وحدت نیوز (صحبت پور) مجلس وحد ت مسلمین بلوچستان ضلع صحبت پور کے زیر اہتمام ایک روزہ فری میڈیکل کیمپ کا افتتاح مرکزی سیکریٹری تنظیم برادر یعقوب حسینی نے کیا ۔جبکہ تقریب کے مہمان خاص صوبائی سیکریٹری جنرل مجلس وحدت مسلمین علامہ مقصود علی ڈومکی تھے۔ اس موقع پر گفتگو کرتے ہوئے برادر یعقوب حسینی نے کہا کہ دکھی انسانیت کی خدمت عبادت ہے ۔ ایم ڈبلیو ایم کے کارکن لوگوں کی خدمت کو اپنا شعار بنائیں ۔اس موقع پر گفتگو کرتے ہوئے علامہ مقصود علی ڈومکی نے کہا کہ ہم بلا تفریق رنگ، نسل و مذہب عوام کی خدمت کرنا چاہتے ہیں ۔کیونکہ یہی انبیائے کرام ؑ کی سیرت رہی ہے انہوں نے کہا کہ صحبت پور ضلعی ہیڈ کواٹر ہے مگر اسکے باوجود یہاں کے عوام کو صحت کی سہولیات حاصل نہیں۔ انہوں نے صحبت پور اسپتال کے انچارج ڈاکٹر برکت علی ، ڈاکٹر محمد عارف اور ڈاکٹر غلام یاسین کا تہہ دل سے شکریہ ادا کیا ،جنہوں نے فری میڈیکل کیمپ کے سلسلے میں بھر پور تعاون کیا ۔ اس موقع پر دوسوچھیالیس مریضوں کا معائنہ کیا گیا اور انہیں مفت دوائیاں دی گئیں۔
