وحدت نیوز (مشہد) مجلس وحدت مسلمین شعبہ مشہد مقدس کے زیراہتمام بانی پاکستان قائداعظم محمد علی جناح کی سالگرہ کے موقع پر دفتر ایم ڈبلیو ایم میں صمیمی نشست کا اہتمام کیا گیا، اس موقع پر مشہد مقدس کے سیکرٹری جنرل حجتہ الاسلام والمسلمین عقیل حسین خان، حجتہ الاسلام والمسلمین عارف حسین تھہیم، حجتہ الاسلام والمسلمین خواجہ محمد سلیم، آغا ظہیر حسین مدنی اور دیگر رہنما بھی موجود تھے۔ نشست سے خطاب کرتے ہوئے حجتہ الاسلام خواجہ محمد سلیم نے قائداعظم محمد علی جناح کی جہد مسلسل سے مزین زندگی کے پہلوئوں پر روشنی ڈالی، بعدازاں نشست سے خطاب کرتے ہوئے حجتہ الاسلام والمسلمین عقیل حسین خان کا کہنا تھا کہ قائداعظم ایک مقتدر، آزاد، اسلامی اور قرآنی اُصولوں پر اُستوار پاکستان چاہتے تھے، جس میں ہر مذہب اور مسلک کے لوگ آزادی کے ساتھ رہ سکیں، دشمن پاکستان عناصر نے بانی پاکستان کے تفکر کو پس پشت ڈال کر ملک اغیار کی جھولی میں ڈال دیا ہے، آج بھی اگر ہم دنیا میں ممتاز اور نمایاں حیثیت حاصل کر نا چاہتے ہیں تو ہمیں قائد اُصولوں کو اپنانا ہوگا، بانی پاکستان کی فکر کو فراموش کرنے والے ملک دوست نہیں بلکہ ملک دشمن ہیں اور بدقسمتی سے آج وہی لوگ اس ملک پر مسلط ہیں، بعدازاں بانی پاکستان کی روح کی شادمانی کے لیے قرآن خوانی کی گئی اور کیک بھی کاٹا گیا۔
وحدت نیوز (مشہد) مجلس وحدت مسلمین مشہد مقدس کے زیراہتمام ولادت باسعادت حضرت ختمی مرتبت محمد مصطفی صلی اللہ علیہ والہ وسلم اور امام جعفر صادق علیہ السلام کے سلسلے میں دفتر میں ایم ڈبلیو ایم میں جشن کا اہتمام کیا گیا، جشن کی صدارت سیکرٹری جنرل حجتہ الاسلام والمسلمین عقیل حسین خان نے کی، جشن میں پاکستان اور ہندوستان سے آئے ہوئے شعرائے کرام نے شرکت کی اور نذرانہ عقیدت بھی پیش کیا، جشن میں مشہد مقدس میں موجود علمائے کرام، طلاب اور زائرین کی بڑی تعداد نے شرکت کی، جشن سے خطاب کرتے ہوئے حجتہ الاسلام والمسلمین مولانا عارف حسین تھہیم کا کہنا تھا کہ یہ مہینہ صدق کے ساتھ مختص ہے، اس مقدس مہینے میں ایک نہیں بلکہ دو سچوں کے ولادت باسعادت ہے، اُنہوں نے کہا کہ بارگاہ ثامن الائمہ میں جشن صادقین کا انعقاد نعمت عظمیٰ کے سوا کچھ نہیں، نام نہاد مسلمان سیرت رسول اللہ اور اہلیبیت علیہم السلام کو فراموش کر کے تکفیریت کے فروغ کے لیے کوشاں ہیں، اُنہوں نے امریکی صدر کی جانب سے امریکی سفارتخانے کے بیت المقدس منتقلی کو سعودی اور یہودی مشترکہ سازش قرار دیا، علاوہ ازیں ایم ڈبلیو ایم مشہد مقدس کے سیکرٹری جنرل مولانا عقیل حسین خان نے کہا کہ کل جب ہم اسرائیل اور امریکہ کے خلاف آواز بلند کرتے تھے تو لوگ ہم پر باتیں کرتے تھے، لیکن سلام شہید قائد اور رہبر کبیر پر جنہوں نے ان دو ناسوروں کے خلاف بہت پہلے مطلع کر دیا تھا۔ آخر میں مولانا عقیل حسین خان نے مہمانوں کا شکریہ ادا کیا اور کیک بھی کاٹا گیا۔
وحدت نیوز (مشہد) مجلس وحدت مسلمین پاکستان کے مرکزی سیکریٹری روابط و مرکزی ڈپٹی سیکریٹری اطلاعات برادر اقرار حسین اور ایم ڈبلیو ایم کی شوریٰ عالی کے رکن علامہ ہاشم موسوی کا ایم ڈبلیو ایم مشہد کے دفتر کا دورہ۔ اپنے دورہ میں رہنماؤں نے مشہد کے سیکرٹری جنرل علامہ آغا عقیل خان و دیگر علماء کرام اور مقامی طلبہ کے ساتھ سوال و جواب کی تفصیلی نشست کی۔ نشست میں قومی و ملی امور اور اتحاد و وحدت کے حوالے سے ایم ڈبلیو ایم کی پالیسی و اقدامات کی تفصیلی گفتگو کی گئی ۔ نشست میں موجود پوری دنیا سے آئے ہوئے طلبہ کی جانب سے ایم ڈبلیو ایم کی کامیابی کے حوالے سے گہری دلچسپی کا اظہار کیا گیا نیز ایم ڈبلیو ایم کے کاروانِ وحدت کی سر بلندی کے لئے آراء و تجاویز بھی دی گئیں۔
