وحدت نیوز (لاہور) مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری نے کہا ہے کہ ملک سے دہشت گردی کے مکمل خاتمے کے لیے پاک فوج کی کوششیں لائق تحسین ہیں۔دہشت گردوں کے منظم گروہوں کے خلاف بھرپور آپریشن سے خاطر خواہ نتائج حاصل ہو رہے ہیں۔انہوں نے کہا کہ دہشت گردی کے خلاف سیاسی اور عسکری قوتوں کو ایک پیج پر آنا ہو گا۔ہمارا روزازل سے یہ موقف رہا ہے کہ دہشت گردی کے خاتمے کا واحدحل پورے ملک میں فیصلہ کن فوجی آپریشن ہے۔عالمی ذرائع ابلاغ سے حاصل معلومات اور مصدقہ اطلاعات کے باوجود حکومتی وزرا ملک میں داعش کی موجودگی سے انکاری رہے ۔لیکن انٹیلی جینس بیورو کے سربراہ کی پریس کانفرنس نے اس حقیقت کو بے نقاب کر دیا ہے۔قومی سلامتی کے معاملے میں اگر حکومت اس طرح مصلحت پسندی اور بیرونی دباو کا شکار رہی تو پھر فوج کی طرف سے دہشت گردوں کے خلاف جاری آپریشن سے مطلوبہ نتائج حاصل کرنا ممکن نہیں ہوں گے۔انہوں نے کہا کہ دہشت گردوں کا کوئی دین مذہب نہیں ہے وہ اجرتی قاتل ہیں ۔عالمی طاقتیں اپنے مقاصد حاصل کرنے کے لیے انہیں اسلام کا نام لے کر استعمال کر رہی ہیں۔پاکستان میں موجود ان مذموم عناصر کی جڑیں کاٹنا ہوں گی۔تمام وہ ادارے جہاں تکفیر اورفرقہ واریت کا نصاب پڑھایا جاتا ہے دہشت گرد ساز فیکٹریاں ہیں۔دہشت گردی کے خاتمے ان کا تدارک انتہائی ضروری ہے۔ملکی سالمیت کے لیے سب سے بڑا خطرہ یہ دہشت گرد طاقتیں ہیں جن مخصوص ایجنڈے کی تکمیل کے لیے اسلامی ممالک میں متحرک کیا گیا ہے۔

وحدت نیوز (اسلام آباد) مرکزی سیکریٹریٹ سے جاری ایک بیان میں مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا ہے کہ دہشت گردی کے مکمل خاتمے کے لیے ان مراکز کے خلاف ترجیحی بنیادوں پر آپریشن کی ضرورت ہے جہاں دینی تعلیم کی آڑ میں وطن عزیز اور افواج پاکستان کے خلاف زہر اُگلا جا رہا ہے۔انہوں نے کہا غیر ملکی ایجنڈے کو تقویت دینے ، بدامنی کی راہ ہموار کرنے کے لیے مخصوص افکار کا فروٖغ اور ترویج کی کوشش بھی دہشت گردی ہے۔ملک دشمن عناصر کی فکری،افرادی ا ور مالی معاونت سمیت کسی بھی قسم کے تعاون کر نے والے عناصر کو جب تک انصاف کے کٹہرے میں نہیں لایا جاتا تب تک قومی سلامتی پر خطرات منڈلاتے رہیں گے۔ افواج پاکستان سمیت ملک کا ایک ایک فرد ہمارے لیے قیمتی سرمایہ ہے۔ہمیں اس سرمائے کی پوری ہوشمندی سے حفاظت کرنا ہو گی۔سیکورٹی نافذ کرنے والے اداروں اور انٹیلی جینس ایجینسیوں کو مزید چوکس ہونے کی ضرورت ہے تاکہ دشمن کے ناپاک ارادوں سے قبل از وقت آگاہی ہو سکے۔انہوں نے کہا کہ پاکستان کے آئین میں مسلمان کی تعریف واضح موجود ہے۔اس تعریف پر پورا اترنے والے کسی بھی شخص کو کافر کہنے اور کسی بھی مسلک کے خلاف نفرت پھیلانے کو قابل تعزیر جرم قرار دینے کے لیے پارلیمنٹ سے قرار داد منظور کرائی جائے۔ملک میں امن قائم ہو جائے گا۔

وحدت نیوز(اسلام آباد) مجلس وحدت مسلمین پاکستان کے زیر اہتمام قائد تحریک جعفریہ شہید سید عارف حسین الحسینی کی ستائیسویں برسی کے سلسلے میں ’’بیداری امت کانفرنس‘‘کا انعقاد اسلام آباد میں ہوا جس میں ملک بھر سے ہزاروں خواتین وافراد نے شرکت کی،تقریب سے ملک کے نامور شیعہ سنی علما ء نے خطاب کیا،ایم ڈبلیو ایم پاکستان کے مرکزی سیکرٹری جنرل علامہ راجہ ناصر عباس جعفری نے شرکا سے خطاب کرتے ہوئے کہا کہ ہمارا یہ اجتماع  تمام شہدائے پاکستان بالخصوص شہید قائد علامہ عارف حسین الحسینی اور پاک فوج ، پولیس، شہدائے اہل سنت ، شہدائے آرمی پبلک اسکول، شہید مولاناحسن جان، مولانا سرفراز نعیمی اور رفیق خاص شہید حسینی ڈاکٹر شہید محمد علی نقوی کی یاد کو تازہ کرنے کیلئے ہے،انہوں نے کہا کہ عدل کی حکمرانی قانون کی بالادستی کے بغیر ممکن نہیں، ظلم کے خلاف اپنے حقوق کے لیے قیام کرنا دراصل اللہ تعالیٰ کے لیے قیام ہے،شہید عارف حسینی نے لاقانونیت،اقربا پروری اور ظلم کے خلاف مزاحمت کا پرچم بلند کیا، شہید قائد سرزمین پاک پر نہ فقط اہل تشیع بلکہ اہل سنت کے حقوق کے بھی پاسبان تھے،ان کی خواہش تھی کہ پاکستان میں ظلم کا خاتمہ ہو اور امن کا رواج ہو،ناانصافی سے نجات ملے اور عدل کا نفاذ ہو،شہید قائد سرزمین پاک پر ظلم وجبر کے خلاف مزاحمتی تحریک کا علمبردار تھا،شہید کے افکار و سیرت سے آشنا ان کے معنوی فرزند آج بھی ان کے مشن پر گامزن ہیں،ہم ان ظالم وجابر حکمرانوں کےمقابل ہر صورت مزاحمت کریں گے،ستائیس برس گذرگئے حکومت پاکستان  قائد شہید کےقتل کی تحقیقاتی رپورٹ منظرعام پر لائے،عوام کو بتائے کے کون لوگ شہید کے قتل میں ملوث تھے،ہمارے پس شواہد موجود ہیں کے ہمارے محبوب قائد کے قتل کی سازش کے تانے بانے پاکستان میں موجود تین ممالک کے سفارت خانوں میں بنے گئے، انہوں نے کہا کہ ضرب عضب سے دہشت گردی کے خلاف زبردست نتائج حاصل ہوئے ہیں۔اس کا دائرہ کار پورے ملک تک وسیع کیا جانا چاہیے۔

انہوں نے کہا کہ نیٹو فورسز اور ہندوستانی فوج کو پاکستان آنے کی دعوت دینا ہرزہ سرائی ہے، پاکستان کی خود مختاری کے خلاف جارحیت کی مرتکب کسی بھی بیرونی طاقت کو ملک سے سلامت حالت میں واپس نہیں جانے دیا جائے گا، ہم نے ہزاروں جوانوں ، بزرگوں، بچوں اور ماوں بہنوں کے جنازے اٹھائے لیکن کبھی کسی ملک دشمن قوت کا دروازہ نہیں کھٹکٹایا،ہم کسی بیرونی ایجنسی کے آلہ کار نہیں بنے ، ہم نے کبھی پاک وطن کے پرچم نہیں جلائے، ہم نے کبھی کسی بے گناہ پاکستانی پر حملہ نہیں کیا، ثابت کیا جائے کہ کبھی کسی شیعہ یا سنی نےکسی شہری پر حملہ کیا ہو،کسی عبادت گاہ کو نشانہ بنایا ہو،ہماری غیرت کسی صورت گوارہ نہیں کرتی کہ وطن دشمن افواج کے بوٹ ہماری سرزمین پاک پر آئیں۔

