The Latest
وحدت نیوز(کراچی) مجلس وحدت مسلمین نے اورنگی قصبہ کالونی میں دہشتگردوں کی فائرنگ سے جاں بحق ہونیوالے ایم ڈبلیوایم کے ہمدردسیدشکیل زیدی کے قتل کی پرزورالفاظ میں مذمت کرتے ہوئے اسے صوبائی حکومت کی نااہلی قراردیاہے ۔مجلس وحدت مسلمین کراچی کے سیکریٹری جنرل حسن ہاشمی کاکہناہے کہ سندھ حکومت اہل تشیع اورشہرقائد کے باسیوں کوتحٖفظ فراہم کرنے میں مکمل طورپر ناکام ہوچکی ہے اگر حکومت تحفظ فراہم نہیں کرسکتی تومستعفی ہوجائے حکومت نے دہشتگردوں کومکمل چھوٹ دے رکھی ہے ۔وحدت مسلمین کے رہنمانے مزیدکہاکہ ٹارگٹڈ آپریشن کے باوجودشکیل زیدی کاقتل حکومتی ناکامی کامنہ بولتاثبوت ہے۔ملک بھرکی طرح کراچی میں ایک مرتبہ پھرشیعہ نسل کشی میں اضافہ ہورہاہے۔جومحرم الحرام سے قبل ہمیں شائدخوفزدہ کرنے کی کوشش ہے پر دہشتگردوں کو یادرکھناچاہیے کہ نہ تو ظلم کے آگے نہ پہلے جھکے تھے اورنہ اب جھکیں گے۔لاشوں کے گرنے سے ہم کمزورنہیں مزیدمضبوط ہورہے ہیں پر حکمران یادرکھیں جس دن ہمارے صبر کوپیمانہ لبریز ہوادہشتگردوں کوکرا چی میں سر چھپانے کی بھی جگہ نہیں ملے گی۔مجلس وحدت مسلمین نے سندھ حکومت سے مطالبہ کرتی ہے کہ سیدشکیل زیدی کے قتل میں ملوث عناصر کوبے نقاب کرکے دہشتگردوں کے خلاف کارروائی کی جائے۔ دریں اثناء شہید شکیل زیدی کی نماز جنازہ کل براز پیر مسجد و امام بارگاہ شہدائے کربلا انچولی سو سائٹی میں بعد از نماز ظہرین ادا کی جائے گی۔
وحدت نیوز(کراچی ) وحدت یوتھ ونگ صوبہ سندھ کے دفتر سے جاری ہونیو الے ایک بیان میں بتایا گیا ہے کہ وحدت یوتھ ونگ نے سندھ بھر میں نوجوانوں کی زہنی، جسمانی اور فکری تربیت کے لئے اسکاؤٹ کیمپس کے انعقاد کاآغاز کر دیا ہے، ان خیالات کا اظہار سندھ وحدت یوتھ کے صوبائی سیکرٹری برادر مہدی عباس نے کراچی میں یوتھ ونگ کے ڈویژنل اجلاس میں خطاب کے دوران کیا، اس موقع پر ان کے ہمراہ وحدت یوتھ کراچی کے انچارج برادر عباس، اور ضلعی سیکرٹری حسن رضا، مرتضی، کلیم رضا، محمود عباس اور آغا کمیل موجود تھے۔
وحدت یوتھ ونگ صوبہ سندھ کے سیکرٹری برادر مہدی عباس کاکہنا تھا کہ نوجوانوں کی ذہنی، فکری اور جسمانی تربیت کے لئے کراچی میں 12اور 13اکتوبر کو اسکاؤٹ کیمپ بعنوان ’’عظمت ولایت‘‘ کا انعقاد کیا جائے گا جبکہ اندرون سندھ کے علاقے ماتلی میں چار ضلعوں بشمول حیدر آباد، بدین ، ٹنڈو محمد خان اور ٹنڈو الہ یارکے نوجوانوں کے لئے اسکاؤٹ کیمپ کا انعقاد بھی مورخہ12اور13اکتوبر کو بعنوان ’’عظمت ولایت‘‘ کا انعقاد کیا جا رہا ہے،وحدت یوتھ کے صوبائی سیکرٹری کاکہنا تھا کہ وحدت یوتھ سندھ کے نوجوان ستائیس اکتوبر کو ہونیو الے جلسے ’’عظمت ولایت کانفرنس میں بھرپور فرائض انجام دیں گے۔
وحدت نیوز(ملتان) مجلس وحدت مسلمین پاکستان ملتان کے ضلعی سیکرٹری جنرل علامہ سید اقتدار حسین نقوی نے لاہور، پشاور اور کوئٹہ میں ہونے والے دھماکوں کی شدید مذمت کرتے ہوئے کہا ہے کہ ایسا لگتا ہے کہ پاکستان کو دہشت گردوں نے یرغمال بنا لیا ہے، جب چاہتے ہیں جہاں چاہتے ہیں انسانیت کا قتل عام کردیتے ہیں۔ وحدت ہائوس ملتان سے جاری پریس ریلیز کے مطابق ایم ڈبلیو ایم کے ضلعی سیکرٹری جنرل کا کہنا تھا کہ شریف برادران کل تک کہتے تھے کہ پنجاب میں دہشت گردوں کا کوئی ٹھکانہ نہیں ہے لیکن اب پنجاب کے دل لاہور سے کئی دہشت گردوں کی گرفتاری اور گذشتہ روز پرانی انارکلی میں ہونے والے دھماکے ان کی آنکھیں کھولنے کے لیے کافی ہیں۔ علامہ اقتدارحسین نقوی نے بم دھماکوں میں جاں بحق اور زخمی ہونے والے افراد سے تعزیت کا اظہار کرتے ہوئے کہا کہ ان دہشت گردوں کا اسلام سے دور تک کوئی رشتہ نہیں ہے۔ قرآن مجید کے مطابق جس نے ایک بےگناہ انسان کو قتل کیا گویا اُس نے پوری انسانیت کا قتل کیا۔ یہ کیسے نام نہاد مسلمان لیڈر ہیں جو انسانیت کے دشمنوں سے مذاکرات کرنا چاہتے ہیں۔ اُنہوں نے کہا کہ ان وحشیوں کو سرعام عبرتناک سزا دینی چاہیئے تاکہ انسانیت کے قتل عام کی کھیلی جانے والی ہولی رک سکے۔
وحدت نیوز (کراچی) فلسطینی مسلمانوں کی اپیل پر جمعہ گیارہ اکتوبر کو ملک بھر میں فلسطین فاؤنڈیشن پاکستان اور جماعت اسلامی کے زیر اہتمام ’’یوم دفاع مسجد اقصیٰ ‘‘ منایا گیا اس حوالے سے ملک بھر میں مسجد اقصیٰ کے دفاع اور تحفظ کے لئے احتجاجی مظاہرے کئے گئے جبکہ مرکزی احتجاجی مظاہرہ کراچی میں گلشن اقبال میں مسجد بیت المکرم کے باہر کیا گیا جس میں جماعت اسلامی کراچی کے رہنما نسیم صدیقی، فلسطین فاؤنڈیشن پاکستان کے مرکزی سیکرٹری جنرل و ترجمان صابر کربلائی، جمعیت علماء پاکستان کے مرکزی رہنما علامہ قاضی احمد نورانی صدیقی، مجلس وحدت مسلمین پاکستان کے مرکزی رہنما مولانا صادق رضا، پاکستان عوامی مسلم لیگ کے مرکزی رہنما محفوظ یار خان ایڈووکیٹ سمیت سابق رکن قومی اسمبلی مظفر احمد ہاشمی اور دیگر نے خطاب کیا۔ یوم دفاع مسجد اقصیٰ کی مناسبت سے مرکزی احتجاجی مظاہرے میں سیکڑوں افراد نے شرکت کی، شرکائے احتجاجی مظاہرہ نے ہاتھوں میں بینرز اور پلے کارڈز اٹھا رکھے تھے جن پر امریکہ مردہ باد، اسرائیل نا منظور، مسجد اقصیٰ کے دفاع پر جان بھی قربان، فلسطینی مسلمانوں ہم تمھارے ساتھ ہیں اور اسرائیلی دہشت گردانہ کاروائیوں کی مذمت پر مبنی نعرے آویزاں تھے۔
شرکائے احتجاجی مظاہرہ نے غاصب اسرائیلی فوجیوں کی جانب سے مسجد اقصیٰ قبلہ اول بیت المقدس کی پامالی پر سخت غم اور غصے کا اظہار کرتے ہوئے عالمی برادری سے مطالبہ کیا کہ اسرائیلی دہشت گرد افواج کو مسلمانوں کے قبلہ اول کی توہین اور پامالی سے باز رکھا جائے ورنہ پوری دنیا میں امریکہ اور اس کے حواریوں کو شدید نقصان اٹھانا پڑے گا۔اس موقع پر شرکاء نے امریکہ اور صیہونی اسرائیلی پرچم بھی نذر آتش کئے۔ شرکائے احتجاجی مظاہرہ سے خطاب کرتے ہوئے مجلس وحدت مسلمین پاکستان کے مرکزی رہنما مولانا صادق رضا نے کہا کہ اب وقت آ گیا ہے کہ دنیا بھر کے مسلمان متحد ہو کر اٹھ کھڑے ہوں اور مسجد اقصیٰ کے تحفظ کے لئے عملی طور پر مسجد اقصیٰ کی طرف روانہ ہوں۔ ان کاکہنا تھا کہ اسرائیل کا وجود مکڑی کے جالے سے زیادہ کمزور ہے اور اگر مسلم امہ متحد ہو جائے اور مشرق وسطیٰ میں موجود امریکی زیر اثر عرب مسلم ریاستیں عالمی سامراجی دہشت گرد طاقتوں کی غلامی سے نکل آئیں تو وہ وقت دور نہیں جب مسجد اقصیٰ (بیت المقدس ) آزاد ہو گا اور مسلمان مسجد اقصیٰ میں آزادانہ عبادت کریں گے۔
وحدت نیوز (ٹھٹھہ) مجلس وحدت مسلمین پاکستان صوبھ سندھ کیجانب سے ٢٧ اکتوبر کو کراچی میں ہونے والے اجتماع عظمت ولایت کانفرنس کے لئے مجلس وحدت مسلمین ضلع ٹھٹھہ کے سیکریٹری جنرل مختیار دایو کے ضلع بھر کے دورے اورعوامی رابطہ مہم جاری ہے اس سلسلے میں تعلقھ شاہبندر کے شہر چوہڑجمالی میں بھی شیعہ علما کونسل اور اصغریہ کے دوستوں سے ملاقات اور دعوت دی گئی۔
چوہڑجمالی میں مومنین کا اجلاس بھی بلایا گیا جس میں شاہبندر تعلقہ کا یونٹ قیام کیا گیا۔ وہاں کے مومنین نے عظمت ولایت کانفرنس میں بھرپور شرکت کرنے کا اعلان کیا، مجلس وحدت مسلمین ضلع ٹھٹھہ کے سیکریٹری جنرل مختیار دایو نے کہا کہ ایم ڈبلیو ایم کے اقدامات سے ملت کے وقار میں اضافہ ہوا ہے، ایم ڈبلیو ایم ملت کی سرفرازی چاہتی ہے، وہ ملت کو ایک کرنا چاہتی ہے، وہ ملت کو سربلند دیکھنا چاہتی ہے، وہ ملت کو ایک دیکھنا چاہتی ہے،ملت کی عزت کے لیئے ، ملت کے وقار کے لیئے ، ملت کی آبرو کے لیئے جو بھی کام کرے گا مجلس وحدت مسلمین اس کی حمایت کرے گی، ایم ڈبلیو ایم نے ہمیشہ ملت کے مفاد کو فرد کے مفاد پر مقدم سمجھا ہے ، مجلس وحدت مسلمین جو کہ ایک الہیٰ کارواں ہے، ظالم کے خلاف برسرپیکار ہے،ایم ڈبلیو ایم کا پیغام ہم نے گھر گھر تک پہنچایا،جبکہ اجلاس میں موجود اشخاص سیکریٹری جنرل سجاول یونٹ برادر فرحت کھوسو اور مظفر لغاری بھی موجود تھے۔
وحدت نیوز(لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی نے انارکلی دھماکے کی شدیدی مذمت کرتے ہوئے کہا کہ ملک کے نااہل حکمران مٹھی بھر دہشت گردوں کے سامنے بے بس ہو چکے ہیں، دہشت گرد منظم انداز میں ملکی سالمیت کے درپے ہیں، پنجاب میں مخصوص تکفیری دہشت گردوں کو کھلی چھٹی دی گئی ہے، مساجد میں قرآن پاک کو شہید کیا جاتا ہے لیکن حکمرانوں کے کان پر جوں تک نہیں رینگتی، بھکر مسجد مہدویہ کے عظیم سانحہ پر حکمرانوں اور مسلمانوں کی خاموشی اللہ کے عذاب کو دعوت دینے کے مترادف ہے، جب تک شرپسند مخصوص گروہوں کو لگام نہیں دی جاتی ایسے واقعات ہوتے رہیں گے۔ انہوں نے کہا کہ جس ملک کی درس گاہیں دہشت گردوں کی آماجگاہ بن جائیں وہاں عوام کا خدا ہی حافظ ہے۔
علامہ اسدی کا کہنا تھا کہ طالبان نے علی الاعلان کہہ دیا ہے کہ وہ پاکستان کے آئین کو نہیں مانتے لیکن بزدل حکمران اب بھی دہشت گر دوں کے سامنے ہاتھ جوڑے کھڑے ہیں۔ انہوں نے کہا کہ آئین کے غداروں کے ساتھ مذاکرات خود آئین سے غداری ہے، باشعور عوام کو چائیے کہ وہ ان بزدل حکمرانوں اور غدار وطن دہشت گردوں کیخلاف ہر فورم پر آواز اٹھائیں اور مادر وطن کے تحفظ کیلئے میدان میں نکلیں تاکہ اس سرزمین پاک کو پھر سے امن، محبت، بھائی چارہ کا گہوارا بنایا جا سکے۔ انہوں نے کہا کہ لاہور میں دہشت گردوں کے داخلے کے پیشگی اطلاع تھی، اس کے باوجود دہشت گرد شہر میں داخل بھی ہو گئے اور انہوں نے واردات بھی کر ڈالی اور ہماری پولیس منہ دیکھتی رہ گئی۔ انہوں نے کہا کہ پولیس جھوٹی کارکردگی دکھانے کیلئے روز سرچ آپریشن کے نام پر بے گناہ شہریوں کو پکڑ لیتی ہے اور بعد میں سب کو چھوڑ دیا جاتا ہے، اس طرح بے گناہوں کی پکڑ دھکڑ سے حکام کی آنکھوں دھول تو جھونکی جا سکتی ہے دہشت گردی کو نہیں روکا جا سکتا۔
وحدت نیوز(کراچی) کراچی میں جاری آپریشن حکومتی ڈھونگ کے سوا کچھ نہیں، حکومت سنجیدہ ہوتی تو آپریشن کے بعد گرفتار مجرموں کو اب تک کیفر کردار تک پہنچا چکی ہوتی، رینجرز آپریشن کے دوران گناہ گار اور بے گناہ کی تفریق رکھے، کراچی میں قیام امن کالعدم دہشت گرد گروہوں کے خلاف ٹھوس قانونی کاروائی تک ممکن نہیں، حکومت کب تک عوام کے خون کا سودا کرتی رہے گی، ایس ایچ او عرفان حیدر نقوی کے قتل کی شدید مذمت کرتے ہیں، سکیورٹی ادارے کراچی کو بچانے کے لئے اپنا ذمہ دارانہ کردار ادا کریں۔ ان خیالات کا اظہار مجلس وحدت مسلمین کراچی ڈویژن کی لیگل ایڈ کمیٹی کے رکن اصغر عباس زیدی نے وحدت ہاؤس میں ایک وفد سے گفتگو کرتے ہوئے کیا۔ ان کا کہنا تھا کہ رینجرز آپریشن کے جو ثمرات اہلیان کراچی کو ملنے چاہیئے تھے عوام اس سے محروم ہیں، جرائم کی شرح آج بھی وہی ہے جو آپریشن سے پہلے تھی، رینجرز اور پولیس آپریشن میں اور دہشت گرد ٹارگٹ کلنگ میں مصروف ہیں، عوام کی جان و مال سب داؤ پر لگی ہوئی ہے، شہری انتہائی خوف و ہراس کے عالم میں زندگی گذارنے پر مجبور ہیں، صوبائی حکومت نے بیڈ گورننس کی اعلیٰ مثالیں قائم کردی ہیں۔
اصغر زیدی نے کہا ہے کہ کراچی میں قیام امن کا خواب اس وقت تک شرمندہ تعبیر نہیں ہو سکتا جب تک سکیورٹی ایجنسیاں کالعدم تکفیری دہشت گرد گروہوں کی کمین گاہوں پر مؤثر ٹارگٹڈ آپریشن نہ کریں۔ انہوں نے گذشتہ دنوں انڈا موڑ کے قریب دہشت گردوں کی فائرنگ سے شہید ہونے والے ایس ایچ او عرفان حیدر نقوی اور ایس آئی شہباز کے قتل کی پر زور الفاظ میں مذمت کی اور وزیراعلیٰ سندھ قائم علی شاہ، گورنر سندھ ڈاکٹر عشرت العباد خان، آئی جی پولیس سندھ اور ڈی جی رینجرز سندھ سے مطالبہ کیا کہ عرفان حیدر اور دیگر بے گناہ شہریوں کے قتل عام میں ملوث مجرموں کو عوام کے سامنے لایا جائے اور جلد از جلد نشان عبرت بنایا جائے تاکہ جرائم پر قابو پانے اور شہر قائد کو اس کا امن لوٹانے میں مدد مل سکے۔
وحدت نیوز (سرگودھا) سرگودھا میں ذاکر اہل بیت ع مشتاق شاہ کی جانب سے منعقد کی جانے والی مجلس عزا سے مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے خطاب کر تے ہو ئے کہا کہ ماہ محرم الحرام نزدیک ہیں پو رے پاکستان میں عزاداری کے اجتماعات کو پہلے سے زیادہ منظم کر نے کی ضرورت ہے ، علماء ، زاکرین ، ماتمی انجمنوں اور اسکائوٹس رضا کارو ں کی ذمہ داریاں پہلے سے زیادہ بڑھ گئی ہیں ، علماء خطباء اپنے سامعین کو قومی اتحاد و وحدت کی تاکید کریں ، شیعہ مکتب فکر میں تمام مسالک کا احترام واجب ہے ، کسی بھی مسلمان کی دل آزاری آئمہ معصومین (ع) کو ناراض کر نے کا باعث بنتی ہے، ہمارے پاس اہل بیت علیہم السلام کے اتنے فضائل موجود ہیں کہ ہمیں کسی دوسرے کی جانب توجہ کر نے کی ضرورت ہی نہیں۔
انہو ں نے کہا کہ مجلس وحدت مسلمین پاکستان الحمد اللہ اپنے بنیادی حدف یعنی ملی وحدت کی جانب احسن انداز میں سفر کر رہی ہے ، پورے پاکستان میں علماء ، ذاکرین ، ماتمی ، انقلابی اگر کسی پلٹ فارم پر اکھٹا ہیں تو وہ ایم ڈبلیو ایم ہے، وہ وقت دور نہیں کہ جب ہم باہمی اتحاد و وحدت سے پاکستان میں عزاداری کے دشمنوں کو نامراد کریں گے ۔
وحدت نیوز(ملتان ) مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے کہا کہ پاکستان کا آئین اس بات کی اجازت نہیں دیتا کہ قاتلوں سے مذاکرات کئے جائیں۔ کراچی میں بوگس ووٹوں کا بھانڈا پھوٹنے سے فخرو بھائی کا چہرہ واضح ہوگیا ہے۔ ان خیالات کا اظہار اُنہوں نے ملتان میں وحدت یوتھ ونگ کے مرکزی دفتر کے افتتاح کے موقع پر پریس کانفرنس سے خطاب کرتے ہوئے کیا۔ اس موقع پر وحدت یوتھ ونگ کے سربراہ سید فضل عباس نقوی ایڈووکیٹ، صوبائی سیکرٹری پنجاب اُمور جوان علامہ حسن رضا ہمدانی، علامہ سید اقتدار حسین نقوی، علامہ قاضی نادر حسین علوی، علامہ محمد حسین مہدوی سمیت دیگر موجود تھے۔
اُنہوں نے مزید کہا کہ پاکستان میں عوام کی نہیں بلکہ اشرافیہ اور سیاسی مافیا کی حکومت ہے۔ جعلی ووٹوں سے بننے والے حکمران قومی مفادات کا تحفظ نہیں کرسکتے، ملک کو آئی ایم ایف کے رحم و کرم پر چھوڑ دیا گیا ہے۔ دہشتگردوں سے مذاکرات نہیں بلاتفریق آپریشن کیا جائے۔ اے پی سی کو کیا اختیارات ہیں کہ وہ پاکستان کے آئین اور قانون کے دائرے سے نکلے اور دہشتگردوں کو سزا دینے کی بجائے ان سے مذاکرات کرے۔ آل پارٹیز کانفرنس میں دہشتگردی کا نشانہ بننے والے شیعہ سنی کو بلایا ہی نہیں گیا۔ علامہ ناصر عباس جعفری کا کہنا تھا کہ دہشتگردوں کو وجود دینے میں ریاستی ادارے ذمہ دار ہیں۔ مخصوص مکتب فکر کے ٹریننگ کیمپ بنائے گئے۔
وحدت نیوز( ملتان ) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے دورہ ملتان کے موقع پر جامعہ شہید مطہری (رہ) میں علمائے کرام وطلاب دینی سے خطاب کرتے ہوئے کہا کہ علم دین کا حصول تمام علوم کے حصول سے ذیادہ افضل ہے ، جوان ذیادہ سے ذیادہ دینی مدارس میں تعلیم کے حصول کے لئے داخل ہو ں ، قوم کو انقلابی علماء کی شدید ضرورت ہے ، جیسا کہ حدیث ختمی مرتبت بھی ہے کہ علماء انبیاء کے وارث ہیں تو علماء کے کاندہوں پر بھاری ذمہ داریاں عائد ہو تی ہیں ، ہماری کوشش ہو نی چاہئے کہ ہم اپنے جسم پر موجود لباس مقدس کی حرمت کا خیال رکھیں اور حقیقی معنیٰ میں انبیاء کی وراثت کا حق ادا کر نے کے قابل بنیں ۔انہوں نے طلباء کو تعلیمی میدان میں دل جمعی کے ساتھ آگے بڑھنے کی تلقین کر تے ہو ئے کہا کہ طلاب دینی حصول علم میں کسی قسم کی کوتاہی نا برتیں ، اپنے تمام کا موں پر تعلیم کو ترجیح دیں ، معاشرے کی اصلاح میں آپ طلاب دینی کا کردار انتہائی اہمیت کا حامل ہے ۔