وحدت نیوز(مظفرآباد )سیکرٹری جنرل مجلس وحدت مسلمین آزاد کشمیر علامہ سید تصور حسین نقوی الجوادی نے عبدالستار ایدھی کے انتقال پر گہرے افسوس کا اظہار کرتے ہوئے کہا کہ عبدالستار ایدھی سماجی خدمت کا ایک سنہرا باب جو بند ہو گیا ، دکھی انسانیت کی خدمت کے لیے عبدالستار ایدھی کی خدمات ہمیشہ یاد رکھی جائیں گی ، ایسی شخصیت جو ہمیشہ بے سہاروں کو سہارا دیتی رہی آج داغ مفارقت دے گئی، پورا ملک سوگوار ہے ، مخلصانہ تگ و دو کے ذریعے انہوں نے دکھی انسانیت کی خدمت کی ،ہم ایک مخلص ، انسان دوست ، غریب پرور اور محب وطن شخصیت سے محروم ہو گئے ، ان کی خدمات کو تازیست یاد رکھا جائے گا، علامہ سید تصور حسین نقوی الجوادی نے ان کے خاندان سے اظہار تعزیت کرتے ہوئے ان کے صبر جمیل اور مرحوم کی بلندی درجات کے لیے دعا کی۔

وحدت نیوز(مظفرآباد) ملی تنظیمات کے زیر اہتمام شہید سیدشاہد شیرازی کی مظلومانہ شہادت اور ملک بھر میں جاری منظم شیعہ ٹارگٹ کلنگ کے خلاف مرکزی امامبارگاہ پیر علم شاہ بخاری سے احتجاجی ریلی نکالی گئی ، ریلی کے اختتام پر احتجاجی جلسے سے علامہ سید تصور حسین نقوی الجوادی سیکرٹری جنرل ایم ڈبلیوایم آزادکشمیر نے خطاب کرتے ہوئے کہا کہ ہم حکومت پاکستان کے ساتھ ساتھ آزاد کشمیر کی حکومت سے بھی ہوش کے ناخن لینے کا مطالبہ کرتے ہیں کیوں کہ ابھی تک کسی قسم کا بھی ردعمل ظاہر نہیں کیا گیا ، انہوں نے کہا کہ ایڈووکیٹ شاہد شیرازی کی مظلومانہ شہادت پر گہرے رنج و غم کا اظہار کرتے ہوئے ملت جعفریہ آزاد کشمیر بھرپور مذمت کرتی ہے ، ملک بھر میں جاری منظم شیعہ ٹارگٹ کلنگ نہیں رک رہی ، پرامن ملت کے صبر کا پیمانہ لبریز ہونے لگا ہے ، انصاف حکومت ڈیرہ اسماعیل خان میں انصاف فراہم کرے اگردہشتگردوں کی نرسریوں کوفنڈزفراہم کیئےجائیں گے تو شاہدشیرازی جیسے معصوم ونہتے شہری قتل ہوتےرہیں گے،ہمیں دہشت گردی والاپاکستان نہیں بلکہ بابائے قوم حضرت قائداعظم کے خوابوں کی تعبیر کاحامل خوشحال اور پرامن پاکستان چاہیے ، نیشنل ایکشن پلان کہاں ہے؟ کہ جب پرامن اور محب وطن شہری سڑکوں پر چوکوں میں چوراہوں میں مارے جارہے ہیں ، یہ برداشت نہیں ، قائد وحدت علامہ راجہ ناصر عباس جعفری کی بھوک ہڑتال ظلم کے خلاف ایک آواز ہے جواب ایک تحریک کی صورت اختیار کرچکی ہے اور جب تک بے حس حکمران معاملات کے حل کی طرف نہیں بڑهتے احتجاجی تحریک کے ذریعے  نیندکی گولیاں کهاکرسونےوالےحکمرانوں کے اعصاب پرسواررہیں گے ۔

