Print this page

ایم ڈبلیوایم کے زیر اہتمام آزادی فلسطین مارچ آج ہوگا، علامہ راجہ ناصرعباس سمیت دیگر شیعہ سنی قائدین خطاب کریں گے

25 نومبر 2023

وحدت نیوز(لاہور)مجلس وحدت مسلمین پاکستان کے زیر اہتمام آزادی فلسطین مارچ آج پنجاب اسمبلی سے امریکن قونصلیٹ کی جانب ہوگا۔ مارچ کا آغاز دوپہر دو بجے فیصل چوک پنجاب اسمبلی سے ہوگا۔ اور اختتام امریکن قونصلیٹ شملہ پہاڑی کے سامنے ہوگا۔مارچ کی قیادت سربراہ مجلس وحدت مسلمین پاکستان علامہ راجہ ناصرعباس کریں گے۔ نائب امیر جماعت اسلامی لیاقت بلوچ،سربراہ متحدہ جمعیت اہلحدیث علامہ ضیاللہ شاہ بخاری،صدر آئی ایس او برادر حسن عارف،سربراہ جماعت اہل حرم مفتی گلزاراحمدنعیمی،مرکزی رہنماجمعیت علمائے پاکستان پیر صفدر گیلانی، سمیت سیاسی سماجی شخصیات بھی مارچ کی قیادت کرتے ہوئے امریکن قونصلیٹ شملہ پہاڑی پہنچیں گے اور جلسہ عام سے خطاب کریں گے۔

مارچ میں خواتین اور بچے بھی ہزاروں کی تعداد میں شرکت کرکے مظلوم فلسطینی مسلمانوں سے اظہار یکجہتی کریں گے۔ مجلس وحدت مسلمین پنجاب کے صدر علامہ علی اکبر کاظمی نے کہا ہے کہ آج کا آزادی فلسطین مارچ تاریخ ساز ہوگا۔ عامۃ الناس مارچ میں شرکت کرکے اپنے فلسطینی بھائیوں اور بہنوں سے اظہار یکجہتی کریں گے۔ پنجاب اسمبلی اور لاہور پریس کلب کے باہر میڈیا سے گفتگو کرتے ہوئے انکا مزید کہنا تھا کہ مارچ کی تمام تر تیاریاں مکمل کرلی گئی ہیں ان شا اللہ پرامن مارچ کے ذریعے پوری دنیا کو پیغام دیں گے کہ فلسطینی اکیلے نہیں ہیں، لیکن مسلمانوں کے صبر کا مزید امتحان نہ لیا جائے وگرنہ عالمی امن خطرے میں پڑ جائے گا۔

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree