وحدت نیوز ( پاکپتن ) سربراہ مجلس وحدت مسلمین علامہ راجہ ناصر عباس جعفری کی اپیل پر ملک گیر یوم احتجاج برائے مظلومین شام و مصر کے موقع پر پاکپتن میں بھی احتجاجی ریلی نکالی گئی ، جس کی قیادت ضلعی سیکرٹری جنرل طالب حسین اسدی اور سرپرست انجن حسینیہ سید مروت زیدی نے کی ۔احتجاجی ریلی امام حسینؑ چوک پر جلسہ کی شکل اختیار کر گئی۔ریلی میں شریک مومنین سے طالب حسین اسدی، سید مروت زیدی، مولانا امداد حسین اور مولانا شاہد حسین شمسی نے خطاب کیا جس میں امریکہ و اسرائیل کی شدید الفاظ میں مذمت کی گئی۔