انہوں نے مزید کہا کہ مجلس وحدت مسلمین سرزمین پاکستان پر آج ایک حقیقت کا روپ دہارچکی ہے، جس کا انکار کوئی اندھا یا بہرا ہی کرسکتا ہے، ہم نے ہر ظلم کے خلاف جہاد اور ہم مظلوم کی حمایت کا جو بیڑا ٹھایا تھا الحمد اللہ ہم اس مشن پر کاربند ہیں ، پاکستان کی سرزمین پر مظلوں کے حقوق کی کوئی ٹھوس آواز موجود ہے تو وہ مجلس وحدت مسلمین ہے، ظلم کے خلاف ہماری جنگ اب وائٹ ہائوس کی آنکھوں کا بھی کانٹا بننے لگی ہے، ملکی تقدیر کے فیصلوں میں ہمیں نظرانداز کرنے کا زمانہ گزرگیا، اب ہم اپنے حقوق کی مزید پامالی کسی صورت نہیں ہونے دیں گے۔

انہوں نے کہا کہ بلوچستان کے عوام قیام پاکستان سے اب تک استحصال کا شکار ہیں۔انہیں جاگیرداروں اور نوابوں کے شنکجے سے آزادی دلائی جائے اور تمام حقوق دیے جائیں۔ ہزارہ قبائل ایک آزاد ملک کے باسی ہونے کے باوجود محاصرے میں ہیں۔سیکورٹی ادارے اور حکومت انہیں تحفظ فراہم کرے، کوئٹہ شہر کی دو سٹرکیں بے گناہ شہریوں کی مقتل گاہ بنی ہوئی ہیں اور کوئی انہیں دہشت گردوں سے پاک کرنے وال نہیں ،ملک کی ترقی و استحکام کے لیے کرپشن کا خاتمہ انتہائی ضروری ہے۔کرپٹ عناصر پر جب تک آہنی ہاتھ نہیں ڈالا جاتا تب تک وطن عزیز میں ترقی کا سفر شروع نہیں ہو سکتا۔انہوں نے کہا کہ دہشت گردوں کی سرکوبی کے لیے بنایا جانے والا نیشنل ایکشن پلان کو درود و سلام پڑھنے والے شیعہ سنی افراد پر لاگو کیا جا رہا ہے ،جو دہشت گردی کے خلا ف حکومتی اقدامات کی قلعی کھولنے کے لیے کافی ہے۔بھکر ،چنیوٹ،جھنگ،کمالیہ ،جہلم اور سرگودھا سمیت ملک کے تمام علاقوں سے ہمارے بے گناہ قید کیے جانے والے افراد کو فوری رہا کیا جائے۔

 گلگت بلتستان پاکستان کا حصہ ہے اسے آئینی حقوق سے محروم رکھنا وہاں کی عوام کا استحصال ہے،انہیں پارلیمنٹ میں نمائندگی دی جائے،کیپٹن مرزا حسن نے گلگت بلتستان کو آزاد کر ا کر پاکستان میں شامل کرنے کا اعلان کیا آج انہی کے بیٹے کرنل نادرحسن کو وہاں کی ن لیگی  حکومت نے پابند سلاسل کر رکھا ہے جو محسن کشی ہے۔ایک محب وطن قومی ہیروکے بیٹے کو رہا کیا جائے۔

کانفرنس سے علامہ مختار امامی، علامہ عبد الخالق اسدی، علامہ سبطین حسینی،علامہ تصور جوادی، علامہ مقصود ڈومکی، سید ناصر شیرازی،تہور عباس، علامہ اعجاز حسین بہشتی، علامہ اصغر عسکری، نثار فیضی، علامہ مبشر حسن، ملک اقرار، مولانا ظہیر الحسن نقوی اور علامہ شبیر بخاری ،پیر انصرفرید چشتی سمیت دیگر مقررین نے خطاب کیا۔

وحدت نیوز (کراچی) مجلس وحدت مسلمین کے مرکزی سیکر ٹری اطلاعات و ترجمان سید مہدی عابدی نے کہا ہے کہ گزشتہ دنوں ڈی جی رینجرزکی جانب سے پیش کی جانے والی رپورٹ کو نظر انداز نہیں کیا جا سکتا رینجرز کی جانب سے دہشتگردی کی روک تھام کیلئے کئے جانے والے اقدامات قابل تحسین ہیں شہر بھر میں جرائم کے واقعات میں نمایاں کمی آئی لہذا اس رپورٹ پر سنجیدگی سے کام کیا جائے اور ملک و قوم کی نقصان پہچانے والوں کو قانون کی گرفت میں لیا جائے گزشتہ 14سالوں س سندھ میں کرپشن کے بادل چھائے ہوئے ہیں وزرا ء اپنی جیبیں بھر رہیں ہیں عوام بھوک و افلاس کی زندگی گزارنے پر مجبور ہے سندھ کے کچھ وزیروں پر تو روزانہ کی بینادوں پر رشوت کے الزامات ہیں عوام بھی ان وزراء کو مسترد کر چکی ہے اگر حکومت و قانون نافذ کرنے والے ادارں نے کرپٹ حکمرانوں کے خلاف بلاامتیاز کاروائی نہیں کی تو قومی دولت غیر ملکی اکاؤنٹس میں منتقل ہوتی چلی جائے گی ۔رینجرز کی جانب سے230ارب روپے سالانہ وصولی کی رپورٹ کو اگر سیاست کی بھیٹ چڑیا گیا تویہ ملک و قوم سے غداری کے مترادف ہے ۔اس معاشی دہشتگردی کے خلاف اب قومی سلامتی کے اداروں کو ہی الیکشن لینے کی ضرورت ہے ۔وحدت ہاؤس کراچی سے جاری اپنے بیان میں سیدمہدی عابدی نے کہاکہ سندھ کی موجودہ صورتحال میں بجٹ عوام دوست ہے تو صوبائی اداروں میں وہی کرپٹ افراد کیوں موجود ہیں جن پر کرپشن کے کئی مقدمات قائم ہیں ٹیکسس میں مذید اضافہ کیا جانا عوام دوستی نہیں سندھ میں بر سر اقتدار حکمران جماعت کی 14سالہ کار کر دگی کا اندازہ اس بات سے لگایا جا سکتا ہے کہ صوبہ میں بے روزگاری سمیت کرپشن کی شرع میں مذید اضافہ ہو گیا ہے این ایف سی ایوارڈ کے 3,800ارب روپے کے بجٹ کے باوجود کوئی میگا پروجیکٹ کو شروع نہیں کیاگیاجو در اصل صوبائی حکومت میں شامل وزراء کی کر پشن کی نظر ہو گیا صوبہ میں ترقیاتی کاموں کے حوالے سے آئے دن سکینڈل زرائع ابلاغ میں شائع کئے جاتے ہیں دوسری جانب شہر میں پانی و بجلی بحران نے عوام کا جینا دوبھر کر دیا ہے سندھ حکومت ٹینکرز مافیا کے ہاتھوں یرغمالی کا ڈامہ بھی بند کر دے عوام کی بوندھ بوندھ پانی سے محروم کرنے والے بھی ایسی حکومت کے وزیر ہیں۔انہوں نے کہا کہ سندھ بلنڈنگ کنٹرول اتھاڑی کی صورتحال سے عوام آشنہ ہے صوبائی حکومت میں شامل وزرا ء بھی ہزاروں ایکڑز زمین ہٹرپ چکے ہیں لینڈ فافیا کی جانب سے بھی اس شہر کے امن کو بڑا خطرہ لاحق ہے سید مہدی عابدی نے قومی سلامتی کے اداروں اور ایپکس کمیٹی سے مطالبہ کیا کہ دہشتگردوں اور کرپٹ حکمرانوں کے خلاف بلا امتیاز کاروائی کی جائے ملکی دولت ان سے نکلوایا جائے اور کسی سیاسی مصلحت کی خاطر ان مجرموں کو نہیں بخشہ جائے۔

