وحدت نیوز(خیرپور) مجلس وحدت مسلمین پاکستان سندہ کے صوبائی سیکریٹری جنرل علامہ مقصود علی ڈومکی کی قیادت میں ایک وفد نے ایس ایس پی خیرپور اظفر مہیسر سے ملاقات کی ، اس موقع پر ضلع چیئرمین خیرپور شہریار خان وسان ،صوبائی ڈپٹی سیکریٹری جنرل مولانا نشان حیدر ساجدی، مولانا محمد نقی حیدری ، مولانا سعید احمد و دیگر موجود تھے۔ ملاقات میں عظمت علی و زہراء ؑ کانفرنس خیرپور کے انتظامات اور سیکورٹی مسائل کو فائنل کیا گیا۔ اس موقع ایس ایس پی نے اپنے مکمل تعاون کا یقین دلایا۔
درایں اثناء عظمت علی و زہراء ؑ کانفرنس کے سلسلے میں مدرسہ امام علی ؑ کنب میں اہم اجلاس منعقد ہوا، اجلاس سے خطاب کرتے ہوئے مجلس وحدت مسلمین پاکستان سندہ کے صوبائی سیکریٹری جنرل علامہ مقصود علی ڈومکی نے کہا کہ لاہور میں دھشت گردی کا واقعہ ریاستی اداروں کے کردار پر سوالیہ نشان ہے، جب آئی جی پنجاب اور وفاقی وزیر داخلہ دھشت گردوں کے وکیل صفائی بن جائیں تو دھشت گردی کا خاتمہ ممکن نہیں۔ حکمرانوں کا منافقانہ رویہ اور دھشت گردوں سے ہمدردی ، دھشت گردی کے خاتمہ میں سب سے بڑی رکاوٹ ہے۔ انہوں نے کہا کہ ۹ اپریل کو کنب میں محب وطن پاکستانیوں کا دھشت گردی کے خلاف عظیم الشان اجتماع ہوگا۔ اجلاس سے صوبائی ڈپٹی سیکریٹری جنرل مولانا نشان حیدر ساجدی، مولانا محمد نقی حیدری ، مولانا سعید احمد و دیگر نے خطاب کیا۔
وحدت نیوز(خیرپور) مجلس وحدت مسلمین پاکستان، شیعہ رابطہ کونسل، سندھ شیعہ آرگنائزیشن کے رہنماوں کی ڈی سی خیرپور منور مٹھیانی اور ایس ایس پی خیرپورعثمان غنی سے تفصیلی میٹنگ کے بعد ضلعی انتطامیہ نے کالعدم سپاہ صحابہ کے 4 اپریل کوممتازگرائونڈ خیر پور میں ہونے والا جلسے کا اجازت نامہ منسوخ کردیا گیاہے۔ واضح رہے کہ مجلس وحدت مسلمین سمیت تمام مقامی تنظیموں نےممتاز گرائونڈ میں کالعدم جماعت کا جلسہ ہونے کی صورت میں وزیراعلیٰ ہاوس خیرپور کے گھیراو کی دھمکی دی تھی۔ایم ڈبلیو ایم کے ضلعی سیکریٹری جنرل منور جعفری ، شیعہ رابطہ کونسل کےرہنما علامہ مظہر نقوی ، جمن شاہ ، سندھ شیعہ آرگنائزیشن کے رہنماسید جعفر شاہ،تحریک نفاز فقہ جعفریہ کے رہنما امداد علی اور مدارس امامیہ کے رہنما مولانا عبد الغفور نے ضلعی انتظامیہ کے ساتھ مشترکہ ملاقاتیں کیں ، واضح رہے کہ شیعہ تنظیموں کی استقامت کی بدولت تکفیری ٹولا انتہائی خوف کا شکار ہےاور اب اپنا جلسہ ممتاز گرائونڈ کے بجائے پنج ہٹی کی شمس مسجد میں کر نے ہر مجبور ہو گئے ہیں۔