وحدت نیوز(مظفر گڑھ) مجلس وحدت مسلمین ضلع مظفرگڑھ کے زیراہتمام ''استحکام پاکستان و امام مہدی کانفرنس ''مظفرگڑھ کے ضلع کونسل ہال میں منعقد ہوئی، کانفرنس کی صدارت مجلس وحدت مسلمین کے مرکزی رہنما علامہ محمد اصغر عسکری نے کی، جبکہ مجلس وحدت مسلمین جنوبی پنجاب کے ڈپٹی سیکرٹری جنرل محمد عباس صدیقی اور رانا مشتاق مہمان خصوصی تھے۔ کانفرنس سے خطاب کرتے ہوئے ایم ڈبلیو ایم کے مرکزی رہنما علامہ اصغر عسکری نے کہا کہ ملک بھر میں دہشتگردی کے خلاف ہونے والے آپریشنز کی مجلس وحدت مسلمین مکمل حمایت کرتی ہے، علامہ اصغر عسکری نے نیشنل ایکشن پلان، آپریشن ضرب عضب اور آپریشن ردالفساد کی مکمل حمایت کا علان کرتے ہوئے کہا کہ پوری قوم پاک کے شانہ بشانہ کھڑے ہوکر ملکی سلامتی کے لیے ہر قربانی دینے کے لیے تیار ہے، اُنہوں نے کہا کہ ملک میں بلاتفریق دہشتگردی کے خلاف آپریشن سے دہشتگردی جیسی لعنت سے چھٹکارا حاصل کیا جا سکتا ہے۔ ایم ڈبلیو ایم ایم جنوبی پنجاب کے ڈپٹی سیکرٹری جنرل محمد عباس صدیقی نے کانفرنس سے خطاب کرتے ہوئے کہا کہ ملکی سلامتی اور استحکام کے لیے دہشتگردوں کا قلع قمع کرنا ضروری ہے، حکومتی صفوں میں چھپے دہشتگردوں کے سہولت کاروں کے خلاف بھی کاروائی کی جائے۔ اُنہوں نے کہا کہ عالم اسلام کو متحد کرنے کی بجائے امریکہ کی گود میں بٹھایا جا رہا ہے، اس موقع پر ضلعی سیکرٹری جنرل علی رضا طوری، صوبائی سیکرٹری تنظیم سازی سید عدیل عباس زیدی، سیکرٹری تربیت سید وسیم عباس زیدی، ضلعی سیکرٹری سیاسیات مظفرگڑھ نعیم کاظمی اور دیگر نے بھی خطاب کیا۔

وحدت نیوز (رپورٹ/ ایم آر عابدی) مجلس وحدت مسلمین پاکستان صوبہ سندھ کی جانب سے منجی بشریت امام مہدی (عج) سے ایفائے عہد کیلئے، وطن عزیز میں عزاداری سید الشہداء کو محدود کرنے کی سازشوں کیخلاف، پاکستان میں عادلانہ نظام کے قیام کیلئے، شیعہ نسل کشی کیخلاف، نیشنل ایکشن پلان پر درست عملدرآمد کیلئے، پاکستانی ایجنسیوں کی جانب سے لاپتہ کئے گئے علماء و جوانوں کی رہائی کیلئے اور وطن عزیز میں بڑھتی ہوئی سعودی و امریکی مداخلت کیخلاف عظیم الشان استحکام پاکستان و امام مہدی (عج) کانفرنس کراچی کے نشتر پارک میں منعقد کی گئی۔ استحکام پاکستان کی تیاریوں کے سلسلے میں ایم ڈبلیو ایم کراچی کی جانب سے 22 روزہ عوامی رابطہ مہم چلائی گئی، جس میں علامہ راجہ ناصر عباس جعفری، علامہ امین شہیدی، علامہ حسن ظفر نقوی، علامہ احمد اقبال رضوی، علامہ مختار امامی، علامہ مرزایوسف حسین، علامہ علی رضوی، علامہ اعجاز بہشتی، علامہ اقتدار نقوی، علامہ مبشر حسن، علامہ علی انور جعفری، علامہ صادق جعفری، علامہ باقر زیدی، علامہ حیدر عباس عابدی، علامہ احسان دانش، علامہ مقصود ڈومکی، علی حسین نقوی سمیت دیگر رہنماؤں نے مختلف آبادیوں میں قائم مساجد میں جاکر عوام کو کانفرنس کے اغراض و مقاصد سے آگاہ کیا۔ جوں جوں کانفرنس کا وقت قریب آتا گیا عوامی رابطہ مہم بھی زور پکڑتی گئی۔ شہر بھر میں مجلس وحدت کے کارکنان نے 20 ہزار سے زائد پوسٹرز جبکہ 2 ہزار سے زائد بینرز آویزاں کئے جبکہ وال چاکنگ بھی کی گئی۔

کانفرنس کی عوامی رابطہ مہم میں اپنے خطابات میں مقررین نے سعودی شہزادہ محمد بن سلمان کی جانب سے منجی بشریت امام مہدی (عج) کے ظہور کی راہیں ہموار کرنے والوں سے جنگ کے اعلان کے بعد کے حالات پر مکمل بریفنگ دی اور شام، یمن، عراق، بحرین، لبنان، فلسطین کی صورتحال کے تناطر میں پاکستانیوں کی ذمہ داریوں پر عوام میں آگاہی فراہم کی۔ مقررین نے کہا کہ پاکستان اس وقت شدید بیرونی مداخلت کا شکار ہے، کرپٹ حکمرانوں نے ذاتی مفادات کی خاطر قومی سلامتی کو داﺅ پر لگا دیا ہے، ویسٹرن ایشیاء میں شکست کھانے کے بعد دہشت گرد گروہوں کو عالمی استعماری قوتیں پاکستان میں آباد کرنا چاہتی ہیں جس کا آغاز ہوچکا ہے، پاراچنار میں حالیہ تینوں دہشت گرد حملوں کی ذمہ داری داعش اور اس کے حامی گروہوں نے قبول کی ہے، جو پاکستان میں عالمی دہشت گردوں کی موجودگی کا ثبوت ہے۔ مقررین کا مزید کہنا تھا کہ عالمی صیہونی طاقتیں اور امریکہ اپنی حواری عرب ریاستوں کے ساتھ مل کر امام زمانہ (عج) کے ظہور کے راستے میں رکاوٹیں کھڑی کرنا چاہتے ہیں، عالمی شیطانی قوتوں اور مقاومتی بلاک کے درمیان شدید ٹکراؤ جاری ہے، ایشیائی ممالک میں دراڑ ڈالنے، سرحدیں توڑنے اور من پسند جغرافیائی تبدیلوں کے لئے سازشوں کے جال بنے جا رہے ہیں۔ انہوں نے مزید کہا کہ پاکستان میں اہلسنت اور تشیع امام مہدی علیہ السلام پر ایمان رکھتے ہیں، پاکستان میں جعلی امام کعبہ کو لاکر مکہ مدینہ کے نام پر آل سعود کے ناجائز اقتدار کی بقاء و سلامتی کیلئے راہ ہموار کرنے کی کوشش کی جا رہی ہیں، انشاء اللہ 21 مئی کو نشتر پارک میں حقیقی وارث کعبہ امام مہدی (عج) کے عاشقان کا عظیم اجتماع منعقد ہوگا جو کہ ظہور امام عصرؑ کی مخالف قوتوں کو واضح پیغام دے گا۔

