وحدت نیوز(کوئٹہ) مجلس وحدت مسلمین کوئٹہ ڈویژن سے جاری کردہ بیان کے مطابق حلقہ پی بی 2 کوئٹہ 2 کے عوامی نمائندے اوررُکن صوبائی اسمبلی آغا محمد رضا نے تقریب بین المسالک کے شیعہ سنی جوانوں کے ایک وفدسے خطاب کرتے ہوئے کہاکہ پاکستان میں کہیں بھی شیعہ سنی کا کوئی مسئلہ نہیں۔ پاکستان میں شیعہ اور سنی مسلمانوں کے قتل میں ایک ہی تکفیری گروہ ملوث ہے۔ جس کا کام پاکستان میں شیعہ سنی مسلمانوں میں اختلافات کی باتیں کرکے دوریاں پیداکرناہے۔ایسے نام نہادتنگ نظراورمتعصب گروہوں کاوجود ہی اسی میں ہے کہ وہ اختلافی باتوں سے معصوم مسلمانوں اوراپنے کارکنوں کو گمراہ کریں۔ لیکن پاکستان کے محب وطن مسلمان اب اپنے مشترکہ دشمن کوپہچان چکے ہیں اوریہی وجہ ہے کہ اس مشترکہ تکفیری گروہ کے ناپاک عزائم کوشیعہ سنی عوام اپنے اتحادسے ہرمیدان میں ناکام بنارہی ہے۔ جولوگ پاکستان میں شیعہ سنی میں اختلاف کی بات کرتے ہیں وہ پاکستان دشمن، اسلام دشمن اورانسان دشمن طاقتوں کے آلہٗ کارہیں۔

ایک سوال کے جواب میں انہوں نے کہاکہ ہزارہ قوم پُرامن ، تعلیم یافتہ، روشن فکر، ترقی پسند، دوسری اقوام، مذاہب و مسالک کے عقائد و نظریات کااحترام کرنے والی دیندارقوم ہے۔ ہزارہ قوم کا انتہاپسندی اورشدت پسندی سے دوردورتک کبھی بھی کوئی واسطہ نہیں رہا۔ ہزارہ قوم کا دین مبین اسلام سے والہانہ لگاؤ اورپاکستان سے محبت ہی ہے جس کی وجہ سے گزشتہ دودہائیوں سے کوئٹہ میں اسلام دشمن تکفیریوں کی دہشت گردانہ کاروائیوں اوربربریت کا نشانہ بن رہی ہے۔لیکن اس کے باوجودہزارہ قوم نے آج تک قانوں کواپنے ہاتھ میں نہیں لیا۔اورامن کا ساتھ نہیں چھوڑا۔

انہوں نے مزیدکہاکہ ہزارہ قوم سیاسی و دینی شعوررکھتی ہے اور امن کی راہ میں ہزارو جانوں کا نذرانہ پیش کرکے بلوچستان میں امن کے قیام میں بھرپورکردار ادار کرتی آرہی ہے۔لہٰذاہزارہ قوم کو کوئٹہ کے ایک حلقہ تک محدودو تنہائی کا شکارکرنے اور اخبارات میں پُرامن ہزارہ قوم کے بارے میں مسلسل غیرذمہ دارانہ بیانات دے کر ہزارہ قوم کی بدنامی کاباعث بننے والاگروہ ہزارہ قوم کوجھوٹ کی بنیادپرمزیدتاریکی میں نہیں رکھ سکتا۔ہزارہ قوم اب اخباری سیاست کرنے والوں کے مکروفریب اورپروپیگنڈے میں نہیں آئے گی۔