انہوں نےمزیدکہاکہ چن چن کے ہمارے پروفیشنلز اور مملکت خداداد پاکستان کے قابل بیٹوں کو مارا جارہا ہے،ہم مطالبہ کرتے ہیں کہ شہید شاہد شیرازی کے قاتلوں کو جلد از جلد گرفتار کرتے ہوئے انہیں ان کے انجام تک پہنچایا جائے ، وارثان شہداء کو انصاف مہیاجائے ،دہشتگردوں اوراقتدارکےایوانوں میں بیٹهے دہشتگردوں کے سرپرستوں اورملک کے گوش وکنار میں پهیلے دہشتگردی کے اڈوں کے خلاف مربوط اور یکبارگی آپریشن اب وقت کی ضرورت اور مسلح افواج پاکستان کے کاندهوں پربهاری بوجه بن چکاہے لہذاہم بہادراورجری افواج پاکستان کے سپریم کمانڈرسے مطالبہ کرتے ہیں کہ دہشت گردوں اور قاتلوں کو نیست و نابود کرنے کے اقدامات کیئے جائے ،انہوں نے کہا کہ علامہ راجہ ناصر عباس جعفری کے تمام مطالبات پر فوری عمل درآمد ہی ایک پرامن پاکستان جیسی منزل کی تکمیل کر سکتا ہے۔اس موقع پر علامہ مفتی کفایت حسین نقوی،ریجنل ناظم امامیہ آرگنائزیشن برادر قمرنقوی،ڈویژنل صدرآئی ایس او برادر رضی عباس اور دیگرعمایدین بهی موجودتهے۔

وحدت نیوز(مظفرآباد) آزاد امیدوار سید ذیشان حیدر اور حامیوں پر حملہ قابل مذمت ہے ، ہم اس کی بھرپور مذمت کرتے ہیں ، وحدت سیکرٹریٹ مظفرآباد سے جاری پریس ریلیز میں مجلس وحدت مسلمین آزاد کشمیر کے رہنماؤں علامہ سید تصور حسین نقوی الجوادی ، سید محسن رضا سبزواری ایڈووکیٹ،سید طالب حسین ہمدانی، سید حسین سبزواری ، سید حمید حسین نقوی ، خالد محمود عباسی ، سید ارسلان بخاری ، امیدوار اسمبلی حلقہ پانچ سید حسنین کاظمی و دیگر نے اپنے بیان میں کہا کہ حلقہ پانچ میں آزاد امیدوار سید ذیشان حیدر اور انکے حامیوں پر حملے کی جتنی مذمت کی جائے کم ہے ، ریاست آزاد کشمیر پرامن خطہ ہے ، اس طرح کے کلچر کو فروغ نہ دیا جائے ، ہر امیدوار کو یہ حق حاصل ہے کہ وہ اپنا پیغام لوگوں تک پہنچائے ، امیدوار کو الیکشن کمپین سے روکنا ناقابل برداشت عمل ہے ، الیکشن کمیشن کے ساتھ ساتھ ضلعی انتظامیہ اس معاملے پر نوٹس لیتے ہوئے ذمہ دار افراد کے خلاف کاروائی کرے ، ضرورت اس امر کی ہے کہ باہم محبت ، امن ، بھائی چارے اور برداشت کو فروغ دیا جائے ، لاٹھی کے زور پر اپنے آپ کو مسلط نہ کیا جائے ۔ مجلس وحدت مسلمین نے مطالبہ کیا کہ جلد از جلد اس معاملے پر کاروائی کو یقینی بنایا جائے تا کہ مزید اس طرح کے واقعات سے بچا جا سکے۔

وحدت نیوز(مظفرآباد) سربراہ مجلس وحدت مسلمین پاکستان علامہ راجہ ناصر عباس جعفری کی کال پر ریاست گیر یوم شہداء منایا گیا ، میرپور ، کوٹلی ، باغ ، ہٹیاں اور نیلم کے علاوہ مرکزی تقریب وحدت سیکرٹریٹ مظفرآباد میں منعقد ہوئی ، مقررین کے خطاب کے علاوہ مرکزی نوحہ سنگت مظفرآباد نے نوحہ خوانی کی ، تقریب میں شہداء کے خانوادوں نے خصوصی طور پر شرکت کی ، خطاب کرتے ہوئے ریاستی سیکرٹری جنرل مجلس وحدت مسلمین پاکستان آزاد کشمیر علامہ سید تصور حسین نقوی الجوادی نے کہا کہ شہداء کو خراج عقیدت پیش کرتے ہیں کہ جنہوں نے اپنا آج ہمارے کل کے لیے قربان کیا ، یوم شہداء تجدید عہد کے لیے منایا گیا کہ ہم شہداء کے مشن کو جاری و ساری رکھیں گے ، شہداء کے مقدس لہو کی یاد تازہ رکھیں گے ، ہم شہداء کے خانوادوں سے اظہار ہمدردی کرتے ہیں ،شہداء کے مشن کی جدوجہد کے لیے بھوک ہڑتال پر بیٹھے علامہ راجہ ناصر عباس جعفری سے بھی اظہار یکجہتی کرتے ہیں ، علامہ راجہ ناصر عباس کی بھوک ہڑتال مظلوموں و محروموں کے حقوق کے لیے ہے ، وہ مرد قلندر جو بھوک ہڑتا ل کے ذریعے مردہ ضمیروں کو جھنجوڑ رہا ہے ، خود صعوبتیں برداشت کر کے ملک و قوم کے حقوق کی بازیابی کی جدوجہد کر رہا ہے ، پاکستان میں شیعہ نسل کشی کی لہر عروج پر ہے، حال ہی میں انسانی حقوق کے علمبردار ، ممتاز صحافی خرم ذکی کو شہید کیا گیا ، ڈی آئی خان میں دو وکلاء اور دو پروفیسرز کو ٹارگٹ کیا گیا ، پارچنار میں پرامن مظاہرین پر گولیاں برسائیں گئیں ، علامہ راجہ ناصر عباس دو ہفتوں سے زائد بھوک ہڑتال پر بیٹھے ہیں ، جو ہنوز جاری ہے ، ملک کی تمام سیاسی و مذہبی جماعتوں نے یکجہتی کا اظہار کیا ، ملت تشیع کے ساتھ ناانصافیوں کا یہ سلسلہ آخر کب تک جاری رہے گا ، ان کی املاک پر قبضہ ، ان کی جان محفوظ نہیں ، عزاداری کو محدود کرنے کی سازشیں ، علماء کی نقل و حرکت پر پابندی اور کارکنان کی گرفتاریاں ایک لامتناعی سلسلہ شروع ہو چکا تھا، ان سوئے ہوئے ضمیروں کو بیدار کرنے کی خاطر سربراہ مجلس وحدت مسلمین نے بھوک ہڑتال پر بیٹھنے کا فیصلہ کیا ، ملک کے گوشے گوشے سے لوگ علامہ راجہ ناصر عباس کے حکم کے انتظار میں ہیں ، اسلام آباد کی جانب مارچ آخری آپشن ہو گا ، کسی صورت بھی شہداء کا خون رائیگان نہیں جانے دیا جائے گا ، ہم شہداء کے وارث ہیں ، ملت کے حقوق کی خاطر میدان میں رہیں گے ، وقت کے یزید اپنے تمام تر حربے استعمال کر لے ، ہم حسینی ہیں ، عصر کی کربلا میں کردار ادا کرتے رہیں گے ، ملک پاکستان کو مسلکی پاکستان نہیں بلکہ قائد اعظم و علامہ اقبال کا پاکستان بنانے کی جدوجہد کر رہے ہیں ، ہم پر امن و جمہوری لوگ ہیں ، ہماری خاموشی کو ہماری کمزوری نہ سمجھا جائے ، مطالبات پر جلد از جلد عملد درآمد ہی ملک و قوم کے مفاد میں ہے، ہم کسی قسم کی انارکی یا بدامنی نہیں چاہتے ، آرمی چیف کردار ادا کریں ۔یوم شہداء کی اس تقریب سے سید عمران حیدر سبزواری ، سید سرمد علی نقوی و دیگر نے بھی خطاب کیا۔

