وحدت نیوز(لاہور) صوبائی صدر مجلس وحدت مسلمین پنجاب جناب حجت الاسلام والمسلمین علامہ سید علی اکبر کاظمی کی اپنے وفد کے ہمراہ علامہ اقبال ٹاون میں زائرین بی بی پاک دامن کے لئے لگائے گئے موکب میں حاضری ۔

 ہر سال 5 محرم الحرام کو ٹھوکر لاہور سے بی پاکدامن سلام اللہ علیہا کے راستے میں مختلف مقامات پر سبیلیں اور نیازوں کا اہتمام کیا جاتا ہے تاکہ بی پاکدامن کے پیدل چلنے والے زائرین کو کسی قسم کی تکلیف نہ ہو ۔ 

پاک پولی ٹیکنیکل انسٹیوٹ اقبال ٹاون میں ہزاروں عزاداروں اور زائرین کے لئے خیمہ سبیل (موکب) لگایا گیا ۔جس سے ہزاروں عزادار مومنین نے استفادہ کیا ۔ اس موکب میں نذرونیاز کا وسیع انتظام کیا گیا تھا ۔

 صوبائی صدر نے پاک پولی ٹیکنیکل انسٹیٹیوٹ اقبال ٹاؤن موکب کی انتظامیہ کا زائرین عزاداران کے لئے لگائے گئے موکب خیمہ سبیل کی تعریف کی اور بہترین انتظامات کرنے پر موکب انتظامیہ کے اقدامات کو سراہا جس پر پاک پولی ٹیکنیکل انسٹیٹیوٹ موکب کی انتظامیہ نے صوبائی صدر کا شکریہ ادا کیا کہ انہوں یہاں آکر ان کے حوصلوں کو بڑھایا ۔