وحدت نیوز(چنیوٹ) مجلس وحدت مسلمین کے زیر اہتما م ضلع چنیوٹ کی تحصیل بھوانہ میں غزہ کانفرنس کا انعقاد کیا گیا جس میں علاقے کی عوام نے شرکت کی کانفرنس برادر ناصر عباس شیرازی جنرل سیکرٹری مجلس وحدت مسلمین پاکستان ،مولانا نظام الدین ، جامعہ بعثت کے پرنسپل جناب حجت الاسلام و المسلمین علامہ سید مھدی حسن کاظمی اور ضلعی صدر مجلس وحدت مسلمین ضلع چنیوٹ جناب سید انیس عباس زیدی نے خطاب کیا ۔

مقررین نے غزہ کی تازہ صورتحال پر گفتگو کی آخری اور مرکزی خطاب کرتے ہوئے جناب سید ناصر عباس شیرازی نے کہا آج جو کچھ غزہ میں ہورہا ہے اس کے ذمہ دار عرب ممالک ہیں ۔شیطان بزرگ امریکہ کے خوف سے یہ غزہ کی مظلوم عوام کی بجائے ظالم اسرائیل کو سپورٹ کررہے ہیں ۔ انہوں نے آج تک کھل اسرائیل ،امریکہ کا بائیکاٹ نہیں کیا اور نہ ہی کھل کر حماس کی حمایت کی ہے ۔ کانپتی زبانوں سے غزہ اور حماس کا نام لیتے ہیں ۔

مگر ملت اسلامیہ بیدار ہو چکی اور وہ دن دور نہیں جب اسرائیل کا وجود صفحہ ہستی سے مٹ جائے گا ۔ ان شاءاللہ آج ہم یہاں جمع ہیں اور کچھ دوست پوچھتے ہیں ان کانفرنسز کا کیا فایدہ تو میں عرض کرتا ہوں اس طرح کے اجتماعات اور ریلیوں کی بہت بڑے فوائد ہیں ۔ اگر آج ہم یہاں سارے مسلمان جمع ہیں صرف ایک کام کرلیں تو یہ ہماری بہت بڑی کامیابی ہوگی ۔ ہم تمام اسرائیلی مصنوعات کا ہمیشہ کے لئے بائیکاٹ کردیں ۔ اس سے دشمن بھی ڈر جائے گا اور فلسطینی مظلوموں کی مدد بھی ہو جائے گی ۔ ہم یہ پیغام جہاں ممکن ہے دوسروں تک پہنچادیں ۔ تمام اسرائیلی ،امریکی اور یورپی ممالک کی بنی مصنوعات کا بائیکاٹ کردیں ۔

آپ خوش نصیب جو یہاں جمع یا جن دوسروں اس کانفرنس کو آرگنائز کرنے میں تعاون کیا پیغمبر اسلام صلی اللہ علیہ وآلہ و سلم اس فرمان پر کم از کم عمل کیا ہے کہ تمام مسلمان ایک جسم کی مانند ہیں اگر جسم کے ایک حصے کو تکلیف ہوتی ہے تو پورا جسم درد محسوس کرتا ہے ۔ غزہ کی صورتحال سے ہم دکھی ہیں ہمیں ان کی ہر حال میں مدد کرنی ہے وہ اسی صورت ممکن ہے ہم جتنی آگاہی دے سکتے ہیں اپنی ملت کو آگاہی دیں کہ ہم نے امریکہ، اسرائیل، اور یورپی ممالک کی مصنوعات کا بائیکاٹ کرنا ہے ۔ ان شاءاللہ

وحدت نیوز(اسلام آباد) مجلس وحدت مسلمین پاکستان پاکستان کے رکن قومی اسمبلی انجینئر حمید حسین کی وفد کے ہمراہ عراقی سفیر حامد عباس لفتہ سے ملاقات اور دو طرفہ دلچسپی کے امور پر تبادلہ خیال، عراقی سفیر حامد عباس نے ایم ڈبلیو ایم کے نومنتخب رکن قومی اسمبلی حمید حسین کو رکن اسمبلی منتخب ہونے ہر مبارک باد پیش کی۔

 رکن اسمبلی انجینئر حمید حسین نے عراقی سفیر کی دونوں ممالک کے درمیان تعلقات کے فروغ کے لئے خدمات اور کوششوں کو سراہتے ہوئے عراق میں موجود پاکستانی قیدیوں اور شہریوں کو درپیش مسائل کا تذکرہ کیا جس پر عراقی سفیر حامد عباس نے بتایا وہ اس مسئلہ پر ذاتی دلچسپی لے رہے ہیں اور حکومت پاکستان کے ساتھ ملکر جلد اس مسئلے کے مستقل اور پائدار حل کے لیے پالیسی سامنے لائیں گے۔

