وحدت نیوز(سکھر) مرکزی ڈپٹی سیکرٹری جنرل مجلس وحدت مسلمین پاکستان ناصرعباس شیرازی پاکستان کی سرزمین پرمکتبِ اہلبیتؑ نے بہت خون دیا پاکستان کے دستور پاکستان کےآئین کی سلامتی اور حفاظت کے لئے، شہدا کا لہو پاکستان کے اندر ہمیں زندہ رہنے کا ہنرعطا کرتاہےاور شہدا وہ ہستیاں ہیں جن کے بارے میں خدا نے کہا ہے کہ وہ زندہ ہیں مگر ہم ان کا شعور نہیں رکھتےپاکستان میں عزت اور سربلندی کے راستے کے لئے شہداء کے راستے کو زندہ کرنا ضروری ہے، ان خیالات کا اظہار انہوں نےامامیہ اسٹوڈنٹس آرگنائزیشن سکھر ڈویژن کےکنونشن کے موقع پر شبِ شہدا ءسے خطاب کرتےہوئے کیا۔

انہوںنے مزید کہاکہ شہید قائد علامہ عارف حسین الحسینی اور شہید ڈاکٹر محمد علی نقوی پاکستان میں سالار شہداء ہیں اور انشااللہ وہ امور جن کے لئے ان دونوں ہستیوں نے زندگی قربان کی پاکستان کو عالمی استعمارسے آزاد کروانے کے لئے پاکستان کو مضبوط اور قدرت مند ملک بنانے کے لئے پاکستان کی آزاد خارجہ پالیسی بنانے کے لئے پاکستان کو ایک محفوظ اور پرآمن ملک بنانے کے لئے دنیا بھر کے مظلومین کے ساتھ محبت اور آخوت کا رشتہ نبھانے کے لئے پاکستان میں جو انھوں نے کردار ادا کیا ہے انشاءاللہ ہمارا یہ تجدید عہد ہے کہ ہم اس راستے کو جاری رکھیں گے۔

وحدت نیوز (کراچی) دنیا اس وقت طاقت کے توازن میں تبدیلی کے دور سے گذررہی ہے، دنیا بدل رہی ہے، اس عالمی تبدیلی کے اثرات پاکستان پر بھی پڑ رہے ہیں، امریکہ فقط اس خطے سے نہیں جارہا بلکہ امریکہ کا اس خطے سے عسکری انخلاء اور سیاسی انخلاءدونوں جاری ہیں،مقاومتی بلاک نے امریکہ کی خطےکی تقسیم کے تمام ناپاک منصوبے خاک میں ملادیئے ہیں،پاکستان میں بھی بلاک کی تبدیلی کا آغاز ہوچکاہے،وزیر خارجہ شاہ محمود قریشی کا دورہ چین ، روس،افغانستان اور ایران انتہائی اہمیت کا حامل ہے۔ امن خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے انچولی سوسائٹی میں جنرل ورکرز اجلاس سے خطاب کرتے ہوئے کیا، اس موقع پر ایم ڈبلیوایم کے رہنما علامہ احمد اقبال رضوی، علامہ مقصودڈومکی ، علی حسین نقوی ، علامہ صادق جعفری سمیت عہدیداران اور کارکنان بڑی تعدادمیں موجود تھے۔ان کا کہنا تھا کہ امریکہ نے شام، افغانستان، یمن اور دیگر ممالک میں اپنے چوہد راہٹ برقرار رکھنے کیلئے 7ٹریلین ڈالر خرچ کیئے، امریکہ اتنے خطیر سرمائے کے ضیاع کے باوجود لاشوں کے سوا کچھ حاصل ناکرسکا،امریکہ ان خطوں میں نا ذخائر اور منابع پر قبضہ کرسکا نا ہی معاشی طور پر کچھ لوٹ سکا بلکہ امریکہ ہر جگہ سیاسی وعسکری شکست سے دوچارہواہے

