وحدت نیوز (ہنزہ نگر) مجلس وحدت مسلمین کے حلقہ ۴ سے نامزد امید وار ڈاکٹرعلی محمد نے شینبر کا دورہ کیا چھلت نگر میں ایم ڈبلیو ایم کے آفس کھولنے کے حولے سے شینبر نگر سے تعلق رکھنے والے کارکنوں کے ساتھ اہم میٹنگ منعقد ہوئی ، جس میں چھلت یونٹ کے جوانوں نے اپنے امیدوار کو خوش آمدید کہا اور انتہائی مست کے ساتھ بھر پور کردار اد اکرنے کا عزم کیا ۔ میٹنگ میں کمپین آفس کو کھلنے کی اجازت دی گئی اور آفس کے باقائد انعقاد کے لئے آئندہ کے لئے پروگرام مرتب کیا گیا، ڈاکٹرعلی محمدنے اپنے کارکنوں کو یقین دلایا کہ اقتدار میں آنے کے بعد نہ صرف حلقے میں بلکہ پورے جی ،بی میں ترقیاتی پروگرامز میں انقلاب برپا کریں گے جس سے علاقے کے عوام گزشتہ ناانصافیوں کو ختم کرکے خوشحالی کے نئے دور کا آغاز ہوگا ، نے روز نامہ اخباررہبر کے نمائندہ سے گفتگو کرتے ہوئے کہاکہ میرے سیاست میں آنے کے وجوہات یہ ہیں کہ گزشتہ پارٹیوں نے کاروباری اور ٹھیکداروں کو نمائندے چن لئے اور انہوں نے عوام میں ضمیر فروش جیسے لعنت کو پروان چڑھایا اور انسانی ، سیاسی اقدار کو پامال کیا اور اسمبلی میں جاکر قوم کی بات کرنے کے بجائے اپنی بات منوانے کی کوشش کی اور ایک دوسرے کے ساتھ اتفاق کے بجائے گالی گلوچ پر اتر آئے اور مزید بات چیت کرتے ہوئے کہا کہ گزشتہ پارٹی ہمارے حقوق کے بارے میں کوئی بات نہ کرسکی اور وزیر اطلاعات کے اس بیان پر جس میں انہوں نے کہا کہ گلگت بلتستان پاکستان کا حصہ نہیں ہے اس پر بھی اس پارٹی نے کوئی آواز نہیں اٹھایا اور عوام کی طرف سے بھی آواز نہیں اٹھی ، انہوں نے مزید کہا کہ جو جغرافیائی طور پر ملک کا حصہ نہیں ہوتا وہاں پر ٹیکس بھی لاگو نہیں ہوتا ، اس لئے پاکستان ہمارے اوپر ٹیکس بھی لاگو نہیں کرسکتا انہوں نے مزید حلقہ کے بارے میں بتایا کہ گزشتہ حکومت نے ہماری صحت اور تعلیم کے سٹم کو اپ گریڈ نہیں کیاہم اس پرکا م کریں گے اور آخر میں انہوں نے بتایا کہ ہمارے پارٹی میں ہندو عیسائی و غیر ہ بھی کام کرسکتے ہیں۔

وحدت نیوز(سکردو) مجلس وحدت مسلمین بلتستان کے سیکریٹری جنرل سید آغاعلی رضوی نے کہ کہ ہم اقتدار کی نہیں اقدار کی سیاست کرتے ہیں جن لوگوں نے ماضی میں کرپشن کی ہے اور نوکریاں بیچی ہیں عوام انہیں مسترد کریں گے کتنی شرم کی بات ہے بعض لوگوں نے مل کر گلگت بلتستان کے وسائل کو لوٹا اور معزز لوگوں کی عزتیں نیلام کی گئی اور ہر طرف لوٹ مار کا بازار گر کیا گیا ، غریب عوام کے حقوق غضب کئے گئے میں ، ہم حقوق غصب کرنے والوں کا راستہ روکنے کے لئے الیکشن میں حصہ لے رہے ہیں ،عوام ہمارے نامزد امیدوار کو کامیاب کرائیں ،مختلف مقامات پر انتخابی جلسوں سے خطاب کرتے ہوئے انہوں نے کہا کہ مجلس وحدت مسلمین عوام کے حقوق کی جنگ لڑ رہی ہے،چوروں اور لڑیروں کا یو م حساب قریب آگیا ہے،عوام کے حقوق پر ڈاکہ ڈالنے والوں کو نشان عبرت بنائیں گے انہوں نے کہا کہ ہم عوامی مسائل حال کرنے کی صلاحیت رکھتے ہیں،اگر پانچ سال میں ،مسائل حل نہ کرسکے تو ہم ہر قسم کی سزابگھتنے کے لئے تیار ہیں ، انہوں نے کہا کہ ہم وہ لوگ نہیں جو دعوے کرکے اقتدار میں آتے ہیں اور لوٹ مار کرتے ہیں حقوق پرڈاکہ ڈالنے والے جان لیں کہ ہم ان کی آنکھوں میں آنکھیں ڈال کر بات کریں گے۔

وحدت نیوز (سکردو) مجلس وحدت مسلمین پاکستان کے ڈپٹی سیکریڑی جنر ل اور حلقہ نمبر ایک اسکردو کے امید وار شیخ زاہد حسین زاہدی نے اپنے ایک بیان میں کہا کہ اسکردو حلقہ نمبر ایک سے مجلس وحدت مسلمین کی کسی بھی سیاسی جماعت سے سیٹ ایڈجسمنٹ کا امکان نہیں اور سیٹ ایڈ جسمنٹ کے مطابق چلنے والی خبریں بے بنیاد ہیں انہوں نے کہا کہ اسکردو حلقہ نمبر ایک تمام تر سیاسی طاقت کیساتھ میدان میں حاضر رہیں گے اور بھر پور مقابلہ کریں گے ۔ انہوں نے کہا مجلس وحدت مسلمین کی پلیٹ فارم سے الیکشن میں حصہ لینا اور عوامی حقوق کے لئے جدوجہد کرنا باعث فخر ہے ، اس حلقہ میں ہمارا پیغام ہر گھر تک پہنچایا جائے گااور ہر صورت میں الیکشن حاضر رہیں گے، مجلس وحدت مسلمین انتخابات سے قبل بھی غریبوں اور محروموں کی آواز بن کر رہی ہے اور انتخابات کے بعد بھی محروموں کی آواز بلند کرتی رہے گی، مجلس وحدت مسلمین کا انتخابات میں آنا عہدہ اور سیٹ کی لالچ میں نہیں بلکہ مجلس وحدت مسلمین چاہتی ہے کہ محروموں اور مستفعین کی آواز ایونون تک پہنچ جائے اور بد عنوان عناصر کا گھیرا تنگ ہو اوربد عنوانی کے ذریعے ریاست کو نقصان پہنچانے والوں کا کھڑا احتساب کرنے اور اپنے حقوق کے حصول کے لئے میدانِ سیاست میں واردہوئے ہیں اور ہمارا منصوبہ طویل المعیاد ہیں

وحدت نیوز(سکردو) مجلس وحدت مسلمین بلتستان ڈویژن کے سیکریٹری سیاسیات محمد علی نے کہا کہ بلتستان کے مختلف حلقوں میں پولنگ سٹیشن بڑھانے کی بجائے کم کرنے پری پول رکنگکا حصہ اور انتظامیہ کی بدنتی ہے ،انہوں نے کہا کہ بلتستان کے تمام حلقوں میں پولنگ سٹیشنز کا اضافہ کیا گیا تو احتجاج کرنے پر مجبور ہونے گے، انہوں نے کہا انتخابات میں حصہ لینا یہاں کے عوام کا جمہوری حق ہے اس حق رائے دہی کو چھینانا انصافی ہے اور مسلم لیگ نواز کی ملک بھر کے عام انتخابات کی طرح گلگت بلتستان کے انتخابات میں بھی پنکپھرلگانے کی سازش ہے جسے کسی صورت کامیاب نہیں ہونے دینگے مسلم لیگ شکست کے خوف سے غیر جمہوری ہتھکنڈوں ہر اتر آئی ہے ، انہوں نے کہا کہ بلتستان میں کسی بھی حلقہ میں سیٹ ایڈجسمنٹ نہیں ہوئی بلخصوص حلقہ نمبر ایک اسکردو میں کسی بھی جماعت کے حق میں نہیں بیٹھا اور اس حلقہ سے نامور عالم دین شیخ زاہد حسین زاہدی مجلس وحدت مسلمین کے نمائندہ اور انتخابات میں بر پور حصہ لیں گے۔

وحدت نیوز (علی نقی شگری/بشکریہ بادشمال ) کھر منگ کی سیاست میں ڈرمائی تبدیلی کا امکان پڑھے لکھے نوجوانوں نے سیاست میں قدم رکھنے کی خواہش کے ساتھ ہی پرانے چہرے مرجھانے لگے ، روایتی سیاست دم توڑ نے لگی ، آمدہ انتخابات میں دیگر علاقوں کی طرح کھرمنگ کی سیاست میں بڑی تبدیلی کا امکان پیدا ہوگیا ہے اور پیپلز پارٹی کو کھرمنگ کو ضلع بنانا لے مسلم لیگ ن کے امید وار کی بھی قسمت جھاگتی دکھائی نہیں دے رہی جس کے باعث تھرڈ گروپ کے طور پر ایم ڈبلیو ایم میدان میں آسکتی اور ڈاکٹر شجاعت میثم کو ٹکٹ دئیے جانے کی صورت میں کانٹے دار مقابلہ ہوگا بعض تجزیہ نگاروں کا کہنا ہے کہ لوگو ں کو شعور میں پہلے کی نسبت بہت بہتری آئی ہے اور اس بار لوگ شخصیت کو نہیں بلکہ قابلیت نہ ہونے کے باعث گزشتہ پانچ برس گلگت بلتستان کے حصے میں سوائے کرپشن کے کچھ نہیں آیا جس کے باعث عوام ان حکمرانوں سے تنگ نظر آتے ہیں ڈاکٹر شجاعت میثم کی ایم ڈبلیو ایم میں شمولیت کے موقع پر نوجوانوں کی ایک بڑی تعداد ساتھ شامل ہوکر یہ پیغام دیا ہے کہ نئی نسل پڑھ لکھا رہنما چاہتی ہے او ر کھرمنگ کے تمام پڑھے لکھے ڈاکڑ میثم کے شانہ بشانہ چلنے کو تیار ہیں تجزیہ نگاروں کے مطابق ایم ڈبلیو ایم نے ابھی تک کسی کو بھی یہ یقین دہانی نہیں کرائی ہے کہ ان کو ٹکٹ دیا جائے گا اور انہوں نے واضع اعلان کیا ہوا ہے کہ ٹکٹ میرٹ کے مطابق ہی دیا جائیگا

وحدت نیوز(حیدرآباد)مجلس وحدت مسلمین پاکستان صوبہ سندھ کے قائم مقام سیکرٹری جنرل عالم کربلائی نے کہا ہے کہ حکمرانوں کو ’’تسلیوں ‘‘او ر ’’منافقت ‘‘کی سیاست بند کر نا ہوگی گلگت بلتستان کے عوام کے ساتھ بھی حکمران کا سوتیلی ماں جیسے سلوک انتہا ئی شر مناک ہے ‘گلگت بلتستان کے عوام کے ساتھ 67 سالوں سے اپنے حقوق کی جنگ لڑ رہے ہیں ‘پیپلزپارٹی نے بھی وہاں کے عوام کو خودمختاری دینے کے نام پر صرف سیاسی دکانداری چمکائی ہے ۔کابینہ کے ہنگامی اجلاس سے خطاب کرتے ہوئے مجلس وحدت مسلمین صوبہ سندھ کے قائم مقام سیکرٹری جنرل عالم کربلائی نے کہنا تھا کہ ہم نے گلگت بلتستان میں سیاسی میدان میں آنیکا فیصلہ اقتدار نہیں بلکہ وہاں کے عوام کو انکے حقوق دینے کیلئے آئے ہیں اورہم قوم سے وعدہ کر تے ہیں کہ انکو کسی صورت مایوس نہیں کر ینگے ۔ انہوں نے کہا کہ گلگت کے عوام اب (ن) لیگ یا پیپلزپارٹی کے کسی بہکاوے میں نہیں آئیں گے بلکہ اپنے ووٹ کی طاقت سے اپنے مقدر اور سیاسی مستقبل کا فیصلہ خود کر یں گے ۔ انہوں نے کہا کہ مجلس وحدت مسلمین کا سیاسی ہدف علاقے کے عوام کی محرومیوں کا خاتمہ ہے یہی وجہ ہے کہ ہمارے سربراہ نے حکمران جماعت کو پیشکش کی ہے کہ وہ گلگت بلتستان کو آئینی حقوق دیں مجلس وحدت مسلمین الیکشن سے دستبردار ہوگی۔ انہوں نے کہا کہ گلگت بلتستان کے انتخابات مکمل طور پر شفاف ہونے چاہیے فیصلہ انشاء اللہ مجلس وحدت مسلمین کے حق میں ہی آئیگا ۔