وحدت نیوز (ڈیرہ اللہ یار) مجلس وحدت مسلمین بلوچستان کے سیکرٹری جنرل علامہ برکت علی مطہری نے کہا ہے کہ امریکہ، بھارت اور اسرائیل کی ایما پر پاکستان میں اہل تشیع کو مسلسل نشانہ بنایا جارہا ہے، وفاقی اور صوبائی حکومتیں دہشتگردوں کیخلاف نہیں کررہیں، بلوچستان میں انہیں کھلی چھوٹ دی گئی ہے، سانحہ درگاہ فتح پور شریف اور کوئٹہ فائرنگ اور شیعہ نوجوانوں کی گمشدگی قابل مذمت عمل ہے۔ ان خیالات کا اظہار انہوں نے ڈیرہ اللہ یار میں پریس کانفرنس سے خطاب کرتے ہوئے کیا۔ اس موقع پر سید شبیر شاہ اور دیگر ان کے ہمراہ تھے۔ علامہ برکت مطہری کا کہنا تھا کہ ملک کے مختلف شہروں سے شیعہ نوجوانوں کو بغیر کسی جرم کے اغواء کیا جارہا ہے،لاپتہ شیعہ افراد کی رہائی کیلئے مجلس وحدت مسلمین پاکستان کے مرکزی ڈپٹی سیکرٹری جنرل علامہ سید حسن ظفر نقوی نے جیل بھرو تحریک کا آغاز کرکے خود گرفتاری پیش کردی ہے، آئے روز شیعہ شہریوں پر حملے کئے جارہے ہیں، ان حملوں میں امریکہ، بھارت اور اسرائیل نواز دہشتگرد ملوث ہیں۔ ہمارا مطالبہ ہے کہ سانحہ فتح پور اور کوئٹہ میں شیعہ ہزارہ پر ہونے والوں حملوں کے دہشتگردوں کو جلد از جلد گرفتار کیا جائے اور لاپتہ افراد کو بازیاب کیا جائے بصورت دیگر ملک بھر میں منظم تحریک شروع کرینگے۔

وحدت نیوز(جهل مگسی) صوبائی سیکرٹری جنرل مجلس وحدت مسلمین بلوچستان علامہ برکت علی مطهری اور ڈپٹی سیکرٹری جنرل علامہ سید ظفر عباس شمسی نے  وفد کے ہمراہ گدی نشین سید سرفراز شاہ سے شہدا فتح پور کی تعزیت کی اور  واقعے کی پر زور مذمت کی اس موقع پر  ایم پی اے  نواب زادہ نادر خان مگسی، نواب زادہ اورنگ زیب مگسی ڈسٹرکٹ چیئرمین ضلع جهل مگسی اور پیپلزپارٹی کے سابق وزیر صادق عمرانی اور علاقے کے سیاسی شخصیات موجود تھیں،سانحہ فتح پور میں جس بہادر کانسٹیبل شہید بہار خان لاشاری نے بہادری کا مظاہرہ کیا بهاگتے ہوئے دہشتگرد کو گرفتار کرنے کی خاطر دو مرتبہ اپنی کلاشنکوف کا بٹ مارا جس سے دہشتگرد زمین پر گر پڑا اور گرتے ہی خودکش دھماکہ کر دیا جس کی وجہ سے یہ بہادر کانسٹیبل شہید ہوا،صوبائی سیکرٹری جنرل مجلس وحدت مسلمین بلوچستان علامہ برکت علی مطهری اور صوبائی ڈپٹی سیکرٹری جنرل علامہ سید ظفر عباس شمسی نے ان کے لواحقین سے گھر جاکر تعزیت کااظہار کیا اور فاتحہ خوانی کی اور شہید کی بہادری کوخراج تحسین پیش کیا۔

وحدت نیوز (کوئٹہ) مجلس وحدت مسلمین بلوچستان کے سیکرٹری جنرل علامہ برکت علی مطہری نے کہا ہے کہ ضلع جهل مگسی میں خود کش دھماکے کی شدید مذمت کرتے ہیں، اس سانحہ میں 30 سے زائد افراد شہید اور دسویں لوگ زخمی ہوئے ہیں، یہ وہ درگاہ ہے جس پر 2005 میں بھی خود کش دھماکا ہوا تھا اور 90 کے قریب لوگ شہید ہوئے تھے، پهر دوبارہ اسی درگاہ کو نشانہ بنایا گیا آخر یہ دہشت گرد کون ہیں جو کهلے عام دہشتگردی کرتے پهر رہے ہیں، کیوں حکومت بلوچستان کو پتہ نہیں چلتا۔؟ کیوں دہشت گرد اور ان کے سہولت کار سرعام دہندناتے پهر رہے ہیں لہٰذا ہم حکومت بلوچستان اور حکومت پاکستان سے مطالبہ کرتے ہیں کہ ان دہشتگردوں اور ان کے سہولت کاروں کے خلاف پورے بلوچستان کے اندر آپریشن کیا جائے اور ان کو کیفرکردار تک پہنچایا جائے۔