وحدت نیوز(راولپنڈی) پاکستان کی بری فوج کے نئے سربراہ کے نام کا اعلان کر دیا گیا ہے ، وزیر اعظم میاں نواز شریف نے لیفٹینٹ جنرل راحیل شریف کو پاکستان کا اگلے تین سال کے لئےچیف آف آرمی اسٹاف نامزد کر دیا ہے ، لیفٹینٹ جنرل راحیل شریف میجر شبیر شریف شہید نشان حیدر کے چھوٹے بھائی اور میجرراجہ عزیز بھٹی شہید نشان حیدر کے بھانجے ہیں ، پاکستان کے اٹھارہ کڑوڑ عوام ، سیاسی و مذہبی قائدین نے امید ظاہر کی ہے کہ نومنتخب آرمی چیف پاکستان کی داخلی اور خارجی سرحدوں پر منڈلاتے خطرات سے مردانہ وار مقابلہ کریں گے ، ملک دشمن قوتوں سے آہنی ہاتھوں سے نمٹنے کے لئے اپنی تمام تر صلاحیتوںکو بروئے کار لائیں گے اور فوج کو امریکی دبائوسے نکالے میں اپنا کر دار ادا کریں گے ۔