The Latest

وحدت نیوز(لاہور) ‎مجلس وحدت مسلمین شعبہ خواتین ضلع لاھور کے اراکین کابینہ نے محترمہ حنا تقوی سیکرٹری جنرل لاھور کی قیادت میں مجلس وحدت مسلمین شعبہ خواتین کی مرکزی سیکرٹری جنرل اور رکن پنجاب اسمبلی محترمہ سیدہ زھرا نقوی سے لاھور میں ملاقات کی۔ ‎اراکین ضلعی کابینہ نے محترمہ زھرا نقوی کی عیادت کی اور ان کی احوال پرسی کی ۔

علاوہ ازیں ایم ڈبلیو ایم شعبہ خواتین ضلع لاھور کی تنظیمی فعالیت و کارکردگی سے بھی آگاہ کیا۔ اس موقع پر محترمہ سیدہ زھرا نقوی نے شعبہ خواتین لاھور کی کاوشوں کو سراھا۔ ماہ محرم الحرام کی تیاریوں کے حوالے سے خصوصی گفتگو کرتے ہوئے ان کا کہنا تھا کہ عصر حاضر میں تمام اہلِ منبر حضرات کی زمہ داری ہے کہ قیامِ امام حسین ع کے مقاصد کو عام کریں اور لوگوں کو واقعہ کربلا کی حقیقی و مستند تاریخ سے آگاہ کیا جاۓ

ان کا مزید کہنا  تھا کہ امام حسین  علیہ السلام نے یزید ملعون کی ظالم قوت و حکومت کے خلاف دین اسلام کی سربلندی کے لیے کلمہ حق بلند کیا آج امام حسین علیہ السلام کے پیروکاروں پر لازم ہے کہ جہاں بھی ظلم و ستم ہوتے ہوئے دیکھیں  وہاں مظلومنین کے حق کے لیے بھرپور آواز اٹھائیں اسی طرح ہم ایک آئیڈیل اسلامی معاشرے کی تشکیل کر سکتے ہیں۔

خواتین کے کردار پر گفتگو کرتے ہوئے محترمہ زہرا نقوی  کا کہنا تھا کہ عورت ہر معاشرے کی بنیاد ہوتی ہے۔سیرت زینبیہ پر عمل کرتے ہوئے خواتین گھروں کے ساتھ ساتھ معاشرے کی تشکیل میں بھی اپنا فعال کردار ادا کریں۔‎میٹنگ میں ایام عزا کے دوران درپیش مسائل و مشکلات پر بھی مشاورت کی گئی۔

وحدت نیوز(رتوڈیرو) مجلس وحدت مسلمین شعبہ خواتین کی مرکزی وصوبائی عہدیداران کے وفدنے ضلع لاڑکانہ کے گاؤں گوٹھ عثمان اونڑ کا دورہ کیا اور وہاں مقیم تمام مکینوں نے مذہب حقہ اہل بیت ؑ اختیار کرنے کا اعلان کردیا ۔بعدازاں اس گوٹھ میں قائد وحدت علامہ راجہ ناصر جعفری حفظہ اللہ کی عظیم اور باعمل قیادت کی طفیل ایک مسجد کی بنیاد رکھی گئی جس میںالحمد اللہ نماز پنجگانہ ،قران سینٹر، اور درس وتدریس کی کلاسزکا باقائدہ آغاز کردیاگیاہے۔

گوٹھ کا دورہ کرنے والی ایم ڈبلیوایم شعبہ خواتین کی رہنماؤں محترمہ شبانہ میرانی، محترمہ سیمی نقوی محترمہ رقیہ ڈومکی نے کہاکہ مجلس وحدت مسلمین ضلع لاڑکانہ خصوصاًمرکزی ترجمان علامہ مقصودڈومکی اور ضلعی سیکریٹری جنرل برادر عبد الرزاق جلبانی کی بے انتہا کوششوں سے شعبہ خواتین کی کاوشیں رنگ لائیں ۔

