The Latest
وحدت نیوز(اسکردو) مجلس وحدت مسلمین پاکستان کے سربراہ علامہ ناصرعباس جعفری نے اسکردو میں منعقد ہونے والی "بیداری ملت و استحکام پاکستان کانفرنس" سے قبل ڈویژنل سیکرٹریٹ میں ایک پریس کانفرنس سے خطاب کیا، جس میں پرنٹ اور الیکٹرونک میڈیا کے نمائندوں نے شرکت کی۔ پریس کانفرنس سے خطاب کرتے ہوئے ایم ڈبلیو ایم پاکستان کے سربراہ علامہ ناصر عباس جعفری نے کہا کہ ریاست اور ریاستی ادارے ہر معاشرے کی بنیادی ضرورت ہے، تاکہ معاشرے کے اندر قانون کا نفاذ ہو، معاشرے میں قانون، نظم و ضبط اور اصول پروان چڑھیں۔ جس معاشرے میں ہم رہ رہے ہیں اس میں ہمارے حکمران اس ریاست کو ریاست بننے نہیں دے رہے ہیں۔ پورے پاکستان میں بالعموم اور گلگت بلتستان میں بالخصوص ظالم حکمرانوں نے ریاستی اداروں اور ریاستی وسائل کو اپنے لئے دولت بنانے کا ذریعہ قرار دیا ہے۔ ایک شخص کے حکومت میں آنے کے بعد معاشرے اور عوام کی حالت نہیں بدلتی بلکہ ان سیاستدانوں کی حالت ضرور بدلتی ہے۔ آج ہم گلگت بلتستان میں اپنے اردگرد نگاہ کریں تو ہماری سڑکیں ناپختہ، ہسپتالوں میں سہولیات نہ ہونے کے برابر، تعلیمی ادارے مفلوج، اقربا پروری، کرپشن، لوٹ مار اور بدعنوانی سر چڑھ کے بول رہی ہے، جبکہ عوام کا معیار زندگی پست ہے، لوگ مجبور ہیں، لوگوں کی آمدنی قلیل ہے۔ قدرتی وسائل سے مالا مال ہونے کے باوجود اس خطے کے لوگ غربت کا شکار ہیں۔ اس خطے میں ترقی و خوشحالی کا نہ ہونا، عوام کا معیار زندگی پست ہونا اور حقوق نہ ملنا دراصل اس خطے کے نمائندوں اور ظالم حکومت کی غلط پالیسیوں اور نااہلی کا نتیجہ ہے۔
ایم ڈبلیو ایم کے سربراہ کا مزید کہنا تھا کہ معاشرے میں لوگوں کو آپس میں لڑایا جا رہا ہے، ان کو تقسیم کر دیا جاتا ہے، تاکہ آپس میں متحد نہ ہوسکیں اور اپنے حقوق کے لئے جدوجہد کرنے کے قابل نہ رہ سکیں۔ ان حالات میں نظام و ریاست کو بہتر بنانے کے لئے تمام تر اختلافات کو پس پست ڈال کر متحد ہونا ہوگا۔ گلگت بلتستان کے عوام 67 سالوں سے اپنے بنیادی حقوق مانگ رہے ہیں اور یہ ظالم حکمران اور استحصالی نظام عوام کو ان کا حق نہیں دے رہا، لیکن خوش آئند پہلو یہ ہے کہ یہاں کی عوام باشعور ہونے لگی ہے۔ جس کی مثال گلگت بلتستان کی ظالم حکومت نے حالیہ دنوں میں عوام کی دولت کو لوٹ کھانے کے بعد ان کو دی جانے والی گندم سبسڈی کا خاتمہ کیا، گندم سبسڈی کا خاتمہ صوبائی اور وفاقی حکومت کی ملی بھگت کا نتیجہ تھا، جسے اس خطے کے غیور اور صابر عوام نے کامیاب نہیں ہونے دیا۔ آج یہ خطہ شعور کی طرف گامزن ہے۔ گلگت بلتستان وطن عزیز پاکستان کی فطری دفاعی لائن ہے۔ اس خطے میں بدامنی پورے ملک کے امن میں بدامنی کے مترادف ہے۔ جغرافیائی نقطہ نگاہ سے اس خطے کو پوری دنیا بالخصوص جنوبی ایشیاء میں بڑی اہمیت حاصل ہے۔ دنیا کی تین عظیم طاقتوں کا یہ خطہ معاشی حب ہے۔ اگر یہ خطہ متاثر ہو جائے تو پورے ملک کی معیشت متاثر ہوجاتی ہے، لیکن افسوس کا مقام ہے کہ ظالم حکمرانوں اور استحصالی حکومتوں نے گلگت بلتستان میں لوگوں کو تقسیم کرکے، علاقائی، لسانی، مسلکی نفرتوں کے ذریعے اس خطے کو پسماندہ رکھا ہوا ہے۔ مجلس وحدت مسلمین پاکستان اس خطے میں امن، محبت، رواددی، الفت، بھائی چارگی، خوشحالی اور دیگر الہی اقدار کو زندہ اور اتحاد و اتفاق کی فضا کو قائم کرنے کے لیے بھ پور جدوجہد کرے گی۔
انہوں نے کہا کہ 18 مئی کو یادگار شہداء اسکردو پر منعقدہ بیداری ملت و استحکام پاکستان کانفرنس حب الوطنی، وحدت و بھائی چارگی کی عظیم مثال قائم کرے گی۔ یہ کانفرنس استحصالی نظام کے خلاف عوامی ریفرنڈم ثابت ہوگی، جس میں گلگت بلتستان کی تاریخ کا عظیم الشان اور انقلاب آفرین اجتماع ہوگا۔ پریس کانفرنس سے خطاب کرتے ہوئے علامہ ناصر عباس جعفری نے کہا کہ آج 16 مئی کو دنیا بھر میں "یوم مردہ باد امریکہ" کی مناسبت سے منایا جا رہا ہے۔ امریکہ سرغنہ مجرمین جہاں ہے اور دنیا کی استحصالی طاقتوں کا سربراہ ہے۔ امریکہ کی غیر معمولی مداخلت کے نتیجے میں ملک میں بدامنی اور عدم استحکام کی کیفیت پیدا ہوگئی ہے۔ ملکی استحکام کے لیے خود مختار، آزاد اور ملک دوست خارجہ پالیسی کو مرتب کرنا ناگزیر ہے۔ ملک کو ترقی و استحکام کی راہ پر گامزن کرنے کے لیے امریکی مداخلت کا سدباب ضروری ہے۔
وحدت نیوز(کوٹلی امام حسین ع) ڈیرہ اسماعیل خان میں یوم مردہ باد امریکہ منایا گیا۔ کوٹلی امام حسین (ع) میں نماز جمعہ کے بعد امامیہ سٹوڈنٹس آرگنائزیشن نے 16 مئی کے حوالے سے امریکہ مردہ باد ہے احتجاجی مظاہرہ کیا۔ جبکہ ان کے ہمراہ مجلس وحدت مسلمین اور مومنین کی ایک بڑی تعداد بھی مظاہرے میں شریک تھی۔ شرکاء نے ڈیرہ اسماعیل خان میں ملت تشیع کی جاری ٹارگٹ کلنگ کے خلاف شدید احتجاج کیا۔ جس میں انہوں نے ضلعی انتظامیہ کو شدید تنقید کا نشانہ بنایا۔ مجلس وحدت مسلمین کے ضلعی سیکرٹری جنرل مولانا زاہد علی جعفری احتجاجی مظاہرے کی قیادت کر رہے تھے۔ مظاہرے کے شرکاء نے احتجاجی بینرز اٹھا رکھے تھے، جس میں اسرائیل، طالبان اور ضلعی انتظامیہ کیخلاف نعرے درج تھے اور ڈیرہ اسماعیل خان میں ہونیوالی ٹارگٹ کلنگ کیخلاف بھی شرکاء نے بینرز اور کتبے اٹھا رکھے تھے۔
مقررین نے اپنے خطاب میں کہا کہ پولیس کانسٹیبل محمد نواز کے قتل کے محرکات جاننے کی بجائے ملزمان کی گرفتاری میں سستی اور کاہلی برتی گئی، جس کی وجہ سے دوسرا واقعہ خرم شہزاد سیکورٹی گارڈ کی ٹارگٹ کلنگ کا پیش آیا۔ باقاعدہ ایک منصوبہ بندی کے تحت حالات خراب کئے جا رہے ہیں۔ ضلعی انتظامیہ خاموش تماشائی کا کردار ادا کر رہی ہے۔ انہوں نے جیو گروپ کے خلاف بھی شدید نقطہ چینی کی اور کہا کہ اہل بیت کی شان میں گستاخی پر جیو پر پابندی لگائی جائے۔ شرکاء نے ڈیرہ، بنوں روڈ کو بھی ٹریفک کیلئے جام کر دیا۔ اس موقع پر پولیس کی بھاری نفری کسی بھی ناخوشگوار واقعہ سے نمٹنے کیلئے موقع پر موجود رہی۔
وحدت نیوز(کوئٹہ) مجلس وحدت مسلمین کوئٹہ ڈویژن کی جانب سے امام بارگاہ حسینی بلتستانی سے نجی ٹی وی چینل کیخلاف احتجاجی ریلی نکالی گئی۔ احتجاجی ریلی امام بارگاہ بلتستانی سے ہوتی ہوئی شُہداء چوک پر اختتام پذیر ہوئی، جہاں مبینہ چینل پر گستاخانہ مواد نشر کرنے کیخلاف چینل کی مکمل بندش کا مطالبہ کیا گیا۔ اس موقع پر امام جمعہ کوئٹہ علامہ سید ہاشم موسوی کا کہنا تھا کہ اسلامی اقدار کو اپنے ڈراموں اور ڈارمے بازی سے پائمال کرنے کا شرمناک عمل تو شروع ہی سے جیو کا وطیرہ تھا لیکن اب بےغیرتی اور بےشرمی کی انتہاء ہو گئی۔ عظیم اور مقدس ہستیوں کی توہین پر اُتر آئے ہیں۔ مذکورہ چینل کی اسلام اور ملک دشمن پالیسیاں کسی سے کوئی ڈھکی چھپی بات نہیں ہیں۔ یہ ایک دجالی چینل ہے اور دجال کی نشانی یعنی ایک آنکھ کو وہ بار بار اپنے نیوز مین جیو آنکھ کے عنوان سے دکھاتے ہیں۔ اپنے کردار میں اس خباثت اور خیانت کی عملی عکاسی بھی کرتا ہے۔ جسکا عملی ثبوت کبھی قومی نعرہ "پاکستان کا مطلب کیا لا الہ اللہ" کو بگاڑ کر "پڑھنے لکھنے کے سوا پاکستان کا مطلب کیا" کی صورت میں پیش کرتا ہے۔ تو کبھی اپنے بدنام زمانہ جعلی مذہبی سکالر عامر لیاقت کے ذریعے اسلامی روایات اور اقدار کو مذاق اور مسخرے بنانے میں مصروف نظر آتے ہیں۔ انہوں نے آخر میں پیمرا سے جیو چینل کی مکمل بندش کا مطالبہ کیا۔
وحدت نیوز(گلگت) امامیہ اسٹوڈنٹس آرگنائزیشن گلگت زون اور مجلس وحدت مسلمین کے زیراہتمام امریکہ مردباد ریلی نکالی گئی۔ ریلی جامع امامیہ مسجد سے بعد از نماز شروع ہوئی جو بےنظیر چوک سے ہوتی ہوئی خزانہ روڈ پہنچی۔ اس دوران مظاہرین نے ہاتھوں میں پلے کارڈ اور بینرز اُٹھا رکھے تھے۔ جن پر امریکہ، اسرائیل اور جیو ٹی وی چینل کے خلاف نعرے درج تھے، مظاہرین نے امریکہ، اسرائیل اور نجی ٹی وی چینل کے خلاف شدید نعرہ بازی بھی کی۔
