وحدت نیوز(اسلام آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے مرکزی کابینہ سمیت اپنے عہدے سے استعفیٰ دے دیا ہے،آئندہ تین برس کیلئےنئے مرکزی سیکریٹری جنرل کا انتخاب عمل لانے کیلئےووٹنگ کا عمل سربراہ شوریٰ عالی حجتہ الاسلام علامہ شیخ حسن صلاح الدین کی نگرانی میں جاری ہے ، اراکین شوریٰ مرکزی  شوریٰ عالی کی جانب سے اعلان کردہ تین ناموں جن میں علامہ راجہ ناصرعباس جعفری ، علامہ امین شہیدی اور علامہ احمد اقبال رضوی شامل ہیں میں سے کسی ایک کے بحیثیت مرکزی سیکریٹری جنرل انتخاب کیلئے حق رائے دہی استعمال کررہے ہیں ، ووٹنگ کا عمل مکمل ہونے کے بعد نماز ظہرین کے اختتام پر پیام وحدت کانفرنس منعقد کی جائے گی اور بعدازاں شوریٰ عالی کی جانب سے نومنتخب مرکزی سیکریٹری جنرل کے نام کا اعلان کیا جائے گا۔

وحدت نیوز (ملتان) مجلس وحدت مسلمین پاکستان کا مرکزی تین روزہ ''پیام وحدت کنونشن ''جمعہ سے اسلام آباد میں شروع ہوگیا، کنونشن کی صدارت مرکزی سیکرٹری جنرل علامہ ناصر عباس راجہ ناصر عباس جعفری کریں گے، کنونشن میں چاروں صوبوں، گلگت بلتستان اور آزادکشمیر کے صوبائی اور ضلعی رہنما شریک ہوں گے۔ پیام وحدت کنونشن میں ملتان سے ضلعی سیکرٹری جنرل علامہ قاضی نادر حسین علوی کی قیادت میں اسلام آباد پہنچ گیا ہے۔ ملتان سے وفد میں ڈپٹی سیکرٹری جنرل محمد عباس صدیقی، وسیم عباس زیدی، انجینیئر مہر سخاوت علی اور میڈیا کوارڈینیٹر ثقلین نقوی شامل ہیں۔ کنونشن میں دیگر تنظیموں کے سربراہان اور رہنما بھی شرکت کریں گے۔ کنونشن کے آخری روز آئندہ تین سال کے لیے نئے مرکزی سیکرٹری جنرل کا انتخاب کیا جائے گا۔ اس سے قبل علامہ ناصر عباس جعفری تنظیم کے سیکرٹری جنرل ہیں۔ کنونشن کے آخر میں نومنتخب سیکرٹری جنرل میڈیا کو بریفنگ دیں گے اور تنظیمی پالیسیوں کا اعلان کریں گے۔

وحدت نیوز (اسلام آباد) مجلس وحدت مسلمین  پاکستان کے دوسری تنظیمی دور کےاختتام پر مرکزی کنونشن بعنوان پیام وحدت جامع امام صادق ؑ اسلام آباد میں منعقد ہو رہا ہے، 8 ،9 اور10اپریل کو منعقدہ اس کنونشن میں ملک بھر سے آنے والے اراکین شوریٰ مرکزی حق رائے دہی کے ذریعےآئندہ تین سال19تا2016کیلئے مرکزی سیکریٹری سیکریٹری جنرل کا انتخاب عمل میں لائیں گے، مرکزی پیام وحدت کنونشن کے چیئرمین اور ایم ڈبلیوایم کے مرکزی سیکریٹری امور روابط اقرار حسین ملک نے وحدت نیوز سےگفتگو کرتے ہوئے کہا کہ مرکزی کنونشن کی تمام تر تیاریاں مکمل کرلی گئی ہیں ، مرکزی انتظامی کمیٹی برائے کنونشن کے اراکین علامہ اصغر عسکری ، نثار علی فیضی اور اقرار حسین ملک نے وفدکی صورت میں شیعہ علماءکونسل کے مرکزی جنرل سیکریٹری علامہ عارف حسین واحدی ،پرنسل جامع عروۃ الوصقیٰ علامہ سید جواد نقوی، پرنسپل جامعتہ الکوثرعلامہ شیخ محسن نجفی اور دیگر اساتیذ، مرکزی صدر آئی ایس او برادر علی مہدی، مرکزی چیئرمین آئی اولعل مہدی خان ، آغا مرتضیٰ پویا، پرنسپل جامعہ محمدیہ سرگودھاسمیت مختلف قومی وملی شخصیات اور تنظیمات کو مرکزی پیام وحدت کنونشن میں شرکت کی دعوت دی ہے۔ اقرارحسین ملک نے کہا کہ مرکزی کنونشن داخلی ملی وحدت کے قیام اور اہدافات کے حصول میں سنگ میل ثابت ہوگا،تین روزہ یہ کنونشن آٹھ اپریل بروز جمعہ شروع ہوکر دس اپریل بروزاتوار مرکزی سیکریٹری جنرل کے انتخاب اور اعلان پر اختتام پذیر ہو گا۔ جس میں ملک بھر سے اراکین شوریٰ مرکزی، اراکین شوریٰ عالی اور اراکین مرکزی کابینہ شرکت کررہے ہیں ۔

