وحدت نیوز (ٹنڈوالہیار) مجلس وحدت مسلمین پاکستان شعبہ خواتین کی مرکزی سیکرٹری روابط محترمہ سیمی نقوی نے ضلع ٹنڈو الہ یار کے علاقے مٹھن شاہ پاڑو میںایم ڈبلیوایم شعبہکا  یونٹ قائم کیا ، اس تنظیمی نشست میں محترمہ سلمیٰ عبدالرزاق کو یونٹ سیکرٹری جنرل منتخب کیا گیا۔ بعد ازاں پوری کابینہ کا چناو کیا گیااور حلف برداری ہوئی، اس موقع پر مجلس وحدت مسلمین (شعبہ خواتین ) مرکزی سیکرٹری نشرواشاعت کی معاون محترمہ ارم اور محترمہ غزالہ جعفری بھی موجود تھیں،جنہوں نے نو منتخب کابینہ کی مختلف تنظیمی امور میں راہنمائی کی۔

وحدت نیوز (نصیرآباد) خیرالعمل ویلفیئر اینڈ ڈیویلپمنٹ ٹرسٹ شعبہ فلاح وبہبود مجلس وحدت مسلمین پاکستان کی جانب سے باری شاخ ضلع نصیرآباد بلوچستان میں تین متاثرہ مومنین کے جل کر تباہ ہوئے ہوئے گھروں کی تعمیر نوکا آغاز،تینوں متاثرہ مومنین کو 2، 2کمروں پر مشتمل گھر بناکردیئے جائیں گے،خیر العمل ویلفیئر اینڈ ڈیولپمنٹ ٹرسٹ کے وائس چیئرمین مسرت کاظمی اور ایم ڈبلیوایم بلوچستان کے صوبائی سیکریٹری جنرل علامہ برکت علی مطہری کی خصوصی توجہ اور کوششوں سے تینوں متاثرہ مکانوں کی تعمیر نو پر متاثرہ مومنین نے دلی مسرت اور شکریہ کا اظہار کیاہے، صوبائی ڈپٹی سیکرٹری جنرل بلوچستان علامہ سید ظفر عباس شمسی نے سنگ بنیاد رکھ کر مکانوں کی تعمیر نو کے کام کا باقائدہ آغاز کردیا ہے۔

وحدت نیوز(کراچی) مجلس وحدت مسلمین صوبہ سندھ کے پولیٹیکل سیکریٹری سید علی حسین نقوی نے تمام اضلاع کے سیکریٹری جنرل اور پولیٹیکل سیکریٹری صاحبان کو آمدہ بلدیاتی انتخابات 2019کی بھرپور تیاری کی ہدایات جاری کی ہیں ، صوبائی سیکریٹریٹ سے جاری اپنے ایک پیغام میں انہوں نے کہاکہ ملک بھرمیں بلدیاتی انتخابات کا جلد انعقاد متوقع ہےلہذٰا سندھ کے تمام اضلاع اپنی ترجیحات کا فوری تعین کرکے ٹارگٹڈیونین کونسلز کی فہرستیں مرتب کرکے انتخابی پینلزکی تشکیل کا عمل شروع کردیںاور شعبہ سیاسیات سندھ مکمل رپورٹ جلد ارسال کریں ۔

علی حسین نقوی نے کہاکہ سندھ بھر میں بلدیاتی نظام مفلوج ہے، عوام پانی ، بجلی ، گیس اور دیگر ضروریات زندگی سے محروم ہیں ، جگہ جگہ گندگی کے ڈھیر شہریوں کے لئے وبال جان بننے ہوئے ہیں، پیپلز پارٹی، ایم کیوایم کی آپسی لڑائی نے کراچی سمیت پورے سندھ میں انتظامی بے ضابطگیوں کی سنگین مثالیں قائم کی ہیں ، انہوں نے مزید کہاکہ ایم ڈبلیوایم صوبہ سندھ میں بلدیاتی انتخابات میں بھرپور حصہ لے گی، تاحال کسی بھی سیاسی ومذہبی جماعت کے ساتھ الائنس یا سیٹ ایڈجسٹمنٹ کا حتمی فیصلہ نہیں کیا گیاہے،مرکزی پولیٹیکل کونسل کی مشاورت کے بعد باقائدہ اعلان کیا جائے گا۔

وحدت نیوز(دادو) مجلس وحدت مسلمین سندھ کے سیکریٹری جنرل علامہ مقصود علی ڈومکی نے گوزو میں سندھ کے نامور بزرگ عالم دین علامہ محمد رضا نجفی کی وفات پر ان کے فرزند علامہ محمد صادق روحانی اور دیگر ورثاء سے تعزیت کی، علامہ مقصودڈومکی نے مرحوم کے ایصال ثواب کیلئے فاتحہ خوانی اور مغفرت کی دعا کی، اس موقع پر ایم ڈبلیو ایم کے ضلعی سیکرٹری جنرل برادر اصغرعلی حسینی بھی ان کے ہمراہ تھے ، علامہ مقصود علی ڈومکی نے کہا کہ علامہ محمد رضا نجفی کی وفات سے سندھ ایک درویش صفت بزرگ عالم دین سے محروم ہوگیا۔ تبلیغ مذہب اہل بیت ع کے حوالے سے ان کی خدمات کو ہمیشہ یاد رکھا جائے گا۔

وحدت نیوز(کراچی) مجلس وحدت مسلمین سندھ کے سیکریٹری جنرل علامہ مقصود علی ڈومکی کی سربراہی میں ایم ڈبلیو ایم کے وفد کی گورنر سندھ عمران اسماعیل سے گورنر ہاؤس میں ملاقات ،وفد میں صوبائی سیکریٹری سیاسیات برادر علی حسین نقوی، علامہ محمد صادق جعفری ،علامہ مبشر حسن ،میر تقی ظفر اور ریاض حسین اوربھی شریک تھے، جبکہ ملاقات میںپاکستان تحریک انصاف کے رہنما اور اپوزیشن لیڈر سندھ اسمبلی سید فردوس شمیم نقوی بھی موجود تھے، اس موقع پر وفد نے گورنر کو اہم قومی مسائل کی نشاندہی کی۔اس موقع پر ایم ڈبلیوایم کے رہنماؤں نے گورنر سندھ سے گفتگو کرتے ہوئے کہاکہ مجلس وحدت مسلمین پاکستان نے ملت جعفریہ کی نمائندہ جماعت کی حیثیت سے ہمیشہ وطن عزیز پاکستان کی ترقی اور سربلندی کے لئے جدوجہد کی ہے۔ ملک دشمن دھشت گردوں نے جہاں پاک فوج، پولیس اور عوام کو اپنی دھشت گردی کا نشانہ بنایا وہاں سب سے زیادہ نشانہ اہل تشیع کو بنایا گیا۔ ہم نے دھشت گردی کے خلاف اور امن و اتحاد کے فروغ کے لئے ہمیشہ جدوجہد کی ہے۔

رہنماؤں نے لاپتا افراد کے معاملے پر سندھ میں کسی بھی قسم کی پیش رفت ناہونے پر تشویش کا اظہار کیا، انہوں نے کہاکہ شیعہ مسنگ پرسنز کی گمشدگی کا معاملہ روز بروز گھمبیر صورتحال اختیارکررہاہے،متعدد مسنگ پرسنز کے بزرگ والدین زندگی وموت کی کشمکش میں مبتلا ہیں، بحیثیت گورنر سندھ آپ اس جانب خصوصی توجہ فرمائیں اور وفاقی وزیر انسانی حقوق ڈاکٹر شیریں مزاری سے بھی اس ایشو پر بات چیت کریں۔

ایم ڈبلیوایم کے رہنماؤں نے کہاکہ کراچی میں ایک دفعہ پھر شیعہ کلنگ کا سلسلہ شروع ہوچکا ہے مگر اس کے باوجود ہمارے علمائے کرام ، ذاکرین عظام کی سیکورٹی کلوز ہے اور ابھی تک سکیورٹی واپس نہیں کی گئی۔ جبکہ ملت جعفریہ کراچی میں ماضی میں بھی خصوصی طور پر دھشت گردی کا نشانہ بنی ہے ہمارے رہنماعلامہ دیدار علی جلبانی شہید سمیت کئی کارکن دھشت گردی کا نشانہ بنے ہیں اس لئے ہمارے علماء کی سیکورٹی جلد واپس کی جائے ،سانحہ شکارپور اور جیکب آباد کے بعد سندہ حکومت نے وارثان شہداء سے ایک تحریری معاہدہ کیا تھا، یہ تحریری معاہدہ قیام امن اور فروغ امن کے حوالے سے اہمیت کا حامل ہے۔ اس معاہدے پر عمل در آمد کیا جائے ، دھشت گردی کے مسلسل سانحات کے باعث ہماری مساجد امام بارگاہوں اور شخصیات کو سیکورٹی دی گئی ، جس کے واضح تحریری احکامات موجود ہیں، مگر موجودہ ایس ایس پی شکارپور نے اہم مقامات سے سیکورٹی کلوز کرلی ہے جس کے باعث عوام اور خصوصا اہل تشیع میں شدید تشویش پائی جاتی ہے۔ کلوز شدہ سیکورٹی واپس دی جائے اور شکارپور کے متعصب پولیس افسر کے خلاف کاروائی کی جائے۔ یاد رہے کہ ایس پی ساجد امیر سدوزئی جہا ں بھی رہے ان کی شہرت ایک شیعہ مخالف افسر کی رہی، جس کے ثبوت موجود ہیں ۔