کانفرنس کے آغاز سے دو روز قبل نشتر پارک میں جلسہ گاہ کی تیاریوں کا آغاز کیا گیا، دو روز کی کڑی محنت کے بعد استحکام پاکستان و امام مہدی (عج) کانفرنس کا جلسہ گاہ پایہ تکمیل کو پہنچا۔ جس میں 16 ہزار سے زائد کرسیاں لگائی گئی تھیں جبکہ تقریباً 60 فٹ کا اسٹیج تیار کیا گیا۔ جلسہ گاہ میں خواتین کی جانب 6 ہزار جبکہ مردوں کی جانب 10 ہزار کرسیاں بچھائی گئی تھیں۔ جلسہ گاہ میں پیام ولایت فاؤنڈیشن، خیرالعمل فاؤنڈیشن سمیت دیگر فلاحی اداروں نے اپنے کیمپ بھی لگائے تھے۔ جلسے میں نماز مغربین کے انتظامات کے فرائض آئی ایس او کراچی ڈویژن نے انجام دیئے، جس کیلئے باقاعدہ وضو آپریٹس بھی لگایا تھا۔ کانفرنس کی تیاریوں کے سلسلے میں ایم ڈبلیو ایم کے مرکزی رہنما مہدی عابدی، صوبائی رہنما حیدر زیدی، کراچی ڈویژن کے رہنما میثم عابدی، علامہ مبشر حسن، علامہ علی انور جعفری، کاظم عباس مستقل دو روز تک پنڈال کی تیاریوں کے سلسلے میں نشتر پارک میں موجود رہے۔ جلسہ گاہ میں سوشل میڈیا ٹیم، اخباری رپورٹرز اور نجی ٹی وی چینلز کے نمائندگان کیلئے الگ الگ کیمپ بھی لگائے گئے تھے۔ کانفرنس میں شریک ہونے والے شرکاء کیلئے 30 ہزار سے زائد کھانے کے پیکٹ بنوائے گئے تھے۔ کانفرنس کی سیکورٹی کے تمام فرائض وحدت یوتھ کے 300 سے زائد ضاکاروں نے انجام دیئے جبکہ اس موقع پر ناصران اسکاؤٹس، امامیہ اسکاؤٹس سمیت دیگر اسکاؤٹس کے رضاکاروں کی بھی بڑی تعداد عوام کی سیکورٹی اور جلسہ کے انتظامات کیلئے موجود تھی۔

استحکام پاکستان و امام مہدی (عج) کانفرنس کے پنڈال میں لبیک یا مہدی (عج) العجل یا امام زمانہ (عج) اور مجلس وحدت کے پرچم بھی بڑی تعداد میں لگائے گئے تھے۔ کانفرنس والے روز شدید گرمی کے باوجود تین بجے سے ہی پندال میں عوام کی آمد کا سلسلہ شروع ہوا۔ کراچی ڈویژن اور حیدرآباد ڈویژن سے آنے والے عوام کی سہولت کیلئے پارکنگ کا انتظام باغ جناح میں کیا گیا۔ شدید گرمی میں آنے والی عوام کے حوصلے دیدنی تھے۔ شدید گرمی کی وجہ سے عوام کی سہولت کیلئے چار مقامات پر سبیلوں کا انتظام کیا گیا تھا۔ ساڑھے تین بجے کانفرنس کا آغاز علامہ احسان دانش نے تلاوت کلام پاک سے کیا جس کے بعد کراچی ڈویژن کی جانب سے علامہ علی انور جعفری نے خطبہ استقبالیہ پیش کیا۔ بعد ازاں علامہ صادق جعفری نے نعت رسول مقبول (ص) سے عوام کے قلوب کو منور کیا۔ نعت کے بعد خطابات کا سلسلہ شروع ہوا۔ شام ساڑھے 5 بجے تک پنڈال میں کرسیاں ختم ہوچکی تھیں، بعدازاں مردوں والے حصے میں مزید کرسیاں بچھائی گئیں۔ کانفرنس میں علامہ اقبال بہشتی، علامہ مقصود ڈومکی، علامہ امین شہیدی، علامہ مرزا یوسف حسین، علامہ برکت مطہری، علامہ اظہر نقوی، علامہ علی رضوی، علی حسین نقوی، علامہ ظہیر الحسن نقوی آف امریکہ، علامہ اقتدار نقوی سمیت دیگر مقررین نے خطاب کیا۔

