وحدت نیوز (لاہور) مجلس وحدت مسلمین پنجاب کے سیکرٹری جنرل علامہ مبارک موسوی پر قاتلانہ حملہ ناکام بنا دیا گیا۔ علامہ مبارک موسوی کے سکیورٹی گارڈ نے ملزم کو دبوچ لیا۔ ملزم رحمان عزیز ون ٹو فائیو موٹر سائیکل پر سوار تھا۔ واقعہ تھانہ اسلام پورہ کی حدود میں پیش آیا۔ ملزم سےبیریٹا 9mm پستول بھی برآمد کر لیاگیا۔ علامہ مبارک موسوی کے محافظوں نے مبینہ دہشت گرد کو اسلام پورہ پولیس کے حوالے کر دیا۔ پولیس نے رات گئے ملزم کو رہا کر دیا تھالیکن میڈیا پر خبر نشرہونے کے بعد پولیس نے مبینہ حملہ آورکو دوبارہ گرفتار کرلیاہے جس سے تفتیش جاری ہے ۔