The Latest
وحدت نیوز(کوئٹہ) سنی اتحاد کونسل کے چیئر مین صاحبزادہ محمد حامد رضا نے کہا ہے منور حسن نے اسامہ بن لادن کو سیدالشہداء کہہ کر دین کے وقار کو مجروح کیا ہے،پاکستانی عوام کیلئے صرف اسلام پر قربانیاں دینے والے، نبی (ص) کے دین کیلئے اپنا سب کچھ لٹا دینے والے، پیغمبر اسلام (ص) کے نواسہ حضرت امام حسین (ع) کی ذات ہی سیدالشہداء ہے، نہ کہ ملک اور انسانیت دشمن اسامہ بن لادن۔ اب ہم کسی کو بھی اسلام کے نام پر مزید ٹھیکہ داری کی اجازت نہیں دے سکتے،دہشتگرد قوتوں اور ہم میں یہ فرق ہے کہ وہ اسامہ اور حکیم اللہ محسود کو روتے ہیں لیکن ہم کربلا کے مظلوموں کی یاد میں روتے ہیں۔ ان خیالات کا اظہارانہوں نے مجلس وحدت مسلمین کوئٹہ ڈویژن کے زیر اہتمام علمدار روڈ پر منعقدہ پیام شہداء و اتحاد مت کانفرنس سے خطاب کر تے ہوئے کیا۔
ان کاکہنا تھاکہ میں ان حکمرانوں سے یہ پوچھنا چاہتا ہوں کہ جو قوتیں پاکستان اور قائداعظم کو نہیں مانتیں، آپ انکے پاس تو ہاتھ جھوڑ کر جاتے ہیں، لیکن کوئٹہ میں بیٹھے مظلوم عوام کی دل جوئی کرنے کیلئے آپ کے پاس وقت نہیں ہوتا۔ ہم طالبان، ظالمان، لشکر جھنگوی، سپاہ صحابہ اور کسی بھی دہشتگرد قوت کو نہیں مانتے۔ انہوں نے کہا کہ وہ وقت دور نہیں جب پاکستان کی مظلوم عوام اسلام آباد کا رخ کریگی اور ان سعودی نواز حکمرانوں کو بھاگنے کا راستہ بھی نہیں ملے گا۔ اگر حکومت نے دہشتگردوں کیساتھ اب بھی مذاکرات کئے تو اس بار ہم اپنے گھروں کو واپس نہیں جائیں گے اور اس ملک سے دہشتگردوں سمیت انکے سیاسی و مذہبی سپورٹروں کو بھی ملک بدر کردینگے۔
صاحبزادہ حامد رضا کا مزید کہنا تھا کہ آج کا یہ جلسہ یہ مطالبہ کرتا ہے کہ ملا فضل اللہ کی باقاعدہ حوالگی کا حکومت افغانستان سے مطالبہ کیا جائے اور اسی چوک پر اُس مُلا فضل اللہ کو ہمارے شُہداء کے قتل کے جرم میں پھانسی دی جائے۔ ان کا کہنا تھا کہ ہم بہت جلد اسلام آباد کا رخ کرینگے، چوہدری صاحب آپ فرار کا راستہ تلاش کریں۔ آپ کے بزرگوں اور بڑوں کا بھی یہی شیواء تھا اور آپکے ساتھیوں کا آج بھی یہی شیوا ہے۔ انہوں نے کہا کہ گذشتہ دس دنوں سے کچھ لوگ طالبان کی مخالفت کے ٹھیکیدار بن گئے ہیں اور ٹویٹ سیاست شروع کر دی ہے۔ طالبان نے مذاکراتی کمیٹی کا اعلان بھی کر دیا اور ابھی تک آپکی مذمتی بیان جاری نہیں ہوئی۔ مجھے یقین ہے کہ اُس کمیٹی میں پانچویں کے بعد چھٹا نام آپ کا ہی ہے۔ جو مولوی ٹی وی پر کہہ رہے ہیں کہ رسول خدا (ص) نے بهی کافروں سے معاہدے کیے تهے تو انہیں بتا دو کہ ان طالبان کو کافر مانو تو ہم بھی مذاکرات کی مخالفت نہیں کرینگے۔
