وحدت نیوز(کراچی) سانحہ مستونگ کے خلاف مجلس وحدت مسلمین اور امامیہ اسٹوڈنٹس آرگنائزیشن کے زیراہتمام کراچی بھر میں پُرامن احتجاجی دھرنوں کا سلسلہ جاری ہے۔ کراچی میں نیشنل ہائی وے ملیر 15، شاہراہ پاکستان انچولی، عباس ٹاؤن، نمائش چورنگی سمیت مختلف علاقوں میں دھرنے دیئے گئے ہیں۔ ایم ڈبلیو ایم ضلع ملیر اور آئی ایس او ملیر و جعفر طیار یونٹ کے زیراہتمام جعفر طیار سوسائٹی ملیر سے ایک احتجاجی ریلی نکالی گئی، جس نے نیشنل ہائی وے ملیر 15 پہنچ کر پُرامن احتجاجی دھرنے کی صورت اختیار کر لی ہے۔ احتجاجی دھرنے میں خواتین اور بچوں سمیت شہریوں کی بڑی تعداد شریک ہے جبکہ دھرنے کے شرکاء مسلسل ماتم داری و سینہ زنی کر رہے ہیں۔ دھرنے میں شریک شہریوں کی بڑی تعداد پاکستان بھر میں جاری سنی شیعہ مسلمانوں کی نسل کشی اور حکومت کے خلاف شدید نعرے بازی کر رہے ہیں۔

احتجاجی ریلی و دھرنے سے ایم ڈبلیو ایم پاکستان کی مرکزی شوریٰ کے سربراہ مولانا شیخ حسن صلاح الدین نے خطاب کرتے ہوئے کہا کہ حکومت فوری طور پر بلوچستان بالخصوص مستونگ، دشت اور اختر آباد کے علاقوں میں دہشتگردوں کے خلاف ٹارگٹڈ آپریشن کرے جبکہ اسلام و پاکستان دشمن طالبان دہشتگردوں کے خلاف ملک بھر میں فوجی آپریشن شروع کیا جائے۔ انہوں نے کہا کہ ملک بھر میں عوام کا قتل عام کیا جا رہا ہے مگر حکومت ان دہشتگردوں کا قلع قمع کرنے کی بجائے ہزاروں پاکستانیوں کے قاتل طالبان دہشتگردوں سے مزاکرات کی بات کر رہی ہے۔ انہوں نے کہا کہ موجودہ حکومت نااہل اور بزدل ہے اگر طالبان دہشتگردوں کے خلاف فوجی آپریشن شروع نہیں کیا جاتا تو عوامی احتجاجی دھرنے اس نااہل حکومت کے اقتدار کو بہا لے جائیں گے۔ شرکاء کا کہنا تھا کہ جب تک شہدائے سانحہ مستونگ کے لواحقین کے مطالبات پورے نہیں کئے جاتے احتجاجی دھرنوں کا سلسلہ جاری رہے گا۔

وحدت نیوز(چنیوٹ) پنجاب کے مختلف اضلاع میں محرم الحرام کے دوران مختلف مقامات پر ہونے والے تنازعات اور نقص امن کے خدشات کے پیش نظر، پولیس کیمطابق، خطرہ بننے والے افراد کے خلاف رپورٹیں درج کی گئی تھیں۔ چہلم کے بعد پنجاب پولیس نے چھاپوں کا سلسلہ شروع کیا اور اسوقت تک متعدد افراد کو گرفتار کیا ہے۔ گرفتار ہونے والوں میں مجلس وحدت مسلمین بھی شامل ہیں۔ ایم ڈبلیو ایم چنیوٹ کے ذمہ داروں نے اسلام ٹائمز کو بتایا کہ سید عاشق حسین بخاری سمیت دو رہنماوں کو گرفتار کر کے جھنگ جیل منتقل کر دیا گیا ہے۔ اپنے رہنماوں کی رہائی کے لیے مجلس وحدت مسلمین نے قانونی چارہ جوئی کے ساتھ ساتھ احتجاجی مظاہروں کا سلسلہ بھی شروع کیا ہے۔ انکا کہنا ہے کہ ضلعی انتظامیہ مسلکی تعصب کی وجہ سے ہمارے کارکنوں کے ساتھ امتیازی سلوک کر رہی ہے۔

نماز جمعہ کے بعد مسجد صاحبؑ الزمان سے لیکر تحصیل چوک تک احتجاجی ریلی نکالی گئی۔ ریلی سے سید اخلاق حسین، مولانا قاضی مرتضیٰ صاحب اور مولانا کاظم شہیدی نے خطاب کیا۔ شیعہ رہنماوں کیطرف سے انتظامیہ کو اگلے جمعے تک کا الٹی میٹم دیا گیا ہے کہ اگر مجلس وحدت مسلمین کے کارکنوں اور رہنماوں کو رہا نہ کیا گیا تو بڑے پیمانے پر احتجاج شروع کیا جائے گا۔

وحدت نیوز(بلتستان) مجلس وحدت مسلمین پاکستان بلتستان ڈویژن کے زیراہتمام ملک بھر میں جاری دہشتگردی، شیعہ نسل کشی، کراچی میں علامہ مرزا یوسف یوسف حسین پر لسانی جماعت کی جانب سے قاتلانہ حملہ، بلدیاتی امیدواروں کے قتل اور گلگت میں سانحہ چلاس کے مجرمین کی رہائی کے خلاف احتجاجی ریلی نکالی گئی۔ احتجاجی ریلی مرکزی جامع مسجد اسکردو سے شروع ہو کر یادگار شہداء اسکردو پر مقررین کی تقاریر کے بعد اختتام پذیر ہوئی۔ ریلی سے علامہ آغا علی رضوی، شیخ احمد علی نوری اور علامہ سید مظاہر حسین موسوی نے خطاب کیا۔ مقررین نے اپنے خطاب میں کہا کہ حکومت ملک بھر میں جاری دہشت گردی کو روکنے میں سنجیدہ نہیں، حکومت ہوش کے ناخون لے اور محب وطن شہریوں کی حفاظت کو یقینی بناتے ہوئے دہشت گردوں کا گھیرا تنگ کرے، کراچی میں ایم ڈبلیو ایم کے بلدیاتی امیدواروں کو دن دھاڑے گولیاں مار کر قتل کر دیا گیا، کسی کے کان پر جوں تک نہ رینگی، کراچی میں ایک مخصوص قبضہ مافیا ایم ڈبلیوایم کی سیاسی فعالیت سے خوف زدہ ہے، اگر اس نام نہاد حق پرست ٹولے ان اپنی صفوں میں موجود تکفیری دہشت گردوں کو نکال باہر نہ کیا تو ایم ڈبلیو ایم عالمی سطح پر اس دہشت گرد لسانی جماعت کے خلاف آواز حق بلند کر نے پر مجبور ہوگی۔

وحدت نیوز(گوجرہ) مجلس وحدت مسلمین کے زیر اہتمام گوجرہ میں احتجاجی ریلی نکالی گئی۔ علامہ علی محمد شاکری نے مظاہرین سے خطاب کرتے ہوئے مطالبہ کیا کہ علامہ ناصرعباس کے قاتلوں کو گرفتار کیا جائے۔ ریلی کی قیادت ایم ڈبلیوایم کے تحصیل صدر سید امیرعلی شاہ اور ڈاکٹر آغا اسد علی نے کی۔ ریلی مختلف بازاروں سے ہوتی ہوئی چوک ملکانوالہ گوجرہ پہنچ کر احتجاجی جلسہ میں تبدیل ہو گئی۔ مظاہرے کے شرکا سے سید امیر علی شاہ اور ڈاکٹر آغا اسد علی سمیت دیگر مقررین نے خطاب کرتے ہوئے دہشت گردی کی پرزور مذمت کی اور حکومت سے مطالبہ کیا کہ فوری طور پر علامہ ناصر عباس کے قاتلوں کو گرفتار کر کے قرار واقعی سزا دی جائے تاکہ آئندہ کوئی بھی دہشت گرد کسی مسلمان کو قتل کرنے کی جرات نہ کرے۔ اس موقع پرپولیس کی بھاری نفری تعینات رہی۔

وحدت نیوز ( ٹھٹھہ ) پٹرولیم مصنوعات کی قیمتوں میں اضافے کے خلاف مجلس وحدت مسلمین پاکستان کے سربراہ علامہ راجہ ناصر عباس جعفری کی ہدایت پر ڈرو میں احتجاجی ریلی نکالی گئی ، ریلی کی قیادت ضلعی سیکریٹری جنرل مختار دایو نے کی، اس موقع پرخطاب کر تے ہو ئے ان کا کہنا تھا کہ نواز حکومت نے غریب عوام پر مہنگائی کت پھاڑ توڑ ڈالے ہیں ، عوام سے منہ کا نوالا بھی چھینے کی کوشش کی جا رہی ہے، حکومت جلد از جلد پٹرولیم مصنوعات اور بجلی کی قیمتوں میں کیا جانے والا بلوجواز اضافی واپس لے ورنہ پو را پاکستان سراپا احتجاج  ہو جائے گا ۔

وحدت نیوز ( حیدرآباد ) بجلی اور پٹرولیم مصنوعات کے نرخوں میں ہو شربا اضافے کے خلاف مجلس وحدت مسلمین ضلع حیدرآباد کی جانب سے علامہ راجہ ناصر عباس جعفری کی ہدایت پر قدم گاہ مولا علی علیہ السلام سے احتجاجی ریلی نکالی گئی جس سے مولانا امداد علی نسیمی، مولانا گل حسن مرتضوی ،عالم کربلائی اور عروج تقوی نے خطاب کرتے ہوئے کہا کہ ہم اس مہنگائی کی پرزور مذمت کرتے ہیں ۔یہ حکمران جو عوام کو کوئی بھی ریلیف نہیں دے سکے بجائے عوام کو سہولت دینے کے یہ صرف دہشت گردوں کو ہی سہولت میسر کررہے ہیں جیسے کہ جیلوں سے دہشت گردوں کو بھگانہ اور گاڑیوں سے پولیس کے درمیان سے بھی بھگانا یہ حکومت کے کام رہ گئے ہیں ہر آئے دن کوئی نہ کوئی مہنگائی کا بم عوام کے سر پر گرادیتے ہیں ابھی لوگوں کو صحیح روٹی میسر نہیں تو حکومت نے آٹا، بجلی ، گیس اور پیٹرول کا بم گرایا ہے ۔یہ حکمران عوام کے ساتھ تھوڑا جھونپڑیوں میں رہ کر تو دیکھیں عوام کے ساتھ بیٹھ کرتو دیکھیں کہ لاکھوں کے بل جو امیروں کو دینے چاہئیں وہ نہیں دیتے الٹا ان غریبوں کے اوپر ڈیڈکشن لگایا جاتا ہے ہم اس بات کی بھی پرزور مذمت کرتے ہیں ۔ مجلس وحدت مسلمین پاکستان ہمیشہ غریب عوام کے ساتھ کھڑی ہے ۔