وحدت نیوز(جیکب آباد) مجلس وحدت مسلمین شعبہ خواتین کی مرکزی مسئول رابطہ سیمی نقوی،مرکزی مسئول تحفظ عزاداری محترمہ شبانہ میرانی ،محترمہ رقیہ ڈومکی جنرل سیکرٹری جیکب آباد کے زیر سرپرستی مدرسہ خدیجہ الکبریٰ ع المرتضیٰ کالونی میں ایک دعائیہ پروگرام میں  شرکت کی محترمہ سیمی نقوی نے بچیوں کو درس دیتے ہوئے کہا کہ ایام عزاء کو فکری انداز منائیے اپنے واجبات کو ادا کرتے ھوئے بی بی سکینہ ع کی بی بی زینب ع کی پیروی کرتے ھوئے اپنے پردوں کی حفاظت کیجئیے عورت کا سب سے بڑا ہتھیار اس کی چادر اس کا پردہ ہےدوسری نشست میں محترمہ رقیہ ڈومکی اور وھاں کی معلمات سے تبادلہ خیال کیا مدرسہ خدیجۃ الکبریٰ میں  40 بچیاں زیر تعلیم ھیں 25 بچیاں رھائش پزیر ہیں جن کو مفت تعلیم دی جاتی ہے ہردن کی مناسب سے دعائوںکے  اجتماع رکھے جاتے ہیں۔

وحدت نیوز(لاہور) سربراہ مجلس وحدت مسلمین پاکستان علامہ راجا ناصر عباس جعفری کی  بھارت کی جانب سے ریاست کشمیر سے آرٹیکل 370 جبری طور پر ختم کرنے اور کشمیری عوام پر بھارتی مظالم کے خلاف ملک گیر احتجاج کی کال پر آج لاھور پریس کلب کے باہر ایم ڈبلیو ایم لاھور کی جانب سے بھرپور احتھاج کیا گیا۔ شرکاء نے مودی حکومت مخالف اور کشمیری عوام کی حمایت میں پلے کارڈز اٹھا رکھے تھے۔ ریلی کی قیادت علامہ حسن رضا ہمدانی، سیکرٹری جنرل مجلس وحدت مسلمین شمالی لاہور برادر نجم خان نے کی۔ مجلس وحدت مسلمین شعبہ خواتین لاھور کی جانب سے ضلعی سیکرٹری جنرل محترمہ حنا تقوی اور ڈپٹی سیکرٹری جنرل محترمہ عظمی نقوی کی سربراھی میں خواتین اور بچوں کی بھرپور تعداد نے احتجاج میں شرکت کی۔

شرکاء سے خطاب کرتے ہوۓ محترمہ حنا تقوی کا کہنا تھا کہ  کشمیری عوام تنہا نہیں پاکستان کے بچے ، جوان ، مرد و خواتین سب بھارت کے اس جبری و ظالمانہ اقدام کو مسترد کرتے ہیں کشمیر کی آزادی کیلئے کشمیری عوام اور پاک افواج کے شانہ بشانہ کھڑے ہیں. کشمیر کی ڈیموگرافی تبدیل کرنے کی سازش کسی صورت کامیاب نہیں ہونے دیں گے بھارتی مظالم کی انتہا کشمیریوں کی تحریک آذادی کو نہیں دبا سکتی۔

 انہوں نے کہا کہ ہم پاکستان بنانے والوں میں سے ہیں اس کے باوجود ہمارے جوانوں کو جبری لاپتہ کرنا ہماری حب و الوطنی کے ساتھ ناانصافی ہے گزشتہ روز اسلام آباد سے سابق صدر آئی ایس او یافس نوید کا جبری لاپتہ ہو جانا لمحہ فکریہ ہے۔ احتجاجی ریلی سے خطاب کرتے ہوۓ  علامہ حسن رضا ہمدانی صاحب کا کہنا تھا کہ ریاست کشمیر سے آرٹیکل 370 کو جبری ختم کر کے کشمیری ڈیموگرافی کو ہرگز تبدیل نہیں ہونے دینگے۔ کارگل میں دہشت گرد ریاست کی ہندوستان کے خلاف کیے جانے والے سینکڑوں مظاہرین کی ظالمانہ گرفتاری کی بھرپور مذمت کرتے ہیں۔ انہوں نے کہا کہ مسئلہ کشمیر کو اقوام متحدہ کی قرارداد کے مطابق حل کیا جائے۔انہوں نے کہا کشمیری اپنے حق کیلئے لڑتے رہیں ہیں اور کشمیر کی آزادی کی جدوجہد پاکستان کی تکمیل کی جدوجہد ہے. شرکائے ریلی نے مودی حکومت کے خلاف شدید نعرے بازی کی اور غم و غصے کا اظہار کیا۔