وحدت نیوز (لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی کا کہنا ہے کہ شمالی وزیرستان میں شدت پسندوں کے خلاف کامیاب آپریشن کو ایک سال گزرنے پر پاک فوج کی جرات و بہادری کو جتنی داد دی جائے کم ہے۔ انہوں نے کہا کہ ان تکفیری دہشت گردوں کے خلاف آپریشن کے علاوہ کوئی چارہ نہیں تھا جبکہ شریف برادران صرف اپنے اہل خانہ کو تحفظ دینے کے لئے مذاکرات کا ڈھونگ رچاتے رہے۔ انہوں نے کہا کہ یہ فوج کا فیصلہ تھا جس کے باعث دہشت گردوں کے خلاف فوجی آپریشن شروع کیا گیا، مسلم لیگ نون کے اندر ابھی بھی دہشت گردوں کے لئے ہمدردیاں رکھنے والے موجود ہیں۔ انہوں نے کہا کہ ضرورت اس امر کی ہے کہ وزیرستان کی طرز پر آپریشن بلوچستان اور کراچی میں بھی کیا جائے، تاکہ آئندہ آنے والے دنوں میں سانحہ پشاور جیسے افسوسناک واقعات کو روکا جاسکے۔ مجلس وحدت مسلمین کے رہنماء نے اس بات پر بھی زور دیا کہ وزیراعظم پاکستان کو چاہئے بھارتی وزیراعظم کے بیان کا منہ توڑ جواب دیں، مگر میاں نواز شریف کے اندر بھارت کے لئے ہمدردیاں کچھ زیادہ ہیں، جس کی وجہ ان کے وہاں ذاتی مفادات ہیں، جس کو پوری قوم سے مخفی رکھا جاتا ہے۔

علامہ اسدی کا مزید کہنا تھا کہ آپریشن ضرب عضب کا دائرہ پنجاب سندھ اور بلوچستان تک پھیلایا جائے، پنجاب میں دہشت گرد تنظیموں کو ایک مکمل منصوبہ بندی کے تحت تحفظ دیا جا رہا ہے، جنوبی پنجاب میں شدت پسند تکفیری گروہ کو مکمل آزادی کے ساتھ اپنے دہشت گرد مراکز چلانے کی اجازت ہے، اس کے برعکس محب وطن شہریوں کو پنجاب حکومت اپنے سیاسی حریف ہونے کے ناطے انتقامی کارروائیوں کا نشانہ بنا رہے ہیں، کوئٹہ میں شدت پسند تکفیری گروہ قانون کی دھجیاں اڑانے میں مصروف ہیں، سرعام لوگوں کے قتل عام کے فتوے جاری کرتے ہیں، لیکن صوبائی حکومت سمیت قانون نافذ کرنے والے ادارے خاموشی تماشائی بنے بے گناہوں کی نسل کشی دیکھ رہے ہیں، انڈیا انہی شدت پسندوں کے ذریعے پاکستان کے معاشی شہ رگ اقتصادی راہ داری کو سبوتاژ کرنے کے درپے ہے، آج ہمارے اداروں کے پالے یہ دہشت گرد وطن عزیز کی سلامتی کے لئے سب سے بڑا خطرہ بن چکا ہیں، اگر پاکستان کے سلامتی کے اداروں نے اپنی روش تبدیل نہ کی تو پوری قوم کو ناقابل یقین نقصان کا سامنا کرنا پڑے گا۔

وحدت نیوز (لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی نے گوجرانوالہ میں سید مظہر حسین نقوی کی ٹارگٹ کلنگ کی شدید مذمت کرتے ہوئے کہا کہ پنجاب میں دہشت گرد آزاد انہ اپنی کاروائیاں جاری رکھے ہوئے ہیں جبکہ حکومت صرف بیانات سے کام لے رہی  ہے، علامہ عبدالخالق اسدی نے کہا گوجرانوالہ جو حکمران جماعت کا مرکز ہے میں دہشت گردوں کا امن کمیٹی کے ممبر سید مظہر حسین کو نشانہ بنا نا لمحہ فکریہ ہے انہوں نے کہا کہ دہشت گرد اپنے آپ کو حکمران جماعت کے حلقوں میں محفوظ تصور کرتے ہیں،انہوں نے کہا جس حکومت کی نمائند گی دہشت گردوں کے ساتھی کریں اس سے بھلائی کی توقع  رکھنا بے مقصد ہے۔

علامہ عبدالخالق اسدی کا کہنا ہے کہ دہشت گرد جان لیں کہ شیعہ قوم ملک کے لئے قربانیاں دینے سے تھکنے والی نہیں لیکن حکمرانوں کی بے حسی پر ہم خاموش بھی نہیں رہیں گے،علامہ اسدی نے کراچی میں بوہری برادری کے عبادت خانے پر دہشت گردوں کی مذمت کرتے ہوئے کہا کہ کراچی کی امن کو تباہ کرنے والوں کے ساتھ آہنی ہاتھوں سے نمٹنا ہو گا،بصورت دیگر پچھتاوے کے سوا کوئی ہاتھ نہیں آئے گا۔