 عراقی سفیر نے ایم ڈبلیو ایم کے وفد کی تجاویز اور پاکستانی شہریوں کے لیے احساس کی قدردانی کرتے ہوئے کہا وہ ان تجاویز کو خصوصی طور پر زیر غور لائیں گے اور انشاءاللہ مسائل کو جلد از جلد حل کیا جائے گا، ملاقات میں ایم ڈبلیو ایم پاکستان کے ڈپٹی سیکرٹری امور خارجہ سید ابن حسن بخاری اور شعبہ امور خارجہ کے مسئول دفتر مولانا چوہدری ضیغم عباس بھی شریک تھے۔

وحدت نیوز(سبی)مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی نے کہا ہے کہ ایم ڈبلیو ایم ایک قومی جماعت ہے۔ تنظیمی فعالیت کو مزید مستحکم کیا جائے۔ بلوچستان کے اضلاع اور تحصیلوں میں مجلس یوتھ ونگ کی فعالیت قابل تحسین ہے۔ ان خیالات کا اظہار انہوں نے بلوچستان کے ضلع سبی کے دورے کے موقع پر ایم ڈبلیو ایم کے ضلعی عہدیداران سے گفتگو کرتے ہوئے کیا۔

علامہ مقصود ڈومکی نے ضلع سبی بختیار آباد ڈومکی میں زیر تعمیر مسجد و امام بارگاہ اور اسکول کا دورہ کیا اور سبی میں ضلعی صدر ایم ڈبلیو ایم عبدالغفار ڈومکی سے ملاقات کی۔ انہوں نے سبی میں چند دن قبل قاتلانہ حملے میں شہید ہونے والے ڈی ایس پی میر خالد زمان مری کی شہادت پر ان کے بھائی سابقہ تحصیل ناظم سبی میر اصغر مری و دیگر ورثاء سے تعزیت کی۔ اس موقع پر گفتگو کرتے ہوئے علامہ مقصود علی ڈومکی نے کہا کہ ڈی ایس پی خالد زمان مری کا قتل افسوسناک واقعہ ہے۔ قتل میں ملوث مجرموں کو قانون کے مطابق سزا دی جائے۔

انہوں نے کہا کہ سبی بلوچستان کا تاریخی شہر ہے جو بلوچ ہیرو چاکر اعظم کے قلعے سمیت متعدد تاریخی آثار قدیمہ رکھتا ہے۔ حکومت ان آثار قدیمہ کی حفاظت کو یقینی بناتے ہوئے انہیں آئندہ نسلوں کے لئے محفوظ بنائے۔ ضلعی صدر میر عبدالغفار ڈومکی اور تنظیمی دوستوں سے گفتگو کرتے ہوئے علامہ مقصود علی ڈومکی نے کہا کہ مجلس وحدت مسلمین قومی جماعت ہے۔ سبی کے ضلعی شوریٰ کا دستوری اجلاس بلا کر تنظیمی فعالیت کو مزید مستحکم کیا جائے۔ انہوں نے کہا کہ بلوچستان کے اضلاع اور تحصیلوں میں مجلس یوتھ ونگ کی فعالیت قابل تحسین ہے۔ نوجوان ملک و ملت کا سرمایہ ہیں ان کی حوصلہ افزائی کرنا ہم سب پر فرض ہے۔ انہوں نے اس موقع پر بختیار آباد ڈومکی میں اسکول کی تعمیر اور تعلیمی خدمات کے حوالے سے برادر سجاد علی ڈومکی کی کاوشوں کو بھی سراہا۔

وحدت نیوز(ملتان) مجلس وحدت مسلمین عزاداری ونگ جنوبی پنجاب کے صوبائی صدر انجینئر سخاوت علی سیال نے قیس عباس چانڈیو کو عزاداری ونگ ضلع راجن پور کا ضلعی صدر نامزد کردیا، ضلعی صدر کا نوٹیفیکیشن جاری کردیا گیا۔

 قیس عباس چانڈیو اس سے قبل امامیہ اسٹوڈنٹس آرگنائزیشن پاکستان کا حصہ رہ چکے ہیں، قیس عباس چانڈیو ضلع راجن پور میں عزاداری، سیاسی، سماجی اور فلاحی اُمور میں بڑھ چڑھ کر حصہ لیتے ہیں۔