وحدت نیوز(لاہور)  دنیا بھر کی طرح لاہور میں بھی یوم مردہ باد امریکہ منایا گیا جس میں امامیہ سٹوڈنٹس آرگنائزیشن پاکستان اور مجلس وحدت مسلمین کےمرکزی رہنماؤں اور کارکنوں نے بھرپورشرکت کی۔ ریلی کی قیادت ایم ڈبلیوایم کے مرکزی رہنمااور ممتاز عالم دین علامہ امین شہیدی، ایم ڈبلیو ایم پاکستان کے سیکرٹری سیاسیات اسد عباس نقوی، ایم ڈبلیوایم پنجاب کے سیکریٹری جنرل علامہ مبارک موسوی،ایم ڈبلیوایم لاہور کے سیکریٹری جنرل علامہ حسن ہمدانی  سینئر رہنما افسر رضا خان، سمیت دیگر رہنماؤں نے شرکت کی۔ احتجاجی ریلی لاہور پریس کلب سے شروع ہوئی اور امریکی قونصلیٹ کے سامنے پہنچ کر جلسے کی شکل اختیار کر گئی جہاں مقررین نے خطاب کرتے ہوئے امریکہ کے اپنا سفارتخانہ بیت المقدس منتقل کرنے کے اقدام کی پرزور مذمت کی۔ انہوں نے کہا کہ فلسطینی مسلمانوں کا لہو ضرور رنگ لائے گا اسرائیل بہت جلد نابود ہو جائے گا۔

وحدت نیوز (ملتان) مجلس وحدت مسلمین پاکستان اور امامیہ اسٹوڈنٹس آرگنائزیشن کے زیراہتمام فلسطینی مسلمانوں سے اظہار یکجہتی کے لیے ملتان پریس کلب کے سامنے شمعیں روشن کی گئیں، اس موقع پر مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی، ایم ڈبلیو ایم ملتان کے سیکرٹری جنرل مرزا وجاہت علی، عزاداری کونسل پاکستان کے رہنما سید مجاہد عباس گردیزی ،آئی ایس او ملتان کے ڈویژنل صدر ڈاکٹر موسیٰ کاظم اور دیگر موجود تھے۔ اس موقع پر شرکاء نے اسرائیلی مظالم سے زخمی اور شہید ہونے والے افراد کے لواحقین سے اظہار یکجہتی کے طور پر شمعیں روشن کیں اور امریکی و اسرائیلی جارحیت کے خلاف شدید نعرے بازی، شرکاء سے خطاب کرتے ہوئے ایم ڈبلیو ایم کے صوبائی سیکرٹری جنرل علامہ اقتدار حسین نقوی نے کہا کہ فلسطین میں جاری تشدد اور قتل عام جس میں اب تک ساٹھ سے زائد فلسطینی شہید اور سینکڑوں زخمی ہوچکے ہیں جس کی بھرپور مذمت کرتے ہیں ۔

 اُنہوں نے کہا کہ امریکہ کی جانب سے سفارتخانہ منتقلی پر اُمت مسلمہ کی خاموشی قابل مذمت ہے، فلسطینیوں پر ہونے والے مظالم انسانیت سوز ہیں، انسانی حقوق کے عالمی اداروں کی خاموشی لمحہ فکریہ ہے، آئی ایس او کے ڈویژنل ڈاکٹر موسیٰ کاظم نے کہا کہ امریکہ اس وقت عالم اسلام کی تمام مشکلات کا موجب ہے، امریکہ اسرائیل کے ذریعے پورے خطے میں صیہونیت کا فروغ چاہتا ہے، بدقسمتی سے بعض اسلامی ممالک بھی امریکی ایماء اسلام کے خلاف سازشوں میں مصروف ہیں، اقوام متحدہ کی سلامتی کونسل میں قرارداد کو ویٹو کرنا عالمی انسانی حقوق کی دھجیاں اُڑانے کے مترادف ہے،علامہ مجاہد عباس گردیزی نے کہا کہ اقوام متحدہ اس وقت امریکی خوشامد اور غلام کا کردار ادا کررہا ہے۔

 اُنہوں نے کہا کہ فلسطین میں جاری مظالم پر او آئی سی اور عرب لیگ کی مجرمانہ خاموشی عالم اسلام کے لیے تشویشناک ہے، اُنہوں نے کہا کہ اسلامک ملٹری الائنس اس وقت مسلمانوں کے بہتے ہوئے خون کا تماشائی کے طور پر دیکھ رہا ہے،مرزا وجاہت علی نے کہا کہ اسرائیل ایک ناسور کی صورت اختیار کرچکا ہے۔ ہر روز قابض اسرائیلی فوجی مظلوم فلسطینیوں پر ظلم کے پہاڑ توڑتے نظر آتے ہیں۔ خواتین کی بے حرمتی، نوجوانوں کا قتلِ عام ، گرفتاریاں اور ان کے گھروں کی مسماری روز کا معمول بن چکا ہے، اس تمام تر صورتحال کا ذمہ دار امریکہ ہے، کیونکہ اسرائیل یہ سب کچھ اس کے ایما پر کر رہا ہے۔ جبکہ اقوامِ عالم اور بالخصوص مسلم امہ اور عرب ممالک کا کردار بھی افسوس ناک ہے۔ مقررین کا یہ بھی کہنا تھا کہ امتِ مسلمہ جب تک یکجا نہیں ہوگی، اس وقت تک مسلمانوں کی حالتِ بد سے بدتر ہی رہے گی۔ لہذا ضرورت اس امر کی ہے کہ امتِ مسلمہ یک جاں ہوکر اپنے حقوق کی جنگ لڑے۔ مقررین نے مزید کہا کہ گریٹر اسرائیل کا امریکی خواب کبھی شرمندہ تعبیر نہیں ہوگا اور نہ ہی بیت المقدس کو اسرائیل کا دارالخلافہ تسلیم کیا جائے گا۔ اس موقع پر حسنین کربلائی ، ڈاکٹر عاصم ، آصف حسین اور دیگر نے خطاب کیا ۔8

وحدت نیوز (لاہور)  مجلس وحدت مسلمین کے صوبائی سیکرٹریٹ لاہور میں ایم ڈبلبیو ایم کے مرکزی و صوبائی رہنماوں کا اہلسنت علماءو مشائخ اور سول سوسائٹی کے رہنماوں کے ہمراہ مقبوضہ بیت المقدس پر صہیونی قابض دہشتگرد ریاست اسرائیل اور اس کے پشت پناہی کرنے والا شیطانی ریاست امریکہ کی جانب سے مظلوم فلسطینی مسلمانوں کے قتل عام کیخلاف مشترکہ پریس کانفرنس کا انعقاد ہو ا جس میںسید ناصر عباس شیرازی مرکزی ڈپٹی سیکرٹری جنرل مجلس وحدت مسلمین پاکستان ،سید اسد عباس نقوی مرکزی سیکرٹری سیاسیات مجلس وحدت مسلمین پاکستان ، علامہ سید مبارک علی موسوی سیکرٹری جنرل مجلس وحدت مسلمین پاکستان پنجاب ، علامہ سید حسن رضا ہمدانی سیکرٹری جنرل مجلس وحدت مسلمین ضلع لاہور،علامہ ابو ذر مہدوی پرنسپل جامعہ قرآن ناطق لاہور،عبداللہ ملک رہنماءسول سوسائٹی ، پیر معصوم شاہ نقوی سربراہ جمعیت علماءپاکستان ،ڈاکٹر امجد چشتی  جمعیت علماءپاکستان ،پیر اختر رسول قادری صوبائی صدر جمعیت علماءپاکستان،ڈاکٹر پروفیسر شبیر انجم صوبائی رہنماہ جمعیت علماءپاکستان،صوبائی رہنماءمجلس وحدت مسلمین رائے ناصر علی ، رانا ماجد علی نے پریس کانفرنس میں شرکت کی۔

پریس کانفرنس سے خطاب کرتے ہوئے مقررین کا کہنا تھا کہ مقبوضہ بیت المقدس میں عالمی دہشتگرد اسرائیل و امریکہ نے اپنے نا کام عزائم کی تکمیل کے لئے یرو شیلم کو اسرائیل کا دارالخلافہ قرار دے کر مسلمانان عالم کے قلب پر وار کیا ہے ۔ ہم اس ظلم و بر بریت کے خلاف ہرگز خاموش نہیں رہیں گے ۔ صیہونی حکومت نے امریکہ کی ایماءپر غزہ کی سر زمین پر مظلوم فلسطینیوں کے خون سے حولی کھیلی ہے ۔ دنیا میں ایک بار پھر ان عالمی دہشتگردوں امریکہ اور اسرائیل نے ظلم و بربریت کی نئی تاریخ رقم کی ہے ۔ ہم مسلم اُمہ خصوصاً عرب کے دولت اور اقتدا ر کے نشے میں مست حکمرانوں سے مطالبہ کرتے ہیں کہ وہ فوری طور پر امریکہ و اسرائیل کے خلاف عملی اقدامات اُٹھاتے ہوئے مکمل بائیکاٹ کر ے او ر مظلوم فلسطینوں کے خون کے ایک ایک قطرے کا حساب لے ۔

مقررین نےکہاکہ آل سعود عالم اسلام پر واضح کرے کہ وہ مسلمانان عالم کے ساتھ ہے یا امریکہ و اسرائیل کے غلام ہیں ۔ ہم تمام عالم اسلام کے حکمرانوں سے مطالبہ کرتے ہیں کہ وہ او ائی سی کے اجلاس میں امریکہ سے اپنی راہیں جدا کرنے کا اعلان کریں ۔ قبلہ اول کی آزادی کے لئے ہم ہر قسم کی قربانی دینے کے لئے تیار ہیں ۔ اور یہ ہمارے ایمان کا حصہ ہے ۔ اس ظلم اور زیادتی پر اقوام متحدہ کا روائتی بیان نہایت قابل افسوس اور قابل مذمت ہے ۔ اقوام متحدہ چند استعماری طاقتوں کا آلہ کار بنا ہواہے اور اپنے فرائض کی انجام دہی کے حوالے سے غیر موثر ہو گیا ہے ۔اقوام عالم کو چاہئے اس حساس مسئلے پر روائتی خاموشی سے کام نہ لیں ،امریکہ اسرائیل اور ہندوستان عالمی امن کے دشمن اور مسلمانوں کے قاتل ممالک ہیں،ان کیخلاف دنیا کے امن پسند ممالک کو سامنے آنا ہوگا۔

وحدت نیوز  (لاہور)  مجلس وحدت مسلمین پاکستان کے سربراہ علامہ راجہ ناصر عباس جعفری کی اپیل پر ملک بھر میں 13مئی کو یوم مردہ باد امریکہ و ہندوستان منایا گیا چاروں صوبوں فاٹا گلگت بلتستان سمیت آزاد کشمیر میں تمام اضلاع میں اجتجاجی مظاہرے وریلیاں نکالی گئیں،عالمی دہشتگرد امریکہ کی جانب سے مقبوضہ بیت المقدس کو غاصب صہیونی ریاست اسرائیل کا دارالخلافہ تسلیم کرنے اور جنوبی ایشیا کا اسرائیل بھارت کی جانب سے مظلوم کشمیریوں کی نسل کشی کیخلاف ملک گیرے احتجاجی مظاہرے ہوئے،مرکزی ریلی کراچی میں نمائش چورنگی سے تبت سنٹر تک نکالی گئی جس کی قیادت سربراہ مجلس وحدت مسلمین علامہ راجہ ناصر عباس جعفری نے کی،لاہور میں سیکرٹری جنرل مجلس وحدت مسلمین پنجاب علامہ مبارک موسوی نے جمعیت علمائے اسلام نیازی،متحدہ علماء بورڈ اور سول سوسائٹی کے رہنماوں کے ہمراہ امریکن قونصلیٹ کے سامنے احتجاجی مظاہرے کی قیادت کی،مظاہرے میں بڑی تعداد میں نوجوان بزرگ بچے اور خواتین شریک تھے،مظاہرین سے خطاب کرتے ہوئے علامہ مبارک موسوی نے کہا کہ امریکہ اسرائیل اور ہندوستان عالم انسانیت کے دشمن شیطانی طاقتیں ہیں جو دنیا کے امن کے لئے سب سے بڑا خطرہ ہے،مشرق وسطی سمیت مسلمان ممالک میں قتل عام کا ذمہ دار امریکہ و اسرائیل اور اسکے اتحادی حواری ہیں،جبکہ پاکستان اور کشمیر میں دہشتگردی کے پیچھے بھی یہی منحوس مثلث کا ہاتھ ہے۔

انہوں نے کہا قبلہ اول کو اسرائیلی دارالخلافہ قرار دے کر امریکہ نے مسلم امہ کے قلب پر وار کیا ہے آل سعود سمیت دیگر عرب ریاستیں امریکہ کی کاسہ لیسی میں مسلم امہ کیخلاف صف آرا ہیں,مسلم امہ کو بیدار ہونا ہوگا اور امریکہ و اسرائیل اور اس کے حواریوں کیخلاف متحد ہو کر قبلہ اول کو غاصب صہیونیوں اور جنت نظیر کشمیر کو ہندو بھیڑیوں کے چنگل سے آزادی دلانے میں کردار ادا کرنا ہوگا,آل سعود خادم حرمین بنیں خادم امریکین و اسرائیلین نہ بنیں اپنی بادشاہت بچانے کے لئے مسلم امہ کے خون سے ہولی کھیلنا بند کردیں,مغرب کی مفادات کے خاطر پاکستان میں انتہاپسندی کو فتوغ دینے والے ہمارے بے گناہ شہدا کے خون ناحق کا ذمہ دار ہیں,مملکت خداداد پاکستان کے حکمران اور مقتدر حلقوں کی ذمہ داری ہے کہ وہ اپنی سابقہ پالیسیوں کی عوام سے معافی مانگیں اور اس منحوس امریکن بلاک کو خیر باد کہہ دیں اسی میں ہی ہماری بقا ہے-مظاہرے سے خطاب کرتے ہوئے جمعیت علمائے پاکستان نیازی کے رہنما ڈاکٹر امجد چشتی نے کہا کہ آل سعود امریکہ اور اسرائیل ایک ہی سکے کے دو رخ ہیں,ان ظالموں سے مسلم امہ کو خیر کی توقع رکھنے والے احمقوں کی جنت میں رہتے ہیں آل سعود امریکی کاسہ لیسی میں اسلامی اقدار کو مسخ کر رہے ہیں سر زمین حجاز کی حرمت کو لبرل ازم کے نام پر پامال کرنے والے کبھی بھی مسلم امہ کے خیر خواہ نہیں ہو سکتے,مسلمانو جاگ جاو اور متحد ہو کر آل سعود امریکہ اور اسرائیل کے عزائم کو خاک میں ملا دو ورنہ یہ منحوس استعماری طاقتیں تمھارے خون سے ہولی کھیل کر اپنی ہوس کی آگ بھجاتے رہیں گے۔مجلس وحدت مسلمین شعبہ خواتین کے مرکزی رہنما سیدہ معصومہ نقوی نے بھی مظاہرین سے خطاب کیا انہوں نے کہا کہ امریکہ اسرائیل بھارت کیخلاف اور دنیا بھر کے مظلومین کی حمایت میں جدو جہد جاری رکھیں گے ہم پیروان سیدہ زینب ع ہیں وطن عزیز سے وقت کے یزیدوں امریکہ اسرائیل ہندوستان اور انکے حواریوں کو رسوا کر کے دم لیں گے۔

وحدت نیوز(ملتان) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے مقبوضہ کشمیر میں بھارتی افواج کی فائرنگ کے نتیجے میں بیس سے زائد بے گناہ شہریوں کی شہادت پر غم و غصے کا اظہار کرتے ہوئے کہا ہے کہ معصوم شہریوں پر بھارت کے وحشیانہ مظالم بدترین ریاستی دہشت گردی ہے۔اس طرح کے ظالمانہ ہتھکنڈوں سے کشمیریوں کے عزم و حوصلے کو دبایا نہیں جا سکتا ۔انہوں نے کہا کہ مقبوضہ کشمیر میں بھارتی افواج طاقت کاوحشیانہ استعمال کر رہی ہے جن کا مقصد کشمیریوں کو ان کے حق خود ارادیت سے باز رکھنا ہے۔ ان خیالات کااظہاراُنہوں نے ملتان میں آئی ایس او کے زیراہتمام منعقدہ سیمینار سے خطاب کرتے ہوئے کیا ۔ اس موقع پر مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی، مولانا ہادی حسین ہادی اور دیگر بھی موجود تھے۔