وحدت نیوز(اسلام آباد) مجلس وحدت مسلمین شعبہ خواتین کی مرکزی سیکرٹری سیاسیات خانم سیدہ نرگس سجاد جعفری نے کہا کہ بھارتی اقدام قانون کی بالادستی اور انسانی حقوق پر ضرب ہے۔ ان اقدامات سے نام نہاد بھارتی جمہوریت کا چہرہ دنیا کہ سامنے بے نقاب ہوگیا میڈیا کو جاری بیان میں ان کا کہنا تھا کہ مقبوضہ کشمیر میں احتجاج روکنے کے لیے کمیونیکیشن نظام کا بلیک آؤٹ کیا گیا، فوج بڑھائی گئی اور سیاسی قیادت کو نظر بند کیا گیا، مقبوضہ کشمیر کے باسیوں پر بے جا پابندیاں لگائی گئی ہیں، یہ اقدام نہ صرف عالمی بلکہ بھارت کے داخلی قوانین کے بھی خلاف ہیں۔

 ان کا کہنا تھا کہ جموں و کشمیر کی آزاد حیثیت کے خاتمے سے انسانی حقوق کے بحران میں شدت آئی ہے۔ کشمیر کے مسلمان اس وقت اکیلے نہیں ہیں پاکستان کے عوام سیاسی ، سفارتی  اور اخلاقی محاذ پر کشمیریوں کے ساتھ کھڑے ہیں۔  ان کا کہنا تھا کہ قائد وحدت علامہ راجہ ناصر عباس جعفری کے حکم پر 9 اگست بروز جمعہ ملک بھر میں احتجاجی ریلیاں نکال کر مظلومین کشمیر سے اظہار یکجہتی کیا جائے گا انھوں نے اپیل کی زیادہ سے زیادہ تعداد میں محب وطن پاکستانی کشمیری عوام کے حق میں آواز اٹھائیں۔

وحدت نیوز(ڈیرہ اللہ یار) المصطفیٰ ویلفیئر آرگنائزیشن اور مجلس وحدت مسلمین شعبہ خواتین کے زیراہتمام تعمیر ملت پبلک اسکول ڈیرہ اللہ یار میں عظیم الشان کانفرنس بعنوان (اسلام میں خواتین کے حقوق و فرائض) منعقد کی گئی ۔کانفرنس سے خطاب کرتے ہوئے مجلس وحدت مسلمین کی رہنما محترمہ رقیہ سلطانہ نے کہا کہ صنف نسواں کو ہر دور میں امتیازی سلوک کا نشانہ بنایا گیا دور جاہلیت میں خواتین کو ننگ و عار کی علامت سمجھا جاتا تھا اسی لیے وہ اپنی بیٹیوں کو زندہ دفن کر دیتے تھے قرآن کریم نے دور جاہلیت کے اس رویئے کو شرمناک قرار دیتے ہوئے فرمایا(جب نو مولود بچیوں کے بارے میں پوچھا جائے گا کہ انہیں کس جرم میں قتل کیا گیا)دین مقدس اسلام اور نبی کریم صلی اللہ علیہ وسلم نے فرمایا بیٹیاں ذلت نہیں رحمت ہیں۔

کانفرنس سے خطاب کرتے ہوئے تعمیر ملت پبلک اسکول ڈیرہ اللہ یار کی پرنسپل محترمہ یاسمین بلیدی نے کہا کہ ہم اپنی مظلوم کشمیری بہنوں سے یکجہتی کا اظہار کرتی ہیں۔ ہمارے دل کشمیر کے ساتھ دھڑکتے ہیں۔اس موقع پر محترمہ شبانہ اور محترمہ گلشن زھراء نے بھی خطاب کیا۔ اس موقع پر ادارہ جماران حفظ قرآن کریم جیکب آباد کی طالبات نے قرآن کریم کی اجتماعی تلاوت جبکہ مدرسہ خدیجہ الکبری ع کی طالبات نے نعت رسول مقبول صلی اللہ علیہ وسلم پیش کی۔

 

وحدت نیوز(کراچی) بھارت عالمی دھشتگرد ہے کشمیر میں بھارتی انہتا پسندی دنیا سے ڈھکی چھپی نہیں۔ ستر سال سے زائد کا عرصہ گزر چکا کشمیری عوام اپنا حق خودارادیت حاصل کرنے کے لیے ایک طویل جدوجہد جاری رکھے ہوۓ ہیں ان خیالات کا اظہار رکن پنجاب اسمبلی و مجلس وحدت مسلمین شعبہ خواتین کی مرکزی سیکرٹری جنرل محترمہ سیدہ زھرا نقوی نے میڈیا سیل سے جاری ایک بیان میں کیا ۔

انھوں نے بھارت کی غاصبانہ حکومت کی جانب سے مقبوضہ کشمیر کی عوام پر ظلم کی انتہا اور عالمی قوانین کی دھجیاں بکھیرتے ہوۓ  خصوصی اختیارات سے متعلق آرٹیکل 370 ختم کرنے کی شدید الفاظ میں مذمت کی۔ ان کا کہنا تھا کہ بھارت اور اسرائیل ایک ہی سکے کے دو رخ ہیں جو کہ مسلمانوں سے نفرت میں ظلم و ذیادتی کی تمام حدیں پار کر چکے ہیں۔ مودی سرکار خطے کے امن و امان کو خطرے میں ڈال رہی ہے۔ بھارت کو یاد رکھنا چاہئے کہ کشمیر پاکستان کی شہ رگ ہے اور پاکستانی عوام اپنے کشمیری بہن بھائیوں کی حمایت جاری رکھیں گے۔

انھوں نے کہا کہ حکومت پاکستان بین الاقوامی سطح پر ہر فورم پر بھارتی مظالم اور کشمیری عوام کے حق آذادی کے لئے آواز اٹھاۓ گی انھوں نے مزید کہا کہ کشمیری عوام دہائیوں سے جانوں کے نذرانے پیش کر رہی ہے شھداء کا مقدس لہو رائیگاں نہیں جاے گا اور کشمیری عوام اپنی آذادی کا سورج طلوع ہوتے ضرور دیکھیں گے۔ محترمہ زھرا نقوی نے خواتین سے اپیل کی وہ جمعے کے روز مجلس وحدت مسلمین کے سربراہ علامہ راجا ناصر عباس جعفری کی اپیل پر لبیک کہتے ہوۓ گھروں سے نکلیں اور اپنے مظلوم کشمیری بہن بھائیوں کے حق میں صداۓ احتجاج بلند کریں۔

وحدت نیوز(اسلام آباد) قائد ملت جعفریہ شھید علامہ عارف حسین الحسینیؒ کی اکتیسیویں برسی کے موقع پر مجلس وحدت مسلمین پاکستان کی جانب سے سالہاۓ گزشتہ کی طرح فقید المثال ناصران ولایت کانفرنس منعقد کی گئ جس میں ملک کے گوش و کنار سے فرزندان شھید نے شرکت کی اس موقع پر کنیزان زینب سلام الله علیھا بھی پیش پیش رہیں اور مجلس وحدت مسلمین شعبہ خواتین کی جانب سے چلائی گئی بھرپور دعوتی مہم کے نتیجے میں ھزاروں پیروان سیدہؑ نے کانفرنس میں شرکت کی۔ ضلع راولپنڈی ، اسلام آباد ، لاھور، چینیوٹ ، سرگودھا ، فیصل آباد ، ملتان ، ھری پور، جھلم ، اٹک ، تلہ گنگ، سکھر  اور دیگر علاقوں سے خواتین نے بھرپور شرکت کی۔ کانفرنس سے ایم ڈبلیو ایم پاکستان کے مرکزی راہنماوں اور دیگر مقررین نے خطاب کیا اور شھید قائد کے افکار پر روشنی ڈالی۔

آخر میں خصوصی خطاب سربراہ مجلس وحدت مسلمین علامہ راجا ناصر عباس جعفری نے کیا اس عظیم الشان کانفرنس میں مجلس وحدت مسلمین شعبہ خواتین کی مرکزی سیکرٹری سیاسیات محترمہ نرگس سجاد ، مرکزی سیکرٹری فلاح و بہبود محترمہ فرحانہ گلزیب ، مرکزی سیکرٹری تنظیم سازی محترمہ معصومہ نقوی ، مرکزی سیکرٹری روابط محترمہ سیمی نقوی ،مرکزی سیکرٹری اطلاعات محترمہ عرفہ عباس ، مرکزی سیکرٹری ورکنگ وومن محترمہ ڈاکٹر ردا فاطمہ ، مرکزی سیکرٹری مالیات محترمہ قراة العین ،مرکزی سیکرٹری شماریات محترمہ فرح دیبا اور مرکزی سیکرٹری تحفظ عزاداری محترمہ شبانہ میرانی بھی شریک تھیں۔

 ضلع راولپنڈی کی سیکرٹری جنرل اور مرکزی سیکرٹری شعبہ جوانان جنرل محترمہ قندیل کاظمی ، مرکزی آفس سیکرٹری محترمہ بینا شاہ اور سیکرٹری جنرل اسلام آباد محترمہ صدیقہ کائنات ، محترمہ سیمی نقوی اور دیگر نے اپنے کارکنان کے ہمراہ شعبہ خواتین کی جانب سے تمام امور جن میں استقبالیہ ،سیکیورٹی ، طعام، بھی شامل تھے ،پروگرام کے دیگر انتظامی امور اور نظم و ضبط کو برقرار رکھنے کے لیے بہترین حکمت عملی اور ٹیم ورک کا مظاھرہ کیا۔راولپنڈی ، اسلام آباد ، مری ، اٹک ، جامعہ بعثت اور  تلہ گنگ کے رضاکار دستوں نے کانفرس میں اپنے فرائض و خدمات انجام دیں۔

 

وحدت نیوز(اسلام آباد)  مجلس وحدت مسلمین پاکستان شعبہ خواتین کی مرکزی سیکرٹری سیاسیات خانم سیدہ نرگس سجاد جعفری کا کہنا ہے کہ مقبوضہ جموں و کشمیر کی آئینی حیثیت تبدیل کرنے کی یکطرفہ احمقانہ بھارتی کوشش خطہ کےامن کے لیے خطرناک ہے ان کا کہنا تھا کہ  بھارت کشمیر میں جاری انسانی حقوق کی خلاف ورزیوں سے عالمی برادری کی توجہ ہٹانے کیلئے اس طرح کے نا عاقبت اندیشانہ حرکتیں کررہا ہے۔ بھارت کے ان اقدامات سے تحریک آذادی کو مزید تقویت ملی۔

میڈیا سیل سے جاری بیان میں ان کا کہنا تھا کہ بھارتی اقدامات اقوام متحدہ کی قراردادوں کی کھلی خلاف ورزی ہے۔ عالمی اداروں اور بین الاقوامی طاقتوں کو مسئلہ کشمیر کے حل میں اپنا کردار ادا کرنا ہوگا کیونکہ یہ ایک ارب سے زاہد انسانوں کی موت و حیات کا مسئلہ ہے ۔ حکومت پاکستان کو چاہیئے کہ دوست ممالک سے رابطے کرے اور سلامتی کونسل اور او آئی سی کا اجلاس طلب کرنے کا مطالبہ کرے۔ انھوں نے کہا کہ ہر پاکستانی کا دل اپنے کشمیری بھائیوں اور بہنوں کے ساتھ دھڑکتا ہے مشکل کی اس گھڑی میں مجلس وحدت المسلمین کے کارکنان کشمیر کی عوام کے ساتھ کھڑے ہیں۔

وحدت نیوز (چنیوٹ) مرکزی سیکرٹری ورکنگ وومن مجلس وحدت مسلمین شعبہ خواتین فزیوتھرسٹ محترمہ ڈاکٹر ردا فاطمہ خدمت خلق کے لیے مصروف عمل ہیں۔مجلس وحدت مسلمین پاکستان کی جانب سے تحصیل بھوانہ کے علاقے واڑہ سادات میں قائم کردہ ھادی فری کلینک میں فزیوتھراپی کی سہولت میسر آگئی۔ ضلع چینیوٹ کی تحصیل بھوانہ میں واڑہ سادات کے مقام پر ھادی فری کلینک کی بنیاد مجلس وحدت مسلمین کی جانب سے رکھی گئی۔

اراکین کی مخلصانہ کاوشیں اس کلینک کو کامیاب بنانے کے لیے جاری ہیں اسی سلسلہ میں مجلس وحدت مسلمین شعبہ خواتین کی مرکزی مسئول ورکنگ وومن  فزیوتھرپسٹ محترمہ ڈاکٹر ردا فاطمہ نے ہر اتوار دو گھنٹے کے لیے اپنی خدمات انجام دینے کے عزم کا اظہار کیا آج پہلی اتوار میں تقریباً انچاس مریضوں نے فزیوتھرپی کی سہولت سے استفادہ کیا۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree