وحدت نیوز (گجرانوالہ) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری حفظہ اللہ نے اپنے دورہ سینٹرل پنجاب کا آغاز کردیا ہے۔ مرکزی وصوبائی قائدین کے ہمراہ گجرات وگجرانوالہ پہنچنے پر ضلعی رہنماؤں ،کارکنان اور عوام کی جانب سے سربراہ ایم ڈبلیوایم کا پرتپاک استقبال کیا گیا۔
گجرات اور گجرانوالہ کی شہراہوں پر مجلس وحدت مسلمین کے مرکزی قائدین کی آمد کی مناسبت سے قد آورخیر مقدمی بینرز آویزاں کیئے گئے تھے ۔ گجرانوالہ میں ایک بڑی ریلی نے سربراہ ایم ڈبلیوایم علامہ راجہ ناصرعباس کا استقبال کیا اور موٹر سائیکل اور کار سوار سینکڑوں شرکاءنے جلوس کی صورت میں انہیں مرکزی امام بارگاہ پہنچایا۔
بعد ازاں علامہ راجہ ناصرعباس جعفری نے تنظیمی عہدیداران سمیت سےملاقات کی اور عوامی اجتماعات سے بھی خطاب کیا۔ اس موقع پر مرکزی ڈپٹی سیکریٹری جنرل ناصرعباس شیرازی ، مرکزی سیکرٹری یوتھ علامہ اعجاز بہشتی،صوبائی سیکریٹری جنرل سنٹرل پنجاب علامہ عبد الخالق اسدی،مرکزی سیکرٹری سیاسیات سید اسد عباس نقوی، معاون مرکزی سیکریٹری تنظیم سازی آصف رضا سمیت صوبائی عہدیداران سید حسن کاظمی،سید سجاد بخاری اور رائے ناصر بھی موجود تھے۔