علامہ ناصر عباس جعفری نے مزید کہا کہ کشمیریوں کے دل پاکستان سے کے ساتھ دھڑکتے ہیں ۔طاقت و اختیارات کا بے جا استعمال بھارت کے لیے کسی بھی لحاظ سے فائدہ مند ثابت نہیں ہو سکتا۔ بھارتی حکومت نے اپنی مذموم کاروائیاں اقوام عالم سے پوشیدہ رکھنے کے لیے میڈیا سمیت دیگر ذرائع ابلاغ پر پابندیاں عائد کر دی ہیں۔ مقبوضہ کشمیر میں بھارتی فوج کے انسانیت سوز مظالم اور بنیادی انسانی حقوق کی پامالی کے خلاف عالمی برادری کو اپنا کردار ادا کرنا چاہیے۔دنیا کے مختلف ممالک میں انسانی حقوق کی پامالی کے معمولی واقعات پر سر آسمان پر اٹھانے والی عالمی طاقتوں کی مقبوضہ کشمیر میں بے گناہ نوجوانوں کے قتل عام پر خاموشی کو سوائے تعصب کے کوئی اور نام نہیں دیا جا سکتا۔

انہوں نے کہا عالمی امن کے لیے مسئلہ کشمیر کا پائیدار حل ناگزیر ہے۔اس مسئلہ پر تماشائی کا کردار ادا کرنے والی عالمی طاقتوں کو یہ حقیقت ذہن نشین کر لینی چاہیے کہ خطے میں سلگنے والی آگ اگر بھڑک اٹھی تو یہ اور بھی بہت سارے دامنوں کو اپنی لپٹ میں لے لے گی۔انہوں نے عالم اسلام پر زور دیا کہ اس وقت کشمیر،غزہ اور یمن سمیت ساری دنیا میں مسلمانوں کو بے گناہ موت کی وادی میں دھکیلا جا رہا ہے۔امت مسلمہ کے اس زوال کی بنیادی وجہ وحدت و اخوت کی کمی ہے۔ ہمیں مشترکات پر باہم نہیں ہونے دیا جارہا اور معمولی اختلافات پر ایک دوسرے کے خلاف صف آرا رہنے کی ترغیب دی جارہی ہے۔ یہود و نصاری کی ان سازشوں کی اگر بروقت درک نہ کیا گیا تو پھر سوائے ناکامی و خجالت کے ہمارے ہاتھ باقی کچھ نہیں بچے گا۔علامہ راجہ ناصر عباس جعفری نے شہدا کی بلندی درجات اور زخمیوں کی جلد شفایابی کے لیے دعابھی کی ۔

وحدت نیوز(لاہور) مجلس وحدت مسلمین پاکستان ضلع لاہور کا اجلاس زیر صدارت برادر نجم عباس ڈپٹی سیکرٹری جنرل ضلع لاہور وحدت ہاوس پنجاب لاہور میں منعقد ہوا جس میں صوبائی سیکرٹری جنرل پنجاب علامہ سید مبارک علی موسوی ، آفس سیکرٹری جناب سید حسین زیدی صاحب ، سیکرٹری شماریات پنجاب سید علمدار زیدی لاہور کابینہ اور مختلف ٹاون کے نمائندگان نے شرکت کی اجلاس مرکزی سیکرٹری جنرل ناصر ملت علامہ راجہ ناصر عباس جعفری کے دورہ کے حوالے انتظامات کا جائزہ لیا گیا اور فیصلہ کیا گیا کہ 4 مارچ کو برادر طلباء تنظیم آئی ایس او کے زیر اہتمام سفیر انقلاب شہید ڈاکٹر محمد علی نقوی کی برسی میں مجلس وحدت مسلمین کے کارکنان بھر پور شرکت کریں گے اور 9 مارچ کو سیدہ فاطمہ زہرا ؑکے یوم ولادت کی مناسبت سے جشن کوثر واشنگ لائن امام بارگاہ میں منعقد کیا جائے گا جس سے ناصر ملت علامہ راجہ ناصر عباس جعفری خطاب کریں گے اجلاس سے خطاب کرتے ہوئے صوبائی سیکرٹری جنرل علامہ سید مبارک علی موسوی نے شہید ڈاکٹر محمد علی نقوی کی مجاہدانہ زندگی قومی ملی اور دینی خدمات پر روشنی ڈالی اجلاس کے آخر میں شہید کی بلندی درجات کے لیئے فاتح خوانی کی گئی۔

Page 1 of 15

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree