وحدت نیوز (سکردو، کچورا) مجلس وحدت مسلمین پاکستان شعبہ تبلیغات کے مرکزی سیکریٹری علامہ اعجاز بہشتی نے اسکردو حلقہ نمبر دو کچورا میں عوامی اجتماع سے خطاب کرتے ہوئے کہا مجلس وحدت مسلمین کا نعرہ گلگت بلتستان روشن اور با اختیار ہے، لہذا ہم گلگت بلتستان میں ساٹھ سال سے جاری منافقانہ سیاست کا خاتمہ کرینگے اور گلگت بلتستان کی روشن مستقبل کے لئے جدوجہد جاری رکھیں گے۔
علامہ اعجاز بہشتی کا مزید کہنا تھا کہ مجلس وحدت مسلمین کے رہنما علامہ شیخ نیر عباس کو اشتہاری قرار دینا شیعہ دشمنی اور کلعدم جماعتوں کو خوش کرنے کے سواء کچھ نہیں ہے، کلعدم اور دہشت گرد تنظیم حکومت کی سر پرستی میں پورے پاکستان میںیمن پرسعودی جارحیت کے حمایت میں ریلیاں اور جلسہ جلوس کر رہے ہیں اور ان کے سربراہ جو دہشت گردوں کی سرپرستی اور حکومت مخالف سر گرمیوں میں ملوث رہے ہیں پاکستان کے دارلخلافہ اسلام آباد میں دھند دھناتے پھر رہے ہیں ،اگر حکومت ملک و قوم سے مخلص ہیں تو ان دہشت گردوں کو گرفتار کرو جو ملک و قوم کے دشمن ہے ، گلگت بلتستان کے علماء، معزیزین اور عوام پاکستان کے وفادار ہے اور ہمیشہ رہنگے لہذا ن لیگ کو چاہے کہ وہ دہشت گردو کی پشت پناہی کرنے کے بجائے پاکستانی عوام کی جان و مال کی تحفظ کو یقینی بنائیں۔
وحدت نیوز (اﺳﮑﺮﺩﻭ) مجلس وحدت مسلمین بلتستان ڈویژن کے سیکریٹری جنرل علامہ ﺳﯿﺪ ﻋﻠﯽ ﺭﺿﻮﯼ ،ﭘﺎﮐﺴﺘﺎﻥ ﺗﺤﺮﯾﮏ ﺍﻧﺼﺎﻑ ﮐﮯ ﺭﮨﻨﻤﺎﺀﺭﺍﺟﮧ ﺟﻼﻝﺣﺴﯿﻦ ﻣﻘﭙﻮﻥ ، ﻣﺤﻤﺪ ﺗﻘﯽ ﺁﺧﻮﻧﺰﺍﺩﮦ، ﺷﯿﻌﮧ ﻋﻠﻤﺎﺀﮐﻮﻧﺴﻞ ﮐﮯﺭﮨﻨﻤﺎﺀﻏﻼﻡ ﺷﮩﺰﺍﺩ ﺁﻏﺎ ، ﺍﮮ ﭘﯽ ﺍﯾﻢ ﺍﯾﻞ ﮐﮯ ﺭﮨﻨﻤﺎﺀﺣﺎﺟﯽﻣﻨﻈﻮﺭ ﯾﻮﻟﺘﺮ، ﭘﯿﭙﻠﺰﭘﺎﺭﭨﯽ ﮐﮯ ﺭﮨﻨﻤﺎﺀﻋﺒﺎﺱ ﭘﺎﺭﻭﯼ ،ﻗﻮﻣﯽ ﻭﻃﻦ ﭘﺎﺭﭨﯽ ﮐﮯ ﺭﮨﻨﻤﺎﺀﺷﯿﺦ ﻓﺮﻣﺎﻥ ﻋﻠﯽ ﻧﺼﯿﺮﺍﻟﺪﯾﻦ ﻧﮯ ﮐﮩﺎ ﮨﮯ ﮐﮧ ﮔﻮﺭﻧﺮ ﻗﺎﻧﻮﻥ ﺳﺎﺯ ﺍﺳﻤﺒﻠﯽ ﮐﮯ ﺁﺋﻨﺪﮦﺍﻧﺘﺨﺎﺑﺎﺕ ﭘﺮ ﺍﺛﺮ ﺍﻧﺪﺯﮨﻮﻧﮯ ﮐﮯﻟﺌﮯ ﺑﻠﺘﺴﺘﺎﻥ ﺁﺋﮯ ﮨﯿﮟ ﭼﯿﻒﺍﻟﯿﮑﺸﻦ ﮐﻤﺸﻨﺮ ﮔﻮﺭﻧﺮ ﮐﮯ ﺩﻭﺭﮮ ﮐﺎ ﻧﻮﭨﺲ ﻟﯿﮟ ﺍﻭﺭ ﺍﻧﮩﯿﮟﻏﯿﺮ ﺿﺮﻭﺭﯼ ﺩﻭﺭﮮ ﮐﺮﻧﮯ ﺳﮯ ﺭﻭﮐﯿﮟ ﻭﺭﻧﮧ ﻣﺴﺎﺋﻞﭘﯿﭽﯿﺪﮦ ﮨﻮ ﺟﺎﺋﯿﮟ ﮔﮯ ﯾﮧ ﺷﮑﺎﯾﺎﺕ ﺍﻧﮩﻮﮞ ﻧﮯ ﮈﺳﭩﺮﮐﭧﺭﯾﭩﺮﻧﯿﻨﮓ ﺁﻓﯿﺴﺮ ﮐﻮ ﭘﯿﺶ ﮐﯽ ﮔﺌﯽ ﺩﺭﺧﻮﺍﺳﺖ ﻣﯿﮟﮐﯿﮞﺪﺭﺧﻮﺍﺳﺖ ﻣﯿﮟ ﻣﺨﺘﻠﻒ ﺟﻤﺎﻋﺘﻮﮞ ﻧﮯ ﺷﮑﺎﯾﺖ ﮐﯽﮨﮯ ﮐﮧ ﮔﻮﺭﻧﺮ ﻏﯿﺮ ﺿﺮﻭﺭﯼ ﺩﻭﺭﮮ ﮐﺮ ﮐﮯ ﺍﻟﯿﮑﺸﻦ ﮐﮯﻟﺌﮯﺗﯿﺎﺭ ﮐﺌﮯ ﮔﺌﮯ ﺿﺎﺑﻄﮧ ﺍﺧﻼﻕ ﮐﯽ ﺳﻨﮕﯿﻦ ﺧﻼﻑ ﻭﺭﺯﯼﮐﺮﺭﮨﮯ ﮨﯿﮟ ﻟﮩٰﺬﺍ ﺍﻧﮩﯿﮟ ﺭﻭﮐﺎ ﺟﺎﺋﮯ ﻭﺭﻧﮧ ﺳﯿﺎﺳﯽﺟﻤﺎﻋﺘﯿﮟ ﭼﯿﻦ ﺳﮯ ﻧﮩﯿﮟ ﺑﯿﭩﮭﯿﮟ ﮔﯽ ﺍﻧﮩﻮﮞ ﻧﮯﺩﺭﺧﻮﺍﺳﺖ ﻣﯿﮟ ﻣﻮﻗﻒ ﺍﺧﺘﯿﺎﺭ ﮐﯿﺎ ﮨﮯ ﮐﮧ ﺿﺎﺑﻄﮧ ﺍﺧﻼﻕﮐﯽ ﺷﻖ ﻧﻤﺒﺮ30 ﮐﮯ ﺗﺤﺖ ﮔﻮﺭﻧﺮ ﺍﻟﯿﮑﺸﻦ ﮐﮯ ﺩﻭﺭﺍﻥ ﮐﺴﯽﻋﻼﻗﮯ ﮐﺎ ﺩﻭﺭﮦ ﻧﮩﯿﮟ ﮐﺮ ﺳﮑﺘﮯ ﻣﮕﺮ ﮔﻠﮕﺖ ﺑﻠﺘﺴﺘﺎﻥ ﮐﮯﮔﻮﺭﻧﺮ ﺗﻤﺎﻡ ﻗﻮﺍﻧﯿﻦ ﮐﻮ ﭘﺲ ﭘﺸﺖ ﮈﺍﻝ ﺭﮨﮯ ﮨﯿﮟ ﺍﻟﯿﮑﺸﻦﭘﺮ ﺍﺛﺮ ﺍﻧﺪﺍﺯ ﮨﻮﻧﮯ ﮐﯽ ﮐﻮﺷﺶ ﮐﺮﮨﺮﮮ ﮨﯿﮟ ﺟﻮ ﺳﻨﮕﯿﻦﺯﯾﺎﺩﺗﯽ ﮨﮯ ﺍﻧﮩﻮﮞﻨﮯ ﺩﺭﺧﻮﺍﺳﺖ ﻣﯿﮟ ﻟﮑﮭﺎ ﮨﮯ ﮐﮧ ﮨﻢﺻﺎﻑ ﺷﻔﺎﻑ ﺍﻟﯿﮑﺸﻦ ﭼﺎﮨﺘﮯ ﮨﯿﮟ ﮔﻮﺭﻧﺮ ﮐﯽ ﻣﺪﺍﺧﻠﺖ ﮐﮯﺑﻌﺪ ﺍﻟﯿﮑﺸﻦ ﮐﯽ ﺷﻔﺎﻓﯿﺖ ﺳﻮﺍﻟﯿﮧ ﻧﺸﺎﻥ ﺑﻦ ﮔﺌﯽ ﮨﮯﺍﻧﮩﻮﮞﻨﮯ ﮐﮩﺎ ﮐﮧ ﺍﻟﯿﮑﺸﻦ ﻣﯿﮟ ﺩﮬﺎﻧﺪﻟﯽ ﮐﯽ ﮐﻮﺷﺶ ﻧﺎﮐﺎﻡﺑﻨﺎﺩﯼ ﺟﺎﺋﯿﮞ گی۔
وحدت نیوز (اسکردو) مجلس وحدت مسلمین پاکستان کے سربراہ علامہ ناصر عباس جعفری نے اسکردو میں پریس کانفرنس سے خطاب کرتے ہوئے کہا ہے کہ پنجاب کے حلقہ این اے 125 کے نتائج نے واضح کر دیا کہ ملک کے عام انتخابات میں عوامی مینڈیٹ پر ڈاکہ ڈالا گیا ہے اور وفاقی جماعت جس نے ملک کے عام انتخابات میں دھاندلی کے تمام ریکارڈز توڑ دیئے ہیں، اب گلگت بلتستان میں انتخابات کو چرانا چاہتی ہے۔ گلگت بلتستان کے انتخابات میں دھاندلی کے تمام تر لوازمات مہیا کر رکھے ہیں۔ جی بی میں نگران حکومت کا قیام، الیکشن کمشنر کی تقرری، وزیراعظم کے اعلانات، گورنر گلگت بلتستان کی تعیناتی، ان دنوں گورنر کے پے در پے بلتستان میں دورہ جات اور اعلانات قبل از انتخابات دھاندلی ہے۔ گلگت بلتستان میں پولنگ اسٹیشنز کو کم کرنا غیر جمہوری عمل ہے، اس عمل کے ذریعے انتظامیہ چاہتی ہے گلگت بلتستان کے عوام کو حق رائے دہی سے محروم رکھا جائے، لیکن یہاں کے عوام باشعور ہیں، نواز حکومت کو کسی صورت دھاندلی کرنے نہیں دیں گے۔ بلتستان کے مختلف حلقوں میں پولنگ اسٹیشنز کو کم کرنا قانون اور آئین کو پاوں تلے روندنے کے مترادف ہے، الیکشن کمیشن اور انتظامیہ کو چاہیے تھا کہ ایسی سہولتیں پیدا کریں کہ عوام زیادہ سے زیادہ حق رائے دہی استعمال کرسکیں لیکن انہیں اس حق سے روکا جا رہا ہے۔
