وحدت نیوز(حیدر آباد) مجلس وحدت مسلمین ضلع حیدرآباد کی جانب سے قدم گاہ مولا علی پر تفتان بارڈر پر زائرین امام (ع) کو پیش آنے والی دشواریوں کے خلاف بھرپور احتجاج کیا گیا جس سے ضلعی ترجمان علامہ گل حسن مرتضوی اور سیکریٹری جنرل ضلع حیدرآباد ایڈووکیٹ رحمان رضا نے خطاب کرتے ہوئے کہا کہ زائرین کا سفرعبادت ہے اور حکومت کی نااہلی کی وجہ سے زائرین کی عبادت کا تقدس پامال ہوتا ہے اور زائرین کو کسی بھی قسم کی کوئی سہولیات نہیں دی جاتیں۔ ہم مطالبہ کرتے ہیں کہ حکومت وقت زائرین کی سہولیات، پینے کا صاف پانی، جاء نماز، سونے کی سہولت اور واش رومز کا بندوبست کرے۔
وحدت نیوز (حیدرآباد) مجلس وحدت مسلمین ضلع حیدرآباد کی جانب سے قائد وحدت علامہ ناصر عباس جعفری کی اپیل پر حیدرآباد میں یوم ایفائے شہداء منایا گیا۔ اس موقع پر عزاداری سید الشہداء (ع) اور شہدائے ملت جعفریہ سے تجدید وفا کے لئے حیدرآباد پریس کلب پر شمعیں روشن کی گئیں۔ اس موقع پر خطاب کرتے ہوئے مولانا مداد علی نسیمی سیکریٹری جنرل مجلس وحدت مسلمین ضلع حیدرآباد کا کہنا تھا کہ جیسا کہ آپ کے علم میں ہے کہ کوئٹہ، پشاور اور کراچی میں دھشتگردوں نے قتل عام کا بازار گرم کر رکھا ہے اور ہم اس دھشتگردی کی پرزور مذمت کرتے ہیں، جو لوگ بھی وطن عزیز میں دھشتگردی کررہے ہیں چاہے وہ کسی بھی عنوان سے کررہے ہو وہ نہ پاکستان کا نہ اسلام کا اور نہ قرآن کا ہمدرد ہے، لھٰذا آج ہم بروز جمعہ مورخہ 05-07-13 کو ان شھداء کو خراج ِ تحسین پیش کرنے کے لیئے ’’ یوم ایفائے شہداء ‘‘ مناتے ہوئے چراغاں روشن کر رہے ہیں اور یہ اعلان کررہے ہیں ہم شہادت کے راہی ہیں اور اس ہی راستے پر چلتے ہوئے اپنی ملت کو طاقتور قوم میں تبدیل کریں گے۔
وحدت نیوز (حیدرآباد) مجلس وحدت مسلمین ضلع حیدرآباد کی جانب سے پشاور سانحہ کے قاتلوں کے عدم گرفتاری اور خیبرپختونخواہ حکومت کی بے حسی کے خلاف آج بروز جمعہ قدم گاہ مولا علی (ع) سے کوہِ نور چوک تک احتجاجی ریلی نکالی گئی۔ ریلی کی قیادت ایم ڈبلیو ایم حیدرآباد کے سیکریٹری جنرل علامہ امداد علی نسیمی، مولانا گل حسن مرتضوی، مولانا رحمت علی، مولانا نور حسن، مولانا انور علی نے کی۔ اس موقع پر شرکاء کی بڑی تعداد نے ریلی میں شرکت کرکے سانحہ پشاور میں خیبرپختونخواہ کی حکومت کی بے حسی کی شدید مذمت کی۔ ریلی کے شرکاء نے بینر اور پرچم اٹھائے ہوئے تھے، ریلی کے شرکاء نے خیبرپختونخواہ حکومت کے خلاف شدید نعرے بازی بھی کی۔
اس موقع پر خطاب کرتے ہوئے علامہ امداد علی نسیمی نے کہا کہ سانحہ پشاور طالبان سے مذاکرات کی بات کرنے والوں کے منہ پر طمانچہ ہے، خیبرپختونخواہ کی حکومت اگر دہشت گردی کا راستہ نہیں روک سکتی تو کم از کم شہداء کے خون کے ساتھ عہد وفا کرتے ہوئے طالبان سے مذاکرات کے عمل سے دور رہے۔ علامہ امداد علی نسیمی نے مزید کہا کہ نواز شریف کی حکومت سعودی ایجنڈے کی تکمیل میں ملک کو فرقہ واریت کی طرف دھکیل رہی ہے، جس کی جتنی بھی مذمت کی جائے کم ہے۔