وحدت نیوز(کوئٹہ) مجلس وحدت مسلمین کوئٹہ ڈویژن کے میڈیا سیل سے جاری شدہ بیان میں16 فروری 2013 سانحہ ہزارہ ٹاون کے تیسری برسی کے موقع پر ایم پی اے آغا رضا نے کہا ہے کہ وطن عزیز کے شہریوں کے دشمن، ملک کے دشمن ہیں اور شہریوں کو نقصان پہنچانے والے کبھی محب وطن نہیں ہو سکتے، ملک و قوم کو دہشتگردی کی وجہ سے بہت سے نقصانات کا سامنا ہوا ہے۔ آج ہماری پسماندگی کی ایک بڑی وجہ دہشتگردی ہے جس کی وجہ سے ہمیں ہزاروں جانوں کا نقصان ہوا ہے۔ قیمتی جانوں کی قربانی کو ضائع نہ ہونے دیا جائے اور شہیدوں کے ساتھ وفا کرتے ہوئے دہشتگردوں کو ان کے انجام تک پہنچایا جائے،ایم ڈبلیوایم کی عوامی خدمت کے سفرمیں شہدائے کوئٹہ کی قربانیاں مینارہ ہدایت ہیں۔

بیان میں کہا گیا کہ ملک دشمن عناصرکو ان کے ناپاک عزائم میں ہرگز کامیاب نہیں ہونے دیں گے۔ ہزارہ ٹاون میں ایک ہی دن میں سینکڑوں بے گناہ ہزارہ قوم سے تعلق رکھنے والے لوگوں کو شہید کر دیا گیا تھا، کوئی بھی مسلمان ایسا کام ہرگز نہیں کر سکتا۔ ملک دشمن عناصر اپنے ناپاک مقاصد کے حصول کیلئے دہشتگردوں کوپروان چڑھانے کی بھرپور کوشش کر رہے ہیں مگر یہ ہماری ذمہ داری ہے کہ ہم انکا راستہ روکیں۔ ہم سب یہ جانتے ہیں کہ آج کی نئی نسل ہمارے روشن مستقبل کی ضمانت ہے اور انہیں دہشتگردی کا نشانہ بنا کر وہ ہمیں ایک سنہری مستقبل سے محروم رکھنا چاہتے ہیں۔

بیان میں مزید کہا گیا کہ دہشتگردی کے واقعات میں ابھی تک کمی نہیں آئی ہے اور ان واقعات کا بڑھ جانا دہشتگردوں کو چھوٹ دینے کا نتیجہ ہے، اگر دہشتگردوں کے خلاف بروقت کاروائیاں کی جاتی اور انکی جڑین کاٹ لی جاتی تو ہمیں سینکڑوں جانوں کی ضیاع کا سامنا نہیں کرنا پڑتا اور ابھی بھی اگر سخت اقدامات نہ اٹھائے گئے تو مستقبل میں مزید نقصانات کا سامنا ہو سکتا ہے ۔ قوم دہشتگردوں کے خلاف متحدہے دہشتگردی کی سوچ کو ختم کرنے کیلئے کام کیا جائے۔ ہمیں یہ بات یاد رکھنی چاہئے کہ وطن عزیز پاکستان کا قیام ہی اسلام کے نام پر ہوا ہے اور اسے نقصان پہنچانے والے ہرگز مسلمان نہیں ہوسکتے، اسلام کے نام پر دھوکہ دے کر دہشتگردی کرانے کی ترغیب مزید نہیں چل سکتی۔ بیان کے آخر میں شہدائے ہزارہ ٹاون کو خراج عقیدت پیش کیا گیا اورکہا گیا کہ جب انہیں دہشتگردی کا نشانہ بنایا گیا تھا توساری قوم انکے غم میں انکے ساتھ شریک تھی اور دھرنے کی کال پر پوری قوم نے انکے آواز پر لبیک کہا تھا جو ہمارے وحدت کا منہ بولتا ثبوت ہے۔

