وحدت نیوز(گلگت) امسال گلگت بلتستان میں معمول سے زیادہ برف باری کی وجہ سے بالائی علاقے انتہائی خطرناک قدرتی آفات کی زد میں ہیں۔حکومت حفظ ماتقدم کے تحت قیمتی انسانی جانوں اور مالی نقصانات سے بچانے کیلئے فوری اقدامات کرے اور آفات کی زد میں رہائش پذیر خاندانوں کو دوسری جگہ منتقل کرکے عوام کے جان ومال کو محفوظ بنائے۔

مجلس وحدت مسلمین گلگت بلتستان کے ترجمان محمد الیاس صدیقی نے نلتر پائین اور کارگاہ کے عمائدین سے گفتگو کرتے ہوئے کہا کہ عوام کو ریلیف پہنچانا حکومت کی ذمہ داری ہے اور برفانی تودوں کی وجہ سے سڑکیں بلاک  ہونے سے قبل بالائی علاقوں میں اشیائے ضروریہ کو سٹاک کرے خاص طور پر گندم/ آٹے کی فراہمی کو یقینی بنائے۔انہوں نے کہا کہ نلتر پائین میں برفانی تودہ گرنے سے مہدی آباد کی پوری آبادی کو خطرات لاحق ہوگئے ہیں حکومت فوری اقدامات کرے اور علاقے میں خوراک اور ادویات بروقت فراہم کرنے کے اقدامات کرے۔انہوں نے ڈیزاسٹر منیجمنٹ اور ایڈ منسٹریشن سے مطالبہ کیا کہ علاقے بھر کا سروے کرکے عوام کو درپیش خطرات سے آگاہ کرے اور اشیائے ضروریہ کو ان علاقوں میں پیشگی ذخیرہ کرے نیز ادویات کی فراہمی اور ڈاکٹروں کی ٹیم کو تیار رکھے تاکہ بوقت ضرورت ایمرجنسی سے نمٹا جاسکے۔انہوں نے کہا کہ انتہائی خطرناک علاقوں سے عوام محفوظ مقامات پر منتقل کیا جائے تاکہ انسانی جانوں کا ضیاع کم سے کم ہو۔

وحدت نیوز(کوئٹہ) مجلس وحدت مسلمین کوئٹہ ڈویژن کے میڈیا سیل سے جاری شدہ بیان میں مرکزی رہنما اور امام جمعہ علامہ سید ہاشم موسوی نے کہاہے کہ بد عنوانی، خیانت، دھوکا دہی، کار سرکار میں غبن، ناپ تول میں کمی یہ تمام کرپشن سے تعبیر کیئے جاتے ہیں۔ قرآن کریم  نے جن قوموں کی بربادی و ہلاکت کا ذکر کیا ہے اس کی تباہی کا سب سے بڑا سبب کفر و شرک کے بعد اس میں پا یا جانے والا کرپشن، غبن، ناپ تول میں کمی اور خیانت تھا۔ جب کسی معاشرے کے اندر، دوسروں کے حقوق غصب کرنے، ان میں کمی کرنے اور خیال نہ رکھنے کی فضاء پیدا ہوجائے تو ایسا معاشرہ از خود فساد کی طرف بڑھتا ہے ۔

انہوںنے مزید کہاکہ ایسی ظالمانہ فضا میں پرورش پانے والے ہمیشہ دوسروں  کا حق مارنے کی تگ و دو میں رہتے ہیں۔ وہ اپنے ذمے دوسروں کے حقوق کی ٹھیک ادائیگی کی کبھی فکر نہیں کرتے۔ جس کی وجہ سے سماجی اور معاشرتی رویوں میں بگاڑ آتا ہے۔ دشمنیاں جنم لیتی ہیں اور فساد کی نئی نئی شکلیں پیدا ہوتی ہیں آج ہماری قوم مہنگائی اور ہوش ربا گرانی کے جس عذاب سے دوچار ہے وہ اسی کرپشن اور خیانت کا شاخسانہ ہے جس کی آوزیں ہر سمت سے اُٹھ رہی ہیں۔ شاید ہی کوئی شعبہ اور محکمہ ایسا ہو جو کرپشن سے خالی ہو۔ اگر کوئی درد مند اس کی نشاندہی کرتا ہے تو اس کی آواز صدابہ صحرا ثابت ہوتی ہے اور بسا اوقات یہ نشاندہی خود اس کے لئے وبال جان بن جاتی ہے، جس شخص کے پاس جس قدر اختیار و اقتدار ہے اس کے پرپشن کا حجم عموماَ اسی قدر بڑا ہوتا ہے اس عمل کا نتیجہ گرانی اشیاء کی شکل میں ہم سب کے سامنے ہے کہ ایک عام آدمی کے لئے زندگی کی بنیادی ضرورتوں کو پورا کرنا مشکل ہورہا ہے۔ جب تک صاحب اقتدار اور صاحب اختیار طبقہ اس وبا کو ختم نہیں کرے گا اور اصلاح احوال کے لئے فوری اقدامات اور کوشش نہیں کرے گا۔ گرانی مہنگائی اور قحط کے عذاب سے چھٹکارا حاصل نہیں کیا جاسکتا۔
بیان کے آخر میں کل کے کراچی میں پانچ بچوں کی حلاکت پر اظہار افسوس کیا اور دعا مغفرت کرتے ہوئے کہا کہ اللہ تعالیٰ ان کو جنت فردوس میں جگہ عطا ء فرمائیں اور ان پسماندگان کو صبر جمیل عطاء فرمائیں۔

وحدت نیوز(کوئٹہ) مجلس وحدت مسلمین کوئٹہ ڈویڑن کے میڈیا سیل سے جاری شدہ بیان میں سابق وزیر قانون آغا رضا نے کہاہے کہ اعلیٰ تعلیم کو فروغ دینا حکومت کی ذمہ داری ہے، ہم تعلیم کے اعتبار سے مشکلات سے دوچار ہیں، حکومت شعبہ تعلیم میں ترقی کیلئے مزید کام کریں۔ کسی بھی ملک و قوم کی ترقی کیلئے تعلیم ضروری ہے اسکے بغیر ترقی ممکن نہیں۔ تعلیم سے محرومی جہالت اور پسماندگی کے اصل اسباب ہیں ۔ تعلیم کے ذریعے نہ صرف قومیں اپنا معیار زندگی بناتی ہیں بلکہ ملک و معاشرے کیلئے بہترین تعلیم افرادی قوت بھی فراہم کرتی ہے اور یہی قوت زندگی کے مختلف شعبوں میں مثبت کردار ادا کرتی ہے۔ تعلیم یافتہ افراد ملت کا سرمایہ ہیں۔

انہوں نے کہاکہ انہیں لوگوں سے ملک و قوم کو ترقی کے نئے راستے ملتے ہیں اور یہی وہ لوگ ہیں جنہیں کسی طور نظر انداز نہیں کیا جا سکتا۔ بیان میں مزید کہا گیا کہ اسکولوں کے نئے سال کا آغاز ہو رہا ہے۔ بچوں میںحصول علم کی امنگیں بے تحاشا ہیں اور وہ اپنے مقصد تک پہنچنے کیلئے بے تاب ہیں۔ چھٹیوں کے دوران بھی ان بچوں کا مقصد اپنے وقت سے صحیح استفادہ کرتے ہوئے اپنی قابلیت کو نکھارنے میں مصروف عمل رہے۔ تعلیم بچوں کی ذہنی و فکری تربیت کا ایک ذریعہ ہے، والدین کی ذمہ داری بنتی ہے کہ سکول کے علاوہ بھی اپنے بچوں کی تربیت کیلئے مختلف سرگرمیوں میں انہیں مشغول رکھیں۔  بیان میں کہا گیا کہ اس بات میں کوئی شک نہیں کہ تعلیم ہی ترقی کے راستیں ہموارکرتا ہے اور ہمیں ان راستوں پر گامزن کرتا ہے۔ تعلیم وہ واحد چیز ہے جسکی اہمیت سے کوئی بھی شخص انکار نہیں کر سکتااور یہی چیز کسی شخص کی تربیت اور شخصیت کی تکمیل کا راستہ ہے جسے حاصل کرکے ہم ترقی کی سڑھیوںپر چڑھ سکتے ہیں۔ بیان کے آخر میں کہا گیا کہ بچوں کو چاہئے کہ تعلیم سے اپنی محبت کبھی ختم نہ ہونے دے اور حصول علم کے اس شمع کو کبھی بجنے نہ دے اور اپنی تعلیم پر توجہ دیتے ہوئے ہمیں ایک سنہرا پاکستان بنا کر دیکھائیں ۔

وحدت نیوز(اٹک) مجلس وحدت مسلمین شعبہ خواتین ضلع اٹک کے یونٹ سنجوال کے زیر اہتمام وفات حضرت ام البنین ع کے موقع پر مجلس عزا کا انعقاد کیا گیا جس سے محترمہ چمن فاطمہ نے خطاب کیا،اپنے بیان میں آپ نے جناب ام البنین ع کی سیرت کو کردار پر روشنی ڈالتے ہوے کہا کہ جناب ام البنین سلام اللہ علیھا ایسی بہادر اور دین شناس خاتون تھیں کہ جنھوں نے اپنے چاروں بیٹے راہ اسلام میں قربان کر دیے، آپؑ نہ فقط خود مطیع امامؑ تھیں بلکہ اپنی اولاد کی بھی ایسی تربیت کی کہ ان سے بڑھ کر مطیع و وفادارِ امامؑ کوئ نہ گزرا   آپؑ کی سیرت خواتین کے لیے مشعل راہ ہے۔

وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا ہے کہ اسرائیل کی اسلام دشمنی کسی سے پوشیدہ نہیں۔یہودی و نصاری امت مسلمہ کو نقصان پہچانے کا کوئی موقعہ ہاتھ سے نہیں جانے دیتے۔اسرائیل سے اچھائی کی امید رکھنا سوائے خام خیالی کے اور کچھ نہیں،انہوں نےپاکستان کے سابق صدر پرویز مشرف کے ا س بیان پر کڑی تنقید کی جس میں سابق صدر نے کہا کہ بھارت کا مقابلہ کرنے کے لیے اسرائیل سے تعلقات بہتر کرنے ہوں گے۔

 علامہ ناصر عباس جعفری نے کہا کہ اسرائیل سے تعلق کی بات نظریہ پاکستان کی نفی اور قائد اعظم کے فرمودات سے انحراف ہے۔ اسرائیل اور بھارت ایک ہی سکے کے دورُخ ہیں اور انہیں مسلمانوں کو معاشی و معاشرتی طور پر تباہ کرنے کے لیے امریکی آشیر باد حاصل ہے۔فلسطینی مسلمانوں پر اسرائیلی مظالم کی طویل فہرست بہت بھیانک ہے۔یہ تینوں ممالک عالمی دہشت گرد اور اپنے مفادات کے یار ہیں۔تاریخ گواہ ہے کہ ان کی دوستی سے کبھی کسی کو فائدہ نہیں پہنچا۔

انہوں نے کہا پاکستان کے مفادات کے خلاف اسرائیل نے ہمیشہ زہر اگلا ہے۔امریکہ مشرق وسطی میں اسرائیلی بالادستی کے خواب دیکھ رہا ہے اور جو لوگ اسرائیل سے دوستی کا راگ الاپنے میں مصروف ہیں وہ دراصل امریکہ کی خوشنودی حاصل کرنا چاہتا ہیں۔سابق صدر شاید ابھی تک اس مغالطے میں ہیں کہ پاکستان میں اقتدار کی راہ امریکی اطاعت کے بغیر ممکن نہیں۔انہوں نے کہا کہ سابق وزراء اعظم اور صدور کو چاہیے کہ وہ بیان جاری کرتے وقت قومی سلامتی جیسے حساس امور کو پیش نظر رکھیں۔ملک دشمن طاقتیں انہی بیانات کو بنیاد بنا کر پاکستان کے تشخص کو نقصان پہنچانے کی کوشش کرتے ہیں۔انہوں نے کہا کہ ان شخصیات کے خلاف حکومتی سطح پر فوری کاروائی کی ضرورت ہے جو پاکستان کے خلاف عالمی سازشوں کا حصہ ہیں۔

وحدت نیوز (لاہور) بھارت اپنے انجام کی طرف بڑھ رہا ہے،مظلوم کشمیریوں کا لہو ضرور رنگ لائے گا اور جنت نظیر کشمیر کی آزادی دور کی بات نہیں،ہم شہید پرور قوم ہیں،کسی بھی بھارتی جارحیت ہندوستان کی تباہی و بربادی کا سبب بنے گا،قوم متحد ہیں اور اپنے محافظوں کیساتھ ہیں،ان خیالات کا اظہار مجلس وحدت مسلمین پنجاب کے سیکرٹری سیاسیات سید حسن کاظمی نے اجلاس سے خطاب میں کیا۔

 انہوں نے کہا وطن عزیز پر کسی بھی دشمن کی طرف سے جارحیت کو برادشت نہیں کریں گے،دفاع وطن ہمارا شرعی فریضہ ہے،امریکہ بھارت اسرائیل عالم انسانیت کے لئے کینسر کے مانند ہے،سید حسن کاظمی نے کہا کہ مسلمانان مظلومین کشمیر کے خون سے ہولی کھیلنے والوں کا عبرت ناک انجام قریب ہیں انشااللہ پوری قوم اپنے مظلوم کشمیری بھائیوں کی پشت پر ہے۔

Page 1 of 883

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree