وحدت نیوز(بھکر) مجلس وحدت مسلمین ضلع بھکر کے ذمہ داران کی جانب سے 6 اگست کو اسلام آباد میں منعقد ہونے والی مہدی برحق کانفرنس کے سلسلے میں رابطہ مہم بھرپور انداز میں جاری ہے، اس سلسلے میں ضلعی سیکرٹری جنرل سفیر حسین شہانی اور ان کی کابینہ کے اراکین ضلع بھر کے یونٹس کے دورہ جات کر رہے ہیں اور عمائدین، تنظیمی کارکنان اور عوام کو کانفرنس میں شرکت کی دعوت دی جارہی ہے۔ گذشتہ روز سفیر حسین شہانی اور ضلعی سیکرٹری سیاسیات سید ظہیر شاہ نے یونٹ پیر اصحاب کا دورہ کیا۔ اس موقع پر سفیر حسین شہانی کا کہنا تھا کہ مہدی برحق کانفرنس میں ضلع بھکر سے بھرپور عوامی شرکت کو یقینی بنانے کیلئے تمام کارکنان کوشاں ہیں، انشاء اللہ اس ضلع سے قائد وحدت علامہ راجہ ناصر عباس جعفری کے حکم پر بھرپور شرکت ہوگی۔
وحدت نیوز(لاہور) سرگودھا سے عدالت میں پیشی کے بعد واپسی پر خفیہ اداروں کے اہلکاروں نے ایم ڈبلیو ایم ضلع بھکر کے سیکریٹری جنرل سفیر عباس شہانی کو ان کے 4ساتھیوں سمیت اغوا کر لیا ہے، خفیہ اداروں کے اہلکاروں نے پانچوں مغویوں کو نامعلوم مقام پر منتقل کر دیا ہے، مجلس وحدت مسلمین پنجاب کے ترجمان علامہ محمد اصغر عسکری نے کہا ہے کہ ایم ڈبلیو ایم بھکر کے سیکرٹری جنرل سفیر حسین شہانی سرگودہا عدالت سے واپسی پر کابینہ کے دیگر چار ساتھیوں سمیت لاپتہ ہوگئے ہیں۔ لاہور سے جاری بیان کے مطابق علامہ اصغر عسکری کا کہنا تھا کہ تاحال کسی کارروائی کا نہ ہونا انتظامیہ کی ملی بھگت کا نتیجہ ہے۔ اُنہوں نے مزید کہا کہ اگر کارکنوں کو فوری بازیاب نہ کرایا گیا تو ملک گیر احتجاج کی کال دی جاسکتی ہے۔ آج مجلس وحدت مسلمین کے رہنمائوں کا جلاس طلب کرلیا گیا ہے، اجلاس کے بعد ایم ڈبلیو ایم پنجاب کے رہنما اہم پریس کانفرنس سے بھی خطاب کریں گے۔
واضح رہے کہ سفیر عباس شہانی ایڈووکیٹ کوبھکر میں کالعدم تکفیری گروہ کے حملے کے بعد حکومتی متعصبانہ پالیسی کے کے نتیجے میں اس سےقبل بھی دو مرتبہ بے گناہ گرفتار کیا گیا تھا ، جس میں وہ ضمانت پر رہا ہوئے تھے ، اسی کیس میں پیشی کے بعدسیشن کورٹ سرگودھا سے واپسی پر سفیر عباس شہانی کو ایم ڈبلیو ایم کے مذید 4ذمہ داران کے ہمراہ بغیر وارنٹ کے جبری طور پو اغوا کر لیا ہے ۔