وحدت نیوز (ڈیرہ اللہ یار) ملک کو دہشت گردی کی لعنت سے نجات دلانے کیلئے طالبان مخالف قوتوں کو اکٹھا کریں گے، یہ وقت طالبان سے مذاکرات کا نہیں بلکہ دہشت گردوں کے خلاف آپریشن کا ہے ،نواز شریف نے وطن عزیز کو طالبان کے رحم و کرم پر چھوڑ دیا ہے،ملک بھر میں شیعہ سنی عوام متحد ہوچکے ہیں اور انشاء اللہ وطن دوستوں سے محبت کرنے والی عوام کا سمندر طالبان دہشت گردوں کو بہا کر لے جائے گا، تھرپارکر میں بھوک سے معصوم بچوں کی اموات پر سندھ حکومت فوری مستعفی ہوجائے۔ ان خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے ڈیرہ اللہ یار میں ایم ڈبلیو ایم بلوچستان کے تحت ’’ لبیک یا رسول اللہ (ص) کانفرنس ‘‘ کے اجتماع سے خطاب کرتے ہوئے کیا۔ اس موقع پر عوام کی بڑی تعداد نے اجتماع میں شرکت کی۔ اجتماع کا پنڈال لبیک یا رسول اللہ (ص)، لبیک یا حسین (ع)، پاکستان بنایا تھا پاکستان بچائیں گے، امریکہ مردہ بار، اسرائیل نامنظور کے نعروں سے گونجتا رہا۔

اجتماع سے خطاب میں ایم ڈبلیو ایم کے مرکزی سیکریٹری جنرل علامہ ناصر عباس جعفری کا کہنا تھا کہ ہمارا وطن دہشت گردوں کی جنت بن چکا ہے، ضیائی اسٹیبلشمنٹ نے جس ناسور کو پالا تھا آج وہ ہمارے ملک کی جڑوں کو کھوکھلا کررہا ہے، وقت آگیا ہے کہ محب وطن قوتیں پاکستان کو بچانے کیلئے یکجا ہوں اور دہشت گردی کی لعنت سے ملک کو نجات دلانے کے لئے میدان میں اتریں، مجلس وحدت مسلمین ملک کو دہشت گردی کی لعنت سے نجات دلانے کیلئے طالبان مخالف قوتوں کو اکٹھا کرے گی اور انشاء اللہ دشمن قوتوں کو یہ پیغام دے گی کہ ملک بھر میں شیعہ سنی عوام متحد ہوچکے ہیں اور انشاء اللہ وطن دوستوں سے محبت کرنے والی عوام کا سمندر طالبان دہشت گردوں کو بہا کر لے جائے گا۔ انہوں نے تھرپارکر میں بھوک سے معصوم بچوں کی اموات پر سندھ حکومت کی مذمت کرتے ہوئے کہا کہ پیپلز پارٹی اگر اپنی جماعت کی بقاء چاہتی ہے اور فوری طور پر سندھ کے وزارت اعلیٰ کا منصب کسی قابل اور لائق فرد کے حوالے کیا جائے، تھرپارکر میں بھوک سے نڈھال بچوں کی اموات پر قائم علی شاہ از خود اپنی ناکامی کا اعتراف کرتے استعفیٰ پیش کریں۔

وحدت نیوز (ڈیرہ اللہ یار) سنی اتحاد کونسل کے مرکزی رہنما مفتی سعید رضوی نے کہا ہے کہ یہ وقت طالبان سے مذاکرات کا نہیں بلکہ دہشت گردوں کے خلاف آپریشن کا ہے ۔ان خیالات کا اظہارانہوں نے ڈیرہ اللہ یار میں ایم ڈبلیو ایم بلوچستان کے تحت ’’ لبیک یا رسول اللہ (ص) کانفرنس ‘‘ کے اجتماع سے خطاب کرتے ہوئے کیا۔ اس موقع پر عوام کی بڑی تعداد نے اجتماع کی۔ اجتماع کا پنڈال لبیک یا رسول اللہ (ص)، لبیک یا حسین (ع)، پاکستان بنایا تھا پاکستان بچائیں گے، امریکہ مردہ بار، اسرائیل نامنظور کے نعروں سے گونجتا رہا۔مفتی سعید ضوی کا کہنا تھا کہ پاکستان کی عوام نے دیکھ لیا کہ حکومت نے مذاکرات کی پیشکش تو کی لیکن طالبان دہشت گردوں نے وطن عزیز کی افوان اور عوام کو اپنی بربریت کا نشانہ بنانے کا سلسلہ بند نہیں کیا، ایسے لوگوں سے مذاکرات سے ریاست کمزور ہوگی، اگر ہمیں ریاست کو مضبوط اور طاقتور کرنا ہے تو طالبان دہشت گردوں کو ملک سے صفایا کرنا ہوگا۔

وحدت نیوز(کو ئٹہ) مجلس وحدت مسلمین کوئٹہ ڈویژن سے جاری کردہ بیان میں ڈویژنل سیکریٹری جنرل سید محمد عباس موسوی کاکہنا تھا کہ ایک طر ف ملک میں جا ری دہشت گر دی ، اغوا ء بر ائے تا وان ، مہنگائی،بے روز گاری کا با زا ر گرم ہے جسکی وجہ سے عوام کا جینا دشوا ر ہو کر رہ گیا ہے تو دوسری طر ف ہما رے حکمر ان اپنی اور اپنے من پسند افراد او ر رشتہ دا روں کی جیبیں بھر نے کی فکر میں ہیں او ر عوا م کی فلا ح و بہبود کیلئے کو ئی مو ثر اقدا مات اٹھا نے سے مکمل طور پر غا فل نظر آتی ہے جسکی وجہ سے عوام شدید مشکلات کا شکار ہیں۔ انہوں ملک میں قو می اثا ثو ں کے نجکا ری کی مخا لفت کر تے ہوئے کہا گیا مجلس وحدت مسلین ہر اُس اقدا م کی مخا لفت کرتی ہیں جس سے ملکی دولت اور عوام کو نقصا ن پہنچتا ہو بیان میں مزید کہا گیا کہ ہم حکومت کی طر ف سے قو می اثاثوں کے نجکا ری کی بھر پور مذمت کر تے ہو ئے مزدوروں اور عوام کے سا تھ کھڑے ہیں اور حکومت کے اُن تمام اقدا ما ت کی بھر پور مخا لفت کر تے ہیں جو ملکی اورعوامی مفا دا ت کو نقصا ن پہنچا نے کا با عث بنتا ہیں۔


ان کا مذید کہنا تھا کہ وفا قی حکومت کا اولین فر ض بنتا ہے کہ وہ کوئٹہ میں عوام کواُن کے بنیادی حقوق کے حصو ل کے سلسلے میں مو ثر اقدا ما ت اُٹھا تے ہوئے پا سپورٹ آفس کو ئٹہ میں بد عنو نیوں کا نو ٹس لے اور عوام کیلئے آسانیاں پیدا کرتے ہوئے آفس میں سر گرم ما فیا کا شناخت کرکے اُن کے خلاف سخت کا روائی عمل میں لا ئے اور عوام کیلئے شنا ختی کارڈ اور پاسپورٹ کا حصول نہا یت آسان بنائے اور عوام کو مختلف دفا تر میں خوار کر نے کے بجا ئے اُن کو علاقے کے منتخب عوامی نما ئندوں ،کونسلروں کے پاس بھیجا جائے جسکی تصدیق کے بعد عوام کو شناختی کارڈ اور پا سپو رٹ کا اجراء کیا جائے کیونکہ جمہو ری حکومت کے ہوتے ہو ئے عوامی نما ئندوں کو یہ اختیا ر حا صل ہو نا چا ہئیے کہ وہ اپنے حلقے کے عوام کے مسا ئل کے حل کیلئے اقدا مات اُٹھا سکیں اور اگر عوام کو اُن کے بنیا دی حقوق کے حصول کو آسان اور شفا ف نہیں بنا یا جاتاتو عوام شدید احتجا ج پر مجبو ر ہو جا ئے گی۔

وحدت نیوز( سکھر) مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری نے ایک پر ہجوم پریس کانفرنس سے خطاب کرتے ہوئے کہا کہ ملک دشمن اور اسلام دشمن طالبان دہشت گرد پاکستان کے معصوم عوام کو قتل کر رہے ہیں اور حکمران طالبان دہشت گردوں اور عوام کے قاتلوں کو تحفظ دینے میں مصروف عمل ہیں، علامہ راجہ ناصر عباس جعفری کے ہمراہ مجلس وحدت مسلمین پاکستان سندھ کے سیکرٹری جنرل علامہ مختار امامی، سیکرٹری سیاسیات عبد اللہ مطہری ، ڈپٹی سیکرٹری جنرل عالم کربلائی اور سکھر ڈویژن کے سیکرٹری جنرل چوہدری اظہر حسن بھی موجود تھے۔

سکھر پریس کلب میں صحافیوں سے گفتگو کرتے ہوئے مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری کاکہنا تھا کہ اولیاء اللہ کی سر زمین سندھ کے علاقے خیر پور میں سولہ مارچ کو ہونے والی ’’لبیک یا رسول اللہ (ص)‘‘ کانفرنس ملک کی تاریخ میں شیعہ و سنی مسلمانوں کی وحدت کا عظیم الشان مظہر ثابت ہو گی ، ان کاکہنا تھا کہ ’’لبیک یا رسول اللہ (ص)‘‘ کانفرنس میں ملک کی مایہ ناز شخصیات ، دانشور، جید علمائے کرام، شہداء کے خانوادوں سمیت اہم ترین شخصیات شرکت کریں گی۔انہوں نے سکھر انتظامیہ کو تنقید کا نشانہ بناتے ہوئے کہا کہ سکھر انٹظامیہ بدمعاش اور تکفیری دہشت گرد ٹولوں کی ایماء پر مجلس وحدت مسلمین پاکستان کی ’’لبیک یا رسول اللہ (ص)‘‘ کانفرنس کو سبو تاژ کرنے کی کوشش کر رہی ہیں تاہم شیعہ و سنی عوام کا عظیم الشان اجتماع اپنے مقررہ وقت اور تاریخ پر ممتاز گراؤنڈ خیر پور میں منعقد کیا جائے گا اور اگر حکومت نے کسی قسم کی رکاوٹ کھڑی کرنے کی کوشش کی تو سنگین نتائج کی ذمہ داری حکومت پر عائد ہو گی۔

مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے تھر میں بھوک اور پیاس کی شدت سے جانبحق ہونے والے معصوم انسانوں کی جانوں کے زیاں کو حکمرانوں کی نا اہلی اور سستی اور کاہلی قرار دیا اور عوام سے مطالبہ کیا کہ عوام تھر کے عوام کی مد دکے لئے دل کھول کر عطیات جمع کروائیں اور بھوک او ر پیاس کی شدت سے موت اور زندگی کی کشمکش میں پھنسے معصوم انسانوں کی مدد کی جائے۔

علامہ راجہ ناصر عبا س جعفری نے پاکستان کی خارجہ پالیسی کے بارے میں گفتگو کرتے ہوئے کہا کہ پاکستان کو سعودی عرب اور دیگر عرب ممالک کی ایماء پر امریکی اورصسیہونی اسکیم کا حصہ نہیں بننا چاہئیے بلکہ پاکستان کو چاہئیے کہ شام اور مشرق وسطیٰ سے متعلق اپنی سابقہ پالیسی پر کاربند رہے اور امریکی اور اسرائیلی اتحادی سعودی عرب اور دیگر عرب ممالک کی ایماء پر پاکستان کی خارجہ پالیسی کو تبدیک کرنے سے گریز کرے، انہوں نے متنبہ کیا کہ پاکستان دہشت گردوں کی آمجگاہ بنا ہوا ہے اور ایسے حالات میں دہشت گردوں کی سرپرست حکومتوں کی ایماء پر بنائی جانے والی پالیسی کے باعث دہشت گردوں اور ملک دشمن قوتوں کے حوصلے بلند ہوں گے جو پاکستان کی بقاء اور سلامتی کے لئے سنگین خطرہ ہے۔

علامہ راجہ ناصر عباس جعفری نے کہا کہ مورخہ نو مارچ کو ڈیرہ الہ یار اور سولہ مارچ کو خیر پور میں لبیک یا رسول اللہ کانفرنس کا انعقاد ملک کی سلامتی اور بقاء اور شیعہ و سنی مسلمانوں کے اتحاد کا عظیم الشان مظہر ہو گا۔