وحدت نیوز (اسکردو) چندا سے تعلق رکھنے والے معروف سماجی و سیاسی شخصیت محمد سعید نے آج پریس کلب اسکردو میں اپنے حلقہ احباب کیساتھ ایک پرہجوم پریس کانفرنس سے خطاب کیا۔ اس موقع پر سیکرٹری جنرل مجلس وحدت مسلمین بلتستان ڈویژن علامہ آغا علی رضوی، صوبائی فلاح و بہبود شیخ احمد نوری، شیخ علی محمد کریمی، فدا حسین اور محمد علی موجود تھے۔ پریس کانفرنس سے خطاب کرتے ہوئے محمد سعید نے کہا کہ ہم نے مجلس وحدت میں شمولیت الیکشن کو مد نظر رکھ کر نہیں کی بلکہ اس تنظیم کی کارکردگی، فعالیت اور نظریاتی بنیادوں پر شمولیت اختیار کی ہے۔ انہوں نے کہا کہ ہم نے مجلس وحدت میں شمولیت بلامشروط کی ہے  اور ایک خادم کی حیثیت سے عوامی حقوق کی جنگ لڑیں گے اور قوم و ملت کے لیے اپنی زندگیاں صرف کریں گے۔

وحد ت نیوز(اسکردو) سید ناصرعباس شیرازی مرکزی سیکریٹری امورسیاسیات مجلس وحدت مسلمین پاکستان اپنے تنظیمی دورے پر اسکردو پہنچ گئے۔ اپنے دورے کے دوران وہ بلتستان کے سیاسی و مذہبی شخصیات کے ساتھ ملاقاتوں کے علاوہ تنظیمی اجلاسوں سے خطاب بھی کریں گے۔ ناصر عباس شیرازی کا دورہ انتہائی اہمیت کا حامل ہوگا، اس دوران بلتستان کی اہم شخصیات نے مجلس وحدت مسلمین میں اپنی شمولیت کا اعلان کرنا ہے۔ دیگر مصروفیات کے علاوہ ناصرعباس شیرازی پولیٹیکل کونسل ایم ڈبلیو ایم گلگت بلتستان اور کورکمیٹی کے اجلاس کی صدارت بھی کریں گے، جس میں مجلس وحدت مسلمین کی آنیوالے الیکشن میں اپنی بھرپور شرکت اور کامیابی کیلئے جدید خطوط پر مبنی حکمت عملی بھی طے کی جائیگی۔ اسکردو میں قیام کے دوران وہ تمام حلقوں کے دوروں کے علاوہ مختلف طبقات کے وفود اور عمائدین اور اہم شخصیات سے ملاقات بھی کرینگے۔ ان کا یہ ہنگامی دورہ علاقے کی سیاسی فضا میں ہلچل پیدا کرنے کا باعث بن سکتا ہے۔

وحدت نیوز (اسکردو) مجلس وحدت مسلمین پاکستان بلتستان ڈویژن کے ترجمان فدا حسین نے اپنے ایک بیان میں کہا کہ مجلس وحدت مسلمین میں دیگر پارٹی اور آزاد امیداروں کی شمولیت کا سلسلہ شروع ہوا ہوا ہے اور یہ سیاسی عمل کا حصہ ہے بلتستان کے تمام حلقوں سے شمولیت کے لیے بیسیوں افراد موجود ہیں مجلس وحدت میں شمولیت کا ہرگز عوام یہ مطلب نہ لے کہ ان سب کو ٹکٹ دیا جائے گا بلکہ ٹکٹ جاری کرتے ہوئے معیارات کو ہرگز نظر انداز نہیں کیا جائے گا۔ عوام مطمئن رہیں کہ معیار پر کسی قسم کا سمجھوتہ نہیں ہوگا۔ الیکشن میں اہل ، دیانت دار، بے باک ماضی کے حامل ، دینی غیرت و حمیت رکھنے والے عوامی خدمت کے جذبے سے سرشار عوام کے خادم کو متعارف کیا جائے گا۔انہوں نے کہا کہ ہم ایسے نمائندے کو سامنے لائیں گے جس کا ماضی بھی پاک و صاف ہو اور مجلس وحدت مسلمین کا نظریاتی حامی ہو۔ مجلس وحدت ایک ایسی تنظیم ہے جہاں پر قربانیوں کو ہرگز نظر انداز نہیں کیا جا تا اور ملت کے ہر فرد کو چاہے اس کا تعلق کسی بھی مکتب و مسلک سے ہو مجلس کا حصہ بن سکتا ہے۔ ہم ہر شخص کو گلے سے لگانے کے لیے تیار ہے بہت جلد شیعہ مکتب فکر کے علاوہ دیگر مکاتب فکر کے بھی باقاعدہ ونگ بنایا جائے گا اور عوامی حقوق کی جنگ تمام مسالک کو ساتھ لے کے لڑی جائے گی۔معاشرہ میں موجود ظلم و زیادتی کا مقابلہ کیا جائے گا اور ہر مظلوم کی پکار پر لبیک کہا جائیگا۔انہوں نے کہا کہ اگر کسی کی جانب سے مجلس وحدت مسلمین کی طرف سے ٹکٹ دینے اور الیکشن لڑنے کا عندیہ دیا جا رہا ہے تو یہ انکا ذاتی فعل ہے اور مجلس سے اس عمل کا کوئی تعلق نہیں ۔ بلتستان کے کسی بھی حلقے میں ابھی تک امیدوار کو کوئی فیصلہ نہیں ہوا۔ ٹکٹ دینے کا فیصلہ کو ئی بھی شخصیت کرنے کی پوزیشن میں نہیں بلکہ سیاسی ادارہ یہ حق رکھتا ہے کہ وہ اپنی میکانیزم کو ملحوظ خاطر رکھ کر امیدواروں کو میدان میں لایا جائے گا۔ مجلس وحدت کسی جیتنے والے یا ووٹ بینک رکھنے والے امیدوار کو سامنے لاکر صرف الیکشن جیتنے کے حق میں نہیں بلکہ عوام کو ایک معیار دینا چاہتے ہیں اورمعیار پر سمجھوتہ کیے بغیر اگر شکست بھی ہو جائے تو فتح ہے۔ انہوں نے کہا کہ عوام مطمئن رہیں ٹکٹ کا اجرا معیارات کے مطابق ہوگا۔

وحدت نیوز (گلگت) مجلس وحدت مسلمین پاکستان مرکزی سیکرٹری سیاسیات ناصرعباس شیرازی  سات روزہ دورے پر گلگت پہنچ گئے۔ اپنے سات روزہ دورے کے دوران وہ گلگت بلتستان کی سیاسی و مذہبی شخصیات کے ساتھ ملاقاتوں کے علاوہ تنظیمی اجلاسوں سے خطاب بھی کریں گے۔ ناصر عباس شیرازی کا جی بی کا سات روزہ دورہ انتہائی اہمیت کا حامل ہوگا، اس دوران گلگت بلتستان کی اہم شخصیات نے مجلس وحدت مسلمین میں اپنی شمولیت کا اعلان کرنا ہے۔ دیگر مصروفیات کے علاوہ ناصر عباس شیرازی پولیٹیکل کونسل ایم ڈبلیو ایم گلگت بلتستان اور کور کمیٹی کے اجلاس کی صدارت بھی کریں گے، جس میں مجلس وحدت مسلمین کی آنیوالے الیکشن میں بھرپور شرکت اور کامیابی کیلئے جدید خطوط پر مبنی حکمت عملی بھی طے کی جائیگی۔ گلگت میں قیام کے دوران وہ تمام حلقوں کے دوروں کے علاوہ مختلف طبقات کے وفود، عمائدین اور اہم شخصیات سے ملاقاتیں بھی کرینگے۔ ان کا یہ ہنگامی دورہ علاقے کی سیاسی فضا میں ہلچل پیدا کرنے کا باعث بن سکتا ہے۔

وحدت نیوز(اسکردو) مجلس وحدت مسلمین پاکستان بلتستان ڈویژن کے سیاسی سیل سے جاری ایک بیان میں کہا ہے کہ عوام منفی پروپیگنڈوں پر کان نہ دھریں کسی بھی حلقے میں امیدوارکا حتمی فیصلہ سیاسی ادارہ کریگا ہے مجلس وحدت مسلمین کے نظریات سے ہم آہنگی نہ رکھنے والے افراد کو ٹکٹ دینے کی باتیں غلط ہیں کسی بھی شخصیت کو یہ اختیار نہیں کہ وہ اپنی مرضی سے ٹکٹ بانٹتے پھریں یہاں تمام ادارے بااختیار ہیں اور سیاسی ادارہ معیارات پر سمجھوتہ کرنے کے لیے ہرگز تیار نہیں۔ سیاسی سیل سے جاری بیان میں کہا گیا ہے کہ دوسری جماعتوں کی طرح مجلس وحدت میں اشرافیوں کی کوئی قیمت نہیں یہاں پر معیارات دیگر ہے اور مخلص ،دیانت دار،اہل اور عوام کی خدمت کرنے والے نمائندوں کو سامنے لایا جا ئیگا چاہے انتخابات میں شکست ہی کیوں نہ ہو۔ اشرافیوں اور صاحب ثروت کو سامنے لاکر یہاں کی غریب عوام کے توقعات پر پانی پھیرنا نہیں چاہتے اور یہ سیاسی جنگ اصولوں کی بنیاد پر جاری رکھی جائے گی۔عوا م اس حوالے سے بھی مطمئن ہو جائے کہ اگر کوئی شخص مجلس وحدت میں بطور نمائندہ شمولیت اختیار کرنا چاہتا ہے تو انکے ماضی کو ہرگز فروموش نہیں کیا جائے گااور انہیں لیڈر کی حیثیت سے نہیں بلکہ اس ملت کے خادم کی حیثیت سے بلا شرط و شروط شمولیت کرنا ہوگی اور انکی شمولیت کے بعد بھی سیاسی سیل انکی سرگرمیوں کی باقاعدہ مانیٹرنگ ہوگی اور یہ دیکھا جائے گا کہ انکا نام بھی امیدواروں کی لسٹ میں شامل کیا جا سکتا ہے یا نہیں جنکی جانچ پڑتا کے بعد امیدوار کے طور پر متعارف کرانے ہیں۔بلتستان کے تمام حلقوں سے امیدواروں کے نام بہت جلد منظر عام پہ لایا جائے گا اور حتمی امیدواروں کا فیصلہ سیاسی ادارہ کرے گا۔ بعض افراد مجلس وحدت کی ساکھ کو خراب کرنے کے لیے عوام کے درمیان یہ پروپیگنڈا کررہے ہیں کہ مجلس وحدت نے ٹکٹ کا فیصلہ کر لیا ہے جو کہ سراسر غلط ہے بلتستان کے تمام سابقہ نمائندوں کی کارکردگی سے عوام اور مجلس وحدت دونوں مطمئن ہیں تمام سابقہ نمائندوں نے عوام کو مایوسی کے سوا کچھ نہیں دیا بعض نے تو عوام کے حلق سے لقمہ تک چھیننے کی کوشش کی اور گندم سبسڈی کو ختم کرنے کی کوشش کی جسے بحال کسی جماعت نے نہیں بلکہ عوام نے کیااگر وفاقی حکومت کا نیک ارادہ ہوتا تو کیوں اس قوم کوبارہ دن سڑکوں پر رہنے پر مجبور کیا۔ گندم سبسڈی کے خلاف بولنے والے افلاطوں اپنے فلسفے اپنے پاس رکھیں سندھ میں اب بھی لوگ بھوک کی وجہ سے مر رہے ہیں ۔گلگت بلتستان میں سبسڈی عالمی قوانین کے سبب ہے اور عوام کا حق ہے جسے جاری رہنا چاہیے۔نگران حکومت کی تشکیل کے دوران جن جن نمائندوں نے خیانت کی ہے اور بلتستان کو نظر انداز کیا ہے اس کا بدلہ انتخابات میں لیا جائے گا۔ آئندہ انتخابات میں بلتستان میں فتح عوام کی ہوگی اور تمام غدار نمائندوں کو نشان عبرت بنایا جا ئے گا۔

وحدت نیوز (لاہور) مجلس وحدت مسلمین پاکستان کے مرکزی پولیٹیکل سیل نے سنٹرل سیکریٹریٹ میں گلگت بلتستان الیکشن کے لئے کنٹرول روم قائم کردیا،ایم ڈبلیوایم کے کورکمیٹی کے اراکین 9 مارچ کو گلگت بلتستان جائینگے،گلگت بلتستان میں کور کمیٹی کے دورے کے موقع پر مختلف سیاسی جماعتوں سے تعلق رکھنے والی شخصیات مجلس وحدت مسلمین میں شمولیت کا اعلان بھی کریں گی ،ان خیالات کا اظہار مجلس وحدت مسلمین پاکستان کے مرکزی سیکرٹری سیاسیا ت سید ناصر شیرازی نے سیاسی کونسل کے اجلاس سے خطاب میں کیا ،انہوں نے کہا کہ مجلس وحدت مسلمین گلگت بلتستان میں روائتی سیاست کا خاتمہ کر کے تبدیلی کا آغاز کریگی،علاقے کی تعمیر و ترقی اور اصلاحات کے لئے نوجوان ،تعلیم یافتہ اورمحب وطن قیادت کو سامنے لائیں گے ،گلگت بلتستان کے الیکشن کو ہائی جیک نہیں کرنے دینگے،گذشتہ 63 سالوں سے استحصال کے شکار جی بی کے عوام آنے والے الیکشن میں نام نہاد حکمرانوں کو مسترد کر دیں گے،الیکشن قریب آتے ہی ترقیاتی کاموں کا جھانسہ دے کر عوام کو بیوقوف بنایا جا رہا ہے.

ناصر شیرازی کا کہنا تھا کہ گلگت بلتستان کی محرومی کے ذمہ دار پیپلز پارٹی اور ن لیگ کی حکومتیں ہیں ،دونوں جماعتوں نے علاقے میں عوامی مسائل کے حل سے زیادہ اپنے مفادات کے لئے کام کیئے،انفراسٹکچر زبوں حالی کا شکار ہے ٹورازم کے شعبے کو دہشت گردی نے تباہ کر دیا ہے ستم ظریفی یہ ہے کہ نانگا پربت پر غیر ملکی سیاح کے قاتلوں کو مکھن سے بال کی طرح جیل سے نکال کر فرار کروادیا گیا جو علاقے میں ٹورازم شعبے کے خلاف ایک منظم سازش کا حصہ ہے ۔