انہوں نے مزید کہاکہ مشرق وسطیٰ کے دو بڑے چور پاکستان آرہے ہیں ، یہ جہاں بھی گئے ذلت اور رسوائی ان کا مقدر بنی ہے، مختلف ممالک میں ان کی آمد پر شدید ترین عوامی ردعمل دنیا نے دیکھا ہے،یہی وہ لوگ ہیں جنہوں نے امریکہ کے ساتھ ملکر پاکستان کو معاشی، سیاسی ،سماجی اور اجتماعی طور پر کمزور کیاہے، ہمیں ان کے خلاف متحد ہونا ہوگا، جتنا جتنا امریکہ اور اس کے حواری کمزور ہوں گے اتنا اتنا پاکستان میں امن آئے گااور وہ مضبوط ہوگا، آخر میں انہوں نے کہاکہ علی رضا عابدی کا قصور یہ تھا کہ وہ ایک ٹیلنٹڈ شیعہ سیاست دا ن تھا، افسوس کے پاکستان میں ٹیلنٹڈوہونا جرم ہے ،ہمارے ملک پر نااہل ، پشت ، نالائق اور کوتھا لوگوں کا قبضہ ہے، جنہوں نے پہلے اس ملک اور توڑا اور اب بچے کچےکو کمزور کررہے ہیں ، ہمیں ان لوگوں کے مقابل قیام کرناہے۔

وحدت نیوز(ملتان) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا ہے کہ الگ صوبہ جنوبی پنجاب کے قیام سے سرائیکی خطہ کے کروڑوں عوام کی محرومیوں کا خاتمہ ہوگا، حکومت عوام سے کیا گیا وعدہ پورا کرے، تاہم بہاولپور بحالی جیسے شوشے کا مقصد الگ صوبہ جنوبی پنجاب کی راہ میں روڑے اٹکانا ہے، اسی لئے کچھ لوگ ایسا کوئی اقدام نہ کریں، جس کی وجہ سے نئے صوبے کے قیام میں مشکلات پیدا ہوں، جب تک ہماری آزاد داخلہ و خارجہ پالیسی نہیں ہوگی، امریکہ خطہ میں بدامنی پھیلاتا رہے گا، پرائی جنگ کو اپنے اوپر مسلط نہ کیا جائے، یہی وجہ ہے کہ آج امریکہ اس خطہ میں مزید بدامنی کے لئے افغانستان میں داعش کو پرموٹ کر رہا ہے، عدلیہ سانحہ ماڈل ٹائون کے ذمہ داروں کو جلد سزا دے کر وارثان کو انصاف فراہم کرے، لاپتہ افراد کی بازیابی کو یقینی بنایا جائے، کسی کے خلاف اگر کوئی کارروائی بنتی ہے تو عدالتیں موجود ہیں، گلگت بلتستان کے شہری آج 70 سال گزرنے کے بعد بھی پاکستانی شہری ہونے کا حق مانگ رہے ہیں، مہنگائی اور دیگر مسائل کے ذمہ دار سابق حکمران ہیں۔ ان خیالات کا اظہار انہوں نے جامع مسجد الحسین نیوملتان گلشن مارکیٹ میں منعقدہ پریس کانفرنس کے دوران کیا۔ اس موقع پر مجلس وحدت مسلمین کے مرکزی ڈپٹی سیکرٹری جنرل سید ناصر عباس شیرازی، مرکزی سیکرٹری سیاسیات اسد عباس نقوی، جنوبی پنجاب کے سیکرٹری جنرل علامہ اقتدار حسین نقوی، پاکستان عوامی تحریک کے رہنما رائو محمد عارف رضوی اور قاری محمد افضل بھی موجود تھے۔