وحدت نیوز (کوئٹہ) مجلس وحدت مسلمین کے میڈیا سیل سے جاری شدہ بیان میں وزیراعلیٰ بلوچستان نواب ثناء اللہ زہری کے زیر صدارت امن و امان کی صورت حال کی بحالی پر منعقدہ اجلاس کو خوش آئند قرار دیتے ہوئے کہا گیا کہ خطے میں امن و امان کی بحالی وقت کی اہم ترین ضرورت ہے۔ بلوچستان کے عوام کے دلوں میں امن کی امیدکا شمع روشن ہو گیا ہے۔ مجلس وحدت مسلمین کے رکن بلوچستان اسمبلی آغا رضا نے اپنے بیان میں کہا ہے کہ امن و امان پربہت سے لوگ صرف تبصرے کرتے تھے مگر اسکی بحالی کیلئے اقدامات کی خبروں نے عوام کو خوشحالی کا اشارہ دے دیا ہے ، دہشت کے خاتمے سے صوبے کے سیاسی، تعلیمی، اقتصادی، معاشی سمیت دیگر تمام شعبہات زندگی میں ترقی ملے گی۔ آغا رضا نے کہا کہ اسلامی ریاست میں اسلامی اصولوں پر عمل ہونا چاہئے اور اسلام امن و امان قائم کرنے کیلئے یہ تعلیم دیتا ہے کہ اگر شر پسند عناصر کسی معاشرے یا سماج کے امن و سکون خراب کرنے پر آمادہ ہو ڈاکہ، قتل وغارت یا دہشتگردی کے زریعے بد امنی پھیلا رہا ہو ، جن کی وجہ سے خطے میں لوگوں کی عزت و آبرو محفوظ نہ ہو، معصوم لوگوں کی جانیں ضائع ہو رہی ہو، ایسے سماج دشمن عناصر کا راستہ روکھا جائے اور انہیں سزا دی جائے تاکہ معاشرے میں امن کی فضا برقرار رہے۔ایک سماج میں رہنے والا کوئی بھی محب وطن اور عاقل شخص ہرگز نہیں چاہتا کہ اسکے ہاں دہشتگردی ہو اور صوبے میں لوگوں کو ہر روز قتل و غارت گری اور ہڑتالوں کا سامنا ہو۔ بد امنی سے ہمیں صرف اور صرف نقصان کا سامنا ہوتا ہے۔ انہوں نے کہا کہ اجلاس میں تمام پارلیمانی لیڈروں نے یہ عزم کیا ہے کہ شرپسند عناصر کا ڈٹ کر مقابلہ کیا جائے گا اور دہشتگردی میں ملوث افراد سمیت انکے سہولت کاروں کو بھی انکے کیفر کردار تک پہنچایا جائے گا اسکے ساتھ ساتھ جو فیصلے کئے گئے ان فیصلوں پر پولیس اور دیگر اداروں کو عملدرآمد کا حکم بھی دیا گیا ہے اور اس بات کی امید کی جا رہی ہے کہ عوام کے جان و مال کو محفوظ بنانے کیلئے تمام تر سہولیات کو بروئے کار لایا جائے گا۔

وحدت نیوز (کوئٹہ) کوئٹہ شہر بلخصوص علمدار روڈ اور ملحقہ علاقوں میں پچھلے کئی دنوں سے گیس کی عدم دستیابی کے سلسلے میں ممبر صوبائی اسمبلی آغا رضا, کونسلر کربلائی رجب علی, کونسلر کربلائی عباس علی اور حاجی ناصر کی سوئی سدرن گیس کمپنی کے جنرل مینجر آغا محمد بلوچ سے ملاقات.جی ایم کی مسئلے کے فوری حل کے لیے فوری اقدامات کرانے کی یقین دہانی.یاد رہے کہ کوئٹہ شہر ان دنوں شدید سردی کی لپیٹ میں ہے اور گیس کی عدم دستیابی نے شہر بھر میں شہریوں کا جینا دو بھر کر دیا ہے.