وحدت نیوز (مظفرگڑھ) مجلس وحدت مسلمین پاکستان (مظفرگڑھ) کے نئے سیکرٹری جنرل کے انتخاب کے لیے ضلعی شوری کا اجلاس مقامی امام بارگا ہ مظفرگڑھ میں منعقد ہوا۔ اجلاس میں ضلعع بھر کے تمام یونٹس کے نمائندگان نے شرکت کی۔ اجلاس کی صدارت مرکزی ڈپٹی سیکرٹری جنرل علامہ محمد امین شہیدی نے کی۔

 اجلاس کے آغاز میں سابقہ سیکرٹری جنرل نے اپنی کارکردگی رپورٹ پیش کرتے ہوئے اپنی مکمل کابینہ سمیت مستعفی ہونے کا اعلان کیا ۔ بعدازاں یونٹس اور ضلع کی جانب سے تین اُمیدواروں کو ضلعی سیکرٹری جنرل کا الیکشن لڑنے کا موقع ملا جن میں سابق سیکرٹری جنرل علی رضا طوری، غلام حسین اور علامہ زکریا ترابی شامل تھے۔ اجلاس کی کاروائی کے دوران دلچسپ مناظر دیکھنے کو ملے اور باقاعدہ طور پر اُمیدواروں کی جانب کسی حد تک کمپین چلائی گئی۔ جس کے نتیجے مقابلہ کانٹے دار ہوگیا۔ باالاخر علامہ زکریا ترابی کو آئندہ تین سال کے لیے نیا سیکرٹری جنرل منتخب کرلیا گیا۔ جن سے مرکزی ڈپٹی سیکرٹری جنرل علامہ محمد امین شہیدی نے حلف لیا۔

وحدت نیوز (کراچی) مجلس وحدت مسلمین ڈسٹرکٹ ملیر کے سیکریٹری اطلاعات برادرسید محمد جعفررضوی نے ایک بیان میں کہا ہے کہ ایم ڈبلیو ایم ضلع ملیر کا دوسرا تنظیمی افکار امام خمینی کنونشن 16جون بروز اتوار مرکزی امام بارگاہ جعفر طیار سوسائٹی ملیر میں منعقدکیا جائے ۔جسمیں آئندہ تین سالوں کے لیئے نئے ضلعی سیکریٹری جنرل کا انتخاب عمل میں لا یا جائے گا ۔

ان کا کہنا تھا کہ اجلاس کا باقائدہ آغاز تلاوت کلام پاک سے ٹھیک 3بجے سہ پہر ہو گا ، جس میں علماءکے خطبات کے علاوہ ضلع اور یونٹس اپنی تین سالہ کارکردگی رپورٹ پیش کریں گے ، اور اجلاس کے اختتام پر تمام اراکین ضلعی شوریٰ استصوابے رائے سے نئے ضلعی سیکریٹری جنرل برائے سال 2013تا 2016کا انتخاب عمل میں لائیں گے ۔جبکے نو منتخب ضلعی سیکریٹری جنرل سے ڈویژنل سیکریٹری جنرل برادر حسن ہاشمی ان کے عہدے کا حلف لیں گے ۔

وحدت نیو ز (مظفر آباد) مجلس وحدت مسلمین آزاد کشمیر کی جانب سے جشن مولود کعبہ اورسالانہ تنظیمی کنونشن کا انعقاد ‘ تمام اضلاع کی کارکردگی رپورٹس پیش ‘ اطمینان کا اظہار، علامہ سید تصور حسین نقوی الجوادی دوسری مرتبہ کثرت رائے سے سیکرٹری جنرل منتخب ‘سربراہ مجلس وحدت مسلمین پاکستانِ ناصر ملت علامہ راجا ناصر عباس جعفری نے نو منتخب سیکریٹری جنرل سے حلف لیا ‘ مرکزی قائدین علامہ امین شہیدی‘ سیکرٹری سیاسیات سیدناصر عباس شیرازی نے بھی کنونشن اور تقریب حلف برداری سے خطاب کیا ‘ جبکہ زعیم ملت مفتی سید کفایت حین نقوی نے علالت کے باوجود شرکت کی۔

تنظیمی کنونشن سے خطاب کرتے ہوئے علامہ راجا ناصر عباس نے کہا کہ معاشرے میں صرف دو طبقات ہوتے ہیں ‘ ایک ظالم ‘دوسرا مظلوم ‘ اسلام ‘دین انسانیت ہے ‘ اور انسانیت کا تقاضا یہی ہے کہ ظالم کے مقابلے میں ہمیشہ مظلوموں کا ساتھ دیا جائے ‘ مظلوم چاہے کسی بھی مذہب کا ماننے والا ہو ‘ مجلس وحدت مسلمین دین اور سیاست کو الگ نہیں سمجھتی ‘ اور دینی احکامات کے مطابق مظلوم کی حمایت اور انسانیت کی فلاح و بہبود کیلئے اختیار کی جانے والی حکمت عملی کو سیاست کہتے ہیں ‘ جبکہ ہر وہ حکمت عملی جو دینی اقدار و اُصولوں کے منافی ‘ مکرو فریب کیساتھ اختیار کی جائے تاکہ مخصوص اہداف حاصل ہوں ‘ وہ انسانی ‘ اسلامی ‘ شرعی اعتبار سے گمراہی ہے ‘ جس کے جال میں لوگوں کو پھنسایا جاتا ہے ‘ وطن عزیز میں یہی طرز سیاست ہے جو رواج پا چکا ہے ‘ اور ملک و قوم کیلئے آزمائش بنا ہوا ہے ، مجلس وحدت مسلمین کا سیاست میں آنا اور انتخابی عمل کا حصہ بننا حقیقی اسلامی طرز سیاست کا فروغ ہے ‘ اور اس میں ملک و قوم کی بقاء اور سلامتی ہے ۔

مجلس وحدت مسلمین پاکستان کے سربراہ راجا ناصر عباس نے کنونشن کے شرکاء سے خطاب کرتے ہوئے کہا کہ ہر وہ کام جس سے وطن کو نقصان پہنچے ‘ گناہ اور حرام ہے ‘ اور ہم پاکستانی عوام کو یہی بتانا چاہتے ہیں کہ وطن کو نقصان پہنچانے والی منظم قوتوں کی سازشوں کا توڑ کرنے کیلئے اکٹھی ہو جائیں ‘ ظالم نے بڑی چالاکی اور مکاری سے مظلوموں کو شیعہ سنی ‘ علاقائی ‘ لسانی بنیادوں پر تقسیم کا عمل شروع کر رکھا ہے ۔

تنظیمی کنونشن سے خطاب کرتے ہوئے علامہ امین شہیدی نے کہا کہ سرزمین کشمیر اولیائے کرام‘ صوفیائے کرام کی تبلیغ اور کردار کی بدولت محبتوں کا نمونہ چلی آ رہی ہے لیکن یہاں بھی نفرتوں کا بیج ڈالا جا رہا ہے ‘ مرکزی سیکرٹری سیاسیات سید ناصر عباس شیرازی نے تنظیمی کنونشن سے خطاب کرتے ہوئے کہا کہ میدان سیاست میں رہ کر لوگوں کی کردار سازی کریں گے ‘ اُنکے سیاسی شعور ‘ روحانی معیارات کو بلند کریں گے تاکہ امام زمانہ کے بہترین ساتھی بن سکیں ‘ حالیہ عام انتخابات میں سُنی تحریک ‘ سُنی اتحاد کونسل نے ہمارے اُمیدواروں کی حمایت کی ‘ اور سُنی شیعہ اتحاد و وحدت کو بڑھایا ‘ جسے ختم کرنے کیلئے تکفیری گروہ نے عرصہ دراز سے کوشش جاری رکھی ہوئی ہیں ۔اس موقع پر ضلع نیلم ،ضلع ہٹیاں بالا ،ضلع کوٹلی ،ضلع باغ ،ضلع مظفرآباد ،ضلع راولاکوٹ کے سیکرٹری جنرلز نے بھی اپنے خیالات کااظہا ر کیا ۔