شام ساڑھے پانچ بجے علامہ راجہ ناصر عباس جعفری کی جلسہ گاہ میں آمد ہوئی جن کا عوام اور علماء نے کھڑے ہوکر استقبال کیا۔ 6:30 بجے شام کانفرنس کا مرکزی خطاب علامہ راجہ ناصر عباس جعفری نے کیا۔ اس موقع پر پنڈال کے باہر گلیوں میں بھی عوام علامہ راجہ ناصر عباس جعفری کا خطاب سننے کیلئے موجود تھی۔ علامہ راجہ ناصر عباس جعفری نے اپنے خطاب میں کہا کہ ظہور امام مہدیؑ کے دشمن امریکہ، اسرائیل اور آل سعود ہیں، یہ پاکستان کو یمن، بحرین اور شام کی طرح کمزور کرنا چاہتے ہیں، آل سعود اور امریکہ یمن کے اندر گھٹنے ٹیکنے پر مجبور ہوچکی ہیں، کیونکہ یمن کی عوام نے حق کا ساتھ اور استقامت نہیں چھوڑی، ہمارے دشمن پاکستان کو ایک نئی دلدل میں لے جانا چاہتے ہیں، آمر جنرل ضیاء جنگ کو ملک کے اندر لے کر آیا، ملک کو تباہ و برباد کیا اور تکفیریت کو پروان چڑھایا، اب پاکستان کو آل سعود کے الائنس میں لے جا یا جارہا ہے، ہماری خارجہ پالیسی امریکہ، اسرائیل اور آل سعود چلا رہے ہیں، ہم کسی ہمسایہ ممالک کے ساتھ تعلقات خراب نہیں ہونے دیں گے، ملک کو آل سعود کے ہاتھوں نہیں بیچنے دیں، پاکستان میں ظالم حکمرانوں کا راستہ روکنا ہے۔

اذان مغرب کے ساتھ ہی علامہ راجہ ناصر عباس جعفری کےخطاب کا اختتام ہوا، جس کے بعد شرکاء نے نماز مغربین ادا کی۔ نماز کی امامت بزرگ عالم دین علامہ مرزا یوسف حسین نے کی۔ نماز مغربین کے بعد جشن ولادت امام مہدی (عج) کا آغاز ہوا۔ جشن میں دستہ امامیہ کے صاحب بیاض عاطر حیدر، علی دیپ رضوی، شاہ رخ حسین، راجہ یاسر عباس نے امام مہدی (عج) کی شان میں کلام پیش کئے۔ جشن سے خطاب معروف ذاکر اہل بیت (ع) علامہ ڈاکٹر ماجد رضا عابدی، علامہ احمد اقبال رضوی اور علامہ حسن ظفر نقوی نے کیا۔ کانفرنس کی نظامت کے فرائض علامہ مختار امامی اور علامہ مبشر حسن نے انجام دیئے۔ جشن کے اختتام پر امام مہدی (عج) کی ولادت کی خوشی میں شاندار آتشبازی کا بھی اہتمام کیا گیا۔ کانفرنس کی سیکورٹی کیلئے رضاکاروں کے ساتھ ساتھ سندھ پولیس اور رینجرز کے جوانوں کی بھی بڑی تعداد جلسہ گاہ کی حفاظت پر مامور تھی۔ کانفرنس کے آخر میں علی حسین نقوی نے ایم ڈبلیو ایم کراچی ڈویژن کی جانب سے پولیس، رینجرز اور سول انتظامیہ کے افراد کا شکریہ ادا کیا کہ جنہوں نے اس کانفرنس کے انعقاد میں بھرپور تعاون کیا۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری نے امریکی صدر ڈونلڈ ٹرمپ کے دورے سعودی عرب کو امت مسلمہ کی تباہ کن تقسیم کا پیش خیمہ قرار دیتے ہوئے کہا ہے عرب امریکی اتحادکا بنیادی ہدف اسرائیل اور امریکہ کے قومی مفادات کا تحفظ ہے۔