رہنمائوں نے گورنر سے گفتگو کرتے ہوئے کہاکہ سندہ کے بعض اضلاع میں مقامی انتظامیہ کے غلط اطلاعات کے سبب بعض ایم ڈبلیوایم کے رہنمائوں ، فعال سیاسی وسماجی شخصیات اور عزاداران حسینیؑ کے نام شیڈول فور میں ڈالے گئے ہیں۔ مثلا کراچی میں ہمارے بزرگ عالم دین علامہ شیخ حسن صلاح الدین کا نام بلاجواز شیڈول فورمیں شامل کیاگیا،شکارپور ہی میں پرامن احتجاج کے جرم میں وارثان شہداء فداعباس اور سکندر علی جبکہ میرپور خاص میں ہمارے مقامی رہنما راجہ اسد اور سید بشیر حسین شاہ کا نام شیڈول فور میں دیا گیاہے، ناموں فہرست ہم پیش کریں گے، شیڈول فور میں ناموں کے اندراج کے حوالے سے تجدید نظر اور ایک مکینزم بنانے کی ضرورت ،خیرپور میں28 صفر کو قدیمی جلوس عزابرآمد ہوتا ہے جس پر ایک کالعدم گروہ کے پریشر میں آکراس سال بلاجوازایف آئی آر درج کی گئی جبکہ جلوس کی باقائدہ پرمٹ بھی موجود ہے، برائے کرام اس ایف آئی آر کوبھی خارج کیا جائے۔

گورنر سندھ عمران اسماعیل نے مجلس وحدت مسلمین کے وفد کے مسائل بغور سننےکے بعد ان کی فوری اور موثر حل اور اپنے مکمل تعاون کی یقین دہانی کروائی، انہوں نے کہاکہ ملت جعفریہ کی ملک وقوم کے لئے گراں بہاقربانیاں ہیں جنہیں ہم قدر کی نگا ہ سے دیکھتے ہیں، ایم ڈبلیوایم نے قومی سلامتی واستحکام کیلئے ہمیشہ اپنا مثبت کردار ادا کیا ہے، انشاءاللہ ملت جعفریہ کودرپیش مشکلات کے حل کیلئے فوری اقدامات کیئے جائیں گے۔

وحدت نیوز(لاہور) مجلس وحدت مسلمین پاکستان شعبہ خواتین کی مرکزی سیکرٹری تنظیم سازی محترمہ معصومہ نقوی اور ضلعی سیکرٹری جنرل لاہورمحترمہ لبنی زیدی نے ایم ڈبلیو ایم پاکستان کے مرکزی رہنما مولانا حسن ظفر نقوی سے لاھور میں ملاقات کی،اس موقع پر مولانا حسن ظفر نقوی نے شعبہ خواتین کی تنظیمی فعالیت کو سراہا اور انکی کارکردگی کو مزید بہتر بنانے کے لیے مختلف تنظیمی امور اور شعبہ جات کے حوالے سے ان کی رہنمائی بھی کی۔ علامہ صاحب نے مجلس وحدت مسلمین پاکستان کے حوالے سے گفتگو کرتے ہوۓ کہا کہ ھم سب کو مل کر اللہ کی رضا کی خاطر سربراہ ایم ڈبلیو ایم پاکستان راجا ناصر عباس جعفری کا بھر پور ساتھ دینا چاہئے کیونکہ میں جانتا ہوں کہ وہ اپنے مشن اور ہدف میں صادق اور خالص ہیں۔