وحدت نیوز(کوئٹہ) وائس آف شہداء کے ترجمان سینیٹر سید فیصل رضا عابدی کا کہنا تھا کہ طالبان کی شریعت یزید کی شریعت ہے، نواز شریف ملک میں یزید کی شریعت نافذ کرنا چاہتے ہیں، ایسی جمہوریت پر لعنت بھیجتا ہوں کہ جس کی آغوش میں ملک کی پاک افواج اور عوام کے گلے کاٹے جا رہے ہیں اور قاتل دہشت گردوں سے مذاکرات ہو رہے ہیں۔ ان کا مزید کہنا تھا کہ ہم آخری جنگ کی تیاری کر رہے ہیں، طالبان سے مذاکرات کرنیوالوں پر لعنت بھیجتا ہوں اور ایسے افراد کو مسترد کرتا ہوں۔ان خیالات کا اظہار انہوں نے مجلس وحدت مسلمین پاکستان کوئٹہ ڈویژن کے زیر اہتمام علمدار روڈ پر منعقدہ پیام شہداء واتحاد امت کانفرنس سےخطاب کر تے ہو ئے کیا
۔
فیصل رضا عابدی کا کہنا تھا کہ شہداء کے خانوادے اور ملک کی مظلوم عوام پاک فوج کو اجازت دیتے ہیں کہ طالبان پر فوری حملہ کر دیا جائے، جس طرح شام میں تکفیریوں کو ہم نے شکست دی ہے، بالکل ویسے ہی پاکستان کو بھی تکفیریوں کا قبرستان بنائیں گے۔طالبان درندوں سے مذاکرات کی حکومتی کوششیں نا صرف ناکام ہو ں گی بلکہ اس کے نتیجے میں مذید لاشو ں کے تحفے قوم کو ملیں گے، نواز لیگ اپنی ہچکولے کھاتی نااہل حکومت کو سہارا دینے کے لئے مذاکرات کا ڈرامہ رچا رہی ہے، افسوس کا مقام ہے کہ پاکستان کے نام نہاد سیاسی و مذہبی رہنما اور اسلام کے ٹھیکدار طالبان کے ہمددرد اور معاون بن کر میدان میں اتر آئیں ہیں ۔ پاکستان کو دہشت گردی اور دہشت گردوں سے نجات دلانے کے لئے سنی اتحاد کونسل ، مجلس وحدت مسلمین اور وائس آف شہداء نے حکمت عملی مرتب کر لی ہے ، اگر طالبان کو مظلوم عوام پر مسلط کرنے کی کوشش جاری رہی تو ہم اسلام آباد کا رخ کریں گےاور پھر ہم اکیلے نہیں ہو نگے، دہشت گردی کا شکار دیگر سیاسی جماعتیں اور عوام بھی ہمارے ہمراہ ہو نگیں ۔
وحدت نیوز(کوئٹہ) تحریک منہاج القرآن پاکستان کے مرکزی رہنما علامہ سید فرحت حسین شاہ نے کہا ہے کہ پاکستان میں دہشت گردوں کا راج ہے، محب وطن قوتوں پر حملے عالمی استعماری ممالک کا بین الاقوامی ایجنڈہ ہے، طالبانی سوچ کو ہم پر مسلط کر نے کی کوشش کی جارہی ہے، پاکستان میں شیعہ سنی لڑائی جھگڑا قطعاً کہیں نہیں ، ایک مخصوص انتہا پسند سوچ پاکستان کو عدم استحکام سے دوچار کر نے میں مصروف ہے ،ہمارے دل پاکستان میں دہشت گردی کا نشانہ بننے والےشیعہ ہزارہ بھائیوں کے ساتھ دھڑکتے ہیں، تحریک منہاج القرآن امن کے قیام اور دہشت گردی کے خاتمے کی قومی مہم میں مجلس وحدت مسلمین اور سنی اتحاد کو نسل کے شانہ بشانہ کھڑی ہے، پاکستان کے خوارج کیلئے واحد علاج شیخ الاسلام علامہ ڈاکٹر طاہرالقادری کا وہ تاریخ ساز فتویٰ ہی ہے جس پر عمل کرکے پاکستانی قوم اس ناسور سے نجات پاسکتے ہیں۔ ان خیالات کا اظہار انہوں نے مجلس وحدت مسلمین پاکستان کے زیر اہتمام علمدار روڈ پر منعقدہ پیام شہداء و اتحاد امت کانفرنس سے خطاب کر تے ہو ئے کیا ۔
ان کاکہنا تھا کہ یزیدی سوچ و فکر کے حامل خارجی دہشت گردو ٹولے کا خاتمہ ناگزیر ہو چکا ہے، ملک میں مسلسل دہشت گرد کاروائیاں پاکستان کی جڑوں کو کھوکلا کر نے کی شازش ہے، حکومت اور ریاستی ادارے پاکستان کے استحکام اور بقاء کی خاطر اپنا مخلصانہ کردار اداکرے، عالمی سطح پر پاکستان کو بد نام کر نے کے لئے بیرون ممالک سے دہشت گردوں کی بٹالین تیار کر کے پاکستان میں بے گناہ شہریوں کے قتل عام کے لئے اتاری گئی، طالبان ناسور کائنات ہیں ، مختلف ممالک میں طرح طرح کے نقاب اوڑھ کر یہ مفصد فی ارض مظلوموں کے قتل عام میں مصروف ہیں ۔ انہو ں نے طالبان سے حکومتی مذاکرات کو قومی خیانت قرار دیتے ہو ئے کہا کہ ۵۰۰۰۰سے زائد بے گناہ عوام اور افواج پاکستان کے کون سے ساتھ حکمرانوں کی غداری کو عوام کبھی معاف نہیں کریں گے۔ جن کا عقیدہ جمہوری اقدار کے منافی ہو ان کے مذاکرات بے سود ہیں ۔
بلوچستان میں دہشت گردی کا شکار ہو نے والے شیعہ ہزارہ بھائیوں کے غم میں تحریک منہاج القرآن بھی شامل ہے، پاکستان میں بے گناہو ں کے قتل عام کی سخط الفاظ میں مذمت کرتے ہیں ، ہزارہ برادری اور شیعہ برادری پاکستان کے آئینی شہری ہیں جن کے حقوق تمام مسالک کی طرح مساوی ہیں ، دہشت گردی کے خلاف اور پاکستان میں امن کے قیام کے لئے پوری تحریک منہاج القرآن شیخ الاسلام علامہ ڈاکٹر طاہرالقادری کی قیادت میں مجلس وحدت مسلمین اور سنی اتحاد کونسل کے شانہ بشانہ ہرمیدان میں حاضر ہے، جب کبھی کسی میدان میں ہماری ضرورت ہو گی ہم حاضر ہو نگے۔
وحدت نیوز(کوئٹہ) بلوچستان کےصوبائی وزیر داخلہ میر سرفراز بگٹی نے کہا کہ وطن عزیز اپنی تاریخ کے انتہائی خطرناک دور سے سے گذر رہا ہے ، ملک و ملت کا دشمن پوشیدہ حالت میں حملہ آور ہے ، دہشت گردی سے کوئی شخص ، ادارہ ، مسلک ، مذہب اور مقام محفوظ نہیں ، ایسے مخدوش حالات میں ایسے اہم موضوع پر کانفرنس کا انعقاد قابل تحسین ہے ، ان خیالات کا ظہار انہوں نےعلمدار روڑ پر مجلس وحدت مسلمین کے زیر اہتمام منعقدہ پیام شہداء و اتحاد امت کانفرنس سے خظاب کر تے ہو ئے کیا ۔
