وحدت نیوز(مظفرگڑھ) جب تک مجرموں کو مجمع عام میں سزایئں نہ دی جائے جرائم پرقابو نہیں پایا جاسکتا۔ مظفرگڑھ میں ضلعی کابینہ کے ارکان سے بات کرتے ہویے انھوں نے زینب کے ساتھ ہونے والی زیادتی کی شدید مزمت کی ۔ ان کامزید کہنا تھا کہ قصور میں سات سالہ زینب کو حوَس کا نشانہ بنا کر قتل کیا گیا لیکن ابھی تک اس حوالے سے حکومت نے کو ئی قابل ذکر کردار ادا نہ کیا۔ اس سے پہلے بھی قصور میں گیارہ بچیاں اسی طرح حوَس کا شکار ہو چکی ہیں۔ لیکن وہ بھی کیسز سرد خانے کی نظر ہوئے کھڑے ہیں۔ اگر ان پر کوئی سزایئں ہوتی تو آج ان درندہ صفت لوگوں کو دوبارہ یہ کام کرنے کی جرات نہ ہوتی۔لہٰذا زینب کے قاتلوں کو سرعام پھانسی دی جائے۔ ان کا مزید کہنا تھا کہ مجلس وحدت مسلمین ضلع مظفرگڑھ 2018 کے الیکشن میں پورے پاکستان کی طرح  بھرپور حصہ لے گی انشااللہ۔ ہم نظریاتی سیاست کرتے ہیں اور عوام کے ہر دکھ سکھ میں ساتھ کھڑے رہیں گے۔ اسی ظلم سے چھٹکارے کے لئے اور قوم کے حقوق کے  حصول لئے ہمیشہ میدان میں رہیں گے۔

وحدت نیوز(مظفر گڑھ) مجلس وحدت مسلمین پاکستان،ضلع مظفرگڑھ کا تیسرا ضلعی شورٰی کا اجلاس و تربئتی ورکشاپ 07 جنوری 2018 بروز اتوار صبح 09:00 بجے مظفرگڑھ میں ہوگا۔ جس میں ضلع تمام یونٹس شرکت کریں گے۔ اس حوالے سے کابینہ کے اراکین پہلی فرصت میں یونٹس کے دورے کریں گے اور یونٹس مسؤلین کو دعوت دینگے۔ اس بات کا اعلان ایم ڈبلیو ایم ضلع ظفر گڑھ کے سیکرٹری جنرل علی رضا طوری نے کابینہ اجلاس کے دوران کیا۔ ان کا کہنا تھا کہ انشااللہ شورٰی کے اجلاس کے اختتام پر امریکہ اور اسرائیل کے خلاف احتجاجی ریلی نکالی جائیگی۔ مجلس وحدت مسلمین پاکستان ضلع مظفرگڑھ کی ماہانہ کابینہ کے اجلاس میں فیصلہ جات ہوئے۔ اجلاس میں مرکزی ڈپٹی سیکرٹری جنرل سید ناصر عباس شیرازی ایڈوکیٹ کی جنوری میں  مظفرگڑھ آمد پر انشااللہ بھر پور استقبال کیا جائے گا۔ مظفرگڑھ اور کوٹ ادو میں مومنین سے خطاب کریں گے اور پریس کانفرنس بھی کریں گے۔ 13, 14 کو ملتان میں شعبہ جاتی تربئتی پروگرام میں متعلقہ شعبوں کے مسؤلین شرکت کریں گے۔

وحدت نیوز(مظفرگڑھ ) ملت جعفریہ کے لاپتہ افراد کا اگر کا کوئی جرم ہے تو عدالتوں میں پیش کیا جائے۔ ان خیالات کا اظہار مجلس وحدت مسلمین جنوبی پنجاب کے سیکرٹری تنظیم سازی  سید عدیل عباس زیدی نے جامع مسجد چہاردہ معصومینؑ منڈا چوک مظفر گڑھ میں ضلعی شورٰی کے اجلاس اور تربیتی ورکشاپ سے خطاب کے دوران کیا۔ ان کا کہنا تھا کہ شہید بھی ہم اور اسیر بھی ہم، یہ کہاں کا انصاف ہے؟ ہمارے اسیران کا اگر کوئی جرم ہے یا کسی کیس میں مطلوب ہیں تو ان پر مقدمات چلائے جائیں۔ اسیران ملت کے گھر والوں کو روزانہ کی بنیاد پر اذئتیں دی جا رہی ہیں۔ بچے اپنے والد، بہنیں اپنے بھایؤں، والدین اپنے بیٹوں کا اور بیویاں اپنے شوہروں کا روز انتظار کرتی ہیں کہ شائد کسی جانب سے کوئی خبر آجائے۔ ہم حکومت وقت سے مطالبہ کرتے ہیں کہ جلد از جلد ملت جعفریہ کے لاپتہ افراد کو منظر عام پر لایا جائے نہیں تو علماء کی جانب سے شروع کی گئی جیل بھرو تحریک انقریب ملک کے طول و عرض میں پھیل جا ئیگی پھر حکومت کے پاس جیلوں میں جگہ نہیں رہے گی۔

ان کا مزید کہنا تھاکہ ہم جو آج میدان میں کھڑے ہیں اس کا محور خوشنودی خدا وند تعالیٰ ہونی چاہئے نہ کہ کوئی شخصئت یا جماعت۔ اگر ہم نے اپنا محور صرف شخصیت یا جماعت کو بنا دیا تو ہم اپنے مقاصد کبھی حاصل نہیں کر سکیں گے۔ گزشتہ روز جامع مسجد چہاردہ معصومینؑ منڈا چوک میں ضلعی شورٰی کا اجلاس اور تربیتی ورکشاپ منعقد ہوئی، جس میں ضلعی کابینہ اور ضلع بھر سے آئے ہوئے یونٹس نے بھرپور شرکت کی۔ اجلاس کا پہلا حصہ تربیتی ورکشاپ کا تھا، جس سے ضلعی سیکرٹری جنرل علی رضا طوری، ڈپٹی سیکرٹری جنرل عمران رضا ایڈووکیٹ اور صوبائی کور کمیٹی  برائے تنظیم سازی کے رکن سید شفقت کاظمی نے خطاب کیا۔ ضلعی شورٰی کے دوسرے سیشن میں یونٹس کے برادران نے اظہار خیال کیا اور درپیش مسائل ضلع کے سامنے رکھے۔ جس پر ضلعی مذاکراتی کمیٹی جلد ازجلد مقامی انتظامیہ سے ملاقات کر کے حل کروائے گی۔ اجلاس سے اختتامی خطاب صوبائی سیکرٹری تنظیم سازی سید عدیل زیدی نے کیا۔ جس کے بعد ضلعی کابینہ کی میٹنگ بھی ہوئی، اختتامی دعا مولانا عابد فاطمی نے کرائی۔

وحدت نیوز(مظفرگڑھ) اتفاق و وحدت کی فضاء کو فروغ دینا اور اختلافات کو نظر انداز کرنے میں ہی ملک و قوم کی بقا ہے۔ مظفرگڑھ کے علاقہ عباس نگر میں میں تنظیم سازی کے موقع پر ضلعی سیکرٹری جنرل مجلس وحدت مسلمین علی رضا طوری نے مومنین سے خطاب کرتے ہوئے کہا کہ ظلم کہیں پر بھی ہو ناقابل معافی ہے۔ کشمیر میں مسلمانوں کے ساتھ آئے روز مظالم کے پہاڑ توڑے جاتے ہیں لیکن انتالیس ملکی اتحاد کو کشمیر میں بھارتی مظالم نظر نہیں آتے، اصل میں میں یہ انتالیس ملکی اتحاد صرف بادشاہتوں کے بچانے کے لئے بنا ہے نہ کہ ملت اسلامیہ کی حفاظت کے لئے۔ دشمن امریکہ و اسرائیل کی شکل میں ہمیں تقسیم در تقسیم کر رہا ہے اور ہمارے نادان دوست امریکہ و اسرائیل کے ایجنڈے پرعمل پیرا ہیں۔ اس موقع پر علاقے کے مومنین کی متفقہ اتفاق رائے سے برادرانور علی بک کو یونٹ عباس نگر کا سیکرٹری جنرل منتخب کیا گیا۔ ضلعی سیکرٹری جنرل علی رضا طوری نے نو منتخب سیکرٹری جنرل سے عہدے کا حلف لیا جبکہ روہیلانوالی اور بھنڈیوالی میں متفقہ اتفاق رائے سے ماسٹر گلزار حسین صاحب کو یونٹ روہیلانوالی کا، برادرعامر عباس بھٹی کو یونٹ بھنڈیوالی کا سیکرٹری جنرل منتخب کرلیا گیا۔ نو منتخب سیکرٹری جنرلز سے سیکرٹری تنظیم سازی براد تفسیر خمینی نے حلف لیا۔ آخر میں ملک وقوم کی سلامتی اور شہدائے ملت جعفریہ کے درجات کی بلندی کے لئے دعا اور فاتحہ خوانی کی گئی۔ اس موقع پر ضلعی کابینہ کے اراکین ڈپٹی سیکرٹری جنرل سید عمران رضا ایڈووکیٹ، تفسیر خمینی، برادر عامر بک، برادر شوکت بک بھی موجود تھے۔