مظاہرین سے خطاب کرتے ہوئے سابق مرکزی صدر آئی ایس اواور صوبائی رہنما ایم ڈبلیو ایم گلگت بلتستان عارف حسین قمبری، ڈویثرنل صدر آئی ایس او مدثر عباس حیدر اور دیگر مقررین نے کہا کہ16مئی 1948 کو امریکہ نے اپنی ناجائز اولاد اسرائیل کو جنم دیا تھا اور آج اسرائیل کے ناجائز وجود کا دن ہے۔ امریکہ عالم اسلام کا دشمن ہے یہ دہشت گرد ملک مسلمانوں کے خاتمے کے درپے ہے۔ اب ضرورت اس امر کی ہے کہ تمام عالم اسلام اتحاد و یکجہتی کا مظاہرہ کرے اور دشمنان اسلام برطاینہ، امریکہ اور اسرائیل کے خلاف آواز بلند کرے مگر افسوس کہ ہمارے حکمران امریکہ اور اسرائیل کے غلام بن کر رہ گئے ہیں۔ عوام کے مفادات کی بجائے امریکہ کے مفادات کو عزیز رکھتے ہیں۔ ان نااہل حکمرانوں کی وجہ سے پاکستان کے عوام اپنے بنیادی حقوق سے محروم ہیں۔
مقررین نے کہا کہ ایران ہمارا پڑوسی اور دوست ملک ہے، ایران نے پاکستان کی مشکلات کو کم کرنے کے لئے پاکستان کو گیس فراہم کرنے کی یقین دہانی کرائی تھی مگر ہمارے حکمرانوں نے ملک کو گیس کی فراہمی کی بجائے یہودیوں کے ایجنٹ بننے کو ترجیح دی ہے۔ مقررین نے مزید کہا کہ نجی ٹی وی چینل جیو یہودیوں کا ایجنٹ ہے اور یہ چینل اسرائیل کی مدد سے چل رہا ہے۔ اسرائیل کے اس چینل نے حضرت محمد صلی اللہ علیہ وآلہ وسلم اور ان کی آل کی شان میں گستاخی کی ہے۔ جس کی بھرپور مذمت کرتے ہیں اور حکومت سے مطالبہ کرتے ہیں کہ اسرائیل اور امریکہ کی مدد سے چلنے والے چینل کو فوری بند کیا جائے۔ ریلی کے آخر میں امریکی صدر کا پتلا بھی نظر آتش کیا گیا۔
وحدت نیوز(اسلام آباد) مجلس وحدت مسلمین ضلع اسلام آباد کے زیراہتمام جیو کے مارننگ شو میں توہین آمیز مواد نشر کرنے کیخلاف پیمرا آفس کے سامنے احتجاجی مظاہرہ کیا گیا۔ مظاہرے میں شرکاء کی بڑی تعداد موجود تھی، مظاہرین نے ہاتھوں میں پلے کارڈ اٹھا رکھے تھے، جن پر توہین آمیز نشریات کے خلاف نعرے درج تھے۔ اس موقع پر مقررین کا کہنا تھا کہ پیمرا اپنی ذمہ داریاں ادا کرنے میں ناکام رہا ہے، اگر پیمرا شروع دن سے اپنا کام ٹھیک انداز میں کرتا تو آج نوبت یہاں تک نہ پہنچتی۔ مقررین نے پیمرا کے تمام عہدیداروں کی برطرفی کا مطالبہ بھی کیا۔ مقررین کہنا تھا کہ توہین آمیز نشریات سے امت مسلمہ کی دل آزاری ہوئی ہے، وزارت اطلاعات کی خاموشی کی مذمت کرتے ہیں۔ مظاہرین نے حکومت سے فی الفور کارروائی کا مطالبہ کیا۔ رہنماوں نے کہا کہ حکومت اس بات کو لازمی بنائے کہ آئندہ کسی بھی ٹی وی چینل پر اس طرح کی نشریات نہ چل سکیں۔
وحدت نیوز(لاہور) مجلس وحدت مسلمین کے زیراہتمام ملک بھر میں جیو کے پروگرام میں اہل بیت عظام کی شان میں گستاخی کے خلاف احتجاجی مظاہرے کئے گئے۔ لاہور میں جامع امامیہ مسجد شباب چوک سمن آباد اورعلامہ اقبال ٹاؤن ،نشتر ٹاؤن امامیہ کالونی سمیت متعدد علاقوں میں مظاہرے کئے گئے۔ ہنزہ بلاک سے مون مارکیٹ علامہ اقبال ٹاؤن تک احتجاجی ریلی نکالی گئی۔ مظاہرین نے سٹرک بلاک کر کے جیو انتظامیہ کے خلاف شدید نعرے بازی کی اور جیو کے مارننگ پروگرام کو مستقل بند کرنے کا مطالبہ کیا۔ ایم ڈبلیو ایم لاہور کے سیکرٹری جنرل علامہ امتیاز کاظمی نے سمن آباد میں مظاہرین سے خطاب کرتے ہوئے کہا کہ کوئی بھی مسلمان اہل بیت عظام کی شان میں گستاخی برداشت نہیں کر سکتا، حکومت گستاخی کرنے والوں کے خلاف فوری کارروائی کرے۔
ادھر ہنزہ بلاک سے مون مارکیٹ تک نکالی گئی ریلی کی قیادت ایم ڈبلیو ایم کے مرکزی رہنما علامہ ابوذر مہدوی نے کی۔ انہوں نے ریلی سے خطاب کرتے ہوئے کہا کہ جب تک جیو کے اس گستاخانہ پروگرام کے پروڈیوسر اور اینکر کے خلاف کارروائی نہیں ہو جاتی ہمارا احتجاج جاری رہے گا۔ انہوں نے کہا کہ ہم سنی اتحاد کونسل کے مفتیان کی جانب سے جاری کئے گئے فتوے کی تائید کرتے ہیں اور جیو انتظامیہ کے خلاف مقدمہ درج کرنے کا مطالبہ کرتے ہیں۔ امامیہ کالونی میں ہونے والے احتجاجی مظاہرے کی قیادت سیکرٹری جنرل شیخوپورہ مولانا سید حسن رضا ہمدانی نے کی۔ انہوں نے پیمرا سے مطالبہ کیا فی الفور جیو کا لائسنس منسوخ کیا جائے۔ مجلس وحدت مسلمین کے زیراہتمام لاہور کے دیگر علاقوں میں بھی احتجاجی مظاہرے کئے گئے۔
وحدت نیوز(بلتستان) اسکردو میں بیداری ملت و استحکام پاکستان کانفرنس کے سلسلے میں مجلس وحدت مسلمین کے مرکزی سربراہ نے دیگر مرکزی رہنماوں کے ہمراہ کچورا کا دورہ کیا۔ عوامی رابطہ مہم کے موقع پر کچورا میں عوام کی بڑی تعداد نے ان کا پرتپاک استقبال کیا۔ اس موقع پر جامع مسجد کچورا میں ایک عظیم الشان جلسے کا انعقاد کیا گیا۔ جلسے میں کوئٹہ سے آئے ہوئے مہمان عالم دین شیخ ولایت جعفری ، علامہ احمد اقبال رضوی، علامہ آغا علی رضوی اور سربراہ مجلس وحدت مسلمین علامہ ناصر عباس جعفری نے خطاب کیا۔ مقررین نے اپنے خطاب میں کہا کہ گلگت بلتستان کے غیور اور محب وطن عوام سیاسی راہنماوں کی نااہلی اور ظالم حکمرانوں کی غلط پالیسویوں کے سبب اب تک حقوق سے محروم ہیں۔ حصول حقوق کے لیے ضروری ہے کہ یہاں کی عوام صبر و استقامت کے ساتھ اپنے حقوق کے حصول کے لیے جدوجہد کرے اور اپنی صفوں میں اتحاد پیدا کرے۔
وحدت نیوز(کراچی)مجلس وحدت مسلمین پاکستان کراچی ڈویژن کی جانب سے کراچی میں بڑھتی ہوئی شیعہ نسل کشی کے خلاف احتجاجی ریلی نکالی گئی اور دھرنا دیا گیا۔ ریلی کا آغاز مسجد خیرالعمل انچولی سے کیا گیا جو مقررہ راستوں سے ہوتی ہوئی شاہراہ پاکستان پہنچی جہاں شرکاء نے کاحتجاجی دھرنا دیا۔ ریلی میں بڑی تعداد میں شیعیان حیدر کرار (ع) نے شرکت کی اور نواز شریف کی وفاقی حکومت اور سندھ حکومت میں شامل تمام جماعتوں کے خلاف بھرپور نعرے بازی کی۔ احتجاجی ریلی کے شرکاء سے خطاب کرتے ہوئے علامہ مبشر حسن،علی حسین نقوی، علامہ نثار قلندری، علامہ جعفر رضا نقوی، انجینئر رضا نقوی سمیت دیگر رہنماؤں نے خطاب کیا۔ اپنے خطاب میں رہنماؤں نے کہا کہ کراچی جو کہ پاکستان کی معاشی شہ رگ ہے اور ایک ایسا شہر ہے کہ جو پاکستان کے لئے عالمی شناخت رکھتا ہے، ایسے شہر میں منظم منصوبہ بندی کے تحت شیعہ افراد کی نسل کشی قابل مذمت ہے، سندھ حکومت میں شامل تمام سیاسی جماعتوں نے بھی شیعہ نسل کشی پر اپنی آنکھیں بند کی ہوئی ہیں ایسا محسوس ہورہا ہے کہ کالعدم جماعتوں کے تکفیری دہشت گرد سیاسی جماعتوں کی چھتری تلے کام کررہے ہیں،شیعہ نسل کشی کیخلاف اقدامات نہ کئے گئے تو وزیراعلیٰ ہاؤس کا گھیراؤ کریں گے۔
رہنماؤں نے مزید کہا کہ کراچی میں موجود سیاسی و مذہبی جماعتوں کو شہر میں قیام امن کیلئے اپنا کردار ادا کرنا ہوگا، شہر کراچی میں دہشت گردوں کے ہاتھوں ڈاکٹرز، وکلاء،تاجر برادری،طلباء و دیگر طبقات سے تعلق رکھنے والے افراد کی ٹارگٹ کلنگ شہر کی معاشی رگ کو کاٹنے کی سازش ہے، مجلس وحدت مسلمین ملک بھر میں دہشت گردوں کے خلاف سیسہ پلائی ہوئی دیوار ہے اور کسی بھی صورت ملک کو طالبان دہشت گردوں کے حوالے نہیں ہونے دے گی۔ رہنماؤں کا کہنا تھا کہ سیاسی جماعتیں بھی فقط بیان بازی کے بجائے عملی طور پر کراچی میں دہشت گردی اور شیعہ نسل کشی پر اپنی آواز بلند کریں تاکہ پاکستان کی معاشی شہ رگ کو کاٹنے کی سازش کو ناکام بنایا جاسکے۔
رہنماؤں نے مزید کہا کہ گزشتہ کئی عرصے سے مقامی ٹی وی چینلز پر اہل رسول (ع) کی شان میں گستاخی میں کئی واقعات رونما ہوئے ہیں، پیمرا اور وزارت اطلاعات کو چاہیئے کہ ان واقعات کا نوٹس لے اور خاموش تماشائی بننے کے بجائے اپنا کردار ادا کرے اور اس طرح کے اقدامات کرے کہ آئندہ کسی بھی چینل کو توہین اہل بیت (ع) کی جرات نہ ہوسکے۔ ایم ڈبلیو ایم کے رہنماؤں نے چیف جسٹس آف پاکستان اور آرمی چیف سے مطالبہ کیا کہ ملک بھر میں بالخصوص کراچی میں شیعہ نسل کشی کا سختی سے نوٹس لیا جائے اور شہداء کے قاتلوں کو تختہ دار پر لٹکایا جائے۔
وحدت نیوز(اسکردو) مجلس وحدت مسلمین پاکستان کے سیکرٹری جنرل علامہ ناصر عباس جعفری اسکردو میں منعقد ہونے والی "بیداری ملت و استحکام پاکستان کانفرنس" میں شرکت کے اسکردو پہنچ گئے ہیں۔ تفصیلات کے مطابق ایم ڈبلیو ایم پاکستان بلتستان ڈویژن کے زیراہتمام 18 مئی کو یادگار شہداء اسکردو پر منعقد ہونے والی عظیم الشان کانفرنس بعنوان "بیداری ملت و استحکام پاکستان کانفرنس" میں شرکت کے لیے اسکردو پہنچ گئے ہیں۔ ان کے ہمراہ مجلس وحدت مسلمین پاکستان کے دیگر مرکزی رہنما جن میں حجتہ الاسلام علامہ احمد اقبال رضوی، آغا سید مبارک علی موسوی، آغا ولایت علی اور فضل عباس موجود ہے۔ علامہ ناصر عباس جعفری کا اسکردو ائیر پورٹ پر علمائے کرام اور معززین سمیت مجلس وحدت مسلمین کے کارکنان کی بڑی تعداد نے پرتپاک استقبال کیا۔ اس موقع علمائے کرام میں سیکرٹری جنرل مجلس وحدت مسلمین پاکستان بلتستان ڈویژن علامہ آغا علی رضوی، سیکرٹری فلاح و بہبود ایم ڈبلیو ایم گلگت بلتستان شیخ احمد علی نوری، ڈپٹی سیکرٹری جنرل مجلس وحدت مسلمین گلگت بلتستان علامہ آغا مظاہر حسین موسوی، شیخ زاہد حسین زاہدی، شیخ شبیر رجائی اور شیخ احمد کریمی موجود تھے۔
وحدت نیوز(مانسہرہ) مجلس وحدت مسلمین خیبر پختونخواہ کے ایک وفد نے سانحہ مسجد امیر المومنین (ع) کنڈ سیداں شنکیاری ضلع مانسہرہ کا دورہ کیا۔ جس میں سیکرٹری جنرل ایبٹ آباد سید مدثرعلی کاظمی اور صوبائی سیکرٹری اطلاعات و نشریات سید محمد ابوالکرار نقوی شامل تھے۔ اس موقع پر اہلیان علاقہ نے ایم ڈبلیو ایم کے وفد کو واقع کی تفصیلات سے آگاہ کیا۔ ان کا کہنا تھا کہ وزیر اطلاعات و نشریات پرویز رشید کے صاحبزادے ڈی پی او مانسہرہ خرم رشید کا رویہ انتہائی نامناسب ہے۔ جس نے اہلیان کنڈ سیداں کے وفد کی باتوں پر کان نہ دھرا اور شیعہ مراکز کو تحفظ کی یقین دہانی کرانے سے قاصر رہا۔ ایم ڈبلیو ایم کے وفد نے وزیر اطلاعات و نشریات پرویز رشید کے صاحبزاداے کو خبردار کیا کہ وہ دہشت گردوں کا آلہ کار بننے کی بجائے مظلوم و مستصعف قوم کا ساتھ اور اپنی فرائض منصبی سے کسی صورت غفلت نہ برتنے کا رویہ ترک کرے۔ علامہ زاہد بخاری، پرنسپل دارالمودت سکول مانسہرہ نے اس موقع پر ایم ڈبلیو ایم کے ہمراہ جائے وقوعہ پر میڈیا سے بات کرتے ہوئے کہا کہ اس واقعہ میں دہشت گردوں کے ساتھ چند مقامی عناصر بھی شامل ہیں جن کی باقاعدہ تربیت اسی علاقہ میں جاری ہے۔ حکومت کو چاہیے کہ فی الفور ان ٹریننگ کیمپس کا خاتمہ کرے۔ اس سے قبل مرکز اہل بیت مانسہرہ میں مسجد کنڈ سیداں کے امام جمعہ مولانا صدا علوی سے بھی ایم ڈبلیو ایم کے صوبائی سیکرٹری جنرل علامہ وحید عباس کاظمی، میڈیا سیکرٹری ضلع ہری پور عشرت عباس اور نزاکت علی چیف وحدت سکاوٹ نے ملاقات کی۔