ان کا کہنا تھا کہ بلوچستان ایک دھکتا انگارہ بن چکا ہے، عالمی ایجنسیوں نے اس جنت نظیر وادی کو اپنی تجربہ گاہ بنا دیا ہے ، کسی کی جان ، مال ، عزت ، آبرو محفوظ نہیں ، سابقہ ادوار میں حکمرانوں کی ناقص پالیسیوں کی وجہ سے اس خطے کے عوا م کا استحصال ہوا ، ملک دشمن قوتو ں نے یہاں دہشت گردی کی ترویج کے لئے سرمایہ کاری کی ، جس کا خمیازہ آج پورا بلوچستان بھگت رہا ہے، تاریخ گواہ ہے کہ بلوچستان میں آباد مختلف اقوام اس خطے کی خوبصورتی کا باعث ہو اکر تی تھی، مسلکی اور لسانی تفرقہ کے بارے میں سوچنا بھی اس وادی میں محال تھا۔
ان کا کہنا تھا کہ شیعہ ہزارہ برادری پر منظم حملے اور نسل کشی ایک عالمی سازش کا حصہ ہے، ہزارہ برادری کا بلوچستان سے قائم رشتہ کوئی دو چار سال نہیں بلکہ صدیو ں پرانا ہے، اگر کو ئی یہ سمھجتا ہے کہ سانحہ مستونگ طرز کی بزدلانہ کاروائیاں کر کے ہزارہ برادری کو بلوچستان سے بے دخل کرنے میں کامیاب ہو جائے گا تو اس کی خام خیالی ہے۔ بلوچستان کے تمام قبائل ہزارہ برادری کے ساتھ برادرانہ تعلقات کے لئے ہمیشہ کوشاں رہیں گے۔
انہوں نے کہا کہ بلوچستان میں اتحاد بین المسلمین اور تمام مذاہب کے مابین بھائی چارے اور وحدت کے قیام کے لئے مجلس وحدت کی جانب سے کی جانے والی کوششوں کو بلوچستان حکومت قدر کی نگاہ سے دیکھتی ہے، اس نازک وقت میں اتنے اہم اشو پر کامیاب کانفرنس منعقد کرنے پر ایم ڈبلیو ایم مبارک باد کی مستحق ہے۔
وحدت نیوز(بلتستان) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی تنظیمی امور کے سلسلے میں دیگر کابینہ کے افراد کے ساتھ راولپنڈی پہنچ گئے ہیں، جہاں وہ مجلس وحدت مسلمین پاکستان کے مرکزی رہنماوں بلخصوص علامہ راجہ ناصر عباس جعفری اور علامہ محمد امین شہیدی سے ملاقات کریں گے اور گلگت بلتستان کے تنظیمی امور اور سرگرمیوں کے حوالے سے مشاورت کریں گے۔ ذرائع کے مطابق راولپنڈی میں پہلے روز آغا علی رضوی نے گلگت بلتستان کے راولپنڈی میں زیرتعلیم طلباء کے وفود سے ملاقاتیں کیں اور مختلف ہاسٹلز کے دورے کیے۔ انہوں نے طلباء وفود سے مختلف مسائل اور مشکلات کے بارے میں آگاہی حاصل کی اور انہیں یقین دہانی کرائی کہ مجلس وحدت طلباء کے مسائل کو حل کرنے اور انکی معاونت کے لیے ہر ممکن کوشش جارے رکھے گی۔ طلباء وفود سے ملاقات کے دوران انہوں نے طلباء سے گفتگو کرتے ہوئے کہا کہ گلگت بلتستان کے صالح طلباء اپنے علم پر توجہ دیں اور گلگت بلتستان کو بدلنے کے لیے علم سے مسلح ہو کر بلتستان واپس آئیں۔ انہوں نے کہا کہ مجھے زیور تعلیم و تربیت سے مزین ہونے والی نئی نسل سے بڑی توقعات ہیں جو گلگت بلتستان کے مقدر کو سنورنے کی ضامن ہے۔
وحدت نیوز(ہنگو) مجلس وحدت مسلمین کے مرکزی ڈپٹی سیکرٹری جنرل علامہ امین شہیدی نے کہا ہے کہ شہداء ہماری ملت کا سرمایہ ہیں۔ انہی کے خون کی بدولت ہم زندہ ہیں۔ ہمیں چاہئے کہ شہداء کی یاد کو زندہ رکھیں، انہیں ہر حال میں زندہ رکھیں جنہوں نے ہمیں زندہ رکھا ہوا ہے، ہمیں ان ماوں کو سلام کہنا چاہیے اور انہیں یہ باور کرانا چاہئے کہ آپ کا بیٹا ہمارے دلوں میں آج بھی زندہ ہے۔ انہوں نے کہا کہ شہید کی فقط یاد منانا ہی کافی نہیں بلکہ اس عظیم ہستی کے خانوادے کا خیال بھی رکھنا چاہیے، انکے ہر دکھ درد میں شریک ہونا چاہیے۔ ان خیالات کا اظہار انہوں نے مجلس وحدت مسلمین اور کاروان مختار کے زیراہتمام ہنگو میں یوم شہداء بنگش، اورکزئی کے حوالے سے منعقدہ اجتماع سے خطاب کرتے ہوئے کیا۔ علامہ امین شہیدی نے کہا کہ ہم مکتب علی (ع) کے ماننے والے ہیں، ہم نے جینا امام علی (ع) سے سیکھا ہے اور مرنا مولا امام حسین (ع) سے سیکھا ہے۔
علامہ امین شہیدی نے کہا کہ ہم وہ قوم ہیں جنہوں نے اپنے جنازے سڑکوں پر رکھ کر دھرنے دئیے مگر کسی بے گناہ کو قتل نہیں کیا، اپنے پرامن احتجاج کے ذریعے سے ہم نے دنیا کو اصلی اسلام کے بارے میں بتا دیا ہے کہ ہم ہی اس کے وارث ہیں۔ آج پورے ملک میں ہم نے طالبان کے حامیوں کو چیلنج کیا ہے کہ تم ان دہشتگردوں سے مذاکرات کس بنیاد پر کر رہے ہو، جو پاکستان کے آئین کے مخالف ہیں اور بے گناہ عورتوں اور بچوں کو قتل کرتے ہیں، ایسے درندے جو انسانی سروں کے ساتھ فٹ بال کھیلتے ہیں، ان سے مذاکرات کرنا شہداء کے خون کی توہین ہے، ہم ایسے مذاکرات کو مسترد کرتے ہیں۔ ایسی شریعت کو تو تسلیم نہیں کرتے جو انسانی قدروں کو پامال کرے۔ آج ہر جگہ ہمارا قتل عام ہو رہا ہے لیکن حکومت ان قاتلوں کو گرفتار نہیں کرتی۔ کیونکہ اب طالبان اور حکومت ایک ہی سکے کے دو رخ ہوگئے ہیں۔ طالبان نے اپنی کمیٹی کا اعلان کرکے سیاسی طالبان کے منہ سے پردہ ہٹا دیا ہے۔
وحدت نیوز(ہنگو) مجلس وحدت مسلمین خیبر پختونخوا کے سیکرٹری جنرل علامہ سید محمد سبطین حسینی نے کہا ہے کہ طالبان کیساتھ مذاکرات جبکہ عوام کے حقوق پامال کئے جاتے ہیں، مجلس وحدت مسلمین پاکستان میں مستضعفین کی جماعت ہے۔ ان خیالات کا اظہار انہوں نے ہنگو کے علاقہ پاس کلے میں ''شہداء کانفرنس'' سے خطاب کرتے ہوئے کیا۔ ان کا کہنا تھا کہ آج جہاں پر دہشت گردوں کے اڈے ہیں وہاں پاکستان کا جھنڈا نہیں لہرایا جاتا، دہشت گرد پاکستان کے غیور عوام کو قتل کر رہے ہیں مگر ہمارے غافل حکمران کو ان کی دہشت گردی نظر نہیں آتی۔ انہوں نے کہا کہ طالبان کے ساتھ مذکرات کئے جاتے ہیں مگر جہاں پاکستان سے پیار کرنے والے رہتے ہیں۔ ان کے حقوق کو ہمیشہ پامال کیا جاتا ہے۔ کوئٹہ کے مظلومین نے کئی دن اپنے شہداء کے جنازے سڑکوں پر رکھ کر احتجاج کیا۔ اپنے مطالبات رکھے مگر یہ بےحس حکمران کئی دن بعد کوئٹہ پہنچے۔ ان کا کہنا تھا کہ مجلس وحدت مسلمین پاکستان میں مستضعفین کی جماعت ہے، انشاءاللہ پاکستان میں کہیں بھی اگر ملت پر کوئی مشکل آئی تو مجلس وحدت مسلمین اس مشکل میں ملت کی مشکلات کو دور کرنے کے لئے پیش پیش رہی اور آئندہ بھی رہے گی۔ انہوں نے کہا کہ ہم دور سے آنے والے مہمانوں کے شکر گزار ہیں جنہوں نے آج شہداء کی برسی کے موقع پر پروگرام کو زینت بخشی۔
وحدت نیوز(کراچی) شہر قائد میں یوم عشق مصطفٰی (ص) و شہدائے پاکستان کانفرنس کا انعقاد شہید سید اقبال مسعود نقوی کی پہلی برسی کی مناسبت سےمجلس وحدت مسلمین، امامیہ اسٹوڈنٹس آرگنائزیشن، جعفریہ الائنس، آل پاکستان شیعہ ایکشن کمیٹی کے زیراہتمام مشترکہ طورپر لانڈھی نمبر 2 میں کیا گیا۔ کانفرنس میں ایم ڈبلیو ایم پاکستان کے مرکزی رہنماء علامہ اعجاز حسین بہشتی، مرکز محرک آل پاکستان شیعہ ایکشن کمیٹی علامہ مرزا یوسف حسین، علامہ یاور عباس، رہنماء شیعہ علماء کونسل کے رہنما علامہ جعفر سبحانی، علامہ رجب علی بنگش اور رہنماء تحریک منہاج القرآن مکرم مقصود قادری شریک تھے۔ کانفرنس میں مشہور و معروف نعت خواں فیروز الدین سہروردی، نوحہ و منقبت خواں صفدر عباس سمیت مختلف نعت خواں و منقبت خوانوں نے بارگاہ رسالت (ص) میں نذرانہ عقیدت پیش کیا۔
یوم عشق مصطفٰی (ص) و شہدائے پاکستان کانفرنس سے خطاب کرتے ہوئےعلامہ شیخ اعجاز حسین بہشتی نے کہا ہے کہ مرکزِ اتحاد و وحدت حضرت محمد مصطفٰی (ص) کی ذات اقدس ہے، اس مرکز پر جع ہو کر مسلمان عالمی استعمار و سامراج پر غلبہ حاصل کرسکتے ہیں۔ مقررین نے کہا کہ ہم خوش قسمت ہیں اور ہمیں فخر ہے کہ پروردگار عالم نے ہماری رہنمائی اور ہدایت کیلئے نبیوں کے سردار حضرت محمد مصطفٰی (ص) کو مبعوث کیا۔ انہوں نے کہا کہ مباہلہ کے دن اسلام نے عیسائیت کے مقابلے میں جبکہ خیبر کے روز اسلام نے یہودیت پر فتح حاصل کی۔ مقررین کا کہنا تھا کہ آج اسلام میں جو تفرقہ بازی نظر آتی ہے وہ انُہی یہودیوں کی سازشوں کا تیجہ ہے جو مسلمانوں کے روپ میں دائرہ اسلام میں داخل ہوئے تھے۔ انہوں نے مزید کہا کہ کراچی سمیت ملک بھر میں جتنی بھی دہشتگردی ہو رہی ہے اس میں یہودی بلیک واٹر اور اسکے مقامی ایجنٹ ملوث ہیں۔
دیگر مقررین کا کہنا تھاکہ تعلیمات قرآن و سیرت حضرت محمد (ص) و آل محمد (ع) سے روگردانی کے نتیجے میں امت مسلمہ انحراف کا شکار ہوچکی ہے، لہٰذا امت مسلمہ کو سربلندی حاصل کرنے کیلئے واپس قرآن و اہلبیت (ع) کی جانب رجوع کرنا ہوگا۔ مقررین کا کہنا تھا کہ آج ملکی سالمیت خطرے میں ہے مگر محب وطن سنی شیعہ مسلمان اتحاد و وحدت کے ساتھ عالمی استعمار کے ان ناپاک عزائم کو ماضی کی طرح خاک میں ملا دیں گے۔ مقررین نے کہا کہ لبیک یارسول اللہ (ص) اور لبیک یاحسین (ع) کا نعرہ لگانے والے سنی شیعہ مسلمان ہی ملکی بقاء و سالمیت کے ضامن ہیں۔ انہوں نے مزید کہا کہ اگر دہشتگردی کے خاتمہ کیلئے حکومت نے ہوش کے ناخن نہیں لئے تو سنی شیعہ مسلمان اسلام آباد کا رخ کرکے حکومت کو اقتدار سے الگ کرینگے اور پھر نواز حکومت کو دنوں کی مہلت بھی نہیں ملے گی۔
وحدت نیوز(کراچی) مجلس وحدت مسلمین پاکستان کراچی ڈویژن اور خانوادہ شہداء کے تحت شہید ایم ڈبلیو ایم کراچی کے بلدیاتی امیدواروں شہید علی شاہ، شہید صفدر عباس اور شہید عبدالعالم کے چہلم کے موقع پر ایک تعزیتی اجتماع کا انعقاد مسجد و امام بارگاہ عباس علمدار (ع) مغل ہزارہ گوٹھ گلستان جوہر کراچی میں کیا گیا۔ تعزیتی جلسہ میں خانوادہ شہداء نے خصوصی طور پر شرکت کی۔ تعزیتی جلسہ سے ایم ڈبلیو ایم پاکستان کے مرکزی ترجمان و ڈپٹی جنرل سیکریٹری علامہ سید حسن ظفر نقوی، مرکزی رہنماء علامہ اعجاز حسین بہشتی اور مرکزی محرک آل پاکستان شیعہ ایکشن کمیٹی علامہ مرزا یوسف حسین نے خطاب کیا جبکہ معروف نوحہ خواں سید علی صفدر نے نوحہ خوانی کی۔ اس موقع پر ایم ڈبلیو ایم کراچی ڈویژن کے سیکریٹری جنرل حسن ہاشمی، مبشر حسن ، علی حسین نقوی سمیت علماء کرام، عہدیداران اور خواتین و حضرات کثیر تعداد میں شریک تھے۔
تعزیتی اجتماع سے خطاب کرتے ہوئےعلامہ حسن ظفر نقوی نے کہا کہ آج ملک بھر میں جاری محب وطن سنی شیعہ مسلمانوں کے مشترکہ اجتماعات شہداء کی قربانیوں کا نتیجہ و اثر ہیں۔ انہوں نے کہا اسلام و ملک دشمن طالبان و تکفیری ٹولہ اور انکے نام نہاد سیاسی سرپرستوں نے چاہا کہ سنی شیعہ مسلمانوں کو قتل کرکے اتحاد بین المسلمین کی فضاء کو پارہ پارہ کرکے پاکستان میں امریکی و اسرائیلی ایجنڈے کو تکمیل تک پہنچائیں مگر بیدار سنی شیعہ مسلمانوں نے اپنے اتحاد و وحدت سے نا صرف ان اسلام دشمن تکفیری خوارج ٹولے کو بے نقاب کیا بلکہ آج تک اپنی جانوں کا نزرانہ پیش کرتے ہوئے انکے ہر ناپاک عزائم کو خاک میں ملایا ہے۔
علامہ شیخ اعجاز بہشتی نے کہا کہ شہداء کے وارث سنی شیعہ مسلمان ملک دشمن طالبان سے مزاکرات جو کہ پاکستان کے ٹکڑے ٹکڑے کرنے کی عالمی استعماری سازش ہے کو کبھی بھی کامیاب نہیں ہونے دینگے۔ انہوں نے کہا کہ اگر ہزاروں شہداء کے ورثاء دہشتگرد طالبان سے مزاکرات کے خلاف ہیں، اگر حکومت نے طالبان سے مزاکراتی عمل کو جاری رکھا اور انکے خلاف کارروائی نہ کی تو شہداء کے ورثاء خود بدلہ لینے کیلئے اٹھ کھڑے ہونگے اور پھر نہ طالبان رہینگے، نہ بزدل و نااہل حکومت اور نہ ہی طالبان دہشتگردوں کے سیاسی و مذہبی سرپرستوں کو کہیں پناہ ملے گی۔ انہوں نے مزید کہا کہ شہداء کے ورثا اور مظلوم پاکستانی طالبان دہشتگردوں سے مزاکرات جیسی اسلام و وطن سے خیانت کو مسترد کرتے ہیں۔
تعزیتی اجتماع سے خطاب میں علامہ مرزا یوسف حسین کا کہنا تھا کہ آج شہداء کے پاکیزہ لہو کا اثر ہے کہ محب وطن سنی شیعہ مسلمان پاکستان کی بقاء و سالمیت کیلئے امریکا اور صیہونی ایجنٹ تکفیری طالبان سے پاکستان کو نجات دلانے کیلئے اتحاد و وحدت کے ساتھ میدان میں حاضر ہیں اور سیسہ پلائی ہوئی دیوار بنے ہوئے ہیں۔ انہوں نے کہا کہ انشاءاللہ وہ دن دور نہیں جب سنی شیعہ مسلمانوں کے اتحاد و وحدت کے زریعے پاکستان امریکا اور طالبان دونوں کی دہشتگردی سے نجات حاصل کرے گا اور دہشتگرد طالبان سے مزاکرات کے حامی اور ان کیلئے نرم گوشہ رکھنے والے اسلام و وطن دشمن سیاسی و مذہبی عناصر کو ذلت و رسوائی کا سامنا کرنا پڑے گا جو کبھی کتے کو شہید کہتے ہیں اور کبھی یزید و فرعون کی باقیات کو سید الشہداء کہتے ہیں۔
کوئٹہ (وحدت نیوز) مجلس وحدت مسلمین پاکستان کوئٹہ ڈویژن کی جانب سےپیام شہداء و اتحاد ملت کانفرنس کی تیاریاں مکمل کرلی گئی ہیں۔ تفصیلات کے باوجود شہداء چوک علمدار روڈ پر منعقدہ پروگرام کی تیاریاں مکمل کرلی گئی ہیں، بارش کے باوجود انتظامیہ کے افراد کا حوصلہ دیدنی ہے، ہر جوان، بچہ اور بوڑھا اپنی ذمہ داری کو ادا کرنے کیلئے شہداء چوک کی جانب رواں دواں ہے۔ پیام شہداء و اتحاد ملت کانفرنس میں مرکزی علامہ راجہ ناصر عباس جعفری، صاحبزادہ حامد رضا اور فیصل رضا عابدی کریں گے جبکہ اس موقع پر مجلس وحدت مسلمین اور سنی اتحادکونسل کے دیگر رہنما بھی اپنے خیالات کا ظہار کریں گے۔ پروگرام میں شہداء کے خانوادہ بھی خصوصی شرکت کریں گے۔ پروگرام میں شرکاء کا آمد کا سلسلہ شروع ہوچکا ہے۔
