وحدت نیوز (کراچی) سیہون شریف میں سخی لال شھباز قلندر کی درگاہ پر خودکش حملے اور مجلس وحدت مسلمین آزاد کشمیر کے سیکریٹری جنرل علامہ سید تصور حسین نقوی الجوادی اور انکی اہلیہ پر قاتلانہ حملے کے خلاف ایم ڈبلیو ایم کراچی ڈویژن ضلع وسطی کی جانب سے خیرالعمل روڈ انچولی تا شاہراہ پاکستان احتجاجی ماتمی ریلی نکالی گئی۔ احتجاجی ریلی سے مجلس وحدت مسلمین پاکستان کراچی ڈویژن کے رہنماؤں علامہ سید علی انور جعفری اور علامہ مبشر حسن نے خطاب کیا۔ اس موقع پر علامہ نثار قلندری، میر تقی ظفر سمیت مظاہرین کی کثیر تعداد شریک تھی۔ اپنے خطاب میں رہنماؤں کا کہنا تھا کہ درگاہ لعل شہباز قلندر پر خودکش حملہ کھلی دہشت گردی ہے، دہشت گردوں سے انہی کی زبان میں نمٹنا ہوگا، مزارات اولیاء کو کوئی سیکیورٹی فراہم نہیں کی گئی، دہشت گرد خودکش بمبار کا مزار کے احاطے میں داخل ہوجانا پولیس سیکیورٹی پر سوالیہ نشان ہے، دہشت گردی کے خلاف آخری سانس تک لڑیں گے، دہشت گردوں اور ان کے سہولت کاروں کو عبرت کا نشانہ بنانا ہوگا، دہشت گردوں سے خوفزدہ ہونے والے نہیں دہشت گردوں کو عبرت کا نشان بنانے کیلئے پر عزم ہیں۔ انہوں نے مزید کہا کہ صوفیوں اور اولیاء اللہ کی سرزمین کو خاک و خون میں نہلانے والے صفاک دہشتگرد کسی رعایت کے مستحق نہیں، حکمران دہشتگردوں کے سیاسی و مذہبی سرپرستوں کے دباؤ کو مسترد کرتے ہوئے اس ناسور کیخلاف بے رحمانہ آپریشن کا اعلان کریں، نیشنل ایکشن پلان پر حقیقی معنوں میں عملدرآمد کو یقینی بنایا جائے۔

وحدت نیوز (کراچی) مجلس وحدت مسلمین کراچی ڈویژن کی جانب سے خیرالعمل روڈ انچولی سوسائٹی میں شب یاد شہداء کا انعقاد کیا گیا۔ شب یاد شہداء سے ایم ڈبلیو ایم کے مرکزی سیکریٹری جنرل علامہ راجہ ناصر عباس جعفری، مرکزی ڈپٹی سیکریٹری جنرل علامہ حسن ظفر نقوی و علامہ احمد اقبال رضوی، مجلس علماء پاکستان کے مرکزی صدر علامہ مرزا یوسف حسین، علامہ فرقان حیدر عابدی، مجلس ذاکرین امامیہ پاکستان کے سربراہ علامہ نثار قلندری، ایم ڈبلیو ایم کراچی کے رابطہ سیکریٹری علامہ اظہر حسین نقوی نے خطاب کیا۔ شب یاد شہداء کی نظامت کے فرائض علامہ نقی نقوی اور علامہ مبشر حسن نے انجام دیئے۔ شب یاد شہداء میں معروف منقبت خواں شجاع رضوی اور شادمان رضا نے ترانہ شہادت پیش کیا۔ پروگرام کے آغاز میں تلاوت کے فرائض مولانا احسان دانش جبکہ آخر میں دعائے سلامتی امام زمانہ عج ایم ڈبلیو ایم سندھ کے سیکریٹری جنرل مولانا مقصود ڈومکی نے پڑھی۔ جعفریہ الائنس کے سینئر نائب صدر علامہ حسین مسعودی، ایم ڈبلیو ایم کے صوبائی رہنما علامہ دوست علی سعیدی، ڈویژنل رہنما علامہ نشان حیدر، علامہ صادق جعفری سمیت لوگوں کی کثیر تعداد شہداء کی یاد منانے کیلئے پروگرام میں شریک تھی۔

