وحدت نیوز(کراچی) ایم ڈبلیوایم کے کارکنان اور رہنماؤں کے قتل میں ملوث دہشت گردوں کو گرفتار کیا جائے، وفاقی و صوبائی حکومت نے کالعدم جماعتوں کو تحفظ فراہم کیا آج شہر قائد میں عوام اپنے آپ کو غیر محفوظ سمجھتی ہے، حکومت شیعہ نسل کشی ٹارگت کلنگ کے خلاف پر اعلیٰ عدالتی کمیشن قائم کرے، صوبائی حکومت زبانی جمع خرچ کے بجائے شیعہ افراد کے قتل میں ملوث دہشت گردوں کو گرفتار کرے۔ ان خیالات کا اظہار مجلس وحدت مسلمین کراچی کے سیکریٹری جنرل حسن ہاشمی نے وحدت ہاؤس کراچی میں منعقدہ کابینہ کے اجلاس سے خطاب کے دوران کیا۔ اجلاس میں علامہ علی انور جعفری، علامہ مبشر حسن، سلمان حسینی، حیدر زیدی، علی حسین نقوی سمیت کابینہ کے دیگر عہدیداران نے شرکت کی۔ اُن کا کہنا تھا کہ شہر قائد میں قانون نافذ کرنے والے اداروں کی سرپرستی میں کالعدم تکفیری دہشت گردوں کے بہت سے نیٹ ورک چل رہے ہیں، شیعہ پروفیسرز اور ڈاکٹرز کو قتل کی دھمکیاں مل رہی ہیں تو دوسری جانب شہر کی جامعات میں بھی کالعدم گروہوں کا نیٹ ورک منظم ہو رہا ہے، اب شہر کی جامعات بھی محفوظ نہیں رہیں، حکومت و قانون نافذ کرنے والے ادارے صرف زبانی جمع خرچ سے کام چلا رہے ہیں، دہشتگردی کے خاتمہ کیلئے و فاقی و صوبائی حکومت کی جانب سے عملی اقدامات کی ضرورت ہے، تکفیری ایجنڈے کے تحت ملت تشیع پر مظالم کے پہاڑ توڑے جارہے ہیں۔

حسن ہاشمی نے کہا کہ مرکزی رہنماؤں کی احتجاجی تحریک پر لبیک کہتے ہیں اور اب ایم ڈبلیو ایم مظلوموں کی آواز بن کر ملک گیر احتجاج کریگی، کراچی سمیت پورے ملک میں بے گناہ لوگ مارے گئے، کوئٹہ، کراچی، لاہور، راولپنڈی، گجرات، پشاور، چشتیاں، ملتان، بھکر، ڈی جی خان اور چکوال میں بے گناہ انسانوں کے خون سے ہولی کھیلنے والے درندوں کو قانون کی گرفت میں نہیں لیا گیا، اس کے بر عکس کراچی اور راولپنڈی میں ملت تشیع کے بے گناہ افراد کو بلاجواز گرفتار کیا گیا اور انہیں وحشیانہ تشدد کا نشانہ بنایا گیا، ہم نے صرف مظلومیت کی آواز بلند کی جس کی پاداش میں ہمیں تشد کا نشانہ بنایا جارہا ہے، وفاقی و صوبائی حکومت بلوچستان کے رئیسانی کے نقش قدم پر چلتے ہوئے ہماری زخموں پر نمک پاشی کر رہی ہے۔ انہوں نے کہا کہ سانحہ راولپنڈی کے دوران کے چھ مساجد و امام بارگاہیں آتشزدگی کا نشانہ بنیں لیکن کسی بھی وفاقی یا صوبائی عہدیدار نے مساجد کا جائزہ لینے کی کوشش ہی نہیں کی، حکمران ہمیں مجبور کر رہے ہیں کہ ہم مظلومین کوئٹہ کی طرح پنجاب کے رئیسانیوں کے خلاف اٹھیں، انشاء اللہ ہماری پر امن جدوجہد صرف پاکستان تک محدود نہیں رہے گی۔

انہوں نے وفاقی حکومت کی طالبان سے مذاکرات کی بزدلانہ پالیسی کو تنقید کا نشانہ بناتے ہوئے کہا کہ سفاک قاتلوں اور درندوں کی زبان پر شریعت کا مطالبہ زیب نہیں دیتا، طالبان کی شریعت فتنہ ہے فساد ہے جسے قبول نہیں کیا جا سکتا، دہشت گردوں کی زبان پر شریعت کا مطالبہ شریعت کی توہین ہے، مذاکرات ان لوگوں سے کئے جاتے ہیں جن کا دل پاکستان کے ساتھ دھڑکتا ہو۔ انہوں نے مزید کہا کہ ہمارا وطن بے ناموس لوگوں کے ہاتھوں قیدی بنا ہوا ہے حکومت ہوش کے ناخن لے اور مزاکرات کے نام پر مظلوم عوام کو دہشت گردی کا نشانہ نہ بنوائیں اور ان دہشت گردوں کے خلاف ملک بھر میں فوجی آپریشن کرے اور ان خون آشام بلاؤں کا ملک سے مکمل خاتمہ کرے۔

وحدت نیوز (قم المقدسہ) مجلس وحدت مسلمین شعبہ قم  کی جانب سے یورپ سے آئے ہوئے مجلس علمائے شیعہ یورپ اور مجلس وحدت مسلمین پاکستان کے مسئولین کے اعزاز میں باوقار عشائیہ کی تقریب منعقد کی گئی۔ اس محفل میں مجلس وحدت مسلمین قم کی کابینہ، مجلس مشاورت کے اراکین اور پاکستان کے چاروں صوبوں کے سیکرٹری جنرلز موجود تھے۔ مجلس وحدت مسلمین پاکستان کے سیکرٹری جنرل علامہ ناصر عباس جعفری اور مجلس علمائے یورپ کے صدر علامہ سید علی رضا رضوی اس پروگرام کے مہمان خصوصی تھے۔

مجلس علمائے شیعہ یورپ کے صدر علامہ سید علی رضوی نے ایم ڈبلیو ایم شعبہ قم کا اس پروگرام کے انعقاد پر شکریہ ادا کیا اور کہا کہ میں خصوصاً جناب علامہ ناصر عباس جعفری کا اپنی اور یورپ کے تمام علماء کرام کی جانب سے شکریہ ادا کرتا ہوں۔ انہوں نے کہا کہ پوری دنیا میں چاہے وہ عرب ہوں یا ایرانی، اس بات کے معترف ہیں کہ پوری دنیا میں دینی تبلیغ اور خصوصاً مکتب اہل بیت علیہم السلام کی یورپ میں ترویج میں برصغیر خصوصاً پاکستانی علماء کا بڑا کردار رہا ہے۔ علامہ سید علی رضارضوی کا کہنا تھا کہ اس وقت پورے برطانیہ میں 1600 مساجد اور دینی مراکز موجود ہیں، جن میں 100 سے زیادہ رجسٹرڈ ہیں۔ ان میں سے 70 سے زیادہ پاکستانی علماء کے زیر سرپرستی کام کر رہے ہیں۔ انہوں نے انقلاب اسلامی ایران کی کامیابی اور حضرت امام خمینی (رہ) کے انقلاب کو دنیا میں ایک عظیم انقلاب قرار دیا اور کہا کہ انقلاب اسلامی کی برکت سے پوری دنیا میں بیداری کا نیا دور شروع ہوا۔

علامہ سید علی رضارضوی نے پاکستان کے مسائل کے حوالے سے مزید کہا کہ یورپ کے عوام اور علماء کبھی بھی بین الاقوامی مسائل میں پیچھے نہیں رہے، بحرین کا مسئلہ ہو یا عراق کا، ہم نے ہمیشہ اپنی ذمہ داری انجام دینے کی کوشش کی ہے۔ ان کا مزید کہنا تھا کہ جب پاکستان میں کوئٹہ کے مومنین اور مجلس وحدت مسلمین نے پہلی بار دھرنوں کا آغاز کیا تو شاید چند ہی گھنٹوں کے بعد انگلینڈ میں بھی دھرنے دے دیئے گئے اور ہم نے پاکستان کے مظلوم شیعہ مسلمانوں کی آواز کو برطانیہ کی پارلیمنٹ میں اٹھایا اور ہاوس آف لارڈ نے یہ بات تسلیم کی کہ پاکستان میں شیعہ نسل کشی کی جا رہی ہے۔ انہوں نے کہا دنیا میں جہاں کہیں بھی پاکستانی موجود ہیں وہ پاکستان کے تمام مسائل کو نظر میں رکھے ہوئے ہیں اور آپ بزرگان جو قدم بھی اٹھائیں گے ہمیں اپنے ساتھ کھڑا ہوا پائیں گے، ہم ماضی کی طرح آیندہ بھی انشاءاللہ ہر مسئلہ میں اپنی قوم کے ساتھ کھڑے ہوں گے۔

وحدت نیوز(حیدرآباد) مجلس وحدت مسلمین ضلع حیدر آباد کے سیکریٹری جنرل مولانا امداد علی نسیمی نے کہا ہے کہ کراچی کے رازق آباد میں پولیس ٹرینگ سینٹر کے باہر پولیس کے جوانوں کی بس کو دہشت گردوں نے کس بے رحمی سے بم دھماکے سے اُڑا دیا ، دہشت گرد مسلسل بے گناہ شہریوں ، قانون نافذ کر نے والے اداروں اور معصوم بچوں کو درندگی کا نشانہ بنا رہے ہیں ، نواز شریف اور ان کے نا اہل وزراء قوم کے قتل عام کا تماشہ دیکھنے میں مصروف ہیں ، ملک بھر میں جاری دہشت گردی کی پر زور مذمت کرتے ہیں ، مولانا امداد علی نسیمی نے مزید کہا کہ یہ واقع حکومت کی نا اہلی کا مُنہ بولتا ثبوت ہے پشاور کراچی اور مُلک کے دوسرے شہر بھی دہشتگردوں کے نشانہ پر ہیں آخر حکومت کراچی میں آپریشن کر رہی ہے تو پھر یہ دہشت گرد کہاں سے پیدا ہو رہے ہیں جو ان بے گناہ جوانوں کو اپنی دہشت گردی کا نشانہ بنا رہے ہیں آپریشن کے با وجود دہشت گرد دن دناتے پھر رہے ہیں حکومت پاکستان آخر کب تک جوانوں کو دہشت گردوں کے ہاتھو شہید ہوتے دیکھتے رہے گی کیوں آخر ان کے خلاف آپریشن نہیں کر رہی ہم نے پہلے ہی کہا تھا یہ مذاکرات نہ کریں ، کیوں حکومت سنجیدہ نہیں ہوتی اس معاملے میں آخر حکومت کی کون سی کمزوری ہے ان طالبان کے پاس ہے جو حکومت آپریشن کے نام سے بھی خوف زدہ ہو جاتی ہے مذاکرات کے باوجود دہشت گرد تا بڑ توڑ حملے کر رہے ہیں یہ امن دشمن عناصر کون ہیں طالبان اور حکومت کی طرف سے اس بم دھماکے پرخاموشی کیوں ؟ ہم مطالبہ کرتے ہیں کہ آج جو کراچی میں واقعہ ہوا ہے اس میں ملوث دہشت گردوں کو فوری گرفتارکر کے سر عام سزا دی جائے ہم دعا کرتے ہیں کہ کراچی میں جتنے بھی پولیس والے شہید ہوئے ہیں خدا ان کو شہید وں میں سے کرار دے اور ان کے لواحقین کو صبر جمیل عطا فر مائے۔

وحدت نیوز(کوئٹہ) مجلس وحدت مسلمین کوئٹہ ڈویژن کی طرف سے جاری کردہ ایک بیان میں رُکن صوبائی اسمبلی اورحلقہ پی بی 2 کوئٹہ 2 کے عوامی نمائندے آغا محمد رضارضوی نے گزشتہ روز کراچی میں رونماہونے والے واقعہ کی شدیدالفاظ میں مذمت کی ہے جس میں 13 پولیس کمانڈوزنے جام شہادت نوش کیا۔ انہوں نے کراچی میں 13 پولیس کمانڈوزپرطالبان دہشت گردوں کے حملے کوبزدلانہ اورسفاکانہ فعل قراردیتے ہوئے کہاکہ طالبان کسی نرمی کے مستحق نہیں۔ انسان دشمن اورپاکستان دشمن طالبان کے ساتھ حکومت کاامن مذاکرات لاحاصل ہے۔

کراچی اورپشاورمیں حالیہ دہشت گردانہ کاروائیاں حکومت کے لئے کھلاپیغام اورریاستی اداروں کی آنکھیں کھولنے کے لئے کافی ہے کہ طالبان ملک بھرمیں پھیلے ہوئے ہیں اوروہ جب چاہیں، جہاں چاہیں معصوم انسانوں کواپنے دہشت گردانہ کاروائی کا نشانہ بناسکتے ہیں۔انہوں نے مزیدکہاکہ طالبان متعددبارکہہ چکے ہیں کہ پاکستان کا جمہوری نظام کافرانہ ہے۔ جس کو وہ کبھی بھی تسلیم نہیں کرسکتے۔ اگروہ پاکستان کے آئین کومانتے توانہیں جنگ کرنے کی ضرورت ہی کیاتھی؟طالبان کسی ابہام کا شکارنہیں۔ وہ پورے پاکستان پراپنی طرزکی شریعت کانفاذچاہتے ہیں۔ اگرابہام یا خوش فہمی کاشکارہیں تووہ حکومت اور چند سیاسی ومذہبی جماعتیں ہیں جن کی طالبان دہشت گردوں کے خلاف آوازبلندکرتے ہوئے خوف کے مارے ٹانگیں کانپتی ہیں۔ وہ سمجھتے ہیں کہ آنکھیں بندکردینے سے بلی اُن پر حملہ آورنہیں ہوگی۔جبکہ ایسا ہرگزنہیں۔طالبان کو جب کبھی جہاں بھی موقع ملے وہ معصوم انسانوں پرحملہ کرنے سے گریزنہیں کرتیں۔اس کے لئے انہیں کسی وجہ کی ضرورت نہیں۔

آغارضانے اُن حلقوں پرتعجب کا اظہارکیاجو نام نہاد حکومت طالبان مذاکرات کو امن کے لئے امیدکی کرن سے تعبیرکرتے ہیں۔اور عوام کوبے وقوف بناکرہمیشہ کے لئے اپنی کھوئی ہوئی سیاسی ساکھ اورچودھراہٹ کو دوبارہ بحال کرنے کرنے کے خواب دیکھ رہی ہیں۔لیکن وہ نہیں سمجھتے کہ عوام باشعورہیں اوراب مزیداُن کے دقیانوسی اوررَٹے ہوئے من گھڑت اوربے بنیادچکنی چپٹی باتوں میں نہیں آئیں گے۔ عوام کواچھی طرح معلوم ہے کہ ایم ڈبلیوایم ہی اُن کے مشکل وقت میں اُن کے کام آیاہے۔ایم ڈبلیوہی اُن کے دکھ درد میں ہمیشہ سے اُن کے ساتھ شریک رہاہے۔ ایم ڈبلیوہی وہ سیاسی جماعت ہے جس نے مظلوم ہزارہ قوم کوکوئٹہ میں تنہائی سے نکال کر پاکستان کے دیگرسنی شیعہ عوام کے ساتھ متحدویکجاکردیاہے۔

ان کا کہنا تھا کہ جہاں تک پاکستان میں قیام امن کی بات ہے، پاکستان کے ہرمظلوم کی حمایت اورہرظالم کے خلاف آوازبلندکرنے کی بات ہے یا پاکستان میں قومی، مذہبی و سیاسی ہماہنگی ، رواداری و بھائی چارے کی بات ہے تو اس کے لئے مجلس وحدت مسلمین پاکستان ہر فورم پرتمام معتدل ، وسیع القلب ، روشن فکر، ترقی پسند، انسان دوست و تعلیم دوست قومی، سیاسی و مذہبی جماعتوں کے ساتھ کام کررہی ہے۔ اوراِن مقاصد کے حصول کے لئے کسی بھی قربانی دینے سے دریغ نہیں کرے گی۔دہشت گردکاکوئی قوم، دین یا فرقہ نہیں ہوتا۔ ہماری نظرمیں پاکستان میں کوئی بھی شخص چاہے اس کا کسی بھی قوم، مذہب یا فرقے سے تعلق ہواگروہ بے گناہ ماراجاتاہے تو وہ شہیدہے۔ اوراس کی جان لینے والادہشت گرداورظالم ہے۔