انہوں نے کہاکہ مجلس وحدت مسلمین ملک گیرسیاسی جماعت ہے۔ جوکوئٹہ میں آبادہزارہ اوردیگرمومنین کوکبھی تنہانہیں چھوڑے گی۔ مجلس وحدت مسلمین نے ہمیشہ سچ اورمظلوم کی حمایت کی سیاست کی ہے۔یہی وجہ ہے کہ بعض گروہ ایم ڈبلیوایم کے سنی شیعہ کے مابین اتحاد، ہزارہ قوم کو پاکستان بھرکے اقوام کے ساتھ یکجاکرنے، قومی سیاسی ومذہبی انتہاپسندی کے خلاف عملی جدوجہدکرنے جیسی اقدامات سے بوکھلاہٹ کاشکار ہوچکے ہیں۔اورڈوبی ہوئی سیاسی ساکھ کوتنکے کا سہارادینے کے لئے جھوٹ کی بنیادپر اخبارات اورسوشل میڈیامیں غیرذمہ دارانہ انتہاپسندانہ بیانات دینے پراترآئی ہے۔اپنے آپ کو سیاست کے میدان کا کھلاڑی کہلانے والوں سے ہزارہ قوم یہ پوچھنے پرحق بجانب ہے کہ اخبارات میں پرامن ہزارہ قوم کے خلاف بیانات دے کردراصل یہ گروہ کن دہشت گردوں کا ساتھ دے رہاہے؟

وحدت نیوز(کوئٹہ) مجلس وحدت مسلمین کوئٹہ ڈویژن سے جاری کردہ بیان کے مطابق رُکن صوبائی اسمبلی آغا محمد رضا نے اپنے ایک بیان میں کہا ہے کہ پاسپورٹ اورشناختی کارڈ کا حصول ہرپاکستانی کا قانونی حق ہے۔ لیکن بلوچستان میں ہزارہ اور پشتون اقوام کے لئے اس کا حصول ناممکن بنادیاگیاہے۔ اور گزشتہ کئی سالوں سے پاسپورٹ آفس رشوت خوری اوربدعنوانی کا گڑھ بن چکا ہے۔ اِس گھناؤنے کاروبارمیں پاسپورٹ آفس کاتمام عملہ برابرکاشریک ہے۔

اُن کا کہناتھاکہ پاسپورٹ آفس کے عملے اورکمیشن خورمافیاکی ملی بھگت سے معصوم پاکستانیوں خصوصاً ہزارہ اورپشتونوں کو دونوں ہاتھوں سے لوٹاجارہاہے۔ بدعنوانی اوررشوت ستانی کے خلاف کاروائی کرنے والے وفاقی ادارے خاموش تماشائی بنے ہوئے ہیں۔پاسپورٹ آفس میں درخواست گزاروں کو دانستہ طورپرتنگ کیاجاتاہے۔ اوران سے ایسی دستاویزات طلب کی جاتی ہیں جن کا پاسپورٹ کے حصول سے کوئی تعلق بھی نہیں۔دستاویزات مکمل ہونے کے باوجودفارموں کو پولیس کی تصدیق کے لئے بھیج دیاجاتاہے۔انہوں نے کہاکہ پنجاب میں پاسپورٹ کے حصول کے لئے صرف قومی شناختی کارڈ دکھاناہی کافی ہوتاہے جبکہ کوئٹہ میں ہزارہ پشتون دشمنی اور رشوت خوری کے دروازے کھلے رکھنے کے لئے پاسپورٹ آفس میں من مانی خودساختہ قوانین متعارف کئے جاتے ہیں۔ جس کے نتیجے میں پاسپورٹ کے حصول کے لئے درخواست گزاروں کو پاسپورٹ آفس کے مہینوں چکرکاٹنے پڑتے ہیں۔

