وحدت نیوز( مظفرگڑھ) ہزاروں مسلمانوں کے قاتلوں سے مذاکرات نہیں بلکہ بھرپور کاروائی کے ذریعے سے نمٹا جاتا ہے۔حکومت وقت کی پشت پناہی میں کالعدم جماعتوں نے دہشتگردی کا بازار گرم کر رکھا ہے اور پورے پاکستان کے عوام ان مٹھی بھر عناصر کے رحم و کرم پر چھوڑ دیا ہے۔طالبان سے مذاکرات شیطان سے مذاکرات کے مترادف ہیں۔مذاکرات کا مطلب پچپن ہزار شہداء کے خون سے غداری کا نام ہے ان خیالات کا اظہار علامہ عسکری الہدایت ڈپٹی سیکرٹری جنرل مجلس وحدت مسلمین صوبہ پنجاب نے مظفرگڑھ میں ضلعی شورٰی کے اجلاس کے دوران شورٰی کے اراکین سے کیا۔اجلاس سے صوبائی سیکرٹری سیاسیات سید فضل نقوی نے بھی خطاب کیا جبکہ صوبائی سیکرٹری روابط علی رضا طوری اس موقع پر موجود تھے۔

ضلعی شورٰی کا اجلاس دو نشستوں پر مشتمل تھا۔ پہلی نشست کا آغاز تلاوت کلام پاک سے میاں ناصر عباس نے کیا جبکہ نعت اور قصیدے کا شرف محمد عباس اورشہباز کو ملا۔اجلاس میں ضلع بھر سے تقریبا پچیس یونٹس نے شرکت کی اور اس کے علاوہ معززین علاقہ بھی شریک ہوئے۔مہمانان خصوصی صوبائی کابینہ کے اراکین علامہ عسکری الہدایت، سید فضل نقوی، اور علی رضا طوری تھے۔پروگرام کی سیکیورٹی اور دیگر امور مجلس وحدت مسلمیں اور آئی ایس او کے دوستوں نے ملکر ادا کی۔پروگرام کے آغاز میں ڈسٹرکٹ آرگنائزر میاں ناصر عباس نے ضلعی صورتحال پر اور تنظیمی فعالیت کے حوالے سے گفتگو کی۔جبکہ صوبائی سیکرٹری سیاسیات سید فضل نقوی ایڈوکیٹ نے مجلس وحدت مسلمین کا سیاست میں کردار کی ضرورت پر گفتگو کی۔ یونٹس کی جانب سے ایک نام مولانا مرید عباس کا پیش کیا گیا،جبکہ سید شفقت علی کاظمی اور مولانا نذر عباس کا نام ضلعی کابینہ کی طرف سے پیش کئے گئے۔نماز کے وقفے کے بعد تینوں نامزد نمائندگان کو تعارف کا موقع دیا گیا۔اور پولنگ کاآغاز کیا گیا۔ پولنگ کے مرحلے کے بعد علامہ عسکری الہدایت ڈپٹی سیکرٹری صوبہ پنجاب نے شورٰی کے اجلاس سے ملت جعفریہ کو درپیش مشکلات اور مجلس وحدت کے کردار کے حوالے سے گفتگو کی۔ آخر میں منتخب امیدوار کا علان کیا گیا جس کے مطابق مولانا مرید عباس کامیاب ہوئے۔اختتام پر نو منتخب سیکرٹری جنرل ضلع مظفر گڑھ مولانا مرید عباس نے شورٰی سے خطاب کیا اور دوستوں کو ہر وقت میدان میں موجودگی کا عزم کیا۔

وحدت نیوز(ایبٹ آباد) مجلس وحدت مسلمین پاکستان ضلع ایبٹ آباد کے زیر اہتمام ایم ڈبلیوایم تحصیل حویلیاں یونٹ میں تنظیم سازی کامرحلہ مکمل کر لیا گیا۔تنظیمی اجلاس میں اراکین کیاکثریت نے یم ڈبلیو ایم تحصیل حویلیاں کے لئے رائے شماری کے زریعے نیاسیکرٹری جنر ل سید سبطین حسین شاہ کو منتخب کر لیا۔ اس موقع پر ایم ڈبلیو ایم خیبر پختونخواہ کے سیکرٹری جنرل تنظیم سازی مولانا آغا سید وحید عباس کاظمی ، سیکرٹری جنرل تحفظ عزاداری ایبٹ آباد سید شجر علی کاظمی ، سیکرٹری جنرل فلاح و بہود ضلع ہزارہ سید اظہر حسین شاہ اور سینئر رہنما ڈسٹرکٹ ایبٹ آباد سید محمد نواز شاہ صاحبان موجود تھے۔ جبکہ ان سے حلف سیکرٹری جنرل ضلع ایبٹ آباد سید مدثر علی کاظمی نے لیا۔

وحدت نیوز(کراچی) مجلس وحدت مسلمین کراچی ڈویژن شعبہ خواتین کی ایک میٹنگ بلائی گئ جس کی صدارت ایم ڈبلیو ایم شعبہ خواتین سندھ اور کراچی کی سیکرٹری جنرل خواہر زہرە نجفی نے کی. آپ نے آنے والے اہم پروگرامز کے حوالے سے ایجنڈا پیش کیا . اجلاس  کا باقائدہ آغاز تلاوت قرآن پاک سے خواہر زرین نے کیا.ایجنڈے کے مختلف امور کے بارے میں گفتگو اور مشاورت کرتے ہوۓ پروگرامز کو حتمی شکل دی گئ، میٹنگ میں خصوصیت کے ساتھ ربیع الاول کے مبارک مہینے کے حوالے سے ایک متبرک محفل میلاد کے انعقاد کا پروگرام بھی ترتیب دیا گیا.محفل میلاد کی تاریخ و جگہ وغیرہ کو حتمی شکل دی گئ.جو کہ إنشاٴالله February 16th کو آرٹس کونسل میں ہونا طے پایا. محفل میلاد میں اسوہ رسالت صلی الله علیہ وآلہ وسلم اور اسوہ وحدت کے حوالے سے روشنی ڈالنے کہ لیے شعیہ مکاتب فکر کے ساتھ ساتھ اہل سنت مکاتب فکر کو بھی دعوت خصوصی دی جاۓ گی.اور اسکے علاوہ بارگاہ رسالتمآب صلی الله علیہ وآلہ وسلم میں نزرانہ عقیدت پیش کرنے کے لیے مختلف نعت خواں اور منقبت خواں کو بھی دعوت دی جاۓ گی۔

خصوصیت کے ساتھ شہدائے  ناموس رسالت صلی الله علیہ وآلہ وسلم کے خانودہٴ کو مدعو کیا جاۓ گا.میٹنگ میں اس پروگرام کے حوالے سے مختلف امود ترتیب دیے گیے.ساتھ ہی ڈویژن ممبران کے درمیان زمہ داریاں بھی پروگرام کے حوالے سے تقسیم کی گئیں ،اس کے علاوہ شعبہ خواتین کے حوالے سے ہونے والے دیگر پروگرامزپر بھی گفتگو اور مشاورت کی گئ، میٹنگ کا اختتام دعاۓ سلامتی امام زمانہ علیہ سلام سے کیا گیا۔

وحدت نیوز(کوئٹہ) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے کہا ہے کہ طالبان سے مذاکرات شیطانوں ،فرعونوں، ظالموں اور قاتلوں سے مذاکرات ہیں،نواز شریف ملک میں یزید کی شریعت نافذ کرنا چاہتے ہیں،طالبان سے طالبان مذاکرات کررہے ہیں،مذاکرات کا ڈھونگ ختم کیا جائے اور دہشت گردوں کیخلاف کارروائی کی جائے۔ ان خیالات کا اظہارانہوں نے ایم ڈبلیوایم کوئٹہ ڈویژن کے تحت کوئٹہ میں علمدار روڈ شہداء چوک پر منعقدہ پیام شہدا و اتحاد ملت کانفرنس سے خطاب کرتے ہوئے کیا۔کانفرنس میں ہزاروں کی تعداد مرد و خواتین اور بچوں اور بوڑھوں نے سخت سردی اور بارش میں شرکت کی۔ اس موقع پر شرکاء نے طالبان سے مذاکرات نامنظور ، امریکہ مردہ باد، نواز حکومت شرم کرو کے نعرے بلند کئے۔

 علامہ راجہ ناصر عباس جعفری نے شرکاء سے خطاب کرتے ہوئے کہا کہ طالبان سے مذاکرات شیطانوں سے مذاکرات ہیں ، فرعونوں، ظالموں اور قاتلوں سے مذاکرات ہیں، ہم اپنا خون دیدیں گے لیکن وطن کے ساتھ خیانت کو قبول نہیں کریں گے، انہیں پاکستان کی مظلوم عوام اور شہداء کے خانوادے مسترد کرتے ہیں، یہ شہداء کے خون سے خیانت کے مترادف ہیں۔ ان کا کہنا تھا کہ ضیائی اسٹیبلشمنٹ کے فیصلوں کو آج اس ملک میں نافذ کیا جارہا ہے اور امریکہ اور سعودی عرب کی سرپرستی میں پاکستان کو بدامنی کا شکار کیا جارہا ہے، دہشت گردوں کے حامی اب ایکسپوز ہوچکے ہے، داڑھی والے اور کلین شیو طالبان عیاں ہورہے ہیں، نواز شریف اور اس کے ساتھی اور خاص مسلک کے دہشت گرد ایک ہورہے ہیں لیکن آج شیعہ و سنی مظلوم بیدار ہیں اور ضیائی اسٹیبلشمنٹ کے ایجنڈے کو ناکام بنائیں گے او ر طالبان اور ان کے حامیوں کو رسوا کریں گے۔انہوں نے مزید کہا کہ طالبان سے طالبان مذاکرات کررہے ہیں، ہمیں ایک بڑی جدوجہد شروع کرنے لئے اپنے آپ کو آمادہ کرنا ہوگا جس کا رخ اسلام آباد کی طرف ہوگا، پاکستان کی تمام محب وطن قوتوں کو اکھٹا ہونا ہوگا، ہمارے حکمرانوں سے پاکستان کو خطرہ ہے، ہم اس کو بچانے کیلئے ہر ممکن جدوجہد کریں گے، فرعون اور یزید کے فرزند پاکستان کی سالمیت کیلئے خطرہ ہیں۔