وحدت نیوز (کوئٹہ) مجلس وحد ت مسلمین کوئٹہ ڈویژن کی طرف سے جاری کردہ بیان میں ایم ڈبلیوایم کے رکن بلوچستان اسمبلی سید محمد رضا نے ملک بھر میں بالخصوص بلوچستان سے سینٹ انتخابات میں کامیاب امیدواروں کو مبارکباد دیتے ہوئے اُمید ظاہر کی ہے کہ نومنتخب سینیٹرز غریب عوام کی ترقی و خوشحالی کے لئے بھر پور جدوجہد اور ایوان بالا میں آواز بلند کرینگے۔ عوام کی خوشحالی اور قانون کی سر بلندی کے لئے بھی بھر پور کردار ادا کرینگے۔عوام کے منتخب نمائندوں کی امانت کی بھر پور طریقے سے پاسداری کرینگے۔ ایوان بالا میں جاکر عوام کی ترقی و خوشحالی کے لئے آواز بلند کرنا ان کی اولین ترجیح ہونی چاہیے۔ مجلس وحدت مسلمین تمام نو منتخب سنیٹروں کو مبارکباد دیتے ہوئے یہ امید رکھتی ہے کہ وہ اپنی بہترین صلاحیتوں کو بروئے کار لاتے ہوئے بلوچستان کی پسماندگی اور عوام کے حقوق کے لئے بھر پور آواز بلند کرینگے۔

وحدت نیوز (کوئٹہ) مجلس وحدت مسلمین کے صوبائی سیکریٹری سیاسیات اور رکن بلوچستان اسمبلی سید محمد رضا رضوی نے راولپنڈی امام بارگاہ پر میلاد البنی ﷺ کی محفل پر خودکش بم دھماکے کی سخت الفاظ میں مذمت کرتے ہوئے کہا ہے کہ اللہ تعالیٰ نے حضو ر پاکﷺ کو پوری دنیا کیلئے رحمت بنا کر بھیجا اور آپ ﷺ نے پوری انسا نیت کو امن اور بھا ئی چارے کا درس دیا اور انسانوں کو ایک دوسرے کا حترام اور محبت و آشتی کے سا تھ رہنے کی تعلیم د ی لیکن بد قسمتی سے پاکستا ن میں ایسے انسان نما جا نو ر پیدا ہوگئے ہیں جو سر ور کائنات حضر ت محمد مصطفی ﷺ کے میلاد کی محفلوں پر خود کُش حملے کر رہے ہیں جسکی وجہ سے پوری انسا نیت شرم سا ر ہیں ،انہوں نے پنجا ب حکومت سے مطا لبہ کیا گیا کہ دہشت گر دوں کی سر پرستی ترک کرتے ہوئے ان درندوں کے خلا ف پورے پنجاب میں آپریشن کا آغا ز کرتے ہوئے ان کی بیخ کنی کی جا ئے ۔

ملک بھر میں معصوم انسا نوں کا قتل عام کیا جا رہا ہیں اور حکمران صر ف زبا نی جمع خر چ سے کام لے رہے ہیں اور عملی طور پر کوئی اقدام نظر نہیں آرہا جو انتہا ئی شرم ناک ہے، دہشت گرد وں کی کا روائیوں سے ہزاروں پاکستانی اپنی جانوں سے ہا تھ دھو بیٹھے ہیں اور دوسری جانب بعض عنا صر ان دہشت گر دی کے واقعا ت کو پُراکسی جنگ کا نام دے کر شہد ا کے خون کے سا تھ خیانت کر رہے ہیں جس طر ح کوئٹہ اور پور ے پا کستان میں یک طر فہ کا روائیوں میں ہزاروں انسانوں کا لہو بہا یا گیا اسکو پُراکسی وار کا نام دینے والے اس لفظ کے مفہوم سے آشنا نہیں یہاں یہ سوال پید ا ہوتا ہے کہ یہ کونسی پر اکسی وار ہے جس میں اسکول کے معصوم بچوں کو نشانہ بنایا جا تا ہیں ۔در اصل بعض نام نہاد سیاسی جماعتیں اپنی سیاست کو دوام بخشنے کیلئے ملک میں جاری دہشت گردی کے واقعات کو اس طرح کے عنوان دے کر معصوم شہریوں کے خون کے ساتھ نا انصا فی کررہے ہیں ۔

وحدت نیوز (کوئٹہ) مجلس وحدت مسلمین پاکستان کوئٹہ ڈویژن تمام محب وطن شہریوں بالخصوص اہل پشاور اورمتاثرین کے لواحقین کو تسلیت عرض کرتے ہوئے ان سے دلی ہمدردی اور یکجہتی کے اظہار کیلئے تین روزہ سوگ کا اعلان کرتی ہے۔ ہماری نظر میں یہ بزدلانہ حملہ صرف سکول پر ہی نہیں بلکہ پورے عالم اسلام اور پاکستان پر حملہ ہے اور دہشت گردوں نے معصوم بچوں پر حملہ کرکے وطن عزیز سے برملا دشمنی کا اظہارکیا ہے۔ ہم سمجھتے ہیں کہ دور حاضر میں اسلام کے نام پر مسلمانوں اور مظلو م پاکستانی عوام کے خلاف یہ بزدلانہ کاروائیاں دشمنوں کی طرف سے ہمارے اور ہمارے وطن عزیز سے جنگ کا جدید طریقہ ہے اور کل کے سانحے سے یہ ثابت ہوجاتی ہے کہ دہشت گرد ہمارے دشمنوں امریکہ ،اسرائیل اور انڈیا کے آلہ کارہیں۔ان خیالات کا اظہار مرکزی رہنما مجلس وحدت مسلمین پاکستان علامہ سید ہاشم موسوی ،ایم ڈبلیوایم کے رکن بلوچستان اسمبلی آغا محمد رضا،ڈویژنل جنرل سیکرٹری سید عباس ،کونسلر و ڈویژنل سیکرٹری مالیات کربلائی رجب علی اورڈویژنل سیکرٹری سیاسیات رشید علی نے وحدت ہاؤس کوئٹہ میں سانحہ پشاور کیخلاف ہنگامی پریس کانفرنس کرتے ہوئے کیا۔

رہنماؤں نے کہا کہ اس واضح صورتحال کے باوجود عجیب بات تویہ ہے کہ ہم نے ابھی تک طالبان کو دشمن تسلیم نہیں کیا بلکہ بعض جماعتیں توان درندوں کومجاہد کا سمجھ کر برملاان کی حمایت کرتی آرہی ہیں ۔ آپریشن ضرب عضب سے پہلے ان سے مذاکرات پر زور دینے والی مذہبی وسیاسی پارٹیاں اسکی عمدہ مثالیں ہیں ، جنہوں نے مذاکرات کے بہانے اہم طالبان کمانڈروں کو فرارکرنے کا موقع فراہم کیا۔ وطن عزیز میں ایسے بھی عناصر ہیں جو عوام اور سیکورٹی اداروں کو غافل رکھنے کیلئے دہشت گردوں میں اچھے اور برے کی تمیز کے قائل ہیں۔ جبکہ ہماری نظر میں میں اسلام کے نام پر دہشت گردی کرنے والے تمام گروہایک ہی نیٹ ورک کے تحت منظم طریقے سے وطن عزیز کے خلاف معادانہ کاروائیوں میں مصروف ہیں۔ یہ دہشت گرد جب فرقہ واریت پھیلانے کیلئے کاروائی کرتے ہیں۔ تو لشکر جھنگوی و دیگرمقامی نام استعمال کرتے ہیں ۔ اور جب ریاست یاریاستی اداروں پرحملہ آور ہوتے ہیں تو طالبان یا القاعدہ کا نام استعمال کرتے ہیں ۔

رہنماؤں کا مذید کہنا تھا کہ سانحہ آرمی پبلک سکول پشاور میں دہشت گردوں کے سیاہ لباس اور طریقہ واردات عالمی دہشت گردتنظیم داعش سے مشابہت رکھتی ہے ۔ جس یہ بات روز روشن کی طرح عیاں ہوجاتی ہیں۔ کہ دہشت گرد وطن عزیز پاکستان پر قبضہ کرنے کی ناپاک نیت رکھتے ہیں اور خدانخواستہ آپریشن ضرب عضب شروع نہ ہوتا تو آج ہمیں یہ جنگ وزیرستان کے بجائے اسلام آباد کے گرد ونواح میں لڑنا پڑتی۔نہ جانے اس قسم کی کتنی کاروائیاں ہوچکی ہوتی جن میں سو کی بجائے ہزاروں معصوم جانوں کی قربانی دینی پڑتی ، ہمیں وطن عزیز کی دفاع کی خاطر آپریشن ضرب عضب شروع کرنے اور اس کی کامیابی پر پاک فوج کو خراج تحسین پیش کرنا چاہیے ورنہ ہمارے نااہل ڈرپوک سیاست دان اس ملک کو تباہ کرچکے ہوتے، اسی طرح کل کے سانحے میں بھی پاک فوج کا کردار قابل تعریف ہے، کیونکہ جانثار کمانڈوز کی بروقت کاروائی کے نیتجے میں نو سو سے زائد قیمتی جانیں محفوظ ہوئے ورنہ دہشت گردوں کے پاس کئی دن کے اسلحے اور راشن اس بات کی دلیل ہے کہ وہ اسکول کے تمام طلباء کو شہید کرنے آئے تھے۔
ہماری نظر میں سانحہ پشاور سمیت ملک بھر میں وحشیانہ طریقے سے دہشت گردی کے چند ایک مقاصد ہے۔
1۔ دنیا بھر میں دین مقدس اسلام کو بدنام کرکے اس کی بڑھتی ہوئی مقبولیت کو روکنااور خود مسلمانوں کو دین اسلام سے بے زار کرکے انہیں مغربی تہذیب کی طرف دھکیلنا۔
2۔ وطن عزیز پاکستان جو اسلام کا قلعہ ہے کی ساکھ کو خراب کرنا اور اسے کمزور کرکے عالمی استکباری ریاستوں کے حملے کیلئے راستہ ہموار کرنا۔
3۔ اندرون ملک فرقہ واریت کی فضا قائم کرکے ریاستی اداروں اور عوام کو کنفیوز رکھ کرعوام میں نفرت ، تعصب اور انتشار پھیلا کر ملک کو کھوکھلا کرنا۔
4۔ہمیں اور ہماری ریاست کو کمزور دکھا کرہمارے حوصلے پست کرنا ۔

رہنماؤں کا پریس کانفرنس کے اختتام پر کہنا تھا کہ دہشت گردوں کو ان کے مقاصد میں ناکام بنانے کیلئے ضروری ہیں کہ تمام مسالک علماء دہشت گرد تنظیموں میں طالبان ، لشکر جھنگوی اور القاعدہ وغیرہ سے اعلان برائت کرکے انہیں اسلام اور پاکستا ن کے دشمن قرار دیں ۔کسی بھی اسلامی مسلک کی تکفیر کو حرام قرار دیا جائے اور حکومت اسے جرم قرار دے کراس کے ارتکاب پر سخت قانون سازی عمل میں لائیں۔ اخباری بیانات تقاریرجس میں دیگر مسالک کو نشانہ بنا کر نفرت و تعصب کی آگ پھیلائی جاتی ہے کی روک تھام کو یقینی بنایا جائے۔ملک میں قائم کیئے گئے تمام مدارس کو بلاامتیاز سرکاری سطح مانیڑنگ کی جائے اور ان کے نصاب میں میٹرک تک تعلیم لازمی قرار دی جائے دہشتگردوں کو فلفور سزا دلوانے کے لئے صحیح اور آسان قوانین وضع کیا جائے اور گرفتار دہشتگردوں کو عبرتباک سزا دی جائے اور جہاں تک ہمارے حوصلہ کی بات ہے تو کل کے سانحہ میں زخمی ہونے والے نونہال طالب علموں نے دشمن کو منہ توڈ جواب دے دیا کہ ہمیں بھی اس پاک وطن کا مجاہد سمجھا جائے ۔اے مادر وطن ہم تجھ سے عہد کرتے ہیں کہ تیرے دشمنوں کے ناپاک عزائم خاک میں ملا دیں گے اور خون کے آخری قطرے تک تیری دفاع کرتے رہنگے ۔آخر میں ہم کل کے سانحے کی شدید الفاظ میں مذمت کے ساتھ ساتھ تمام زخمیوں اور شہیدوں کے لواحقین کے بلند حوصلوں کو سلام پیش کرتے ہوئے یہ پیغام دینا چاہتے ہیں کہ آپ اس مصیبت عظمیٰ میں تنہا نہیں بلکہ پورے پاکستان آپ کے غم میں برابر کے شریک ہیں ۔

وحدت نیوز(کوئٹہ) مجلس وحدت مسلمین کوئٹہ ڈویژن کے بیان کے مطابق عوامی نمائندے اوررُکن صوبائی اسمبلی آغا محمد رضا نے گزشتہ روزایک مقامی انگلش لینگویج سینٹرکے تقسیم اسنادکی تقریب میں طلباء و طالبات سے خطاب میں کہاکہ بلوچستان کے طلباء و طالبات باصلاحیت ہیں۔تعلیمی ادارے تعلیم کے فروغ کے لئے اپناکرداراداکررہی ہیں۔ تعلیم اورامن کے ذریعہ پاکستان سے ہرقسم کی انتہاپسندی اورجنونیت کاخاتمہ ممکن ہے۔ انہوں نے کہاکہ بدقسمتی سے ماضی میں کسی نے نوجوانوں پرخاص توجہ نہیں دی۔لیکن ہم نوجوانوں کو مایوس نہیں کریں گے۔تعلیم، صحت، سپورٹس اوردیگرشعبوں کی ترقی میں نوجوانوں کوساتھ لیکرچلیں گے۔اورہرسطح پرطلباء و طالبات کی حوصلہ افزائی کریں گے۔

انہوں نے مزیدکہاکہ پاکستان میں تعلیم دشمن اورامن دشمن عناصرملک میں سکولوں اورعلمی و فکری شخصیات کوصرف اس لئے نشانہ بنارہے ہیں تاکہ نوجوان تعلیم کے نورسے محروم رہیں اورجہالت و گمراہی کی تاریک راہوں میں بھٹکتے ہوئے دہشت گردوں کے آلہ ٗ کاربن سکیں۔سکول میں تعلیم کے لئے جانے والاہربچہ دہشتگردوں ، فرقہ پرستوں اورامن دشمن عناصرکی حوصلہ شکنی کاباعث بنتاہے۔ لہٰذا والدین کوچاہیئے کہ وہ اپنے بچوں کوتعلیم کے زیورسے آراستہ کرکے دہشت گردی کی ناسورسے پاکستان کوپاک کرنے میں علمی جہادکریں۔انہوں نے مزیدکہاکہ والدین اورنوجوان تعلیم کے نورسے دہشت گردی کی ظلمت کوشکست دیں۔

آغارضاکاکہناتھا کہ علم ایسی نعمت ہے جوانسان کوفرشتوں سے ممتازکرتی ہے۔ اورانسان کے اشرف المخلوقات ہونے کاسبب ٹھرتی ہے۔ مغربی ممالک کے عروج اورغلبہ کی بنیادی وجہ اُن کا علمی سفرمیں آگے بڑھناہے۔جبکہ علم سے دوری کی وجہ سے مسلم دنیاروزبروزغلامی، دہشت گردی ، خونریزی اوربدامنی کے اندھیروں میں ڈوبتی چلی جارہی ہے۔لہٰذانوجوان روشن مستقبل کے لئے تعلیم اورسائنس و ٹیکنالوجی کے حصول پر خصوصی توجہ دیں۔

اُن کاکہناتھا کہ تعلیم یافتہ عوام ہی ملک و قوم کواچھی اورباصلاحیت قیادت فراہم کرسکتے ہیں۔تعلیم سے دوری ہی ہے جس کی وجہ سے آج نااہل، بدعنوان اورخودفروش حکمران ملک اورعوام کے مقدرکافیصلہ چندعرب ڈالرکے عوض کررہے ہیں اورپاکستان سے دہشت گردوں کودوسرے اسلامی ممالک میں بے گناہ انسانوں کی خونریزی کے لئے بھیج رہے ہیں۔

وحدت نیوز(کوئٹہ) مجلس وحدت مسلمین کوئٹہ ڈویژن کے بیان کے مطابقMWMکے رہنما اوررُکن صوبائی اسمبلی آغا محمد رضا نے تقریب بین المسالک کے لئے وجودمیں آنے والے مسلم یونائیٹڈکونسل پاکستان کے شرکاء سے خطاب میں کہاکہ اللہ تعالیٰ کے احکام کی پیروی اسی میں ہے کہ ہم سب آپس میں متحدہوجائیں۔سنی شیعہ مسلمانوں کو آپس میں اس طرح متحدہوناچاہیئے کہ پھرکبھی جدائی کا تصوربھی نہ کرسکیں۔یہ اسلام کا حکم ہے کہ مسلمان ایک دوسرے کے بھائی بنیں۔ اس بھائی چارے اوروحدت کا نتیجہ یہ ہوگاکہ کوئی طاقت آپ پر مسلط نہ ہوسکے گی۔اورجب تک آپ کی توجہ اورتوکل کامرکزاللہ کی ذات ہوگی آپ کے مقابلے میں آنے والی ہر قوت و طاقت نیست و نابود ہوجائے گی۔

انہوں نے کہاکہ دورحاضرمیں جہاں بعض اسلامی ممالک اپنی بادشاہت کودوام دینے کی غرض سے اسلام اورجہادکے نام پرشام اورپاکستان میں میں بے گناہ مسلمانوں کاخون بہارہے ہیں ایسے حالات میں مسلم یونائیٹڈکونسل پاکستان کا قیام ملک میں بسنے والے تمام سنی شیعہ مسلمانوں کے لئے انتہائی خوش آئنداورحوصلہ افزاں بات ہے۔انہوں نے مزیدکہاکہ مسلم یونائیٹڈکونسل پاکستان کوملکی اوربین الاقوامی سطح پرشیعہ سنی کے مابین اتحادویگانت اورملکی ترقی کے لئے دن رات کوشش کرنی چاہیئے ۔اورسنی شیعہ معتدل سوچ رکھنے والے تمام مسالک کے ماننے والوں کو اس پلیٹ فارم پررسول اکرم ؐ کے نام پریکجاکرناچاہیئے۔

آغارضاکاکہناتھا کہ پاکستان سنی شیعہ مسلمانوں کی مشترکہ کوششوں سے معرض وجودمیں آیاہے۔اورسنی شیعہ مسلمان ہی مل کر ملک کودہشت گردوں کے چنگل سے نجات دلاکرپاکستان کوبچاسکتے ہیں۔اسلام کے دشمنوں کویہ بات کسی صورت برداشت نہیں ہورہی کہ پاکستان دنیابھرمیں اسلام کی طاقت کاسرچشمہ بن کر ابھرے۔اس لئے دشمن ،قوم، مذہب اور مسلک کے نام پر ہمیں آپس میں دست و گریباں کرکے مسلمانوں کو تقسیم درتقسیم کرنے کی سازشوں میں مصروف ہے۔

اُن کاکہناتھا کہ ہمیں ملک میں سنی شیعہ اتحاداورمذہبی رواداری کو فروغ دے کراندرونی اوربیرونی سازشوں کوناکام بناناہوگا۔ سنی شیعہ مسلمان اتحادواخوت کا مظاہرہ کرکے مسلمانوں کے مابین نفرتوں کے بیچ بونے والے شرپسندعناصرکی مذموم سازشوں کوناکام بناناہوگا۔اوربلاتفریق انسانیت، امن،تعلیم اور خواتین کی ترقی کے لئے کام کرکے دنیاکو اسلام کے امن و سلامتی اورترقی پسندچہرے سے روشناس کراناہوگا۔

وحدت نیوز(کوئٹہ) مجلس وحدت مسلمین کوئٹہ ڈویژن سے جاری کردہ بیان کے مطابق ایم ڈبلیوایم کے رہنما اوررُکن صوبائی اسمبلی آغا محمد رضا نے کہا کہ پاکستانیوں کواسلام اورمسلمانوں کے خلاف بین الاقوامی اورداخلی سازشوں کے مقابلے میں آگاہ اورمتحدرہنا چاہیئے۔آغامحمدرضانے اتحادبین المسلمین کو وقت کی اہمت ضرورت قراردیتے ہوئے کہاکہ دورحاضرمیں مسلکی مسائل کی بنیادپرسیاست کرنے کی بجائے بلاکسی تفریق کے اسلام کی مضبوطی ،ملکی استحکام، بندگان خداکی خدمت ، جوانوں کی سائنس و ٹیکنالوجی جیسے جدیدعلوم میں تعلیم وتربیت کے لئے کام کرنے کی زیادہ ضرورت ہے۔مسالک کے مابین محبت و بھائی چارے کی ایسی مثال قائم ہونی چاہیئے جس سے ہم ایک دوسرے کے دکھ دردکومحسوس کرسکیں۔

انہوں نے کہاکہ قوم، قبیلے یا مسالک میں منقسم رہنے سے اسلام اورپاکستان کو کبھی بھی کوئی فائدہ نہیں پہنچ سکتا۔ اورنہ اسلام میں اِن بنیادوں پرتقسیم کی کوئی گنجائش ہے۔اسلام محمدی ؐ قوم ،قبیلہ اورمسلک کے نام پرکسی بھی قسم کے امتیازکاقائل نہیں بلکہ اسلام اُن تمام انسانوں کو چاہے اُن کا کسی بھی قوم وقبیلہ یامسلک سے تعلق ہواورجواللہ تعالیٰ پرایمان لائے ہیں برابرسمجھتاہے۔تاہم اللہ کے نزدیک بلنددرجات اُنہی کوحاصل ہوسکتے ہیں جو زیادہ متقی ہوں۔ آغارضانے مزیدکہاکہ پاکستان میں مسالک کے مابین اختلافات کی باتیں کرنے والے اسلام اورپاکستان کے لئے زہرقاتل ہیں۔ پاکستان اوراسلام محمدی ؐ کے دشمن گہری منصوبہ بندی کے تحت بلوچستان میں مسالک کی بنیادپرمنافرت پھیلانے کی گھناؤنی سازشوں میں مصروف ہیں۔

انہوں کاکہناتھا کہ بلوچستان کے عوام امن پسنداورایک دوسرے کے عقائدونظریات کا احترام کرنے والے ہیں۔ انہوں نے کہاکہ بلوچستان کے عوام صوبہ کی مثالی امن کو مسلک کے نام پر خراب کرنے والے عناصرسے ہوشیاررہیں۔اورکسی کواس بات کی اجازت نہ دیں کہ وہ آپ کے مذہبی جذبات و احساسات کا فائدہ اٹھاتے ہوئے صوبے کومذہبی یا مسلکی انتہاپسندی کی آگ میں جھونک دیں۔