انہوں نے کہاکہ پاکستان میں بسنے والے دیگراقوام کی طرح ہزارہ اورپشتون اقوام بھی پاکستانی ہیں اورپاکستان کی ترقی و خوشحالی میں دیگراقوام کی طرح ہزارہ پشتون اقوام کی بھی بے پناہ قربانیاں ہیں۔انہوں نے وزارت داخلہ سے مطالبہ کیاکہ پاسپورٹ اورشناختی کارڈ کے حصول کوآسان بنانے کے لئے بلوچستان میں بھی وہی قوانین لاگوکیئے جائیں جوپنجاب کے عوام کے لئے ہیں۔ انہوں نے مزیدکہاکہ پاسپورٹ اورشناختی کارڈکے فارم کوپولیس کے پاس تصدیق کے لئے نہ بھیجاجائے بلکہ اس کے لئے عوامی نمائندوں یاکونسلروں سے تصدیق کو ہی کافی سمجھاجائے۔آغارضاکاکہناتھاکہ پاسپورٹ اورشناختی کارڈ کے حصول کے لئے وضع کئے گئے خودساختہ قوانین کواگرختم نہ کیاگیاتووزارت داخلہ کے خلاف سپریم کورٹ میں کیس دائرکیاجائے گااوروہاں کرپشن کے ثبوت فراہم کئے جائیں گے۔

وحدت نیوز(کوئٹہ) مجلس وحدت مسلمین کوئٹہ ڈویژن سے جاری کردہ بیان کے مطابق حلقہ پی بی 2 کوئٹہ 2 کے عوامی نمائندے اوررُکن صوبائی اسمبلی آغا محمد رضا نے اہلیان محلہ گلزاری اورمری آبادکے علاقوں میں بزرگواورجوانوں سے اپنے خطاب میں کہا کہ پاکستان کے تمام مظلوموں کوامن و استحکام ، اقوام و مذاہب ومسالک کے مابین ہم آہنگی اوررواداری کے لئے متحدکرے گی۔

ہزارہ قوم کو پاکستان کے مومنین کے ساتھ دنیاکی کوئی طاقت جدانہیں کر سکتی۔ملت جعفریہ پاکستان کاہمارے ساتھ گھروں سے باہرآناباعث ہوا کہ کوئٹہ میں شہداء کے لواحقین کے دھرنے کامیاب ہوئے۔مومنین کے ساتھ کوئٹہ اورپاکستان کے ملت جعفریہ کی طاقت وحمایت تھی کہ ہم نے دھرنوں کے دوران شدیددباؤکے باوجودشہداء کے لواحقین کی دلی خواہشات کے مطابق صوبائی ووفاقی نمائندوں کے ساتھ کامیاب مذاکرات کئے۔

ناہل سابقہ حکمرانوں کی خیانتوں اورناقص منصوبہ بندی کی وجہ سے کوئٹہ کے عوام آج گیس اورپانی کے مشکلات سے دوچارہیں۔ عربوں روپے مالیت کے پائپ سابقہ حکومتوں کے دورحکومت میں زیرزمین دفن کردیئے گئے۔موجودہ صوبائی حکومت کی کوششوں سے انشاء اللہ بلوچستان سے محرومیوں اورناانصافیوں کا خاتمہ ہوگا۔دہشت گرد؛فوج، سیکیورٹی اہلکاروں، صحافی برادری، اقلیتوں اورپاکستان کے مظلوم عوام کی مشترکہ دشمن ہے۔ پاکستان کے آئین کاانکارکرنے والوں کے ساتھ مذاکرات کی بجائے سختی سے نمٹاجائے۔اب وقت آچکاہے کہ پاکستان دہشت گردوں کے خلاف کاروائی کرکے دنیاکوبتادے کہ وہ امن بلاک کاحصہ ہے۔

معصوم جوانوں کو انتہاپسندی اوردہشت گردی کی جانب راغب کرنے والوں کے پاس انسانی فلاح اورپاکستان کی ترقی کے لئے کوئی پروگرام نہیں۔اللہ کے نبی ؐ اوراصحابؓ نے طاقت کے زورپرنہیں بلکہ اپنے کرداراوراخلاق سے جہالت کی تاریکی میں ڈوبی عرب کے جاہل ، پسماندہ اورجنگ زدہ معاشرے میں امن و سلامتی ، دوستی، محبت اورعلم و ترقی کے چراغ روشن کئے۔زبردستی اپنے عقائددوسروں پرمسلط کرنے والے ملک میں مثبت تبدیلی کے لئے جب تک اللہ کے نبی ؐ کی راہ نہیں اپنائیں گے کامیاب نہیں ہوں گے۔