وحدت نیوز (کوئٹہ) اربعین امام حسین ؑپر کربلا معلیٰ کی زیارت کے خواہش مند درجنوں بسوں میں سوارسینکڑوں زائرین کو بالآخرتفتان بارڈتک سفر کی اجازت فراہم کردی گئی ہے جس کے بعد درجنوں بسیں ملک کے مختلف شہروں سے بلوچستان آنے والے زائرین کو لیکرلیویز اور ایف سی کی سکیورٹی میں کوئٹہ سے تفتان روانہ کردی گئی ہیں ،واضح رہے کہ  گذشتہ روز مجلس وحدت مسلمین کے رکن بلوچستان اسمبلی سید محمدرضا رضوی (آغارضا)نے اسمبلی اجلاس کے دوران ملک بھر سے کوئٹہ میں جمع ہونے والے زائرین کرام کو ایم او سی کے نام پر ڈیرہ اللہ یار اور قلعہ سیف اللہ کے مقام پر روکنے کی شدید الفاظ میں مذمت کی تھی ، ان کا کہنا تھا کہ یہ ایک دو دن کا معاملہ نہیں ہمیشہ زائرین کو ایسی طرح مشکلات کا سامنا کرنا پڑتا ہے، جگہ جگہ درجنوں بسوں کو روکنے کے واقعات کے نتیجے میں کسی بھی ناخوشگوارواقعے کی ذمہ داری کس کے کاندھوں پر عائد ہوگی، انہوں نے اسپیکر بلوچستان کو مخاطب کرتے ہوئے کہا کہ صوبائی وزارت داخلہ زائرین کی فوری باحفاظت تفتان روانگی کے انتظامات کو یقینی بنائے ، جبکہ زیروپوائنٹ پر موجود ایف آئی اے کے امیگریشن عملے کی تعداد جو کہ فقط چار پانچ افرادپر مشتمل ہے میں بھی اضافہ کیا جائے تاکہ زائرین بروقت بارڈرکراس کرسکیں ۔

وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری شدہ بیان میں ایم ڈبلیوایم کے رکن بلوچستان اسمبلی سید محمد رضا نے کہا کہ حاجی محمد صادق کی ٹارگٹ کلنگ کی بھرپورمذمت کرتے ہیں ، دہشتگردی میں ملوث افراد کو جلد از جلد ان کے انجام تک پہنچایا جائے. حاجی محمد صادق کی ٹارگٹ کلنگ ثابت کرتی ہے کہ نیشنل ایکشن پلان اب تک نتیجہ خیز نہیں ہوا،عوام میں خوف و حراس پھیلانے والوں کی جگہ جھیل ہے۔ دہشتگردوں کو ان کے آخری انجام تک پہنچانا ضروری ہے اور ان کا ساتھ دینے والوں کو بھی سلاخوں کے پیچھے ہونا چاہئے ، مگر جب تک کوئی واقعہ درپیش نہیں آتا انتظامیہ کو اس بات کا احساس ہی نہیں ہوتا کہ صوبے میں کوئی دہشتگرد ہے بھی یا نہیں. دہشتگردوں کا وجود وطن عزیز اور پاکستان کے آئین کی بقاء کیلئے اس وقت سب سے بڑا خطرہ ہے. جس سے جلد از جلد نمٹنا ہوگا. حکومت آئین کی پاسداری کرتے ہوئے دہشت گردعناصر اور ان کے سرپرستوں کو کیفرکردار تک پہنچائیں ۔ ملک میں دہشت پھیلانے والے پاکستان کے دشمن ہے. ان دہشتگردوں کی وجہ سے پاکستانیوں کو دنیا بھر میں شرمندگی کا سامنا کرنا پڑ رہا ہے انکے کارناموں کی وجہ سے دنیا ہمارے ملک کو دہشتگرد کہہ رہی ہے۔

انہوں نے مزیدکہا کہ کوئٹہ شہر ایک عرصے سے ٹارگٹ کلنگ اور بم دھاکوں کی زد میں ہیں۔ حالات ٹھیک ہوئے کا نام نہیں لے رہے۔ پولیس اور ایف سی دعویٰ کر رہی ہے کہ وہ ایک مہینے کے دوران سینکڑوں ملزمان گرفتار کئے۔ مگر ان میں سے کسی دہشت گرد کو ابھی عدالت میں پیش نہیں کیا گیا اور ان تنظیموں اور لوگوں کی جانب سے کوئٹہ شہر میں تواتر کے ساتھ ٹارگٹ کلنگ جاری ہیں اور یہ عناصر حکومت اور سیکورٹی اداروں کو یہ چیلنج دے رہے ہیں۔ کہ وہ جب چاہیے شہر کے وسط میں کاروائی کر سکتے ہیں ۔ بیان میں مزید کہا گیا ہے کہ گزشتہ روز جان محمد روڈ ،ٹارگٹ کلنگ میں شہید ہونے والے حاجی محمد صادق کے لواحقین سے دلی ہمدردی اور غم کا اظہار کرتی ہے۔ اور صوبائی حکومت کی نا اہل ، غفلت ، عدم دلچسپی اور کوتاہی کی مذمت کرتی ہے۔

وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری کردہ بیان میں کہا گیا ہے کہ نواسہ رسول (ص) حضرت اما م حسین ؑ اور انکے اصحاب باوفا کو خراج عقیدت پیش کرنے کے لیے پریس کلب کوئٹہ میں ایک سیمینار ’’ حسین محسن انسانیت‘‘ کے عنوان سے اہتمام کیا گیا ۔ اس تقریب میں نہ صرف اہل تشیع کے علماء بلکہ اہلسنت برادران کے علماء کو بھی مدعو کیا گیا ۔ پروگرام کا باقاعدہ آغاز تلاوت کلام پاک کرتے ہوئے قاری شاکر حسین نے تلاوت کی شرف بخشی۔ شرکاء محفل سے خطاب امان اللہ شادیزئی صاحب نے کہا کہ ایک زمانہ ہوتا تھا کہ ہم ایام محرم میں میگانگی روڈ کے امام بارگاہوں میں مجالس عزاء سننے جایا کرتے تھے لیکن اب مجالس عزاء کے راستوں کو بند کیا جاتا ہے ایسا لگتا ہے کہ کرفیو میں مجالس منعقد کیے گئے ہیں۔سیرت طیبہ حضرت امام حسین ؑ کی مناسبت سے علامہ سید ہاشم موسوی نے خطاب کرتے ہوئے کہا کہ انسانیت کے دین کا نام قانون اسلام ہے۔جس پر چل کر حضرت امام حسین ؑ نے حق کا پرچم بلند کیا۔شرکاء سے خطاب کرتے ہوئے کہا کہ یہ غلط بات ہے کہ دین خدانخواستہ کوئی اور چیز ہے اور انسانیت کوئی اور چیز ہے ۔انسان کے قانون کا نام دین ہے،ظلم وجبر کے خلاف امام حسین ؑ کا قیام تا روز قیامت مستضعفین کیلئے مینارہ ہدایت ہے،خداوند متعال نے انسانوں کے لیے بہترین دین اسلام منتخب فرمایا ہے۔ایم پی اے آغا رضا نے شرکاء سے خطاب کرتے ہوئے کہا کہ امت مسلمہ کو درپیش بحرانوں سے نمٹنے کے لیے حکمرانوں کو اپنے مفادات کے بجائے عوامی مفادات کو ترجیح دینی ہوگی۔ پاکستان کو نہ ماننے والوں ، پاکستان کو توڑنے والوں ، پاکستان کے خلاف سازشیں کرنے والوں کے ساتھ محبت کی پھینگے بڑھا رہے ہیں۔ لیکن بیس کروڑ مظلوم پاکستانی عوام کے ساتھ کسی کو کوئی فکر نہیں۔قاری عبدالرحمن نے کہا کہ حضرت امام حسین ؑ نے اقتدار پرستوں کی سازش کوامت مسلمہ کے سامنے بے نقاب کیا تاکہ آئندہ کوئی ظالم ، خائن ، غاصب حکمران بن کر عوام الناس کو دھوکہ نہ دے سکیں۔سیمینار سے ڈاکٹر عطا الرحمن ،کامران حسین اور دیگر علماء نے سیر ت امام حسین پر روشنی ڈالی۔