شب یاد شہداء کے شرکاء سے خطاب کرتے ہوئے علامہ راجہ ناصر عباس جعفری نے  کہا کہ مشرق وسطیٰ سمیت دنیا بھر میں امریکی صہیونی بلاک کی شکست یقینی ہے، مسلسل کمزور ہوتا ہوا امریکی اسرائیلی بلاک نابودی کے قریب ہے، شام و عراق میں امریکا نواز تکفیری دہشت گردوں کی شکست اسرائیل کی نابودی کا پیش خیمہ ہوگا، پاکستان کو امریکا نواز تکفیری دہشت گردوں کی آماجگاہ نہیں بننے دیں گے، ملت جعفریہ کو امریکا نواز تکفیری دہشت گردوں کا راستہ روکنے کی سزا دی جا رہی ہے، ملت جعفریہ تکفیری دہشت گردوں کا راستہ نہ روکتی تو پاکستان حلب و موصل بن چکا ہوتا، پاکستان میں امریکا نواز تکفیری دہشت گردوں کو کسی صورت کامیاب نہیں ہونے دیں گے، ملک کو قائد و اقبال کا پاکستان بنا کر رہیں گے، تکفیری دہشت گردوں کو نہ پہاڑوں میں چھپنے دیں گے نہ شہروں میں، تمام محب وطن حلقوں سے مل کر حکمرانوں کو دہشت گردوں کے خلاف کارروائی پر مجبور کریں گے، امت مسلمہ کے دشمن مراکز وائٹ ہاؤس و تل ابیب سقوط کے قریب ہیں، پاکستان کو امریکی بلاک و چنگل سے نکال کر رہیں گے، پاکستان کو امریکی بلاک سے نکالنا تمام محب وطن حلقوں کی ذمہ داری ہے، نواز حکومت بے گناہ شیعہ سنی لاپتہ شہریوں کو فی الفور بازیاب کرائے، بے گناہ لاپتہ شیعہ سنی شہریوں کو بازیاب نہ کرایا گیا تو ایوانوں کا گھیراؤ کرسکتے ہیں۔

علامہ حسن ظفر نقوی کا کہنا تھا کہ حسینیت کی حمایت سے روکنے والی سیاسی جماعتوں کو نہیں مانتے، شیعہ قیدیوں کے ساتھ متعصبانہ سلوک ختم کیا جائے، محب وطن ملت جعفریہ ہر صورت پاکستان و اسلام کا دفاع جاری رکھے گی، نام نہاد مذہبی جماعتوں کو یمن، بحرین، عراق، پاکستان میں دہشت گردی کیوں نظر نہیں آتی، شام سے بھاگنے والے بھگوڑے تکفیری دہشتگردوں کو پاکستان لانے کی سازش کی جا رہی ہے، نام نہاد مذہبی جماعتیں حلب کے بعد موصل میں تکفیری دہشتگردوں کی شکست کا نوحہ پڑھنے کیلئے تیار رہیں، شیعہ سنی اتحاد کے ذریعے فرقہ واریت کی سازش کو ناکام بناتے رہیں گے، شیعہ سنی مسلمان حلب کی طرح ہر جگہ امریکہ نواز تکفیری دہشت گردوں کو شکست دیتے رہیں گے۔

 علامہ احمد اقبال رضوی نے کہا کہ ملت جعفریہ کیخلاف لگائی گئی دہشت گردی کی آگ پورے ملک میں پھیل چکی ہے، شیعہ قتل عام پر خاموش رہنے والے ارباب اختیار ہی ملک میں دہشت گردی کے بحران کے ذمہ دار ہیں، امریکی ایما پر تکفیری دہشت گرد عناصر ملت جعفریہ کو نشانہ بنا رہے ہیں، دہشت گرد عناصر کا ملت جعفریہ کو نشانہ بنانا حکومتی و ریاستی ارادوں کی مجرمانہ غفلت کا کھلا ثبوت ہے، کالعدم دہشت گرد جماعتوں کی فعالیت نیشنل ایکشن پلان کی کامیابی کا دعویٰ کرنے والوں کے منہ پر طمانچہ ہے، ملت جعفریہ پاکستان دشمن تکفیری دہشت گرد عناصر کے امریکی عزائم کو ناکام بناتی رہے گی۔

علامہ مرزا یوسف حسین نے کہا کہ دہشت گردی کے باوجود ملت جعفریہ ملکی سلامتی و ترقی میں کردار ادا کرتی رہیگی، 39 ملکی عسکری اتحاد دہشت گردی کیخلاف نہیں، امریکی مفاد کے تحفظ کیلئے ہے، حکمرانوں کو دہشت گردوں کی سہولت کاری و سرپرستی کا جواب دینا ہوگا، حکومتی و ریاستی اداروں کی صفوں میں موجود کالی بھیڑیں ملت جعفریہ کیخلاف سازشوں میں مصروف ہیں۔