وحدت نیوز(کوئٹہ) مجلس وحدت مسلمین کوئٹہ ڈویژن سے جاری کردہ بیان کے مطابق حلقہ پی بی 2 کوئٹہ کے عوامی نمائندے اوررُکن صوبائی اسمبلی آغا محمد رضا نے اہلیان محلہ امام رضا میں بزرگواورجوانوں سے اپنے خطاب میں کہا کہ یہ مجلس وحدت مسلمین اورپاکستان بھرکے ملت جعفریہ کی عظیم طاقت تھی جس کی وجہ سے وفاقی حکومت مجبورہوئی کہ وہ وزیرداخلہ کودھرنے میں بیٹھے شہداء کے لواحقین کے پاس مذاکرات کے لئے بھیجے۔امن کی راہ میں شہیدہونے والوں کے لواحقین اورورثاء کوہم نے کبھی بھی تنہانہیں چھوڑا۔ اُن کی ہرممکن مددکرتے آرہے ہیں اوران کے فلاح و بہبودکے لئے نئے منصوبوں کا اعلان بھی کریں گے۔مجلس وحدت مسلمین ملت جعفریہ کی واحدسیاسی جماعت ہے جس نے پاکستان میں بسنے والے ہرقوم وقبیلہ کے لوگوں کویکجاکیاہواہے اورہرقوم کے حقوق کے لئے عملی جدوجہدبھی کررہی ہے۔یہی وجہ ہے کہ ایم ڈبلیوکی ایک کال پرملک بھرسے لوگ اپنے گھروں سے باہرآئے اورکوئٹہ کے شہداء کے لواحقین کے ساتھ اظہاریکجہتی کے لئے دھرنوں میں شریک ہوئے۔

ہزارہ قوم محب وطن، امن پسند، ترقی پسند، علم دوست، اقوام و مسالک کااحترام کرنے والی مظلوم اورستم دیدہ قوم ہے۔ہزارہ قوم جیواورجینے دوکے اصولوں پریقین رکھتی ہے۔ گزشتہ چار انتخابات میں کے شکست خوردہ اورمستردشدہ اخباری جماعت کی طرف سے ہزارہ قوم کے بارے غیرذمہ دارانہ بیانات ہزارہ دشمنی اورہزارہ قوم کوبدنام کرنے کی مذموم سازش ہے۔پاکستان میں جاری دہشت گردی کاکسی بھی قوم، قبیلے یا مسلک سے کوئی تعلق نہیں۔مٹھی بھردہشت گردجوپاکستان کی آئین کوتسلیم نہیں کرتے ۔ پاکستان میں بسنے والے دیگرمذاہب کے عقائدکوباطل تصورکرتے ہیں۔اپنے باطل نظریات و عقائدکوزبردستی معصوم پاکستانی عوام پرمسلط کرناچاہتے ہیں۔ ایسے ملک دشمن، اسلام دشمن، انسان دشمن اورامن دشمن دہشت گردوں کے ساتھ مذاکرات کی بات کرناپچاس ہزارشہداء کے خون کے ساتھ غداری کے مترادف ہے۔

ہماراراستہ حق کا راستہ ہے۔ امن کا راستہ ہے۔ قومی، مذہبی، مسلکی و سیاسی رواداری اوربرداشت کا راستہ ہے۔تنگ نظردہشت گردہماری نسل کُشی کرکے پاکستان سے ہمیں ختم نہیں کرسکتی۔نہ ہمیں دہشت گردانہ حملوں سے خوف زدہ کرسکتے ہیں۔ شہیدہوناہمارے لئے سعادت کا باعث ہے اوررہے گا۔ پاکستان میں قیام امن کے لئے، اقوام و مذاہب ومسالک کوقریب لانے کے لئے ہم اپنے خون کی قربانی دیتے رہیں گے۔ دہشت گردہماری جانیں لینے سے تھک جائیں گے لیکن ہم قربانی دینے سے نہیں تھکیں گے۔آخرمیں انہوں نے اہلیان محلہ اورمجلس کے کارکنوں پرزوردیاکہ وہ 2 فروی کے \" پیام شہداء اوراتحادملت کانفرنس\" میں اپنی بھرپورشرکت کویقینی بنائیں۔ کانفرنس سے کوئٹہ میں شیعہ سنی اتحادوبھائی چارے ، قومی، مذہبی اورفرقہ وارانہ ہماہنگی اوررواداری کوفروغ ملے گا۔