علامہ راجہ ناصر عباس نے مزید کہا کہ امریکہ سے دوری میں ہی ہماری بہتری ہے، امریکہ کبھی بھی مسلمانوں کا دوست نہیں رہا، خطہ میں ہمیشہ بدامنی کی فضا کو پروان چڑھایا، آج وہ افغانستان میں داعش کو پروان چڑھا رہا ہے، تاکہ اس خطہ میں مزید بدامنی ہو، پہلے بھی پرائی جنگ کا حصہ بن کر ہم نے بہت نقصان اٹھایا، اسی لئے ہمیں پرائی جنگ کا حصہ نہیں بننا چاہیئے، پاکستان کی داخلہ و خارجہ پالیسی متوازن ہونی چاہیئے، بہتر داخلہ و خارجہ پالیسی کی وجہ سے ہی ہم مشکلات سے نکل سکتے ہیں، دنیا میں اپنے آپ کو منوا سکتے ہیں، ایسی خارجہ و داخلہ پالیسی ہونی چاہیئے، جو عوام کی ترجمان ہو، ورنہ اسی گڑھے میں جا گریں گے، جیسے پہلے گرتے رہے ہیں، خطہ میں امریکہ کا جتنا اثر و رسوخ ہوگا، مشکلات میں اضافہ ہوگا، جتنا امریکہ کو اپنے آپ سے دور کریں گے، اتنا ہمارے لئے بہتر ہوگا۔ انہوں نے کہا کہ چائنا کے ساتھ گلگت بلتستان کا لنک ہے، مگر گلگت بلتستان کے شہریوں کو ان کا آئینی، قانونی اور اخلاقی حق نہیں دے رہے ہیں، جو پاکستان کے لئے انتہائی نقصان دہ ہے، موجودہ حکومت کو چاہیئے کہ وہ گلگت بلتستان کے شہریوں کو اپنا پاکستانی شہری تصور کرے، انہیں وہ حقوق دے جو دوسرے پاکستانیوں کو ہیں۔

انہوں نے کہا کہ سانحہ ماڈل ٹائون پر جے آئی ٹی بنائی گئی، اگر نتائج کی طرف دیکھا جائے تو سابق وزیراعلیٰ پنجاب کے سائے تلے دن دیہاڑے عوامی تحریک کے بے گناہ شہریوں کا قتل عام کیا گیا، لیکن گذشتہ چار سال گزرنے کے باوجود مقتولین کے وارثان کو انصاف نہیں ملا، چیف جسٹس آف پاکستان اور حکومت کو اس سلسلے میں ذمہ داری کا مظاہرہ کرنا چاہیئے، اسی طرح لاپتہ افراد کی بازیابی بھی ضروری ہے، اگر کسی کے خلاف کوئی کیس بنتا ہے تو اسے عدالت میں پیش کیا جائے، حکومت، عدلیہ اور ادارے مل کر اس کا فوری حل تلاش کریں، جن کے ورثاء اپنے لاپتہ افراد کی بازیابی کے لئے دربدر کی ٹھوکریں کھانے پر مجبور ہیں۔ انہوں نے کہا کہ مہنگائی کے ذمہ دار سابق حکمران ہیں، جنہوں نے رائے ونڈ اور باہر کے ملکوں میں محلات تو کھڑے کرلئے، شوگر ملیں بنالیں، مگر غریب عوام کو دو وقت کی روٹی کے لئے محتاج کرکے رکھ دیا، جس کا خمیازہ آج 22 کروڑ عوام بھگت رہی ہے۔

انہوں نے کہا کہ تجاوزات، قبضہ مافیا کے خلاف موجودہ حکومت کا اقدام یقیناً اچھا ہے، مگر غریب بے گھر شہریوں کو متبادل گھر دیئے جانے چاہیئں، ان کو متبادل روزگار کی سہولت بھی فراہم کی جائے۔ انہوں نے کہا کہ نواز شریف سمیت تمام کرپٹ افراد کا بلاامتیاز کڑا اور بے رحمانہ احتساب کیا جائے، لوٹی ہوئی دولت واپس لائی جائے، کسی کے ساتھ کسی بھی قسم کی رعائیت نہ برتی جائے، انہوں نے کہا کہ سابق حکومت کی ناکام پالیسیوں کی وجہ سے آج کسان بھی بدحالی کا شکار ہے، عام آدمی کی حالت اس سے بھی زیادہ خراب دکھائی دے رہی ہے، انہوں نے کہا کہ ہمیں توقع ہے کہ موجودہ حکومت جلد بحرانوں پر قابو پالے گی، کیونکہ جب سابق حکمران گئے تو خزانہ خالی تھا، اتنے ذخائر نہیں تھے کہ اقتدار پر آتے ہی حکومت تمام مسائل پر فوری طور پر قابو پالیتی۔ انہوں نے کہا کہ اگر نیا بلدیاتی نظام آتا ہے تو عوام کو چاہیئے کہ وہ بہتر سے بہتر نمائندوں کو چنیں، تاکہ نچلی سطح پر ان کے مسائل حقیقی معنوں میں حل ہوسکیں، تاہم مجلس وحدت مسلمین بھی نئے بلدیاتی نظام میں اپنے امیدوار ضرور کھڑے کرے گی۔

وحدت نیوز(سکردو)  مجلس وحدت مسلمین پاکستان گلگت بلتستان کے سیکریٹری جنرل آغا علی رضوی نے اپنے ایک بیان میں کہا ہے کہ امریکی صدر کے خلاف پاکستانی آرمی قیادت کا بیان انتہائی قابل تحسین ہے۔ آرمی چیف کے بیان کے واضح ہو جانا چاہیے کہ مزید امریکی استبداد کے لیے پاکستان کو مزید تختہ مشق نہیں بنایا جاسکتا۔ پاکستان کا سفر ایک مضبوط اور مستحکم ریاست کی طرف جاری ہے۔ پاکستان کی خارجہ پالیسی کی آزادانہ اور پاکستان کے مفادات کے مطابق متعین کرنا ہی ملک کے استحکام کا ذریعہ ہے۔

 آغا علی رضوی نے کہا کہ امریکہ صرف پاکستان ہی کا دشمن نہیں بلکہ عالم اسلام اور عالم انسانیت کا دشمن ہے۔ سابقہ حکومتوں کی عاقبت نااندیشوں کے سبب امریکہ جیسی استحصالی اور انسان دشمن طاقت کو وطن عزیز میں اثر نفوذ پیدا کرنے کا موقع ملا اور پاکستان غیروں کی جنگ لڑتا رہا۔ملک میں جاری دہشتگردی غیروں کی جنگ لڑنے کا نتیجہ ہے۔ اب  پاکستانی حکومت اور آرمی قیادت کی طرف سے امریکہ کی ہزرہ سرائی پر منہ توڑ جواب دینا ملکی وقار میں اضافے کا باعث ہے۔ اقبال و جناح کے ابھرتے پاکستان کو کسی بھی استحصالی ریاست کے آگے جھکنا چاہیے اور نہ ہی غیروں کی جنگوں میں حصہ لینا چاہیے۔انہوں نے مزید کہا کہ آج کے روز ہنگو میں افسوسناک دہشتگردانہ واقعہ اور کراچی میں چائینہ کے قونصل خانے پر حملہ امریکہ کی جانب سے ردعمل ہے۔ امریکہ اور انڈیا پاکستان کو کبھی غیر مستحکم نہیں کرسکتا۔ سکیورٹی اداروںکو دہشتگردوں کے خلاف سخت اقدامات اٹھانے اور کارروائی کرنے کی ضرورت ہے۔ دہشتگردوں اور ملک دشمنوں کے مقابلے میں پوری قوم اداروں کے ساتھ کھڑی ہے۔