 علامہ فرقان حیدر عابدی نے کہا کہ ہزاروں شہداء وطن پر قربان کرنے کے باوجود ملت تشیع نے ہمیشہ صبر کا دامن تھامے رکھا، وطن کی محافظ ملت تشیع کو دیوار سے لگانا ملک دشمنی ہے، علامہ نثار قلندری نے کہا کہ ملت جعفریہ ہزاروں شہادتوں کے ساتھ ملک کی بقاء و سلامتی کا فریضہ انجام دے رہی ہے، نیشنل ایکشن پلان کے باوجود ملت تشیع کے قتل عام سلسلہ جاری رہنا سوالیہ نشان ہے، اسلام و پاکستان کے تحفظ کیلئے شہادتیں دینا ملت جعفریہ کیلئے باعث افتخار ہے۔ علامہ اظہر نقوی کا کہنا تھا کہ عالمی استکبار نے اپنے داعشی ایجنٹوں کے ذریعے مشرق وسطیٰ پر قبضہ کا جو خواب دیکھا تھا وہ چکنا چور ہوچکا ہے، انشاء اللہ ولی امر مسلمین امام خامنہ ای کی رہبری میں عالم اسلام متحد ہے اور ہر محاذ پر استکباری قوتوں کو شکست ہوگی۔

وحدت نیوز (کراچی) مجلس وحدت مسلمین پاکستان کراچی ڈویژن کے زیر اہتمام عظیم الشان شب یاد شہداءو کانفرنس کا انعقاد 4 فروری بروز ہفتہ بعد نماز مغربین خیر العمل روڈ، انچولی سوسائٹی، ایف بی ایریا میں منعقد کیا جائے گا، جس سے مرکزی خطاب ایم ڈبلیو ایم کے سربراہ علامہ راجہ ناصر عباس جعفری خطاب کرینگے۔ وحدت ہاو س کراچی میں ایم ڈبلیو ایم کراچی ڈویژن کے سیکریٹری جنرل سید میثم عابدی کی زیر صدارت کابینہ اجلاس منعقد ہوا، اجلاس میں شب یاد شہداءو کانفرنس کے انتظامات کو حتمی شکل دیتے ہوئے انتظامی کمیٹیاں تشکیل دی گئیں۔ کانفرنس کی تفصیلات کے حوالے سے میثم عابدی نے بتایا کہ دہشتگردی کا شکار مظلوم شہدائے ملت جعفریہ کو خراج عقیدت پیش کرنے اور خانوادہ شہداءسے اظہار یکجہتی کیلئے کراچی کے علاقے انچولی سوسائٹی میں خیر العمل روڈ پر 4 فروری بروز ہفتہ بعد نماز مغربین شب یاد شہداءو کانفرنس کا انعقاد کیا جائے گا، کانفرنس سے مرکزی خطاب علامہ راجہ ناصر عباس جعفری کرینگے، جبکہ علامہ سید حسن ظفر نقوی، علامہ عباس کمیلی، علامہ مرزا یوسف حسین، علامہ احمد اقبال رضوی، علامہ نثار قلندی، علامہ فرقان حیدر عابدی و علمائے کرام و رہنما بھی خطاب کرینگے، کانفرنس میں خانوادہ شہداءبھی خصوصی طور پر شرکت کرینگے، کانفرنس کے حوالے سے شہر بھر میں تشہیری مہم مکمل ہو چکی ہے۔

وحدت نیوز (کراچی) مجلس وحدت مسلمین پاکستان کے مرکزی ڈپٹی سیکریٹری جنرل علامہ احمد اقبال رضوی نےامامیہ آرگنائزیشن شہید حسینی یونٹ کے تحت مسجد خیر العمل انچولی سوسائٹی کراچی میں شہید آیت اللہ باقر نمر کی پہلی برسی کی مناسبت سے منعقدہ مجلس ترحیم و تعزیتی اجتماع سے خطاب کے دوران  کہا ہے کہ آیت اللہ باقر نمر نے باطل نظام اور شیطانی قوتوں کی آنکھوں میں آنکھیں ڈال کر بات کی اور ظلم کے خلاف علم جہاد بلند کیا، سعودی حکمرانوں نے انہیں شہید کرکے ظلم و بربریت کی اعلیٰ روایت قائم کی، لیکن شہید نے پوری دنیا کو بیدار کیا اور آج الحمداللہ دنیا میں اسلامی تحریکیں کامیابی سے ہمکنار ہیں۔ ان کا کہنا تھا کہ شام، عراق، بحرین، یمن اور دیگر ممالک میں مسلمان کامیاب ہورہے ہیں۔ اس موقع پر مولانا شیخ محمد حسن، شمس الحسن رضوی، منور عباس زیدی، راشد احد اور دیگر نے بھی خطاب کیا اور شہداء کے فکر و فلسفے پر روشنی ڈالی۔ بعد ازاں شیخ باقر نمر کیلئے دعائے مغفرت و فاتحہ خوانی کی گئی۔

وحدت نیوز (کراچی) سانحہ ناظم آباد حکومت و سیکورٹی اداروں کی نا اہلی ہے ماہ محرم کے آغاز سے عزاداروں پر ہونے والی دہشتگردی میں ملوث کسی دہشتگردکی گرفتاری عمل میں نہیں لائی گئی وزیر اعلیٰ کے ایکشن اور آئی جی سندھ کی نااہلی واضح ہے ۔سندھ حکومت کالعدم جماعتوں کی حمایت ترک کرے شہر میں دہشتگرد کالعدم جماعتوں کی پولیس پروٹیکشن ریلیاں دہشتگردوں کے حوصلوں کو مزید بلند کر رہی ہے ،محض واقع کا نوٹس لینے سے کام نہیں چلایاجائے قاتلوں کو گرفتار کر کے تختہ دار پر لٹکایا جائے۔ان خیالات کا اظہار مجلس وحدت مسلمین کے ڈپٹی سیکرٹری جنرل علامہ احمد اقبال نے جلوس جنازہ کے بعد شرکاء سے خطاب میں کیا ۔

انہوں نے حکومت کی طرف سے محض نوٹس لیے جانے کے بیانات جاری کر کے ذمہ داری ادا کر دی جاتی ہے جو ملت تشیع کے زخموں پر نمک پاشی کے مترادف ہے۔ دہشت گردی کے خاتمے میں حکومت کی سنجیدگی شکوک و شبہات کا شکار ہو چکی ہے۔کالعدم جماعتوں کے خلاف کاروائی میں تساہل اس امر کا ثبوت ہے کہ حکمران ملک میں امن و امان کے قیام میں مخلص نہیں۔دہشت گردی کے حالیہ چار واقعات کے ذمہ داران کو فوری طور پر گرفتارکرنے کے لیے تمام سیکورٹی ادارے مربوط لائحہ عمل طے کریں تاکہ مجرمان کو انصاف کے کٹہرے میں لایا جا سکے۔ دریں اثناء فائرنگ کا نشانہ بنے چچا محمد زکی خان سمیت ان کے تین بھتیجے باقر عباس زیدی، نیئر مہدی، ناصر عباس زیدی کی نماز  جنازہ انچولی امام بارگاہ میں ادا کی گئی جس میں علامہ عباس کمیلی،علامہ باقر زیدی،فاروق ستار،علامہ ناظر عباس تقوی،علامہ علی انور،علامہ مبشر حسن دیگر مکاتب فکر کے علما و اکابرین سمیت عوام کی بڑی تعداد نے شرکت کی اور چاروں شہدا کی تدفین وادی حسین قبرستان میں سینکڑوں سوگواروں کی موجودگی کر دی گئی اس موقع پرکافی رقت آمیز مناظر دیکھنے میں آئے۔

واضح رہے سانحہ ناظم آباد دوران مجلس عزاء ایک ہی خاندان کے ساتھ عزادار سفاک دہشتگروں کی فائرنگ کا نشانہ بنے جن میں چچا محمد زکی خان سمیت ان کے تین بھتیجے باقر عباس زیدی، نیئر مہدی، ناصر عباس زیدی موقع پر ہی شہید ہوگئے. جبکہ دہشتگردی کے واقع میں زخمی دیگر بھائی نادر عباس زیدی، طاہر عباس زیدی اور شہید باقر عباس زیدی کا پندرہ سالا بیٹا مرتضٰ علی زیدی سمیت شہید طاہر عباس زیدی کا آفس اسسٹنٹ چھبیس سالہ اسد ابھی مقامی اسپتال میں زیر علاج ہیں واضح رہے ناظم آباد 4 نمبر میں شہید ہونے والے اور زخمی ہونے والے کوئی عام لوگ نہیں تھے.ان بھائیوں میں سے ایک بھائی ورلڈ بینک میں اور ایک UN میں اعلیٰ عہدوں پر فائز رہے ہیں۔کئی سالوں بعد یہ بھائی محرم کیلئے پاکستان میں ایک ساتھ جمع ہوئے تھے محمد زکی خان (زکّن بھائی) شہید محفل حیدری والے محمد وصی خان اور کے ایم ندیم ایڈووکیٹ سپریم کورٹ کے چھوٹے بھائی تھے.مزید تفصیلات کے مطابق ناظم آباد واقع میں شہید اہلسنت ڈرائیور ندیم لودھی کی نماز جنازہ نارتھ ناظم آباد کوثر نیازی کالونی کی مسجد میں گزشتہ روز ادا کر دی گئی اور واقع میں شہید خاتون کی نماز جنازہ ناظم آباد کے ادا کر دی گئی تھی۔