وحدت نیوز(کوئٹہ) مجلس وحدت مسلمین کوئٹہ ڈویژن سے جاری کردہ بیان کے مطابق کوئٹہ ڈویژن کی کابینہ کے عہدیداروں اوررکن صوبائی اسمبلی آغا محمد رضانے علمدار روڈنوآبادکے علاقے میں عوامی رابطہ مہم کے سلسلے میں حلقہ کے بزرگو ں اورجوانوں سے خطاب کرتے ہوئے کہاکہ2 فروری کوکوئٹہ میں منعقدہونے والا \"پیام شہداء اوراتحادامت کانفرنس \" کاسیلاب ملک سے قومی، لسانی ، مذہبی ،مسلکی تعصبات ،نفرتوں ، انتہاپسندی اوردہشت گردی کوبہاکرلے جائے گا،دہشت گردی کے خلاف شیعہ سنی اتحاد سیسہ پلائی ہوئی دیوارثابت ہورہاہے۔پاکستان بچانے اورپاکستان میں امن و امان قائم کرنے کے لئے شیعہ سنی عوام جانوں کانذرانہ پیش کررہے ہیں۔امن کے راستے میں شہیدہونے والے بے گناہ معصوم انسانوں کارائیگاں نہیں جائے گا۔ہم شہیدہونے والے شیعہ سنی عوام نیز شہیدہونے والے پاک فوج اورسیکیورٹی کے اہلکاروں کوسلام پیش کرتے ہیں۔

رکن صوبائی اسمبلی آغامحمدرضانے کہا کہ اسلام امن اورپیارکاپیغام دیتاہے۔ جوعناصرخودکُش حملے کروارہے ہیں وہ اسلام اورانسانیت کے دائرہ کارسے خارج ہیں۔ دہشت گردوں کا دوردورتک اسلام اورپاکستان سے کوئی تعلق نہیں۔ معصوم انسانوں کوٹارگٹ کلنگ کانشانہ بنانے والے اورمعصوم انسانوں پرخودکُش حملے کرنے والے انسان اورانسانیت کے دشمن ہیں۔ آغامحمدرضانے پچاس ہزارمعصوم پاکستانیوں کے قاتلوں اورمٹھی بھردہشت گردٹولے سے مذاکرت کویکسر مسترد کرتے ہوئے مطالبہ کیاکہ راولپنڈی میں سیکیورٹی فورسزپرخودکُش حملوں کے کے پیچھے ملوث دہشت گردوں کوفی الفورگرفتارکرکے عبرتناک سزادی جائے اورکہاکہ اب وقت آچکاہے کہ پاکستان اورپاکستانیوں کے مفادات کوسامنے رکھتے ہوئے اِن دہشت گردوں کے خلاف ملک کے کونے کونے میں سخت ترین کاروائی عمل میں لاکرپاکستان سے اِن دہشت گردوں کے ناپاک وجودکافوری خاتمہ کیاجائے ،رکن صوبائی اسمبلی جناب آغامحمدرضانے نے بنوں اورراولپنڈی میں شہیدہونے والے معصوم پاکستانیوں اورشہیدہونے والے سیکورٹی کے اہلکاروں کے ورثاء سے دلی ہمدردی کا اظہارکیااورشہداء کے درجات کی بلندی کے لئے دعاکی۔