اس الائنس میں شریک مسلم ممالک کو مدعو نہیں کیا گیا بلکہ اُن کٹھ پتلی حکمرانوں کو طلب کیا گیا جن کی ڈور امریکہ اور سعودی عرب کے ہاتھ میں ہے۔یہ ممالک کسی بھی طرح امت مسلمہ کی ترجمانی نہیں کرتے۔ٹرمپ کی طرف سے پاکستان کو نطر انداز کر کے ہمارے حکمرانوں کو آئینہ دکھایا گیا ہے۔وزیر اعظم نواز شریف نے ایسی تقریب میں شریک ہو کر پوری قوم کے وقار کی توہین کی ہے جہاں پاکستان کی دہشت گردی کے خلاف کوششوں اور کشمیر میں بھارت کے ریاستی جبر کے ذکر کوضروری نہ سمجھا گیا۔بیت المقدس کی آزادی کی بات کرنے کی بجائے ٹرمپ مسلمانوں کے قبلہ اول کو اپنا سفارت خانہ بنانا چاہتا ہے۔ اس خطے میں اسرائیل اور امریکہ مفادات کے خلاف مزاحتمی بلاک کو توڑنے کے لیے عرب امریکی گٹھ جوڑ امت مسلمہ سے غداری ہے۔امریکہ مسلم ممالک کو چھوٹے چھوٹے ٹکروں میں تبدیل کر کے مسلمانوں کی قوت کو تقسیم کرنا چاہتا ہے۔اس طرح کے الائنس کا حصہ بننا ملک کو برباد کرنے کے مترادف ہے۔ یہ اتحاد امت مسلمہ کی سلامتی ،علاقائی سالمیت اور پاکستان کے قومی مفادات کے خلاف ہے۔ایک طرف ہم سی پیک کے ذریعے خطے میں اپنی غیر معمولی حیثیت منوانے کے متمنی ہیں جس کی بھارت سخت مخالف کر رہا ہے دوسری طرف آل سعود کی کشتی میں بھی ایک ٹانگ لٹکائی ہوئی ہے۔دونوں قوتیں کے مفادات ایک دوسرے کے برعکس ہیں۔ ہمارا یہ غیر دانشمندانہ طرز عمل ہمارے لیے سخت نقصان دہ ثابت ہو سکتاہے۔دو کشتیوں کا سوار کبھی پار نہیں چڑھ سکتا۔انہوں نے کہا کہدہشت گردی کے خلاف اکتالیس مسلم ممالک کا اتحاد مسلمانوں کو تقسیم کرنے کی سازش ہے۔اس کے اہداف واضح ہو چکے ہیں۔ راحیل شریف کا اس الائنس کی سربراہی قبول کرنا پاکستان کے مفادات اور قومی وقار کے منافی ہے۔ہمیں کسی ایسے الائنس کا حصہ نہیں بننا چاہیے جس سے ہمارے ہمسایہ ممالک سے تعلقات خراب ہوں۔

وحدت نیوز(کراچی) مجلس وحدت مسلمین پاکستان اور مجلس علمائے شیعہ پاکستان کے زیر اہتمام نشتر پارک میں منعقدہ عظیم الشان استحکام پاکستان وامام مہدی عج کانفرنس سے خطاب کے دوران سربراہ مجلس وحدت مسلمین علامہ راجہ ناصرعباس جعفری نے سال معرفت امام زمان عج کا اعلان کیا،امام زمانہ عج کےحوالے سے نہضت ظہور امام کا آغاز کیا جائے گا،سفیران ظہور نور وہ خواتین و حضرات جو کہ گھر گھر جاکرلوگوں کو آمادہ ظہور کریں گے،اس سال امام زمانہ کیلئےشاعر، مصنفین، مئولفین ، خطباء امام مہدی عج کی زات اقدس پر لکھیں اور پڑھیں ،آئمہ جمعہ ومبلغین اسی پر خطبات دیں ،مجلس وحدت مسلمین اور دیگر تنظیمات امام مہدی کی شخصیت کی مناسبت سےسیمینار،کانفرنس اور خصوصی اجتماعات منعقد کریں اور مجالس