وحدت نیوز (ظفرآباد) مجلس وحدت مسلمین پاکستان آزاد کشمیر سنٹرل پریس کلب کے باہر علامتی بھوک ہڑتال کیمپ لگا لیا ، ملک بھر میں جاری منظم شیعہ نسل کشی ، پارہ چنار ، ڈیرہ اسماعیل خان میں، صحافی ، پروفیسرز اور پروفیشنلز کے قتل عام کے خلاف اور قائد وحدت علامہ راجہ ناصر عباس جعفری سے اظہار یکجہتی کے لیے بھوک ہڑتالی کیمپ لگایا گیا ، سینئر ممبر اسلامی نظریاتی کونسل آزاد کشمیر علامہ مفتی کفایت حسین نقوی ، سیکرٹری جنرل مجلس وحدت مسلمین آزاد کشمیر علامہ سید تصور نقوی الجوادی کی قیادت میں کیمپ کا انعقاد کیا گیا ، کیمپ میں بعد نماز مغرب شہداء کی یاد میں شمعیں روشن کی گئیں ،شرکاء سے خطاب کرتے ہوئے علامہ مفتی سید کفایت حسین نقوی نے کہا کہ ہم علامہ راجہ ناصر عباس جعفری کو سلام پیش کرتے ہیں ، ان کے مطالبات کی مکمل حمایت کرتے ہیں اور یہ یقین دلاتے ہیں کہ ہم ان کے ساتھ ہیں ، ملک بھر میں جاری شیعہ نسل کشی پر حکومتوں کی مجرمانہ خاموشی کا نتیجہ ہے ، ہم مارے جاتے رہیں اور کوئی پوچھتے والا نہ ہو ایسا اب نہیں ہو سکتا ، ہم بھرپور اور پرامن احتجاج جاری رکھیں گے اس وقت تک ہم یہ کیمپ جاری رکھیں گے جب تک علامہ راجہ ناصر عباس جعفری نہیں اٹھتے۔

علامہ سید تصور حسین نقوی الجوادی نے کہا قائد وحدت سے اظہار یکجہتی کے لیے ہم یہاں موجود ہیں ، شیعہ اس ملک کے شہری ہیں انہیں تحفظ فراہم کرنا حکومت اور قانون نافذ کرنے والے اداروں کی ذمہ داری ہے ، انہوں نے کہا کہ مجلس وحدت مسلمین ظالموں کا پیچھا کرتی رہے گی ، جب تک کہ ظالم اپنے انجام کو نہیں پہنچ جاتا ، ظالموں کو پتا ہونا چاہیے کہ ہم حسینی ہیں ، اور حسینی اپنا سر تو کٹا سکتا ہے مگر جھکا نہیں سکتا ، ہم میدان میں موجود رہیں گے ، جب تک ہمارے مرکزی کیمپ کے مطالبات پورے نہیں ہوتے ہم بھی یہاں موجود رہیں گے ، شہداء کا خون رنگ لائے گا ، ظالم خون کے سیلاب میں بہہ جائے گا ، مجلس کے کارکنان و قائدین مقاومت جاری رکھیں گے۔کیمپ میں پیپلز پارٹی کے رہنما شوکت جاوید میر، سید شجاعت کاظمی،امیدوار اسمبلی سید فخر عباس پاکستان تحریک انصاف آزاد کشمیر کے رہنما پیر سید مہر بخاری ، عام آدمی پارٹی کے سینئر نائب صدر راجہ زاہد مصدق، معروف اہلسنت عالم دین مولانا لیاقت حسین ، مولانا بدر و دیگر تشریف لائے اور اظہار یکجہتی کرتے ہوئے مطالبات کی مکمل حمایت کا اعلان کیا۔

وحدت نیوز(مظفرآباد) مجلس وحدت مسلمین آزاد کشمیر کے انٹرا پارٹی الیکشن ،علامہ سید تصور حسین نقوی الجوادی کوبھاری اکثریت سے تیسری مرتبہ تین سال کیلئے مجلس وحدت مسلمین آزاد کشمیر کاریاستی جنرل سیکرٹری(سربراہ) منتخب کرلیا گیا۔ ریاستی سیکرٹری جنرل کے انتخاب کے لیے ریاست آزاد کشمیر کے تمام اضلاع،ریاستی کابینہ سے تعلق رکھنے والے اراکینِ ریاستی شوریٰ نے انتخابی عمل میں حصہ لیا۔رائے شماری مسجد و امامبارگاہ باب العلم لوئر چھتر مظفرآباد ہوئی،جنرل سیکرٹری کی نشست کے لیے علامہ سید تصور حسین نقوی الجوادی، مولانا سید طالب حسین ہمدانی اورسید عبادت علی کاظمی کو نامزد کیا گیا، مجلس وحدت مسلمین آزاد کشمیر کی ریاستی شوریٰ کے ممبران کی کثیر تعداد نے علامہ سید تصور حسین جوادی کو ووٹ دے کر بھاری اکثریت سے کامیاب کیا ۔نتائج کا اعلان مرکزی ڈپٹی سیکرٹری جنرل مجلس وحدت مسلمین پاکستان علامہ احمد اقبال رضوی نے کیا۔

میڈیا سیل مجلس وحدت مسلمین آزاد کشمیر سے جاری کی گئی تفصیلات کے مطابق مجلس وحدت مسلمین آزاد کشمیر کے انٹرا پارٹی الیکشن کے موقع پر پیام وحدت اجلاس ریاستی شوریٰ میں علامہ سید تصور حسین نقوی الجوادی مجلس وحدت مسلمین آزاد کشمیر کے تیسری بار سیکرٹری جنرل منتخب ہو گئے ہیں، انہیں ریاستی شوریٰ نے بھاری اکثریت سے ایک بار پھر سیکرٹری جنرل کیلئے منتخب کرلیا ہے ، مرکزی ڈپٹی سیکرٹری جنرل ایم ڈبلیو ایم پاکستان علامہ سید احمد اقبال رضوی نے نئے سیکرٹری جنرل کا اعلان کیا، اجلاس کی چوتھی نشست میں ریاستی شوری کا اجلاس طلب ہوا جس میں تمام اضلاع سے دو دو ارکان،ریاستی کابینہ کے ارکان نے شرکت کی اور انتخابی عمل میں حصہ لیا۔ ریاستی شوریٰ کو انتخابی کمیٹی کی طرف سے تین نام پیش کیے گئے تھے جن میں علامہ سید تصور حسین جوادی،مولانا طالب ہمدانی اور سید عبادت علی کاظمی شامل تھے ۔

ریاستی شوریٰ سے ان تین ناموں میں سے کسی ایک نام کو سیکرٹری جنرل کے طور پر منتخب کرنے کا کہا گیا۔علامہ سید احمد اقبال رضوی کی سربراہی میں تمام انتخابی عمل انتہائی شفاف طریقے سے انجام پایا۔ اس موقع پر علامہ تصور جوادی کا شاندار استقبال کیا گیا اور فلک شگاف نعرے بلند کیے گئے ۔علامہ مفتی سید کفایت حسین نقوی،علامہ شیخ غلام حسن صابری مرکزی خطیب مظفرآباد ، تمام علماء کرام ، مہمانان گرامی اورریاستی شوریٰ کے اراکین نے علامہ سید تصور حسین جوادی کو مبارکباد پیش کی اور اپنے بھرپور تعاون کی یقین دہانی کرائی۔علامہ سید تصور حسین نقوی الجوادی نے خطاب کرتے ہوئے کہا کہ ہم اس عزم کا اعادہ کرتے ہیں اتحاد بین المسلمین،قوم و ملت کی خدمت ، مظلوموں کی حقوق کے لیے جدوجہد، ملک کی نظریاتی و جغرافیائی سرحدوں کی محافظت اور دین مبین کی خدمت میں کوئی کسر نہیں چھوڑیں گے، مظلوموں و محروموں کی آواز بن کر اٹھیں گے، قائدوحدت کی قیادت میں ملت و قوم کے حقوق کے لیے جدوجہد جاری رکھیں گے ۔انہوں نے کہا کہ ملک میں جاری دہشتگردی ، بالخصوص شیعہ ٹارگٹ کلنگ ریاستی اداروں اور حکومتی ایوانوں میں بیٹھے حکمرانوں کی کارکردگی پر سوالیہ نشان ہے، قائد وحدت تین دن سے بھوک ہڑتال پر ہیں ،ہم مکمل اظہار یکجہتی کرتے ہوئے مطالبہ کرتے ہیں کہ آرمی چیف صورتحال کا نوٹس لیں ، پاکستان میں بسنے والے نہتے شہریوں کو مارا جا رہا ہے، ہماری قوم کے پروفیشنلز کو ٹارگٹ کیا جا رہا ہے،ہمارے لیے اب یہ صورتحال نا قابل قبول ہے ۔