انہوں نے کہا کہ نواز شریف کی حکومت کے پاس اختیار ہے، اگر نواز شریف چاہیں تو گلگت بلتستان کو آئینی حقوق دے سکتے ہیں، پارلیمنٹ کا مشترکہ اجلاس بلا کر گلگت بلتستان کے مستقبل کا فیصلہ کرسکتے ہیں اور 67سالہ محرومیوں کا ازالہ ممکن ہے، لیکن نواز حکومت بالکل مخلص نہیں، اگر نواز حکومت گلگت بلتستان کو حقوق دے دیں، آئینی حق دیں، پارلیمنٹ اور اسمبلی میں نمائندگی دیں اور خطہ کو محرومی سے نکالیں تو ہم انکے حق میں دستبردار ہونے کے لئے بھی تیار ہیں، لیکن ہم جانتے ہیں کہ وہ یہاں کے عوام کو حقوق دینے نہیں بلکہ عوام کے حقوق اور وسائل لوٹنے آئے ہیں۔ وہ تمام قوتیں جو اس خطے کو حقوق سے محروم رکھنے کی ذمہ دار ہیں، انکا یہ عمل خیانت ہے اور گلگت بلتستان کو حقوق سے محروم رکھنا پاکستان دشمنی کے سوا کچھ نہیں، کیونکہ جتنے محب وطن گلگت بلتستان کے عوام ہیں ملک میں کہیں نہیں، اس خطے کے عوام نے پاکستان کو سب کچھ دیا اور پاکستان سے کچھ بھی نہیں لیا۔
علامہ ناصر عباس جعفری نے کہا کہ گلگت بلتستان کے انتخابات میں دھاندلی نواز لیگ کے گلے کی ہڈی بن جائے گی اور وہ کسی صورت اسے نگل نہیں سکیں سکے گی۔ جس طریقے سے گلگت بلتستان میں قبل از انتخابات دھاندلی شروع کی ہوئی وہ انتہائی افسوسناک اور قانون نافذ کرنے والے اداروں کے لئے چیلنج ہے۔ گلگت بلتستان کے قانون نافذ کرنے والے اداروں کو چاہیے کہ پری پول رگنگ کو روکنے میں اپنا کردار ادا کریں۔ گلگت بلتستان میں مجلس وحدت مسلمین کے رہنماوں کے خلاف بلاجواز مقدمات قبل از انتخابات دھاندلی ہے، نواز حکومت چاہتی ہے کہ مجلس وحدت مسلمین کے نمائندوں اور رہنماوں پر دفعات عائد کرکے انتخابات کو ہائی جیک کریں۔ انہوں نے کہا کہ گلگت کے حلقہ نمبر3 سے شیخ نیئر عباس مصطفوی اور حلقہ نمبر2 سے مطہر عباس مجلس وحدت کے ٹکٹ سے انتخابات لڑیں گے۔
انہوں نے کہا کہ ہم گلگت بلتستان میں انتخابات اہلیت اور کارکردگی کی بنیاد پر لڑیں گے، مذہب کے نام پر ووٹ بٹورنا درست نہیں سمجھتے۔ ہم مذہب کو سیاست کے لئے استعمال کرنے کے مخالف ہیں اور اہلیت اور معیارات کی بنیاد پر انتخابات میں حصہ لیں گے۔ انہوں نے مزید کہا کہ گلگت بلتستان کے انتخابات کے سلسلے میں جس سطح پہ قبل از انتخابات دھاندلی ہوئی ہے اور دوران انتخابات الیکشن کی تیاریاں مکمل ہیں، اس الیکشن کمیشن سے شفاف انتخابات کی توقع رکھنا عبث ہے، لہذٰا ہم گلگت بلتستان کے انتخابات کو فوج کی نگرانی میں کرانے کا مطالبہ کرتے ہیں، کیونکہ انتظامیہ، الیکشن کمیشن، نگران صوبائی حکومت اور اس نواز لیگی وفاقی حکومت کی سرپرستی میں شفاف الیکشن ممکن ہی نہیں۔
وحدت نیوز (گلگت) مجلس وحدت مسلمین کی جانب سے محمد مطہر عباس کو گلگت بلتستان اسمبلی حلقہ2 گلگت 2 کیلئے ٹکٹ جاری کرنے پرکارکنوں کا زبردست خیر مقدم ،خومر چوک پر کارکنوں کا جشن اور مٹھائیاں تقسیم کی گئیں۔کارکنوں نے مطہر عباس کو ٹکٹ ملنے کی خوشی میں ہار پہنائے اور وحدت مسلمین کی حمایت میں زبردست نعرے بازی ہوئی اور کارکنوں نے مطہر عباس کی قیادت میں خومر چوک سے صوبائی سیکرٹریٹ تک ریلی نکالی۔
صوبائی سیکرٹریٹ میں کارکنوں سے خطاب کرتے ہوئے مطہرعباس نے کہا کہ مجلس وحدت مسلمین کی قیادت کا انتہائی ممنون و مشکور ہوں جنہوں نے حلقے کیلئے میرا انتخاب کیا اور انشاء اللہ الیکشن جیت کر مجلس وحدت مسلمین پاکستان اور دنیا بھر کے مظلومین کی خوشنودی کا باعث بنیں گے۔انہوں نے کہا کہ مجلس وحدت مسلمین مظلوموں کی حامی جماعت ہے اور 8 جون کو گلگت بلتستان میں مظلوم و محکوم عوام کی فتح یقینی ہے ،مجلس وحدت مسلمین کرپٹ نظام کا خاتمہ کرکے روشن اور بااختیار گلگت بلتستان کا خواب پورا کرے گی۔انہوں نے کہا کہ الیکشن سے قبل ہی گلگت بلتستان کے عوام نے مجلس وحدت کے حق میں فیصلہ دیدیا ہے اور 8 جون کو عوامی فیصلے کو تبدیل کرنے کی کوئی کوشش کامیاب ہونے نہیں دینگے۔
وحدت نیوز (گلگت) مجلس وحدت مسلمین کے پالیمانی بورڈکے اجلاس میں طویل مشاورت اور مرکزی سیکریٹری جنرل علامہ راجہ ناصرعباس جعفری کی حتمی منظوری کے بعد ایم ڈبلیوایم نے گلگت حلقہ 2سے نوجوان رہنمامحمد مطہر عباس اور گلگت حلقہ 3سے ایم ڈبلیوایم کے صوبائی سیکریٹری جنرل علامہ شیخ نیئرعباس مصطفویٰ کو قانون ساز اسمبلی انتخابات میں شرکت کیلئے پارٹی ٹکٹ جاری کردیئے ہیں ، امیدواروں کے ناموں کا اعلان ہوتے ہی دونوں حلقوں کے عوام اور ایم ڈبلیوایم کے کارکنان میں خوشی کی لہر دوڑ گئی ہے، اس اعلان سے کارکنان میں پائی جانے والے اضطراب اور بے چینی کا بھی خاتمہ ہوگیا کیوں کہ دونوں حلقوں سے متعداد اہل امیدواروں کی درخواستیں جمع ہونے کے باعث پالیمانی بورڈ کو حتمی نام پر فیصلہ کرنے میں طویل مشاورت کا سہارا لینا پڑا، امیدواروں کے ناموں کا اعلان علامہ راجہ ناصرعباس جعفری نے اسکردو میں پریس کانفرنس کے دوران کیا۔
وحدت نیوز (اسلام آباد) مجلس وحدت مسلمین پاکستان کے مرکزی سیکریٹری امور سیاسیات سید ناصر شیرازی نے کہا ہے کہ دہشت گردی کی عدالت نے حکومتی ایما پر ہمارے مذہبی قائدین اور جید علما کی تصاویر اخبارات میں شائع کروا کر اور انہیں مفرور ظاہر کرکے نہ صرف نون لیگ کے خلاف نفرت میں اضافہ کیا ہے بلکہ حکومتی تنگ نظری اور ذہنی پسماندگی کو بھی واضح کر دیا ہے۔اس طرح کے انتقامی حربے ایم ڈبلیو ایم کی مقبولیت اور سیاسی ساکھ پر اثر انداز نہیں ہو سکتے۔ ہمارے تمام تنظیمی مسؤلین بشمول شیخ نیئر عباس مصطفوی اور شیخ بلال سمائری کے اس وقت ہماری جاری انتخابی مہم میں شریک ہیں اور ایم ڈبلیو ایم کے تمام اجتماعات میں اپنے خطابات کو جاری رکھے ہوئے ہیں۔ ان کے لیے مفرور کا لفظ استعمال کے کے مکتب تشیع کے جذبات کو مجروح کیا گیا ہے۔ انہوں نے کہا کہ نواز شریف اور شہباز شریف سانحہ ماڈل ٹاون میں 15 افراد کے قتل میں مطلوب ہیں اور ان کے خلاف باقاعدہ ایف آئی آر درج ہے لیکن ان کے خلاف کوئی کارروائی نہیں کی جا رہی جبکہ دہشت گردی کے خلاف افواج پاکستان سے اظہار یکجہتی اور یمن کے معاملے پر آزاد خارجہ پالیسی اور پارلیمنٹ کے فیصلے کی تائید میں نکلنے والی ریلی کے شرکاء کے خلاف ایف آئی درج کیے جانا حکومتی بدنیتی اور ریاستی جبر کو ظاہر کرتا ہے۔
ناصر عباس شیرازی کا کہنا تھا کہ یہ ایف آئی آر خالصتاََ سیاسی مقاصد کے حصول اور دباو کے روایتی ہتھکنڈے کو استعمال کرنے کے لیے کاٹی گئی ہے جس کے خلاف ہمیں ہر طرح کی قانونی چارہ جوئی کا حق حاصل ہے۔ آئین پاکستان کے تحت تفویض کردہ اختیارات کے بےلگام استعمال کی اس سے بڑھ کر اور کیا مثال ہوگی کہ گلگت بلتستان کے مرکزی رہنما عارف حسین قنبری کے گرفتار ہوئے ایک ماہ سے زائد عرصہ گزرنے کے باوجود ابھی تک ان کا چالان نہیں پیش کیا گیا، قانون و انصاف کے ادارے اس ریاستی جبر کے خلاف متعلقہ افراد سے باز پرس کیوں نہیں کرتے۔ عدلیہ سے عوام کا اعتماد اٹھنے کا بنیادی سبب عدالتی فیصلوں پر سیاسی دباو کا اثر انداز ہونا ہے۔ انہوں نے کہا کہ اس وقت پورے گلگت بلتستان میں مجلس وحدت مسلمین کی سیاسی حیثیت سب سے زیادہ مضبوط ہے یہی وجہ ہے کہ ملک کی تقریباً تمام بڑی سیاسی پارٹیوں کے اکابرین ہم سے رابطہ کر رہے ہیں۔
ایم ڈبلیو ایم کے سیکرٹری سیاسیات کا کہنا تھا کہ ہم نے یہ واضح کر دیا ہے کہ مجلس وحدت مسلمین گلگت بلتستان کی کسی بھی نشست سے دستبردار نہیں ہو رہی۔ ایم ڈبلیو ایم نے گلگت بلتستان میں مسلکی سیاست کو مسترد کر کے مذہبی ہم آہنگی کی سیاست کی بنیاد رکھ دی ہے۔ یہی وجہ ہے کہ ہمیں شیعہ سنی افراد کی بلاتخصیص حمایت حاصل ہے اس سلسلے میں سنی اتحاد کونسل کے مرکزی رہنما صاحبزادہ حامد رضا ہماری انتخابی مہم کا حصہ بننے کے لیے اگلے ہفتہ سکردو پہنچ رہے ہیں، ہماری منظم انتخابی مہم بھرپور طریقے سے جاری ہے ہم پورے حوصلے و عزم کے ساتھ میدان میں اترے ہیں اور انشا اللہ سرخرو ہو کر نکلیں گے۔