ومحافل میں بھی زکر امام زمانہ عج کثرت سے کریں،اہل سنت بھائیوں کےساتھ عقیدہ مہدویت پر مشترکہ کانفرنسز کا اہتمام کیا جائے،دینی اجتماعات ،نماز ہائے پنجگانہ اور انفرادی عبادات میں دعائے عہد کی باکثرت تلاوت کی جائے،زیادہ سے زیادہ زیارت عاشورہ، تلاوت قرآن اور صلوات کا ہدیہ امام کی خدمت پیش کریں ،محققین امام زمانہ عج کےحوالے سے تحقیقی مقالےلکھیں اور عوام اور خواص تک پہنچائیں۔

وحدت نیوز(کراچی) مجلس وحدت مسلمین اور مجلس علمائے شیعہ پاکستان کے زیر اہتمام نشتر پارک کراچی میں منعقدہ عظیم الشان استحکام پاکستان وامام مہدی عج کانفرنس کے شرکاء سے خطاب کرتے ہوئےایم ڈبلیوایم کے مرکزی ڈپٹی سیکریٹری جنرل علامہ حسن ظفرنقوی نے کہا کہ عوا م اپنے حقوق کے لیئے کھڑے ہوجائیں اور اپنے ووٹ کی طاقت سے پاکستان دشمن ، کرپٹ اور باطل قوتوں کو شکست دیں ، انہوں نے کہا کہ اگر عوام نے اپنے ووٹ کا سیاسی شعور کے ساتھ استعمال کیا تو ملک ترقی کی راہ پر گامزن ہوگا انہوں نے ملک کی تمام سیاسی جماعتوں کو دعوت دیتے ہوئے کہا کہ اگر متدین نیک اور عوامی خدمت کا حقیقی جذبہ اور مظاہرہ دیکھنا ہے تو کوئٹہ سے منتخب مجلس وحدت مسلمین کے نمائندے آغا محمد رضا کی کارکردگی کا جائزہ لیں جنہوں نے کس طرح ترقیاتی بجٹ کا بہتر اور موثر استعمال کیا ہے۔

وحدت نیوز(کراچی) نشتر پارک کراچی میں مجلس وحدت مسلمین اور مجلس علمائے شیعہ پاکستان کے زیر اہتمام منعقدہ عظیم الشان استحکام پاکستان وامام مہدی عج کانفرنس کے شرکاء سے خطاب کرتے ہوئے مجلس وحدت مسلمین کی  شوری عالی کے رکن علامہ امین شہیدی نے کہا کہ مجلس وحدت مسلمین کی جانب سے استحکام پاکستان کانفرنس وقت کی اہم ضرورت ہے، اس اجتماع کا مقصد جہاں دنیا کویہ بتانا ہے ہم امام مہدی کے حقیقی سپاہی ہیں وہیں یہ بتانا ہے کہ ہمیں پاکستان کا استحکام ہر قیمت پر عزیز ہے، ہم دنیا کو بتا دینا چاہتے ہیں کہ یہ ملک ہمارا ہے اور اس کے حقیقی وارث ہیں، آج دشمن امام سے لڑنے کے لیے تیار ہے لیکن مسلمان بیدار نہیں ہے، آج کا اجتماع اہل اسلام ، اہل ایمان، اہل کلمہ اور مظلوموں کا ہے، 39ممالک کے سعودی اتحاد کے پیچھے امریکہ، اسرائیل اور یورپ کا ہاتھ ہے، دنیا بھر میں شیعہ ، سنی ، بریلوی، دیوبندی ، شافعی، مالکی مسالک کے پیروکاروں کا عقیدہ ہے کہ رسول اللہ ﷺ کے فرزند مہدی عج نے آنا ہے اور دنیا کو عدل وانصاف سے پر کرنا ہے، امام مہدی عج سے جنگ کے خواہش مند پہلے امام کے غلاموں کا مقابلہ کرنے کی ہمت پیداکرلیں جو کہ دنیا بھر سے اپنی حواریوں کو ریالوں کے بل بوتے پر جمع کررکے ہیں ۔