وحدت نیوز (اسلام آباد ) ایران کے شہراہواز میں ہفتہ دفاع مقدس کی فوجی پریڈ پر دہشتگردوں کے بزدلانہ حملے کی شدید مذمت کرتے ہیں،ایران استعماری قوتوں کیخلاف ایشیا ءمیں کلیدی کردار ادا کر رہا ہے،اس بزدلانہ حملے میں داعش کے سرپرستی کرنے والے عرب ممالک ملوث ہیں،امریکہ اور استعماری قوتوں کے کٹھ پتلیوں کے ناپاک عزائم کو ایرانی شہید پرور قوم اپنے صبر استقامت و مقاومت سے ناکام بنائےگی، ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے ایران کےشہر اہواز میں فوجی پریڈ پر دہشتگردانہ حملے میں شہید ہونے والوں کیساتھ پاکستانی قوم کی جانب سے اظہاریکجہتی کرتے ہوئے اپنے پیغام میں کیا، انہوں نے کہا کہ مشرق وسطیٰ سمیت دنیا بھر میں دہشتگردوں کے سرپرست رسوا ہو رہے ہیں،آل سعود اور امارات کے سیاہ کارنامے سب کے سامنے عیاں ہو چکے ہیں،ہم دنیا بھر کے حریت پسندوں اور مظلوموں کا ساتھ دیتے رہیں گے،دکھ کی اس گھڑی میں ہم ایرانی بہادر قوم کیساتھ ہیں،انشااللہ بہت جلد دہشتگرد اور انکے سرپرست اپنے انجام کو پہنچ جائیں گے۔

وحدت نیوز  (مانٹرنگ ڈیسک)  سنی اتحاد کونسل پاکستان کے چیئرمین صاحبزادہ حامد رضا نے کہا ہے کہ حسینیت اور یزیدیت کی جنگ آج بھی جاری ہے، امریکہ عہد حاضر کی یزیدی قوتوں کا سرغنہ ہے، پیغام حسینؑ کو سمجھنے، اپنانے اور پھیلانے کی ضرورت ہے، سانحہ کربلا سے طاغوتی طاقتوں کیخلاف جدوجہد کا درس ملتا ہے، اہل حق کیلئے حسینی فکر مشعل راہ ہے، خاندان رسول(ص) کیساتھ والہانہ محبت ایمان کی بنیاد ہے، حضرت امام حسینؑ جرات و استقامت اور حریت و عزیمت کا استعارہ ہیں۔ ان خیالات کا اظہار انہوں نے جامعہ رضویہ فیصل آباد میں پیغام حسینؑ کانفرنس سے خطاب کرتے ہوئے کیا۔ صاحبزادہ حامد رضا نے مزید کہا کہ شہدائے کربلا کی لازوال قربانیاں تاریخ اسلام کا روشن باب ہے۔ فاسق و فاجر حکمرانوں کی مزاحمت کرنا درس کربلا ہے۔

انہوں نے کہا کہ حسینیت حق اور یزیدیت باطل کا نام ہے، محرم کے ایام میں وحدت امت کا پیغام عام کرنے کی ضرورت ہے، تمام مکاتب فکر کے علماء بین المسالک ہم آہنگی کیلئے اپنا کردار ادا کریں، حکومت محرم کے دوران سیکورٹی کے فُول پروف انتظامات کرے۔ منبر و محراب سے نفرت نہیں محبت کا پیغام دیا جائے۔ حسینیت کا پرچم تا قیامت سر بلند رہے گا۔ اہل حق حسینی جذبے سے سرشار ہو کر ہر دور کی یزیدی قوتوں کی مزاحمت جاری رکھیں گے۔ سانحہ کربلا کے تذکرے سے دلوں میں شوق شہادت بیدار ہوتا ہے۔ استعماری طاقتوں کی سرکوبی کیلئے حسینی فکر کو مشعل راہ بنانا ہو گا۔ نواسہ رسول نے سر کٹوا کر حفاظت دین کا حق ادا کر دیا۔ ہر سچا مسلمان شہدائے کربلا سے محبت و عقیدت کو اپنا سرمایہ حیات سمجھتا ہے۔

Page 1 of 22

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree