وحدت نیوز(لاہور) مجلس وحدت مسلمین و دیگر سیاسی جماعتوں کی جانب سے پنجاب حکومت کے آئندہ بلدیاتی انتخابات کے غیرجماعتی بنیادوں پر انعقاد کے فیصلے کے خلاف لاہور ہائی کورٹ میں دائر درخواست پرفیصلہ سناتے ہوئے چیف جسٹس لاہور ہائی کورٹ نے پنجاب حکومت کے فیصلے کو مسترد کر دیا ہے ، پنجاب میں آئندہ بلدیاتی انتخابات جماعتی بنیادوں پر کرانے کا حکم جاری ،گذشتہ روزچیف جسٹس لاہور ہائی کورٹ عمرعطا بندیال اور جسٹس فرخ عرفان خان پر دو رکنی خصوصی بینچ نے پنجاب لوکل گورنمنٹ آرڈیننس 2013کے خلاف مجلس وحدت مسلمین ، پاکستا ن پیپلز پارٹی ، پاکستان تحریک انصاف سمیت7متفرق درخواستوں کی سماعت کی ، لاہور ہائی کورٹ نے فریقین کا موقف سننے کے بعد قرار دیا کہ پنجاب اسمبلی سے منظور کرایا گیا لوکل گورنمنٹ ایکٹ 2013کا سیکشن 18بنیادی حقوق کے منافی ہے ، تاہم حلقہ بندیوں کااختیار پنجاب حکومت کو حاصل ہے ۔