعفری نے اسکردو میں منعقد ہونے والی "بیداری ملت و استحکام پاکستان کانفرنس" سے قبل ڈویژنل سیکرٹریٹ میں ایک پریس کانفرنس سے خطاب کیا، جس میں پرنٹ اور الیکٹرونک میڈیا کے نمائندوں نے شرکت کی۔ پریس کانفرنس سے خطاب کرتے ہوئے ایم ڈبلیو ایم پاکستان کے سربراہ علامہ ناصر عباس جعفری نے کہا کہ ریاست اور ریاستی ادارے ہر معاشرے کی بنیادی ضرورت ہے، تاکہ معاشرے کے اندر قانون کا نفاذ ہو، معاشرے میں قانون، نظم و ضبط اور اصول پروان چڑھیں۔ جس معاشرے میں ہم رہ رہے ہیں اس میں ہمارے حکمران اس ریاست کو ریاست بننے نہیں دے رہے ہیں۔ پورے پاکستان میں بالعموم اور گلگت بلتستان میں بالخصوص ظالم حکمرانوں نے ریاستی اداروں اور ریاستی وسائل کو اپنے لئے دولت بنانے کا ذریعہ قرار دیا ہے۔ ایک شخص کے حکومت میں آنے کے بعد معاشرے اور عوام کی حالت نہیں بدلتی بلکہ ان سیاستدانوں کی حالت ضرور بدلتی ہے۔ آج ہم گلگت بلتستان میں اپنے اردگرد نگاہ کریں تو ہماری سڑکیں ناپختہ، ہسپتالوں میں سہولیات نہ ہونے کے برابر، تعلیمی ادارے مفلوج، اقربا پروری، کرپشن، لوٹ مار اور بدعنوانی سر چڑھ کے بول رہی ہے، جبکہ عوام کا معیار زندگی پست ہے، لوگ مجبور ہیں، لوگوں کی آمدنی قلیل ہے۔ قدرتی وسائل سے مالا مال ہونے کے باوجود اس خطے کے لوگ غربت کا شکار ہیں۔ اس خطے میں ترقی و خوشحالی کا نہ ہونا، عوام کا معیار زندگی پست ہونا اور حقوق نہ ملنا دراصل اس خطے کے نمائندوں اور ظالم حکومت کی غلط پالیسیوں اور نااہلی کا نتیجہ ہے۔

 

ایم ڈبلیو ایم کے سربراہ کا مزید کہنا تھا کہ معاشرے میں لوگوں کو آپس میں لڑایا جا رہا ہے، ان کو تقسیم کر دیا جاتا ہے، تاکہ آپس میں متحد نہ ہوسکیں اور اپنے حقوق کے لئے جدوجہد کرنے کے قابل نہ رہ سکیں۔ ان حالات میں نظام و ریاست کو بہتر بنانے کے لئے تمام تر اختلافات کو پس پست ڈال کر متحد ہونا ہوگا۔ گلگت بلتستان کے عوام 67 سالوں سے اپنے بنیادی حقوق مانگ رہے ہیں اور یہ ظالم حکمران اور استحصالی نظام عوام کو ان کا حق نہیں دے رہا، لیکن خوش آئند پہلو یہ ہے کہ یہاں کی عوام باشعور ہونے لگی ہے۔ جس کی مثال گلگت بلتستان کی ظالم حکومت نے حالیہ دنوں میں عوام کی دولت کو لوٹ کھانے کے بعد ان کو دی جانے والی گندم سبسڈی کا خاتمہ کیا، گندم سبسڈی کا خاتمہ صوبائی اور وفاقی حکومت کی ملی بھگت کا نتیجہ تھا، جسے اس خطے کے غیور اور صابر عوام نے کامیاب نہیں ہونے دیا۔ آج یہ خطہ شعور کی طرف گامزن ہے۔ گلگت بلتستان وطن عزیز پاکستان کی فطری دفاعی لائن ہے۔ اس خطے میں بدامنی پورے ملک کے امن میں بدامنی کے مترادف ہے۔ جغرافیائی نقطہ نگاہ سے اس خطے کو پوری دنیا بالخصوص جنوبی ایشیاء میں بڑی اہمیت حاصل ہے۔ دنیا کی تین عظیم طاقتوں کا یہ خطہ معاشی حب ہے۔ اگر یہ خطہ متاثر ہو جائے تو پورے ملک کی معیشت متاثر ہوجاتی ہے، لیکن افسوس کا مقام ہے کہ ظالم حکمرانوں اور استحصالی حکومتوں نے گلگت بلتستان میں لوگوں کو تقسیم کرکے، علاقائی، لسانی، مسلکی نفرتوں کے ذریعے اس خطے کو پسماندہ رکھا ہوا ہے۔ مجلس وحدت مسلمین پاکستان اس خطے میں امن، محبت، رواددی، الفت، بھائی چارگی، خوشحالی اور دیگر الہی اقدار کو زندہ اور اتحاد و اتفاق کی فضا کو قائم کرنے کے لیے بھ پور جدوجہد کرے گی۔


 
انہوں  نے کہا کہ 18 مئی کو یادگار شہداء اسکردو پر منعقدہ بیداری ملت و استحکام پاکستان کانفرنس حب الوطنی، وحدت و بھائی چارگی کی عظیم مثال قائم کرے گی۔ یہ کانفرنس استحصالی نظام کے خلاف عوامی ریفرنڈم ثابت ہوگی، جس میں گلگت بلتستان کی تاریخ کا عظیم الشان اور انقلاب آفرین اجتماع ہوگا۔ پریس کانفرنس سے خطاب کرتے ہوئے علامہ ناصر عباس جعفری نے کہا کہ آج 16 مئی کو دنیا بھر میں "یوم مردہ باد امریکہ" کی مناسبت سے منایا جا رہا ہے۔ امریکہ سرغنہ مجرمین جہاں ہے اور دنیا کی استحصالی طاقتوں کا سربراہ ہے۔ امریکہ کی غیر معمولی مداخلت کے نتیجے میں ملک میں بدامنی اور عدم استحکام کی کیفیت پیدا ہوگئی ہے۔ ملکی استحکام کے لیے خود مختار، آزاد اور ملک دوست خارجہ پالیسی کو مرتب کرنا ناگزیر ہے۔ ملک کو ترقی و استحکام کی راہ پر گامزن کرنے کے لیے امریکی مداخلت کا سدباب ضروری ہے۔

وحدت نیوز(حیدرآباد) مجلس وحدت مسلمین پاکستان کے مرکزی سیکریٹری تبلیغات علامہ اعجاز حسین بہشتی نے کراچی میں جاری معصوم شہریوں کی ٹارگٹ کلنگ کو عالمی صیہونزم کی سازشوں کا جال قرار دیتے ہوئے ملک میں بد امنی اور دہشت گردی کے واقعات میں امریکی اور اسرائیلی مقامی ایجنٹوں کی کاروائی قرار دیا اور کہا کہ امریکی اور اسرائیلی مقامی ایجنٹ پاکستا ن کو غیر مستحکم کرنا چاہتے ہیں تا کہ پاکستان کے ایٹمی اثاثوں تک غاصب اسرائیل کی رسائی ممکن ہو سکے۔گنجان مہاجر آبادیوں میں شیعہ پروفیشنلز اور تاجروں کا قتل لمحہ فکریہ ہے۔ان خیالات کا اظہار انہوں نے حیدرآباد پریس کلب میں پریس کانفرنس سے خطاب کرتے ہوئے کیا۔ اس موقع پر ان کے ہمراہ مرکزی سیکریٹری تنظیم سازی یعقوب حسینی، صوبائی رہنما عالم کربلائی، ندیم جعفری سمیت دیگر رہنما بھی موجود تھے۔

 

علامہ اعجاز بہشتی کا کہناتھا کہ کراچی میں معصوم انسانوں کا مسلسل قتل عام سندھ حکومت کی نا اہلی کا منہ بولتا ثبوت ہے، ریاستی ادارے کالعدم دہشت گرد گروہوں کی سرپرستی کرنے کی بجائے ان کے خلاف کریک ڈاؤن کریں۔ انہوں نے کہا کہ کراچی کو امن کا گہوارہ بنانے کے لئے مشترکہ جد وجہد جاری رہے گی، حکمرا ن عوام کے جان و مال کے تحفظ میں ناکام ہو چکے ہیں گذشتہ کئی برس سے شہر میں بے گناہ انسانوں کو ٹارگٹ کلنگ کا نشانہ بنایا گیا۔ ان کاکہنا تھا کہ کسی بھی ملک کو کمزور کرنے اور جڑوں کو کھوکھلا کرنے کے لئے اس ملک کے عظیم سرمایے پروفیسر، اساتذہ، ڈاکٹرز، انجیئنرز، وکلاء ، شعراء اور علمائے کرام سمات خطباء کو ختم کر دیا جاتا ہے اور یہ سب کچھ بد قسمتی سے پاکستان کی سر زمین پر ہو رہا ہے اور شہر کراچی میں اس قسم کے واقعات زیادہ رونما ہو رہے ہیں۔ علامہ اعجاز بہشتی نے مزید کہا کہ ملک کے عظیم سرمایہ پروفیسر، اساتذہ، ڈاکٹرز، انجیئنرز، وکلاء، شعراء اور علمائے کرام سمیت خطباء کو چن چن کر نشانہ بنایا گیا، پاکستان کو عالمی صیہونزم کی سازشوں کا گڑھ بنا دیا گیا ، امریکی اور اسرائیلی ایجنٹ دن دیہاڑے معصوم انسانوں کی جانوں سے کھیل رہے ہیں۔

 

انہوں نے سندھ حکومت کی شدید الفاظ میں مذمت کرتے ہوئے کہا کہ سندھ حکومت کالعدم دہشت گرد گروہوں کے خلاف کریک ڈاؤن کرے اورصوبے بھر میں کھلے عام کالعدم تنظیموں کے لگائے گئے بینرز اور جھنڈوں سمیت ان کے دفاتر کو بند کروا کر خطر ناک دہشت گردوں کے قانون کے شکنجے میں لیا جائے۔ ان کاکہنا تھا کہ شہر کراچی دہشت گردوں کی آماجگاہ بن چکا ہے اور آپریشن کے باوجود بھی کوئی خاطر خواہ نتائج برآمد نہیں ہو رہے ہیں، ایسا محسوس ہو رہا ہے کہ کالعدم دہشت گرد گروہوں کو کھلی چھٹی دے رکھی ہے تا کہ وہ پورے شہر پر قابض ہو جائیں اور سیاسی و مذہبی قوتوں کو تہس نہس کر دیں۔ ان کاکہنا تھا کہ ایک طرف حکومت نے دہشت گردوں کے ساتھ مذاکرات کا ڈرامہ رچا رکھا ہے جبکہ اس کے نتیجے میں ملک کے عوام کو بم دھماکوں کے تحفے دئیے جا رہے ہیں جس کے نتیجے میں پولیس افسران سمیت عام شہری نشانہ بن رہے ہیں۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree