The Latest
وحدت نیوز(لاہور)مجلس وحدت مسلمین پاکستان صوبہ پنجاب کے صوبائی صدر اپنے وفد کے ہمراہ امامیہ آرگنائزیشن لاہور ریجن کے ناظم سید حسن رضا نقوی مرحوم کی آبائی رہائش گاہ اسلام پورہ جاکر مرحوم کے بھائی سید علی رضا نقوی اور مرحوم کے فرزند ارجمند سید دانیال نقوی سے مرحوم سید حسن رضا نقوی کے انتقال پر تعزیت پیش کی اور مرحوم کی بلندی درجات کے لئے دعائے مغفرت کی۔صوبائی آفس سیکرٹری ظہیر کربلائی ،ضلعی صدر جناب نجم عباس خان ،ضلعی سنیئر نائب صدر جناب آفتاب علی ہاشمی اور برادر خرم زیدی ضلعی نائب صدر بھی صوبائی صدر مجلس وحدت مسلمین پنجاب کے ہمراہ تھے ۔
مرحوم کے بھائی سید علی رضا نقوی نے بتایا کہ مرحوم سید حسن رضا نقوی گزشتہ 40 سالوں سے اجتماعی امور میں فعال تھے ۔ امامیہ اسٹوڈنٹس آرگنائزیشن پاکستان ،امامیہ آرگنائزیشن پاکستان ،مجلس وحدت مسلمین پاکستان صوبہ پنجاب اور کئی دیگر لوکل تنظیموں میں ان کی شاندار خدمات کو ہمیشہ یاد رکھا جائے گا ۔مرحوم کے بھائی اور بیٹے نے چیئرمین مجلس وحدت مسلمین پاکستان کی جانب سے تعزیتی خط بھیجنے پر شکریہ ادا کیا ۔
مرحوم کے بیٹے دانیال نے بتایا کہ بابا اکثر گھر پر قائد وحدت کا ذکر کرتے اور ان کی سلامتی کی دعا کرتے تھے ۔بابا کہتے کہ مجلس وحدت کے وجود سے ملت پاکستان اپنے آپ کو محفوظ محسوس کرتی ہے ۔وہ ہمیں ساتھ لیکر صوبائی آفس مجلس وحدت مسلمین پنجاب جاتے اور وہاں کافی دیر تک محو گفتگو رہتے تھے ۔علامہ سید علی کاظمی صاحب نے مرحوم کی بلندی درجات کے دعائے مغفرت کی اور مرحوم کے خانوادہ کے لئےصبر جمیل کی دعا کی ۔
وحدت نیوز(لاہور) مجلس وحدت مسلمین پاکستان صوبہ پنجاب کے صوبائی صدر جناب حجت الاسلام و المسلمین علامہ سید علی اکبر کاظمی کی خطیب اہل بیت(ع) وکیل آل محمد علیہم السلام جناب علامہ کرامت عباس حیدری سے ان کی رہائش گاہ پر ملاقات ان کی اہلیہ کے انتقال پر تعزیت ۔ علامہ کرامت عباس حیدری نے صوبائی صدر مجلس وحدت مسلمین پنجاب کا ان کی رہائش گاہ آکر تعزیت پیش کرنے پر شکریہ ادا کیا ۔
جناب علامہ کرامت عباس حیدری نے کہا اب قوم اپنے آپ کو محفوظ محسوس کررہی ہے قبلہ جناب علامہ راجہ ناصر عباس جعفری کی کامیابی ملت کی کامیابی ہے ۔ میں ایک خطیب ہوں مجلس وحدت مسلمین پاکستان کے مسئولین کے مدبرانہ فیصلوں سے قوم میں احساس محرومی ختم ہوا ہے ۔ پوری ملت ایم ڈبلیو ایم کی مرہون منت ہے ۔ اللہ تعالیٰ سے دعا ہے پروردگار قبلہ راجہ ناصر عباس جعفری کو اپنی حفظ وامان میں رکھے ۔
صوبائی صدر مجلس وحدت مسلمین پنجاب جناب سید علی اکبر کاظمی نے جناب علامہ کرامت عباس حیدری کا شکریہ ادا کیا اور ان کی اہلیہ مرحومہ کے لئے دعائے مغفرت کرائی ۔ ضلعی سنیئر نائب صدر مجلس وحدت مسلمین ضلع لاہور جناب آفتاب علی ہاشمی ،صوبائی آفس سیکریٹری ظہیر کربلائی اور سید معصوم نقوی بھی صوبائی صدر کے ہمراہ تھے ۔
وحدت نیوز(ڈھاڈر)مجلس وحدت مسلمین پاکستان ضلع بولان کی طرف سے مسجد امام موسی کاظم ع ڈھاڈر میں دعائے کمیل اور درس اخلاق کا پروگرام منعقد کیا گیا۔اس موقعہ پر مجلس علماء مکتب اہلبیت بلوچستان کے صوبائی نائب صدر مولاناذوالفقارعلی سعیدی نے درس دیتے ہوئے کہاکہ رمضان رحمتوں اور برکتوں کا مہینہ ہے مومنین کو چاہئے کہ اس مہینہ سے زیادہ سے زیادہ استفادہ کریں اور ذکرخدا میں مصروف رہیں۔ یہی وہ مہینہ ہے جس کے ذریعے انسان زیادہ قرب خدا حاصل کرسکتا ہے۔
انہوں نے کہاکہ رمضان وہ مہینہ ہےجس مہینہ قرآن نازل ہوا اور اس مہینہ میں انسان کا سانس لینا بھی تسبیح کا ثواب رکھتاہے انسان کواس مہینہ میں تلاوت قرآن اور دعاوں اور مناجات میں مصروف رہنا چاہئے۔اس موقعہ پر MWM ضلع بولان کے جنرل سیکریٹری قاضی جمیل احمد انصاری اور دیگر کارکنان نے کثیرتعداد میں شرکت کی۔
وحدت نیوز(اسلام آباد) مجلس وحدت مسلمین پاکستان کے زیر اہتمام آزادی فلسطین کانفرنس کا انعقاد,سربراہ مجلس وحدت مسلمین علامہ راجہ ناصر عباس نے کانفرنس سے خطاب کرتے ہوئے کہا غزہ کی استقامت نے دنیا کو حیران کر دیا ہے، اسرائیل کا بیانیہ دنیا نے مسترد کر دیا، آج دنیا میں غزہ اور مظلومین فلسطین کے حق میں باتیں ہو رہی ہیں، امریکہ کو شکست ہوئی ہے اسرائیل کو شکست ہوئی ہے، غزہ کے دو پہلو ہیں ایک اسرائیل کا سیاہ ظالمانہ مکروہ چہرہ سامنے آیا، ایک پہلو غزہ کے مظلومین کی استقامت اور بہادری کی صورت میں ہے، امریکہ برطانیہ اور اسرائیل ہار چکے ہیں، مزاحمت کی قوتوں کو سلام پیش کرتے ہیں جو فلسطین کے حق میں اٹھ کھڑے ہوئے، غزہ کے مظلومین ہماری ناموس کی خاطر اپنی ناموس دے رہے ہیں، غزہ عالم اسلام کی جنگ لڑ رہا ہے، قرآن کا واضح حکم ہے کہ مظلومین کی حمایت میں اٹھ کھڑے ہوں، اس دفعہ کا یوم القدس کا دن عظیم الشان ہونا چاہئے۔
وحدت نیوز(اسلام آباد) مجلس وحدت مسلمین پاکستان کے زیر اہتمام آزادی فلسطین کانفرنس کا انعقاد,سربراہ مجلس وحدت مسلمین علامہ راجہ ناصر عباس نے کانفرنس سے خطاب کرتے ہوئے کہا غزہ کی استقامت نے دنیا کو حیران کر دیا ہے، اسرائیل کا بیانیہ دنیا نے مسترد کر دیا، آج دنیا میں غزہ اور مظلومین فلسطین کے حق میں باتیں ہو رہی ہیں، امریکہ کو شکست ہوئی ہے اسرائیل کو شکست ہوئی ہے، غزہ کے دو پہلو ہیں ایک اسرائیل کا سیاہ ظالمانہ مکروہ چہرہ سامنے آیا، ایک پہلو غزہ کے مظلومین کی استقامت اور بہادری کی صورت میں ہے، امریکہ برطانیہ اور اسرائیل ہار چکے ہیں، مزاحمت کی قوتوں کو سلام پیش کرتے ہیں جو فلسطین کے حق میں اٹھ کھڑے ہوئے، غزہ کے مظلومین ہماری ناموس کی خاطر اپنی ناموس دے رہے ہیں، غزہ عالم اسلام کی جنگ لڑ رہا ہے، قرآن کا واضح حکم ہے کہ مظلومین کی حمایت میں اٹھ کھڑے ہوں، اس دفعہ کا یوم القدس کا دن عظیم الشان ہونا چاہئے.
سربراہ سنی اتحاد کونسل صاحبزادہ حامد رضا نے کہا کہ حیرت ہے کہ یورپ کے کھیل کے میدانوں میں فلسطین کا جھنڈہ لہرایا جا سکتا ہے لیکن پی ایس ایل میں نہیں، پاکستان میں فلسطین کے لئے چندہ اکھٹا کرنے پر پابندی ہے،فلسطین کے موضوع پر بات کرتے ہوئے ہمارے وزیر اعظم کے ہاتھ پاوں کانپے لگتے ہیں، فلسطین میں جاری بربریت اور ظلم کے بعد بھی ہمارے حکمرانوں کے ضمیر نہیں جاگے، پاکستان عالم اسلام کے لئے ایک امید تھی، لیکن ریاست کی پالیسی شاید کچھ اور ہے، میرے لئے اپنے حکمرانوں سے زیادہ کرسٹینا رونالڈو قابل احترم ہے جو بار بار فلسطین کا پرچم اٹھا رہا ہے، اس وقت اگر کسی کو سلام ہے تو یمن کی فورسز کو سلام ہے، انتہائی کسمپرسی کی حالت میں عالمی قوتوں کو نکیل ڈالے ہوئے ہیں۔
پی ٹی آئی کے رہنما پیر نور الحق قادری نے کہا کہ چار اسلامی ممالک بھی متحد ہو جائیں فلسطین کی حمایت میں کل ہی غزہ کی جنگ رک جائے گی، پاکستان کے دینی غیرت و حمیت سے عاری حکمرانوں سے کوئی امید نہیں ہے، فلسطین کا مسئلہ پاکستان کے نظریہ کا حصہ ہے، اگر آج عمران خان وزیراعظم ہوتے تو اسرائیل کی سفاکیت رک چکی ہوتی۔جماعت اہل حرم کے سربراہ مفتی گلزار نعیمی نے کہا کہ غزہ میں تمام تر ظلم وبربریت امریکہ کی وجہ سے ہے، شیطان بزرگ امریکہ کے خوف اور لالچ کی وجہ سے اس دوستی کرنا انتہائی افسوس ناک اور شرمناک ہے۔کانفرنس سے رکن قومی اسمبلی انجینئر حمید حسین، سینئر صحافی مظہر برلاس، سید ناصر عباس شیرازی، خواجہ مدثر تونسوی، قاضی شفیق احمد، صابر ابو مریم، ملک اقرار حسین، سید ظہیر نقوی و دیگر مقررین نے بھی خطاب کیا۔
وحدت نیوز(فیصل آباد) تحصیل چک جھمرہ کے قصبہ کھچیاں میں یوم امام علی علیہ السلام کانفرنس اور افطار ڈنر کا اہتمام مجلس وحدت مسلمین کے مقامی یونٹ کی جانب سے کیا گیا ۔
یہ کانفرنس مسجد وامام بارگاہ کھچیاں تحصیل چک جھمرہ میں منعقد ہوئی ۔ مقامی لوگوں کی کثیر تعداد نے شرکت کی ۔ اس کانفرنس جہاں مقامی شخصیات نے شرکت کی وہیں صوبائی عزاداری ونگ کے صدر جناب ڈاکٹر افتخار حسین ،ضلعی وحدت یوتھ ضلع فیصل آباد جناب افتخار ربانی ،ضلعی جنرل سیکرٹری مجلس وحدت مسلمین ضلع فیصل آباد جناب سید وسیم عباس ،صوبائی آفس سیکرٹری ظہیر کربلائی ،سابق ضلعی ڈپٹی سیکرٹری جناب حاجی آصف رضا نے بھی شرکت کی ۔ صوبائی صدر مجلس وحدت مسلمین پنجاب جناب علامہ سید علی اکبر کاظمی نے یوم امام علی (ع) کانفرنس سے خطاب کیا ۔
علامہ صاحب کا خطاب اتنا خوبصورت تھا کہ شرکاء نے نعرے لگا کر استقبال کیا ۔ علامہ صاحب نے قرآنی آیات اور روایات و احادیث کی روشنی میں سیرت امام علی علیہ السلام پر روشنی ڈالی ۔کانفرنس کے اختتام پر شرکاء کے لئے افطاری کا اہتمام کیا گیا تھا ۔
صوبائی صدر مجلس وحدت مسلمین نے غزہ کی صورتحال پر گفتگو فرمائی اور 25 رمضان المبارک کو یوم جمعہ الوداع کی ریلیوں میں شرکت پر زور دیا ۔اور کیا کہ اگر آج ہم مظالم فلطینی بھائیوں کے لئے کچھ نہ کرسکیں تو کم از کم ان کی مظلومیت کی خاطر یوم القدس کو گھروں سے باہر نکلیں اور اپنی آواز کو دنیائے مقاومت سے ملائیں ۔ دشمن اسی آواز سے خوفزدہ ہے ۔ یادرہے اپنی صفوں میں وحدت و اتحاد پیدا کریں اور وحدت کو پارہ پارہ ہونے بچائیں یہ ہم سب کی ذمہ داری ہے ۔ اختلافات دشمن ڈالتا دشمن کی ہر سازش کو ناکام بنانا ہم سب کا کام ۔ خطاب کے آخر علامہ صاحب نے صوبائی سیکرٹری تنظیم سازی برادر مظہر جعفری صاحب دعائے صحت بھی کرائی ۔ جو کچھ دنوں سے ہسپتال میں ایڈ مٹ ہیں ۔
وحدت نیوز(لاہور)مجلس وحدت مسلمین پنجاب کے صدر علامہ سید علی اکبر کاظمی نے سربراہ مجلس وحدت مسلمین پاکستان علامہ راجہ ناصر عباس جعفری کا پنجاب کی نشست سے سینیٹر منتخب ہونا پاکستانی عوام کیلئے نہایت خوش آئند قرار دیا ہے۔ علامہ راجہ ناصر عباس جعفری ملک و قوم کو ترقی کی راہ پر گامزن کرنے کا وژن رکھنے والے بہادر شجاع نڈر اور مادر وطن کے باوفا بیٹے اور قائد اعظم محمد علی جناح اور علامہ محمد اقبال کے پاکستان کے خواہاں ہیں۔
وحدت ہاؤس پنجاب میں ضلع لاہور کے عہدیداروں سے خطاب کرتے ہوئے انکا مزید کہنا تھا کہ ’’پاکستان بنایا تھا پاکستان بچائیں گے‘‘ نعرہ علامہ راجہ ناصر عباس جعفری نے ہی پاکستان میں لگایا تھا آج ہر محب وطن پاکستانی کی زبان پر یہی نعرہ ہے۔ اب وہ وقت آگیا ہے جب ہر ظالم کے خلاف ایوان بالا کے ذریعے صدائے احتجاج بلند ہو گی اور ہر مظلوم کی حمایت کیلئے ایوان بالا میں صدا گونجے گی۔
انہوں نے کہا کہ اس اعتماد پر بانی چئیرمین تحریک انصاف کے مشکور ہیں۔ اس موقعہ پر سیکرٹری اطلاعات پنجاب اسد علی بلتستانی، سیکرٹری فلاح و بہبود شیخ عمران ، صدر مجلس وحدت مسلمین لاہور نجم خان، جنرل سیکرٹری نقی مہدی، نائب صدر لاہور رانا کاظم علی اور دیگر عہدیداروں اور کارکنان بھی کثیر تعداد میں موجود تھے۔
وحدت نیوز(اسلام آباد) الیکشن کمیشن آف پاکستان نے پنجاب سے بِلا مقابلہ منتخب سینیٹرز کی کامیابی کا نوٹیفکیشن جاری کردیاہے،قائد وحدت ،وارثِ شہید قائد علامہ راجہ ناصر عباس جعفری حفظہ اللہ کو ایم ڈبلیو ایم کے ٹکٹ پر بلامقابلہ سینیٹر منتخب ہونے پر مبارکباد۔
شعبہ اطلاعات و نشریات مجلس وحدت مسلمین پاکستان ایم ڈبلیو ایم کی تمام قیادت، ایم ڈبلیو ایم کے جملہ اراکین بالخصوص شعبہ سیاسیات کے برادر سید اسد نقوی و ان کی ٹیم اور تمام ملت کو مبارکباد پیش کرتا ہے ۔
یہ ہماری قومی و مکتبی تاریخ کا ایک تاریخی لمحہ ہے کیونکہ اب ایم ڈبلیو ایم کی سینیٹ، قومی اسمبلی، پنجاب اسمبلی سمیت گلگت بلتستان اسمبلی میں بھی نمائندگی موجود ہے ، جبکہ جی بی اسمبلی میں قائد حزب اختلاف اور پاراچنار کا سٹی میئر بھی مجلس وحدت مّسلمین سے تعلق رکھتے ہیں۔
وحدت نیوز(کوئٹہ)مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی، صوبائی صدر علامہ سید ظفر عباس شمسی اور صوبائی جنرل سیکرٹری علامہ سہیل اکبر شیرازی نے کوئٹہ میں بلوچستان شیعہ کانفرنس کے نائب صدر حاجی رمضان علی ہزارہ شہید کے قتل پر ان کے ورثاء سے تعزیت کی۔ اس موقع پر گفتگو کرتے ہوئے علامہ مقصود علی ڈومکی نے کہا کہ بلوچستان شیعہ کانفرنس کے نائب صدر شہید رمضان علی ہزارہ کا قتل افسوسناک واقعہ ہے۔ تین ہفتے گزر جانے کے باوجود حکومت اس قتل کے مجرموں کو گرفتار کرنے میں ناکام رہی ہے۔ ہم مطالبہ کرتے ہیں کہ قاتلوں کو بے نقاب کرتے ہوئے انہیں کیفر کردار تک پہنچایا جائے۔ علامہ سید ظفر عباس شمسی نے اس موقع پر کہا کہ دکھ کی اس گھڑی میں ہم مقتول حاجی رمضان علی ہزارہ کے اہل خانہ اور بلوچستان شیعہ کانفرنس کے ساتھ ہیں۔ حاجی رمضان علی ہزارہ کی قوم و ملت کے لئے خدمات کو خراج عقیدت پیش کرتے ہیں۔
وحدت نیوز(کوئٹہ) مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی کی زیر صدارت بلوچستان کی سیاسی مذہبی جماعتوں کا اہم اجلاس دفتر مجلس وحدت مسلمین ہزارہ ٹاؤن میں منعقد ہوا اجلاس میں ایم ڈبلیو ایم بلوچستان کے صوبائی صدر علامہ سید ظفر عباس شمسی صوبائی جنرل سیکریٹری علامہ سہیل اکبر شیرازی صوبائی نائب صدر عیوض علی ہزارہ ضلعی صدر سید ابراہیم آغا اور صوبائی و ضلعی کابینہ کے اراکین اور مختلف سیاسی مذہبی جماعتوں کے رہنما شریک ہوئے۔ اجلاس سے قبل بلوچستان کی مختلف سیاسی مذہبی جماعتوں کے رہنماؤں کے اعزاز میں افطار ڈنر دیا گیا۔
اس موقع پر تمام جماعتوں کی جانب سے ماہ مبارک رمضان کو مظلوم فلسطینی عوام کے عنوان سے منانے کا فیصلہ کیا گیا۔
اجلاس سے خطاب کرتے ہوئے علامہ مقصود علی ڈومکی نے کہا کہ پاکستان کے عوام اپنے مظلوم فلسطینی بھائیوں کے ساتھ ہیں حکومتِ پاکستان جمعتہ الوداع عالمی یوم القدس کو یوم یکجہتی کشمیر کی طرح سرکاری سطح پر منانے کا اعلان کرے۔
انہوں نے کہا کہ دو ریاستی حل ناقابل قبول اور نا قابل عمل ہے نہر سے بحر تک فلسطین فلسطینیوں کا ہے۔
اجلاس سے خطاب کرتے ہوئے علامہ سید ظفر عباس شمسی نے کہا کہ بلوچستان کے عوام نے بیت المقدس کی آزادی کے لئے اپنے لہو کا نذرانہ پیش کیا ہم شہدائے یوم القدس کو سلام پیش کرتے ہیں۔
اجلاس سے پاکستان تحریک انصاف کے صوبائی رہنما محمد عالم کاکڑ پاکستان گرین پارٹی کے چیئرمین اور سابق مشیر وزیر اعلیٰ بلوچستان ایڈووکیٹ عبدالہادی کاکڑ پیٹریاٹک یوتھ کے چیئرمین معراج خان کاکڑ انسانی حقوق بلوچستان کے جنرل سکریٹری نثار احمد کاکڑ الحمد یونیورسٹی کے اسسٹنٹ پروفیسر زہیر قنبری پشتون گرینڈ جرگہ کے چیئرمین سردار محمود خان اچکزئی بلوچستان نیشنل پارٹی کے رہنما مبارک علی ہزارہ سماجی رہنما شہزاد کاکڑ ڈاکٹر ایوب اکبری حاجی سید اصغر آغا و دیگر نے خطاب کیا۔
اس موقع پر متفقہ طور پر فیصلہ کیا گیا کہ
1۔ تمام سیاسی مذہبی جماعتوں کے ساتھ مل کر جمعہ 25 رمضان المبارک 5 اپریل کو کوئٹہ پریس کلب کے سامنے احتجاجی مظاہرہ کیا جائے گا
2۔ مظلوم فلسطینیوں کی حامی تمام جماعتوں کی مشترکہ پریس کانفرنس منعقد کی جائے گی۔
3۔ بلوچستان بھر کے تمام اضلاع میں جمعہ الوداع کے موقع پر مظلوم فلسطینیوں سے اظہار یک جہتی کے لئے مظاہرے کی اپیل کی جائے گی۔
4 ۔ اجلاس میں تمام سیاسی مذہبی جماعتوں پر مشتمل ایک کمیٹی تشکیل دی گئی جو فلسطینیوں سے اظہار یک جہتی کے لئے احتجاج و دیگر پروگرامز کے لئے مختلف شخصیات اور جماعتوں سے رابطے کرے گی۔
5۔ حسب سابق کلاں امام بارگاہ مرکزی جامع مسجد پرنس روڈ پر بعد نماز جمعہ احتجاجی جلوس یوم القدس برآمد ہوگا اس میں بھی بھرپور شرکت کی جائے گی۔ اور اسے شایان شان انداز سے مظلوم فلسطینیوں سے اظہار یک جہتی کے طور پر منایا جائے گا۔
